India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 20, 2024
బడి ఈడు పిల్లలు పాఠశాలల్లో ఉండాలి: DEO
5 నుంచి15 సంవత్సరాల పిల్లలు అందరూ తప్పనిసరిగా పాఠశాలల్లో ఉండాలని అల్లూరి జిల్లా DEO బ్రహ్మాజీరావు అధికారులను, హెచ్‌‌ఎం‌లను ఆదేశించారు. రంపచోడవరంలో గురువారం సిబ్బందితో సమావేశం నిర్వహించారు. ఈ సందర్భంగా ఆయన మాట్లాడుతూ..ఇళ్లకు వెళ్లి వారి తల్లిదండ్రులకు కౌన్సిలింగ్ చేయాలని ఆదేశించారు. ప్రతీ ఉపాధ్యాయుడు, విద్యార్థుల హాజరు నిర్ణీత సమయంలో వేయాలన్నారు. నిర్లక్ష్యం వహిస్తే చర్యలు తప్పవని హెచ్చరించారు.
News June 20, 2024
అడ్డతీగల : బియ్యం పంపిణీ వ్యాన్ బోల్తా.. డ్రైవర్ మృతి
అడ్డతీగల మండలం వెదురునగరం వద్ద గురువారం రేషన్ బియ్యం పంపిణీ వ్యాన్ బోల్తా కొట్టిన ఘటనలో డ్రైవర్ మృతి చెందారు. పోలీసులు తెలిపిన వివరాల మేరకు .. వై.రామవరం నుంచి గంగవరం వెళుతుండగా అదుపు తప్పి రోడ్డు ప్రక్కన తాటి చెట్టును ఢీ కొట్టింది. ప్రమాదంలో ఇరువురికి గాయాలు కాగా.. రాజమండ్రి ఆసుపత్రికి తరలిస్తుండగా డ్రైవర్ మృతి చెందాడని, కేసు దర్యాప్తు చేస్తున్నామని తెలిపారు.
News June 20, 2024
కాకినాడలో కస్టమర్ సర్వీస్ ఉద్యోగాలకు ఇంటర్వ్యూలు
కాకినాడలోని జిల్లా వికాస కార్యాలయంలో శుక్రవారం జెన్పాక్ట్ కంపెనీలో ప్రాసెస్ అసోసియేట్ కస్టమర్ సర్వీస్ ఉద్యోగాలకు ఇంటర్వ్యూలు నిర్వహిస్తున్నట్టు వికాస ప్రాజెక్టు డైరెక్టర్ కె.లచ్చారావు తెలిపారు. ఈ ఉద్యోగాలకు ఏదైనా డిగ్రీ, పీజీ ఉత్తీర్ణులైన 28 సంవత్సరాలలోపు అభ్యర్థులు అర్హులన్నారు. ఈ ఇంటర్వ్యూల కోసం వెబ్సైట్ ద్వారా దరఖాస్తు చేసుకుని శుక్రవారం ఉదయం 9 గంటలలోపు ఇంటర్వ్యూలకు హాజరు కావాలన్నారు.
News June 20, 2024
కొత్తపేటలో జాబ్ మేళా
కొత్తపేట విశ్వకవి వేమన ప్రభుత్వ డిగ్రీ కళాశాలలో ఈ నెల 22వ తేదీన జాబ్ మేళా నిర్వహిస్తున్నట్టు కళాశాల ప్రిన్సిపల్ డాక్టర్ కె.పెద్దిరాజు తెలిపారు. ఐసీఐసీఐ, ఎస్బీఐ, ఐటెక్ సాఫ్ట్వేర్ తదితర కంపెనీలు పాల్గొంటాయన్నారు. మొత్తం ఖాళీలు 316 ఉన్నాయన్నారు. టెక్నికల్, నాన్ టెక్నికల్ పోస్టులకు ఇంటర్వ్యూలు నిర్వహించనున్నట్లు తెలిపారు. ఈ అవకాశాన్ని నిరుద్యోగులు సద్వినియోగం చేసుకోవాలని సూచించారు.
News June 20, 2024
కాకినాడ: జాతీయ రహదారిపై ఆందోళన కలిగిస్తున్న ప్రమాదాలు
కాకినాడ జిల్లా జగ్గంపేట, గండేపల్లి, కిర్లంపూడి మండలాల్లోని జాతీయ రహదారిపై ఇటీవల ప్రమాదాల సంఖ్య భారీగా పెరగటం స్థానికులను తీవ్రంగా కలవరపెడుతోంది. ఈ మూడు మండలాల్లో జనవరి నుంచి ఇంత వరకు 39 రోడ్డు ప్రమాదాలు జరిగాయి. వాటిలో 17 మంది మృత్యువాత పడ్డారు. 23 మంది తీవ్రంగా గాయపడ్డారు. ఈ ప్రమాదాలకు అతివేగం ప్రధాన కారణంగా పేర్కొంటున్నారు. దీనికి తోడు అధికారుల అలసత్వం కూడా ఒక కారణమని చెబుతున్నారు.
News June 20, 2024
రాజమండ్రి: అష్టాచమ్మ ఆటలో తలెత్తిన వివాదం.. దారుణ హత్య
రాజమండ్రి రూరల్ లో దారుణం చోటుచేసుకుంది. మార్గాని నాగేశ్వరరావును స్నేహితులు కత్తితో విచక్షణా రహితంగా పొడిచి హత్య చేశారు .అష్టాచమ్మ ఆటలో తలెత్తిన వివాదమే హత్యకు కారణంగా సమాచారం. హత్య చేసిన వీరబాబు, రమణ పరారీలో ఉన్నారని మృతుని కుటుంబీకులు ఆరోపించారు. మృతుడి కుటుంబ సభ్యులు ఇచ్చిన ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
News June 20, 2024
తూ.గో: రేషన్ కార్డుదారులకు శుభవార్త
పేదలకోసం సీఎం చంద్రబాబు మరో నిర్ణయం తీసుకున్నారు. జులై 1నుంచి రేషన్ కార్డుదారులకు పంపిణీ చేసేందుకు కందిపప్పు, పంచదార, బియ్యం పంపిణీ చేసేందుకు సిద్ధమైనట్లు తెలుస్తోంది. ఈమేరకు కాకినాడ, అంబేడ్కర్ కోనసీమ, తూర్పుగోదావరిలో కలిపి 50,06,194మందికి లబ్ధి చేకూరనుందని పౌర సరఫరాల శాఖ డీఎస్ వో విజయభాస్కర్ తెలిపారు.
News June 20, 2024
రామచంద్రపురం మంత్రిని కలిసిన ఎస్పీ శ్రీధర్
రామచంద్రపురం నియోజకవర్గం ఎమ్మెల్యే మంత్రి పదవి చేపట్టిన వాసంశెట్టి సుభాశ్‌ను అంబేడ్కర్ కోనసీమ జిల్లా ఎస్పీ శ్రీధర్ బుధవారం మర్యాదపూర్వకంగా కలిశారు. ఎస్పీ మంత్రికి దుశ్శాలువా కప్పి ఘనంగా సత్కరించారు. రామచంద్రపురం నియోజవర్గం అభివృద్ధికి ఎస్పీ కృషి చేయాలని కోరారు. కార్యక్రమంలో అధికారులు, ప్రజాప్రతినిధులు పాల్గొన్నారు.
News June 19, 2024
తూ.గో: బాలికపై అత్యాచారం.. 20 ఏళ్లు జైలు శిక్ష: సీఐ
రంపచోడవరానికి చెందిన మద్దికొండ సుధాకర్‌కు కాకినాడ పొక్సో కోర్టు 20 ఏళ్ల జైలు శిక్ష, రూ.5,000 జరిమానా విధిస్తూ బుధవారం తీర్పు చెప్పిందని సీఐ వెంకటేశ్వరావు తెలిపారు. 2019లో అదే గ్రామానికి చెందిన ఒక బాలికను పెళ్లి చేసుకుంటానని నమ్మించి బలవంతంగా వైజాగ్ తీసుకెళ్లాడన్నారు. రేప్, కిడ్నాప్ కేసు నమోదు చేసి విచారించగా.. కోర్టులో నేరం రుజువు కావడంతో శిక్ష ఖరారైందని వెల్లడించారు.
News June 19, 2024
కొండెక్కిన కూరగాయల ధరలు
జిల్లా వ్యాప్తంగా కూరగాయల ధరలు హడలెత్తిస్తున్నాయి. రోజురోజుకూ పెరుగుతున్న ధరలతో సామాన్యుడు బెంబేలెత్తిపోతున్నారు. వారం కిందటి వరకు రైతు బజార్లలో కిలో టమాట ధర రూ.30 ఉండగా.. ఇప్పుడు రూ.50 వరకు పెరిగింది. బహిరంగ మార్కెట్‌లో రూ.100 వరకూ వ్యాపారులు అమ్ముతున్నారు. మిర్చి, ఉల్లిపాయ ధరల సైతం ఆకాశాన్నంటుతున్నాయి. పెరిగిన ధరలతో ఏం కొనలేని పరిస్థితి నెలకొందని ప్రజలు వాపోతున్నారు.
Featured News
Sorry, no posts matched your criteria.