India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News April 30, 2024
కాకినాడ: ‘నేడు ఈ 18 మండలాల్లో వడగాల్పులు’
కాకినాడ జిల్లాలోని 18 మండలాల్లో మంగళవారం వడగాల్పులు వీచే అవకాశం ఉందని జిల్లా కలెక్టర్ జె.నివాస్ సోమవారం తెలిపారు. ఏపీ రాష్ట్ర విపత్తుల నిర్వహణ సంస్థ హెచ్చరికల ప్రకారం.. గండేపల్లి, గొల్లప్రోలు, జగ్గంపేట, కాకినాడ రూరల్, కరప, కిర్లంపూడి, కోటనందూరు, ఉప్పాడ కొత్తపల్లి, పెదపూడి, పెద్దాపురం, పిఠాపురం, ప్రత్తిపాడు, రౌతులపూడి, శంఖవరం, సామర్లకోట, తొండంగి, తుని, ఏలేశ్వరం మండలాల్లో వడగాలులు వీస్తాయన్నారు.
News April 29, 2024
పవన్ మండపేట పర్యటన తాత్కాలికంగా వాయిదా
ఏప్రిల్ 30వ తేదిన ఉండవల్లిలో చంద్రబాబు నివాసంలో ఉమ్మడి మేనిఫెస్టో విడుదల చేస్తున్న సందర్భంగా మండపేట నియోజకవర్గంలో జరగాల్సిన వారాహి విజయభేరి బహిరంగ సభ తాత్కాలికంగా వాయిదా వేస్తున్నట్టు పార్టీ కార్యాలయం ఓ ప్రకటన విడుదల చేసింది. ఈ విషయాన్ని కూటమి శ్రేణులు గమనించాలని, ఇదే వారంలో తిరిగి పవన్ కళ్యాణ్ పర్యటన ఉంటుందని పేర్కొంది. తేదీ ఖరారు కాగానే వివరాలు తెలియజేస్తామని నాయకులు తెలిపారు.
News April 29, 2024
కుమార్తె సమక్షంలో టీడీపీలో చేరిన తల్లి
రాజవొమ్మంగి మండలం గింజర్తి వార్డు మెంబర్ కృష్ణవేణి టీడీపీలో చేరారు. ఆమె వార్డు మెంబర్‌గా గతంలో ఏకగ్రీవంగా ఎన్నికయ్యారు. ఆమె కుమార్తె శిరీషాదేవి రంపచోడవరం ఉమ్మడి అభ్యర్థిగా ప్రస్తుతం పోటీ చేస్తున్నారు. రాజవొమ్మంగి మండలం వట్టిగడ్డ గ్రామంలో శిరీష తన తల్లికి స్వయంగా టీడీపీ కండువా కప్పి పార్టీలోకి ఆహ్వానించారు. కుమార్తె విజయానికి ప్రచారం చేస్తానని కృష్ణవేణి అన్నారు.
News April 29, 2024
జనసేన రెబల్ పాఠంశెట్టికి ‘గాజు గ్లాసు’ గుర్తు
జనసేన జగ్గంపేట రెబల్ అభ్యర్థి పాఠంశెట్టి సూర్యచంద్రకు ఎన్నికల కమిషన్ గాజు గ్లాసు గుర్తు కేటాయించింది. పాఠంశెట్టి MLA టికెట్ ఆశించగా.. కూటమిలో భాగంగా జ్యోతుల నెహ్రూ(టీడీపీ)కు దక్కింది. దీంతో పాఠంశెట్టి, మరో ఇద్దరు అసంతృప్తులు నామినేషన్స్ వేశారు. ఈ ముగ్గురి పేర్లు పేపర్లలో రాసి డ్రా తీయగా.. పాఠంశెట్టికి ‘గాజు గ్లాసు’ దక్కింది. జగ్గంపేటలో గెలిచి పవన్‌కు గిఫ్ట్‌గా ఇస్తానని పాఠంశెట్టి పేర్కొన్నారు.
News April 29, 2024
రేపటి నుంచి ‘ఓటర్‌ స్లిప్స్‌’ పంపిణీ: కలెక్టర్ నివాస్
ఈనెల 30 నుంచి ఇంటింటికి ‘ఓటర్‌ స్లిప్స్‌’ పంపిణీ చేయడం జరుగుతుందని ఎన్నికల అధికారి, కాకినాడ జిల్లా కలెక్టర్ నివాస్ పేర్కొన్నారు. సోమవారం కాకినాడ జిల్లా కలెక్టరేట్ కార్యాలయంలో జరిగిన విలేకరుల సమావేశంలో ఆయన మాట్లాడారు. మే 13న జరగనున్న ఎన్నికలకు సంబంధించి ఓటర్‌ స్లిప్‌లను పంపిణీ చేసేందుకు అవసరమైన చర్యలు తీసుకున్నట్లు వెల్లడించారు.
News April 29, 2024
తూ.గో.: ఘోర రోడ్డుప్రమాదం.. నలుగురు మృతి
డా.బీఆర్.అంబేడ్కర్ కోనసీమ జిల్లాలో ఘోర రోడ్డు ప్రమాదం జరిగింది. భట్నవిల్లి వద్ద లారీ- ఆటో ఢీ కొన్న ఘటనలో నలుగురు యువకులు మృతిచెందారు. మరో నలుగురికి తీవ్ర గాయాలయ్యాయి. యానాంలో పుట్టినరోజు వేడుకులు నిర్వహించుకొని వస్తుండగా ప్రమాదం జరిగింది. మృతులు సాపే నవీన్, జతిన్, నవీన్ కుమార్, అజయ్‌ మామిడికుదురు మండలవాసులుగా గుర్తించారు. పూర్తి వివరాలు తెలియాల్సి ఉంది.
News April 29, 2024
రాజమండ్రి: బ్యూటీపార్లర్‌లో వ్యభిచారం
హైదరాబాద్‌కు చెందిన రమ్య, రాజమండ్రికి చెందిన వరలక్ష్మి స్థానిక JN.రోడ్డులో బ్యూటీపార్లర్ స్పామసాజ్ కేంద్రం నిర్వహిస్తున్నారు. ఇందులో వ్యభిచారం జరుగుతుందన్న సమాచారంతో ప్రకాశంనగర్ పోలీసులు ఆదివారం తనిఖీలు చేపట్టారు. వ్యభిచారం జరుగుతున్నట్లు గుర్తించి నిర్వాహకులైన మహిళలతో పాటు ముగ్గురు యువతులు, ముగ్గురు వ్యక్తులను అదుపులోకి తీసుకున్నారు. కేసు నమోదుచేసి దర్యాప్తుచేస్తున్నట్లు CI సత్యనారాయణ తెలిపారు.
News April 29, 2024
ఎన్నికల ప్రవర్తన నియమావళిని పాటించాలి: కలెక్టర్
రాజకీయ పక్షాలు, పోటీలో ఉన్న అభ్యర్థులు ఎన్నికల ప్రవర్తన నియమావళిని తప్పనిసరిగా పాటించాలని కలెక్టర్, జిల్లా ఎన్నికల అధికారి హిమాన్షు శుక్లా ఆదివారం తెలిపారు. ఓట్లను పొందటం కోసం కులం, మత పరమైన భావాల పరంగా అభ్యర్థనలు చేయరాదన్నారు. ఎన్నికల ప్రచారం కోసం మసీదులు, చర్చీలు, దేవాలయాలు లేక మరే ఆరాధనా ప్రదేశాలనూ వేదికగా ఉపయోగించకూడదన్నారు. నాయకులు, కార్యకర్తల వ్యక్తిగత జీవితంపై విమర్శలు చేయరాదన్నారు.
News April 28, 2024
జగన్ ప్రభుత్వాన్ని అరటి తొక్కలా పడేయాలి: పవన్
అరటిపండు తొక్కలాగా జగన్ ప్రభుత్వాన్ని చెత్తబుట్టలో పడేయాలని జనసేన అధినేత పవన్ కళ్యాణ్ సెటైర్లు వేశారు. ఏలేశ్వరంలో పవన్ ఈరోజు ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. రాబోయే ఎన్నికల్లో వైసీపీ ప్రభుత్వాన్ని చిత్తుగా ఓడించాలని పిలుపునిచ్చారు. వైసీపీ అధికారంలోకి వచ్చిన తర్వాత దళితులపై దాడులు పెరిగిపోయాయని ధ్వజమెత్తారు. దళితుల కోసం గత టీడీపీ ప్రభుత్వం ఎన్నో పథకాలు చేపట్టిందన్నారు.
News April 28, 2024
మే 1-5 వరకు ఖాతాల్లో పెన్షన్ జమ: కలెక్టర్ హిమాన్షు
ఎన్నికల సంఘం ఆదేశాల మేరకు మే 1 నుంచి 5వ తేదీ వరకు జిల్లా వ్యాప్తంగా పెన్షన్ల పంపిణీ చేపడతామని అంబేడ్కర్ కోనసీమ జిల్లా కలెక్టర్ హిమాన్షు శుక్లా ఆదివారం వెల్లడించారు. లబ్ధిదారుల బ్యాంకు ఖాతాలలో పెన్షన్ సొమ్ము జమ చేస్తామన్నారు. దివ్యాంగులు, దీర్ఘకాలిక వ్యాధిగ్రస్తులు, మంచానికి పరిమితమైన వారు, సైనిక, సంక్షేమ పింఛన్లు పొందే వారికి ఇంటి వద్దనే సెక్రటేరియట్ సిబ్బంది పెన్షన్లు అందజేస్తారన్నారు.
Featured News
Sorry, no posts matched your criteria.