India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News December 6, 2024
ఇప్పుడు అంతటా కాకినాడే హాట్ టాపిక్
రాష్ట్రవ్యాప్తంగా కాకినాడ పోర్టు నుంచి జరుగుతున్న అక్రమ రేషన్ బియ్యం రవాణా విషయం సంచలనం రేపుతోంది. సెజ్ భూములు, రేషన్ బియ్యం రవాణా, పోర్టు యజమానిపై బెదిరింపుల వంటి అంశాలు రోజుకు ఒకటి వెలుగుచూస్తున్నాయి. అక్రమ రేషన్ బియ్యం పేరుతో వేల కోట్ల రూపాయలు పలువురు నేతలు దోచేశారనే ఆరోపణలు వెలువెత్తుతున్నాయి. డీప్ వాటర్ పోర్టు, సెజ్‌లోని వాటాలను బలవంతంగా రాయించుకున్నారనే ఆరోపణలు వినిపిస్తున్నాయి.
News December 6, 2024
నేటి నుంచి కాకినాడ జిల్లాలో రెవెన్యూ సదస్సులు
గ్రామాల్లో భూ సంబంధిత సమస్యల పరిష్కారం కోసం కాకినాడ జిల్లా వ్యాప్తంగా శుక్రవారం నుంచి రెవెన్యూ సదస్సులు నిర్వహిస్తామని కలెక్టర్ షాన్ మోహన్ తెలిపారు. ఈ మేరకు ఆయన గురువారం ఓ ప్రకటన విడుదల చేశారు. 2025 జనవరి 8వ తేదీ వరకు గ్రామాల్లో సదస్సులు కొనసాగుతాయని చెప్పారు. భూ సమస్యలు ఉన్న రైతులు అర్జీలు అందజేసి పరిష్కరించుకోవాలని సూచించారు.
News December 6, 2024
9న నన్నయలో బీఈడీ స్పాట్ అడ్మిషన్లు
ఆదికవి నన్నయ యూనివర్సిటీ కాలేజ్ ఆఫ్ ఎడ్యుకేషన్‌లో ఈనెల 9వ తేదీన బీఈడీ స్పాట్ అడ్మిషన్లు నిర్వహిస్తున్నామని వీసీ ఆచార్య వై.శ్రీనివాసరావు తెలిపారు. బీఈడీ రెండు సంవత్సరాల కోర్సుకు బీఏ, బీకామ్, బీఎస్సీ, బీటెక్ డిగ్రీ పూర్తి చేసి ఎడ్-సెట్ 2024 పరీక్ష రాసిన వారు అర్హులని తెలిపారు. ఎస్సీ, ఎస్టీ, బిసీ విద్యార్థులు 40 శాతం, ఓసీ విద్యార్థులు 50 శాతం మార్కులు డిగ్రీలో పొంది ఉండాలన్నారు.
News December 5, 2024
ఉభయ గోదావరి జిల్లాల టీచర్ MLC ఎన్నికలు ప్రారంభం
ఉభయ గోదావరి జిల్లాల టీచర్ ఎమ్మెల్సీ ఎన్నికలు ప్రారంభమయ్యాయి. ఈ ఎన్నికల్లో మొత్తం 16,737 మంది టీచర్లు తమ ఓటు వేయనున్నారు. జిల్లాలోని ఆయా పోలింగ్ కేంద్రాల వద్ద ఎన్నికల అధికారులు భద్రత ఏర్పాట్లు చేశారు. ఉదయం 8 గంటల నుంచి ప్రారంభమైన పోలింగ్ సాయంత్రం 4 గంటల వరకు జరుగుతుంది. ఈ నెల 9న ఓట్ల లెక్కింపు జరుగుతుంది.
News December 5, 2024
ఉభయ గోదావరి జిల్లాల్లో ఓటు వేయనున్న 16,737 మంది టీచర్లు
ఉమ్మడి ఉభయ గోదావరి జిల్లాల టీచర్ ఎమ్మెల్సీ ఎన్నికలు నేడు జరగనున్నాయి. దీంతో అధికారులు సర్వం సిద్ధం చేశారు. ఈ ఎన్నికల్లో దాదాపు 16,737 మంది టీచర్లు తమ ఓటు హక్కును వినియోగించుకోనున్నారు. జిల్లాలోని ఆయా పోలింగ్ కేంద్రాల వద్ద ఎన్నికల అధికారులు కట్టుదిట్టమైన భద్రత ఏర్పాట్లు చేశారు. నేడు ఉదయం 8 గంటల నుంచి సాయంత్రం 4 గంటల వరకు ఓటింగ్ జరుగుతుంది. ఈ నెల 9న కాకినాడ జేఎన్టీయూలో కౌంటింగ్ జరగనుంది.
News December 4, 2024
రాజమండ్రిలో భూ ప్రకంపనలు
రాజమండ్రిలో బుధవారం ఉదయం కొన్ని సెకన్ల పాటు భూమి కంపించిందని స్థానికులు తెలిపారు. టీ నగర్, శ్యామల సెంటర్ తదితర ప్రాంతాల్లో భూప్రకంపనలు వచ్చాయన్నారు. ప్రజలు తీవ్ర భయాందోళనతో ఇళ్లు, అపార్టుమెంట్ల నుంచి బయటకు పరుగులు తీశారు.
News December 4, 2024
రాజమండ్రి: ‘ఇంటర్ విద్యార్థులకు గమనిక’
2025 సంవత్సరం మార్చి నెలలో జరగనున్న ఇంటర్మీడియట్ పబ్లిక్ పరీక్షలకు ఇప్పటివరకు పరీక్ష ఫీజు చెల్లించని విద్యార్థులు డిసెంబర్ 5వ తేదీ లోగా అపరాధ రుసుము లేకుండా చెల్లించవచ్చునని తూ.గో జిల్లా బోర్డ్ ఆఫ్ ఇంటర్మీడియట్ ఎడ్యుకేషన్ ఆర్ ఐఓఎన్ఎస్వి ఎల్. నరసింహం మంగళవారం ఒక ప్రకటనలో తెలిపారు. ఈ మేరకు జనరల్, ఓకేషనల్ కోర్సులు చదువుతున్న ఇంటర్మీడియట్ విద్యార్థులు ఈ అవకాశాన్ని సద్వినియోగం చేసుకోవాలన్నారు.
News December 3, 2024
పవన్ లుక్: కాకినాడలో అలా.. క్యాబినెట్‌లో ఇలా!
డిప్యూటీ సీఎం పవన్ కళ్యాణ్ లుక్ మారింది. మూడ్రోజుల క్రితం కాకినాడ పోర్టుకు వెళ్లిన ఆయన గడ్డంతో కనిపించారు. మాస్ లుక్‌లో ‘సీజ్‌ ద షిప్‌’ అంటూ ఆయన చేసిన కామెంట్ నెట్టింట హల్‌చల్‌ చేసింది. తర్వాత ‘హరిహర వీరమల్లు’ షూటింగ్‌లో పాల్గొన్న పవర్ స్టార్ క్లీన్ షేవ్ చేసుకున్నారు. నిన్న సెట్స్ నుంచి సెల్ఫీ సైతం పోస్ట్ చేశారు. ఇవాళ క్యాబినెట్ సమావేశంలో పవన్ పాల్గొనగా ఆయన కొత్త లుక్‌కు ఫ్యాన్స్ ఖుషీ అవుతున్నారు.
News December 3, 2024
ఉమ్మడి తూ.గో. జిల్లాలో రెండు రోజులు మద్యం బంద్
ఉమ్మడి తూ.గో. జిల్లాలో MLC ఎన్నికలను దృష్టిలో పెట్టుకొని నేటి సాయంత్రం 4 గంటల నుంచి 5వ తేదీ వరకు పోలింగ్ కేంద్రాల సమీపంలో మద్యం షాపులు మూసి వేయనున్నట్లు ఎన్నికల కమిషన్ తెలిపింది. సోమవారం రాత్రి ఈ మేరకు ఆదేశాలు జారీ చేసింది. ఎన్నికల దృష్ట్యా మద్యాన్ని విక్రయిస్తే చట్ట రీత్యా నేరమని, కఠిన చర్యలు ఉంటాయని హెచ్చరించింది. ప్రశాంత వాతావరణంలో ఎన్నికలు నిర్వహించేందుకు ఈ నిర్ణయం తీసుకున్నట్లు పేర్కొంది.
News December 3, 2024
కాకినాడ: ‘ఎమ్మెల్సీ పోలింగ్‌ను ప్రశాంతంగా నిర్వహించాలి’
ఈ నెల 5న జిల్లాలో జరిగే ఉపాధ్యాయ ఎమ్మెల్సీ పోలింగ్ ప్రక్రియను ప్రశాంత వాతావరణంలో సమర్థవంతంగా నిర్వహించాలని తూర్పు-పశ్చిమ గోదావరి జిల్లాల ఉపాధ్యాయ నియోజకవర్గ ఏఆర్వో జె.వెంకటరావు అధికారులను ఆదేశించారు. ఉపాధ్యాయ నియోజకవర్గ ఎమ్మెల్సీ ఎన్నికలకు సంబంధించి సోమవారం కాకినాడ కలెక్టరేట్ విధాన గౌతమి సమావేశ మందిరంలో పోలింగ్ అధికారులు, సిబ్బందికి నిర్వహించిన శిక్షణ కార్యక్రమానికి జె.వెంకటరావు హాజరయ్యారు.
Featured News
Sorry, no posts matched your criteria.