India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News December 2, 2024
ప్రధానితో కలిసి సినిమా చూశా: ఎంపీ పురందేశ్వరి
బీజేపీ రాష్ట్ర అధ్యక్షురాలు, రాజమండ్రి ఎంపీ దగ్గుబాటి పురందేశ్వరి ‘ది సబర్మతి రిపోర్ట్’ సినిమాని సహచర పార్లమెంట్ సభ్యులతో కలిసి వీక్షించడం జరిగిందని సోమవారం X లో పోస్ట్ చేశారు. ప్రధానమంత్రి నరేంద్ర మోడీ, బీజేపీ జాతీయ అధ్యక్షుడు JP నడ్డా, కేంద్ర రక్షణ శాఖ మంత్రి అమిత్ షా, రాజ్‌నాథ్ సింగ్‌తో కలిసి సినిమా వీక్షిస్తూ ప్రేక్షకుల్లో భాగమయ్యారు. ఆనందంగా ఉందని వారితో కలిసి తీసిన సెల్ఫీని పోస్ట్ చేశారు.
News December 2, 2024
కాకినాడ: రేపు యధావిధిగా ప్రజా ఫిర్యాదుల పరిష్కార వ్యవస్థ
కాకినాడ జిల్లా కలెక్టరేట్ వద్ద సోమవారం యధావిధిగా ప్రజా ఫిర్యాదుల పరిష్కార వ్యవస్థ కార్యక్రమాన్ని నిర్వహించడం జరుగుతుందని కలెక్టర్ షాన్మోహన్ తెలిపారు. ఆయన ఆదివారం ఓ ప్రకటన విడుదల చేశారు. సోమవారం ఉదయం 9:30 గంటల నుంచి కలెక్టరేట్ వద్ద, జిల్లాలోని అన్ని మండల స్థాయి, డివిజన్ స్థాయి కార్యాలయాలలో ఈ కార్యక్రమం నిర్వహించడం జరుగుతుందని తెలిపారు. ప్రజలు తమ సమస్యలను ఆర్జీల రూపంలో అందిస్తే పరిష్కరమిస్తామన్నారు
News December 1, 2024
గండేపల్లిలో రోడ్డు ప్రమాదం.. మహిళ మృతి
గండేపల్లి మండలం తాళ్లూరు గ్రామ శివారులో జరిగిన రోడ్డు ప్రమాదంలో మహిళ మృతి చెందింది. పోలీసుల వివరాల మేరకు.. ఎల్లమిల్లి గ్రామానికి చెందిన కర్ణం నాగరత్నం(58) స్వగ్రామం నుంచి తాళ్లూరు గుడికి వచ్చి దర్శనం అనంతరం బైక్‌పై ఇంటికి వెళ్తుండగా ఎదురుగా వచ్చిన లారీ బైక్‌ను ఢీకొంది. దీంతో ఆమె అక్కడికక్కడే మృతి చెందింది. ఈ ఘటనపై కేసు నమోదు చేసినట్లు పోలీసులు తెలిపారు.
News December 1, 2024
గండేపల్లి: రోడ్డు ప్రమాదంలో మహిళ మృతి
గండేపల్లి మండలం తాళ్లూరు గ్రామ శివారులో శనివారం టిప్పర్ బైక్‌ను ఢీకొన్న ప్రమాదంలో మహిళ మృతి చెందింది. పోలీసుల వివరాల మేరకు.. ఎల్లమిల్లి గ్రామానికి చెందిన కర్ణం నాగరత్నం (58), ఎల్లమెల్లి నుంచి తాళ్లూరు గుడికి వచ్చి దర్శనం అనంతరం బైక్‌పై ఇంటికి వెళ్తుండగా ఎదురుగా వచ్చిన టిప్పర్ ఢీకొంది. ప్రమాదంలో మహిళ మృతి చెందింది. లారీ డ్రైవర్ అతి వేగంవల్లే ప్రమాదం జరిగిందని పోలీసులు తెలిపారు.
News December 1, 2024
ఇబ్బందులు ఉన్నాయా.. కాల్ చేయండి: కోనసీమ కలెక్టర్
కోనసీమ జిల్లాలోని ధాన్యం కొనుగోలు విషయంలో రైతులకు ఏ విధమైన ఇబ్బందులు ఉన్నా తమకు తెలియజేయాలని కలెక్టర్ మహేష్ కుమార్ సూచించారు. శనివారం అమలాపురంలోని జిల్లా కలెక్టరేట్ వద్ద కంట్రోల్ రూమ్‌లు ఏర్పాటు చేసినట్లు ఆయన ఓ ప్రకటనలో తెలిపారు. సమస్యలు ఉన్న రైతులు 94416 92275, 83094 32487 నంబర్లకు ఫోన్ చేసి వారి సమస్యలను తెలియజేయవచ్చని అన్నారు.
News November 30, 2024
తూగో: జిల్లా స్థాయి ఇసుక కమిటీ నిర్వహణ
డిసిల్టేషన్ పాయింట్స్ ఆధ్వర్యంలో కనీస స్థాయిలో ఇసుక తవ్వకాలు జరిపే విధానం ఉండాలని జిల్లా కలెక్టర్, డిఎల్ స్‌ఎ ఛైర్మన్ పి ప్రశాంతి స్పష్టం చేశారు. శనివారం స్థానిక కలెక్టరేట్లో జిల్లా స్థాయి ఇసుక కమిటీ సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. ఇసుక రీచ్‌‌లలో సరైన కార్యకలాపాలు నిర్వహించని బోట్స్ మ్యాన్ సొసైటీల అనుమతులు రద్దు చేయాలని అధికారులను ఆదేశించారు.
News November 30, 2024
ఉప్పాడ సముద్ర తీరంలో బంగారం కోసం వేట
యు.కొత్తపల్లి మండలం ఉప్పాడ సముద్ర తీరంలో మత్స్యకారులు కనకం కోసం వేటను ప్రారంభించారు. తుఫాన్, అల్పపీడనాలు ఏర్పడిన సందర్భాల్లో సముద్రగర్భంలో నుంచి బంగారు రజ కొట్టుకొస్తుందని మత్స్యకారుల నమ్మకం. ఒక్కొక్కరూ దువ్వెన పట్టుకుని, కెరటాలు ఒడ్డుకొచ్చి తిరిగి లోపలకు వెళ్లే సమయంలో ఇసుకపై దువ్వెనతో అడ్డుపెడతారు. ఆ సమయంలో ఇసుక లోపల నుంచి చిన్న బంగారు రజను వారికి దొరుకుతుందేమోనని ఆసక్తి చూపుతారు.
News November 30, 2024
కాకినాడ: పవన్ ఆగ్రహం.. అధికారులపై యంత్రాంగం చర్యలు
పీడీఎస్ రైస్ అక్రమ తరలింపు అంశంపై కాకినాడ జిల్లా డీఎస్ఓ ఎంవీ ప్రసాద్‌పై రాష్ట్ర యంత్రాంగం చర్యలు తీసుకుంది. కాకినాడ పోర్టులో పవన్ తనిఖీలు చేయగా అక్రమ రవాణాపై ఆగ్రహించారు. అనంతరం యంత్రాంగం కొంతమంది అధికారులపై చర్యలకు ఉపక్రమించింది. ఇందులో భాగంగా ఎంవీ ప్రసాద్‌ను పౌరసరఫరాలశాఖ కమిషనరేట్‌లో రిపోర్ట్ చేయాలని ఆదేశాలు జారీ చేసింది. కాకినాడ జిల్లా ఇన్‌ఛార్జ్ డీఎస్ఓగా లక్ష్మీదేవికి బాధ్యతలు అప్పగించారు.
News November 29, 2024
తూ.గో: ఫుల్ టెన్షన్… వారందరికీ కునుకు కరవు
తుపాను ప్రభావంతో ఉమ్మడి తూ.గో జిల్లా వ్యాప్తంగా వాతావరణం మారిపోయింది. ఇవాళ భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. దీంతో అన్నదాతలకు కంటి మీద కునుకు లేకుండా పోయింది. పంటను కాపాడుకునేందుకు నానా అవస్థలు పడుతున్నారు. ఆరుగాలం పండించిన పంట నీటిపాలవుతుందేమోనని ఆందోళన చెందుతున్నారు. మత్స్యకారులు వేటకు వెళ్లొద్దని, పిడుగులు పడే సమయంలో బహిరంగ ప్రదేశాల్లో ఉండొద్దని అధికారులు హెచ్చరించారు.
News November 29, 2024
అఖండ గోదావరి ప్రాజెక్టులో అభివృద్ధి చేసేవి ఇవే..
అఖండ గోదావరి ప్రాజెక్టులో భాగంగా కేంద్రం రూ.94.44 కోట్లు కేటాయించిన సంగతి తెలిసిందే. ఈ ప్రాజెక్టులో భాగంగా రాజమండ్రి హేవ్ లాక్ బ్రిడ్జిని అభివృద్ధి చేయనున్నారు. దీంతో పాటు అక్వేరియం టన్నెల్, ఆర్టిఫిషియల్ వాటర్ ఫాల్స్, గ్లాస్ బ్రిడ్జి, గోదావరి కాలువలు, కడియం నర్సరీలను సైతం డెవలప్ చేసేందుకు ప్రణాళికలు రూపొందించనున్నారు.
Featured News
Sorry, no posts matched your criteria.