India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 30, 2024
కాకినాడ: కరెంట్ షాక్‌తో బీటెక్ విద్యార్థి మృతి
కరెంట్ షాక్‌తో ఓ యువకుడు మృతిచెందిన ఘటన కాకినాడలో జరిగింది. స్థానికుల వివరాలు.. కాకినాడ జిల్లాకేంద్రంలోని ట్రాఫిక్ విభాగంలో పనిచేస్తున్న కానిస్టేబుల్ చక్రధర్ స్థానిక శ్రీరామ్‌నగర్‌లోని ఓ అపార్ట్‌మెంట్‌లో కుటుంబంతో ఉంటున్నారు. ఆయన కుమారుడు విజయ్ ఉదయం ఇంట్లో ఇంటర్‌నెట్ వైర్ కట్ చేస్తుండగా సడెన్‌గా కరెంట్ రావడంతో షాక్‌తో చనిపోయాడు. కాగా అతను ఓ ప్రైవేట్ కళాశాలలో బీటెక్ ఫస్ట్‌ఈయర్ చదువుతున్నాడు.
News June 30, 2024
కాకినాడ: యువకుడు గల్లంతు.. డెడ్‌బాడీ లభ్యం
కాకినాడ జిల్లా యు.కొత్తపల్లి మండలం వాకతిప్ప శివారు చెరువులో గల్లంతైన కాకినాడ రూరల్ మండలం వలసపాకలకు చెందిన తంగెళ్ల అప్పన్న(25) మృతదేహం లభ్యమైంది. కూలీ పనికి వచ్చిన అప్పన్న శనివారం భోజనం అనంతరం మరో ఇద్దరు వ్యక్తులతో కలిసి చెరువుగట్టు పైకి వెళ్లాడు. ముగ్గురులో ఇద్దరు ప్రమాదవశాత్తూ జారి చెరువులో పడిపోయారు. ఒకరిని స్థానికులు రక్షించగా.. అప్పన్న గల్లంతయ్యాడు. అతడి కోసం గాలించగా.. మృతదేహం లభ్యమైంది.
News June 30, 2024
తెల్లవారుజామున రోడ్డుప్రమాదం.. వ్యక్తి దుర్మరణం
కొవ్వూరులో ఆదివారం తెల్లవారుజామున జరిగిన రోడ్డు ప్రమాదంలో ఓ వ్యక్తి మృతి చెందాడు. జంగారెడ్డిగూడెం నుంచి రాజమండ్రి వెళ్తున్న కారు.. కొవ్వూరు ABN డిగ్రీ కాలేజ్ వద్ద డివైడర్‌ను ఢీ కొట్టింది. కారు నడుపుతున్న వ్యక్తి అక్కడికక్కడే మృతి చెందాడు. సమాచారం అందుకున్న కొవ్వూరు పోలీసులు ఘటనా స్థలానికి చేరుకుని పరిశీలించారు. మృతదేహాన్ని ఆసుపత్రికి తరలించి, కేసు నమోదు చేసినట్లు తెలిపారు. వివరాలు తెలియాల్సి ఉంది.
News June 30, 2024
కాకినాడలో విషాదం.. 14ఏళ్ల బాలిక ఆత్మహత్య
కాకినాడలోని గాంధీనగర్‌కు చెందిన 14ఏళ్ల విద్యార్థిని 8వ తరగతి చదువుతోంది. ఆ బాలిక ఫోన్ ఎక్కువగా మాట్లాడుతుందని ఆమె సోదరుడు మందలించడంతో మనస్తాపం చెంది ఇంట్లో శనివారం ఉరి వేసుకుంది. అపస్మారక స్థితిలో ఉన్న బాలికను చికిత్స కోసం కాకినాడ జీజీహెచ్‌కు తీసుకెళ్లారు. అప్పటికే ఆమె మృతి చెందినట్లు వైద్యులు నిర్ధారించారు. మృతురాలి తల్లి ఫిర్యాదు మేరకు 2 టౌన్ SI చినబాబు కేసు నమోదు చేశారు.
News June 29, 2024
అన్నవరం సత్యదేవుని ఆలయంలో భక్తులకు ఇక్కట్లు
ప్రసిద్ధ పుణ్యక్షేత్రం అన్నవరం సత్యదేవుని ఆలయంలోని ప్రసాదం కౌంటర్ వద్ద భక్తులు ఇబ్బందులు ఎదుర్కొన్నారు. స్థానికుల వివరాల ప్రకారం.. కొండ దిగువన ప్రసాదం విక్రయకేంద్రం వద్ద రాత్రివేళ ఏర్పాటుచేసిన లైట్ల వద్దకు పురుగులు రావడంతో ఇబ్బందిగా ఉందని చెబుతున్నారు. కనీసం లైట్లు కూడా ఆపట్లేదని వాపోతున్నారు. కౌంటర్ నుంచి ప్రసాదం ప్యాకెట్లు తీసుకునే సమయంలో పురుగుల కారణంగా అసౌకర్యానికి గురవతున్నామని చెబుతున్నారు.
News June 29, 2024
భవన నిర్మాణ వెల్ఫేర్ బోర్డుపైనే నా తొలిసంతకం: మంత్రి సుభాష్
భవన నిర్మాణ వెల్ఫేర్ బోర్డు ఫైలు పైనే తన తొలి సంతకం చేస్తానని రాష్ట్ర కార్మికశాఖ మంత్రి వాసంశెట్టి సుభాష్ తెలిపారు. ఆంధ్రప్రదేశ్ భవననిర్మాణ కార్మికసంఘం ఏఐటీయూసీ రాష్ట్ర నాయకత్వ బృందం శనివారం మంత్రిని కలిసి సమస్యల పరిష్కారం కోరుతూ వినతిపత్రం అందించారు. ఈ సందర్భంగా మంత్రి సానుకూలంగా స్పందించి తమ ప్రభుత్వం కార్మికుల సంక్షేమానికి కట్టుబడి ఉందని, సమస్యల పరిష్కారానికి కృషిచేస్తుందని హామీ ఇచ్చారు.
News June 29, 2024
మిస్ రాజమండ్రి ఆడిషన్స్.. 90 మంది యువతులు
‘రోటరీ క్లబ్ ఆఫ్ రాజమండ్రి ఐకాన్’ వారి ఆధ్వర్యంలో శనివారం నిర్వహించిన మిస్ రాజమండ్రి ఆడిషన్స్‌కు యువత ఉత్సాహంగా తరలివచ్చారు. శనివారం రాజమండ్రిలో నిర్వహించిన ఆడిషన్స్ ప్రోగ్రాంలో 90 మంది యువతులు ఉత్సాహంగా పాల్గొన్నారని క్లబ్ అధ్యక్షుడు రాజా పేర్కొన్నారు. నగరంలో మొట్టమొదటిసారిగా ప్రతిష్టాత్మకంగా ‘మిస్ రాజమండ్రి’ కార్యక్రమం చేపట్టి యువతలలో ప్రతిభను ప్రోత్సహిస్తున్నామని చెప్పారు.
News June 29, 2024
జనసేన అధినేత పవన్ కళ్యాణ్ పర్యటన ఇలా
జులై 1వ తేదీ నుంచి 3వ తేదీ వరకు కాకినాడ జిల్లాలో ఏపీ డిప్యూటీ సీఎం పవన్ కళ్యాణ్ పర్యటించనున్నారు. 1వ తేదీన గొల్లప్రోలులో పింఛన్ల పంపిణీ, పిఠాపురంలో జనసేన నేతలతో సమావేశం కానున్నారు. 2వ తేదీ ఉదయం కాకినాడ కలెక్టరేట్‌లో పంచాయతీ, ఇరిగేషన్, అటవీశాఖ అధికారులతో సమీక్ష, సాయంత్రం పార్టీ ఎంపీలతో సమావేశం నిర్వహించనున్నారు. 3వ తేదీన ఉప్పాడ కొత్తపల్లి తీర ప్రాంతాన్ని పరిశీలించనున్నారు.
News June 29, 2024
తూ.గో.: కొంపముంచిన మొబైల్ యాప్.. మీరు జాగ్రత్త
ఆన్‌లైన్‌లో మోసపోయిన పలువురు ద్రాక్షారామం పోలీసులకు ఫిర్యాదుచేశారు. వివరాలు..కోనసీమ జిల్లా రామచంద్రపురం, అంబాజీపేట, అమలాపురం తదితర ప్రాంతాలకు చెందిన వ్యక్తులకు బుక్కూరి ఆనంద్, మద్దాల వినయ్, మోటుపల్లి కిరణ్ GMR యాప్‌ను పరిచయం చేశారు. యాప్‌లో డబ్బులు పెడితే రెట్టింపు వస్తాయని నమ్మించారు. చాలామందికి నగదు వచ్చాయి. కొద్దిరోజులుగా నగదు రాకపోగా పోలీసులకు ఫిర్యాదుచేశారు. 1000 మంది వరకు లక్షల్లో మోసపోయారు.
News June 29, 2024
T-20 వరల్డ్ కప్ ఫైనల్స్.. రాజమండ్రిలో లైవ్ స్క్రీనింగ్
ఇండియా – సౌత్ ఆఫ్రికా ఆడుతున్న టీ-20 ప్రపంచ కప్ ఫైనల్ మ్యాచ్ లైవ్ స్క్రీనింగ్ రాజమండ్రిలో ఏర్పాటు చేస్తున్నట్లు సిటీ ఎమ్మెల్యే ఆదిరెడ్డి శ్రీనివాస్ తెలియజేశారు. మున్సిపల్ కార్యాలయం ఎదురుగా ఉన్న సుబ్రహ్మణ్య మైదానంలో లైవ్ స్క్రీనింగ్ ఏర్పాటు చేశామన్నారు. నగర ప్రజలు మైదానానికి తరలివచ్చి టీమ్ ఇండియాకి మద్దతు తెలపాలని కోరారు.
Featured News
Sorry, no posts matched your criteria.