India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News November 12, 2024
తూ.గో: క్యాన్సర్ నివారణపై అవగాహన కార్యక్రమాలు
క్యాన్సర్ నివారణ కోసం ప్రజలలో విస్తృతంగా అవగాహన కార్యక్రమాలు నిర్వహించాలని వైద్యారోగ్య శాఖ సిబ్బందికి తూర్పుగోదావరి జిల్లా కలెక్టర్ ప్రశాంతి సూచించారు. ఈ మేరకు రాజమహేంద్రవరంలోని జిల్లా కలెక్టరేట్ వద్ద ఆమె వైద్యరోగ్య శాఖ ఆధ్వర్యంలో 14 నుంచి ప్రజలందరికీ ఇంటి వద్దనే క్యాన్సర్ పరీక్షలను చేపట్టేందుకు గోడపత్రికలను ఆవిష్కరించారు. ఈ కార్యక్రమంలో డీఎం&హెచ్వో వెంకటేశ్వరరావు పాల్గొన్నారు.
News November 11, 2024
తూ.గో: కుక్కల దాడిలో వ్యక్తి మృతి
ఉమ్మడి తూ.గో.జిల్లా ఆలమూరు మండలంలో కలవచర్లలో కుక్కల దాడిలో వ్యక్తి మృతి చెందిన ఘటన సోమవారం జరిగింది. స్థానికులు తెలిపిన వివరాల ప్రకారం.. అంగర సూర్యారావు పనిలో భాగంగా బయటికి వెళ్లడంతో కుక్కలు మూకుమ్మడిగా అతనిపై దాడి చేశాయన్నారు. గ్రామస్థులు వెంటనే అతడిని ప్రభుత్వ ఆసుపత్రికి తరలించారు. అయితే చికిత్స పొందుతూ సూర్యారావు ఆసుపత్రిలో మృతి చెందినట్లు స్థానికులు చెప్పారు.
News November 11, 2024
తూ.గో: 7 రోజులపాటు ట్రైనీ ఐఏఎస్‌ల పర్యటన
ఆల్ ఇండియా సర్వీసెస్‌కు ఎంపికై శిక్షణ పొందుతున్న అధికారులు తమ శిక్షణలో భాగమైన క్షేత్రస్థాయి పర్యటనలను తూర్పుగోదావరి జిల్లాలో 7 రోజులపాటు నిర్వహించడం జరుగుతుందని కలెక్టర్ ప్రశాంతి తెలిపారు. ఈ మేరకు రాజమహేంద్రవరంలోని జిల్లా కలెక్టరేట్ వద్ద శిక్షణకు ఎంపికైన 10 మంది ఐఏఎస్ అధికారులతో ఆమె సమావేశం నిర్వహించారు. ఈ సందర్భంగా కలెక్టర్ వారికి క్షేత్రస్థాయి పర్యటనల్లో చేపట్టవలసిన పరిశోధనలపై అవగాహన కల్పించారు
News November 11, 2024
తూ.గో: ఉపాధ్యాయ ఎమ్మెల్సీ ఎన్నికల నోటిఫికేషన్ విడుదల
గోదావరి జిల్లాల ఉపాధ్యాయ ఎమ్మెల్సీ ఉప ఎన్నికల షెడ్యూల్‌ను ఎన్నికల కమిషన్ ప్రకటించిందని తూర్పుగోదావరి జిల్లా కలెక్టర్ ప్రశాంతి తెలిపారు. ఈ మేరకు రాజమహేంద్రవరంలోని జిల్లా కలెక్టరేట్ వద్ద ఆమె ఉపాధ్యాయ ఎమ్మెల్సీ ఎన్నికల నేపథ్యంలో రాజకీయ పార్టీల ప్రతినిధులతో సమావేశం నిర్వహించారు. ఈ మేరకు ఉపాధ్యాయ ఎమ్మెల్సీ ఎన్నికల నిర్వహణ వివరాలను ఆమె వారికి తెలిపారు. డిసెంబర్ 5న పోలింగ్ జరుగుతుందన్నారు.
News November 11, 2024
కాకినాడ మెడికల్ కాలేజీలో ర్యాగింగ్.. యాజమాన్యం సీరియస్
కాకినాడ రంగరాయ మెడికల్ కాలేజీ హాస్టల్‌లో ర్యాగింగ్ కలకలం రేపిన విషయం తెలిసిందే. మద్యం తాగి జగదీశ్ అనే సీనియర్ విద్యార్థి పది మంది జూనియర్లను కారిడార్‌లోకి తీసుకొచ్చి వికృత చేష్టలకు పాల్పడ్డాడు. దీంతో వారు తల్లిదండ్రులతో కలిసి ప్రిన్సిపల్‌కు ఫిర్యాదు చేశారు. దీనిపై సీరియస్ అయిన యాజమాన్యం హౌస్ సర్జన్ జగదీశ్ ను ఏడాది పాటు సస్పెండ్ చేసి, రూ. 25 వేలు అపరాధ రుసుం విధించింది.
News November 11, 2024
రాజమండ్రిలో రోడ్డు ప్రమాదం.. ఇద్దరి మృతి
రాజమండ్రిలోని బొమ్మూరు పోలీస్ స్టేషన్ పరిధిలో ఆదివారం జరిగిన రోడ్డు ప్రమాదంలో ఇద్దరు మృతి చెందారు. స్థానిక సీఐ కాశీవిశ్వనాథం తెలిపిన వివరాల ప్రకారం.. రాజమండ్రికి చెందిన ప్రణీత్, హైదరాబాదుకి చెందిన వెంకన్న ఓ లారీని అధిగమించబోయి లారీని ఢీకొన్నారు. ఇద్దరికీ గాయాలు కావడంతో ప్రభుత్వ ఆసుపత్రికి తరిలించగా ..చికిత్స పొందుతూ మృతి చెందినట్లు తెలిపారు.
News November 11, 2024
నారా లోకేశ్ చొరవతో రాజమండ్రికి చేరిన బాధితురాలు
రాజమండ్రికి చెందిన శిరీష అనే మహిళ జీవనోపాధి కోసం బహ్రెయిన్ దేశానికి వెళ్లి ఇబ్బంది పడుతుందని స్వస్థలానికి తీసుకురావాలని కుటుంబసభ్యులు మంత్రి లోకేశ్‌కు ఎక్స్ వేదికగా విన్నవించారు. దీంతో స్పందించిన లోకేశ్ తనని తీసుకువస్తానని హామీ ఇచ్చారు. ఈ మేరకు ఇచ్చిన మాట ప్రకారం ఆమెను ఆదివారం స్వస్థలానికి తీసుకొచ్చినట్లు మంత్రి లోకేశ్ ఎక్స్‌లో పోస్టు చేశారు. దీంతో బాధితురాలు మంత్రికి ధన్యవాదాలు తెలిపారు.
News November 11, 2024
మాజీ MLA వర్మకు కీలక పదవి?
టీడీపీ ప్రభుత్వం 2 సార్లు నామినేటెడ్ పోస్టులను విడుదల చేసింది. అయితే కూటమి ప్రభుత్వం కలయికతో మాజీ MLA వర్మకు దక్కుతుందని ఆశించిన పిఠాపురం సీటును జనసేనకు కేటాయించిన విషయం తెలిసిందే. కాగా టీడీపీ విడుదల చేసిన నామినేటెడ్ పోస్టుల్లో కూడా వర్మకు చోటివ్వలేదు. ఈ నేపథ్యంలో బుధవారం సీఎం చంద్రబాబుతో వర్మ భేటీ కానున్నారని MLC కేటాయించే అవకాశం ఉందనే చర్చ రాజకీయ వర్గాల్లో నడుస్తోంది.
News November 11, 2024
ఇసుకను నిర్ణయించిన ధరకే విక్రయించాలి: మంత్రి దుర్గేశ్
సామాన్య ప్రజలు, భవన నిర్మాణ కార్మికులకు అందుబాటులో ఉండే విధంగా రాష్ట్ర ప్రభుత్వం ఎంతో ప్రతిష్ఠాత్మకంగా ఉచిత ఇసుక విధానాన్ని తీసుకొచ్చినట్లు మంత్రి దుర్గేశ్ ఆదివారం ఒక ప్రకటనలో తెలిపారు. అయితే కొంతమంది ఇసుకను ఉచితంగా కాకుండా లాభాపేక్షతో ఎక్కువ ధరకు విక్రయించడం జరుగుతున్నట్లు తెలుస్తోందన్నారు. ప్రభుత్వం ఇసుకకు నిర్ణయించిన ధరకంటే ఎక్కువకు అమ్మితే చర్యలు తీసుకుంటామని హెచ్చరించారు.
News November 10, 2024
రాజమండ్రి: ట్రైనీ‌అల్ ఇండియా సర్వీస్ అధికారుల సందర్శన
అల్ ఇండియా సర్వీసెస్‌కు ఎంపికై శిక్షణ పొందుతున్న అధికారులు రాజమండ్రి నగరపాలక సంస్థ కార్యాలయాన్ని ఆదివారం సందర్శించారు. తమ శిక్షణలో భాగమైన ఫీల్డ్ స్టడీ&రీసెర్చ్ ప్రోగ్రామ్ సందర్భంగా మన్నన్ సింగ్, అనురాగ్ బబెల్, ప్రియారాణి, షాహీదా బేగమ్, పార్త్, కశీష్ భక్షి, స్నేహపన్న, జాదవ్ రావు నిరంజన్ మహేంద్ర సింగ్, తుషార్ నెగి అతుల్ మిశ్రా నగరపాలక సంస్థ కార్యాలయంను సందర్శించి కమిషనర్‌ను మర్యాదపూర్వకంగా కలిశారు.
Featured News
Sorry, no posts matched your criteria.