India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News September 27, 2024
World Tourism Day: తూ.గో జిల్లాలో నచ్చిన స్పాట్ ఏది?
తూ.గో జిల్లాలోని పురాతన ఆలయాలు పర్యాటక కేంద్రాలుగా నిలుస్తున్నాయి. ఎటు చూసినా పచ్చని పొలాలు, నదులు చూపరులను కట్టి పడేస్తాయ్. ముఖ్యంగా ఈ జిల్లాలో మారేడుమిల్లి సమీపంలోని జలతరంగిణి జలపాతాన్ని చూసేందుకు ఇతర ప్రాంత వాసులు అధిక సంఖ్యలో వస్తూ ఉంటారు. మరి మీకు ఇష్టమైన స్పాట్ ఏంటో కామెంట్ చెయ్యండి.
News September 27, 2024
తూ.గో జిల్లాలో చిరుత కోసం వేట
కడియపులంకలో చిరుత సంచారం అధికారులను పరుగులు పెట్టిస్తోంది. చిరుతను బంధించేందుకు వారు రేయిపగలు శ్రమిస్తున్నారు.లంకల వైపు వెళ్లిన చిరుత బుధవారం పడ్డ వర్షానికి తిరిగి వెనక్కి కడియపులంకకు వచ్చేసినట్లు పాదముద్రల ఆధారంగా డీఎఫ్‌‌‌‌వోలు తెలిపారు. దానికోసం 60 మంది సిబ్బంది, 2బోన్లు,10 మేకలు సిద్ధంగా ఉంచామన్నారు. అయితే గురువారం గుర్తించిన మేరకు ఓ నర్సరీ షెడ్డు వద్ద కుక్కలను తరిమినట్లు గుర్తించామన్నారు.
News September 27, 2024
తూ.గో: నల్లజర్లలో అత్యధికం.. గోపాలపురంలో అత్యల్పం..
తూర్పు గోదావరి జిల్లాలోని 19 మండలాల్లో ఉదయం నుంచి కురిసిన వర్షానికి 176.8 మిల్లీ మీటర్ల వర్షపాతం నమోదయిందని అధికారులు గురువారం రాత్రి తెలిపారు. జిల్లాలోని నల్లజర్ల మండలంలో 39.2 మిల్లీమీటర్లు అత్యధిక వర్షం కురిసింది అని తెలిపారు. గోపాలపురంలో అత్యల్పంగా 0.6 మిల్లీమీటర్ల వర్షం కురిసిందన్నారు. రాజానగరంలో 27.4 అనపర్తిలో 23.4 రాజవరంలో 11.8 మిల్లీమీటర్ల ఉంచిన వర్షం కురిసిందని తెలిపారు.
News September 26, 2024
తూ.గో: 4వరోజు గాలింపు.. రంగంలోకి డాగ్ స్క్వాడ్
ఏలూరు ఆశ్రం వైద్య విద్యార్థులు ఏజెన్సీలోని జలపాతం వద్ద నాలుగు రోజుల కింద గల్లంతైన విషయం తెలిసిందే. వీరిలో ఇద్దరి మృతదేహాలు లభ్యమయ్యాయి. మరో విద్యార్థి హరదీప్ ఆచూకీ ఇప్పటికి తెలియరాలేదు. అతని కోసం ప్రత్యేక బృందాలు గాలింపు చర్యలు కొనసాగిస్తున్నాయి. జిల్లా అధికారుల సమక్షంలో గురువారం డాగ్ స్క్వాడ్ సిబ్బంది ఏజెన్సీని జల్లెడపట్టారు. అయినా హరదీప్ ఆచూకీ లభ్యం కాకపోవడంతో కుటుంబీకులు ఆందోళనలో ఉన్నారు.
News September 26, 2024
కె.గంగవరం: పెంచుకున్న బాలికపై అత్యాచారం…రెండేళ్లకు అరెస్ట్
మద్యం మత్తులో పెంచుకున్న బాలికపై పలుమార్లు లైంగిక దాడికి పాల్పడిన కేసులో కె.గంగవరానికి చెందిన నిందితుడిని రెండేళ్లకు అరెస్ట్ చేశామని పామర్రు ఎస్.ఐ జానీ బాషా బుధవారం తెలిపారు. బాలిక గర్భవతి కావడంతో అబార్షన్ చేయించేందుకు 2022 సెప్టెంబర్ లో హైదరాబాదులోని ప్రైవేట్ ఆస్పత్రికి తీసుకువెళ్లాడన్నారు. అప్పట్లో వైద్యుల ఫిర్యాదుతో పంజాగుట్ట పోలీసులు కేసు నమోదు చేశారు. విజయవాడలో దొరికాడన్నారు.
News September 26, 2024
జగన్ డిక్లరేషన్ ఇచ్చాకే శ్రీవారిని దర్శించుకోవాలి: పురందీశ్వరి
YS జగన్ తిరుమల పర్యటనపై BJP రాష్ట్ర అధ్యక్షురాలు పురందీశ్వరి చేసిన ట్వీట్ వైరల్‌గా మారింది. ‘28న తిరుమలకు వెళ్తున్న జగన్ TTD అధికారులకు డిక్లరేషన్ సమర్పించిన తర్వాతే వేంకటేశ్వర స్వామిని దర్శించుకోవాలి. జగన్ అన్య మతస్తులు కావడంతో (జీవో ఎంఎస్ నం.311, రెవిన్యూ, ఎండోమెంట్స్ రూల్ నం.16) ప్రకారం డిక్లరేషన్ ఇవ్వాలని డిమాండ్ చేస్తున్నా’ అంటూ ఆమె పోస్ట్ పెట్టారు. దీనిపై భిన్నాభిప్రాయాలు వ్యక్తమవుతున్నాయి.
News September 25, 2024
కాకినాడ జిల్లా ఎక్సైజ్ సూపరింటెండెంట్‌గా కృష్ణకుమారి
ప్రభుత్వ సాధారణ బదిలీల్లో భాగంగా కాకినాడ జిల్లా ఎక్సైజ్ సూపరింటెండెంట్‌గా ఎం.కృష్ణ కుమారి నియమితులయ్యారు. విశాఖపట్నంలోని స్పెషల్ ఎన్ఫోర్స్మెంట్ విభాగంలో సూపరింటెండెంట్‌గా పనిచేస్తూ బదిలీపై కాకినాడ జిల్లాకు వచ్చారు. ఈ సందర్భంగా ఆమె బుధవారం కలెక్టరేట్‌లో కలెక్టర్ షాన్ మోహన్‌ను మర్యాదపూర్వకంగా కలిసి పుష్పగుచ్ఛాన్ని అందజేశారు. ఈ సందర్భంగా ఆమెకు పలు సూచనలు చేశారు.
News September 25, 2024
చిరుత జాడపై మంత్రి దుర్గేశ్ ఆరా
కడియం నర్సరీ ప్రాంతంలో చిరుత పులి సంచరిస్తున్నట్లు అధికారులు నిర్ధారించిన విషయం తెలిసిందే. దీంతో మంత్రి కందులు దుర్గేశ్ బుధవారం కడియపులంక నర్సరీ ప్రాంతానికి వెళ్లి చిరుత జాడపై ఫారెస్ట్ అధికారులను ఆరా తీశారు. నర్సరీ ప్రాంతాలలో చిరుత సంచరిస్తున్న నేపథ్యంలో స్థానిక ప్రజలు అప్రమత్తంగా ఉండాలని సూచించారు.
News September 25, 2024
కాకినాడ: ‘వైసీపీలోనే ఉంటా.. తప్పుడు ప్రచారాలు నమ్మొద్దు’
మాజీ మంత్రి దాడిశెట్టి రాజా జనసేనలోకి చేరుతున్నారన్న ప్రచారానికి ఆయన చెక్ పెట్టారు. ఆరోగ్య సమస్యల రీత్యా హైదరాబాద్‌లో ఉన్నానని, ఇలాంటి సమయంలో లేనిపోనివి ప్రచారం చేశారని ఆయన ఓ ప్రకటనలో తెలిపారు. తాను వైసీపీలోనే ఉంటానని స్పష్టం చేశారు. పార్టీని వీడుతున్నాననే మాటలు ఎవరూ నమ్మొద్దన్నారు. హైదరాబాద్ నుంచి వచ్చిన వెంటనే పార్టీ నేతలను కలుస్తానని చెప్పారు.
News September 25, 2024
చిరుత జాడపై మంత్రి దుర్గేష్ ఆరా
కడియం నర్సరీ ప్రాంతంలో చిరుత పులి సంచరిస్తున్నట్లు అధికారులు నిర్ధారించిన విషయం తెలిసిందే. దీంతో మంత్రి కందులు దుర్గేష్ బుధవారం కడియపులంక నర్సరీ ప్రాంతానికి వెళ్లి చిరుత జాడపై ఫారెస్ట్ అధికారులను ఆరా తీశారు. నర్సరీ ప్రాంతాలలో చిరుత సంచరిస్తున్న నేపథ్యంలో స్థానిక ప్రజలు అప్రమత్తంగా ఉండాలని సూచించారు.
Featured News
Sorry, no posts matched your criteria.