India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News June 16, 2024
ఎమ్మెల్యే గోరంట్ల ఇంటికి మంత్రి కందుల దుర్గేశ్
రాజమండ్రి రూరల్ ఎమ్మెల్యే గోరంట్ల బుచ్చయ్య చౌదరిని వారి నివాసంలో మంత్రి కందుల దుర్గేశ్ మర్యాదపూర్వకంగా కలిశారు. దుర్గేశ్‌ను గోరంట్ల సాదరంగా ఆహ్వానించారు. మంత్రి పదవి వచ్చినందుకు గోరంట్ల ఆయనకు అభినందనలు తెలుపుతూ పుష్పగుచ్ఛం అందజేశారు. మరిన్ని ఉన్నత పదవులు చేపట్టాలని ఆకాంక్షించారు. అనంతరం గోరంట్లను దుర్గేశ్ శాలువాతో సత్కరించారు.
News June 16, 2024
కొమ్మనాపల్లిలో మరో 28 మందికి డయేరియా
కాకినాడ జిల్లా తొండంగి మండలం కొమ్మనాపల్లిలో డయేరియా ఇంకా పూర్తిస్థాయిలో అదుపులోకి రాలేదు. శనివారం మరో 28 మంది దీని బారిన పడినట్లు తెలిసింది. కాకినాడలోని జీజీహెచ్‌లో 16 మంది, తుని ప్రాంతీయ ఆసుపత్రిలో ముగ్గురు, మిగిలిన 9 మందికి స్థానికంగా చికిత్స అందించారు. ఈ ఊరిలో 512 కుటుంబాల్లో 1881 మంది ఉన్నారు. వారిలో 60 కుటుంబాలకు చెందిన 69 మందికి వైద్యం అందుతుంది. పలువురు ప్రైవేట్‌లో చికిత్స పొందుతున్నారు.
News June 16, 2024
పేరెంట్స్ చంపాలని చూస్తున్నారంటూ యువతి ఆవేదన
లవ్ మ్యారేజ్ చేసుకున్నాననే కోపంతో తల్లిదండ్రులు తనను చంపాలని చూస్తున్నారని, రక్షణ కల్పించాలని రాజమండ్రికి చెందిన యువతి విజయవాడలో ఓ న్యాయవాదిని ఆశ్రయించింది. Jan 9న మైనార్టీ తీరడంతో తాము పెళ్లి చేసుకున్నామని, తల్లిదండ్రులు దీనిపై బొమ్మూరు పోలీస్ స్టేషన్‌లో ఫిర్యాదు చేసినట్లు పేర్కొంది. తనతో పాటు భర్త, అత్తమామలకు ప్రాణహాని ఉందని, రక్షణ కల్పించాలంటూ హోంశాఖ మంత్రి, డీజీపీకి లేఖ రాసినట్లు తెలిపింది.
News June 16, 2024
ఒంటరితనంతో అన్నదమ్ముల ఆత్మహత్య.. ఇద్దరూ విద్యావంతులే
రాజమండ్రిలో <<13444701>>వంతెనపై నుంచి <<>>దూకి అన్నదమ్ములు ఆత్మహత్య చేసుకున్నారు. సాయికృష్ణానగర్‌కు చెందిన నాగేంద్రసాయి-త్రిపురదేవీ దంపతులకు నాగాంజనేయ(42), దుర్గారావు(40) సంతానం. బీటెక్, MBA చేసిన వీరు HYD, బెంగళూరులో జాబ్స్ చేశారు. 2013లో తండ్రి చనిపోగా ఇంటికొచ్చారు. 2020లో తల్లి మృతి చెందినప్పటి నుంచి ఎవరితో మాట్లాడేవారు కాదు. ఆర్థిక ఇక్కట్లు, ఒంటరితనం, పెళ్లిళ్లు కాక సంఘర్షణలోనై శనివారం సూసైడ్ చేసుకున్నారు.
News June 16, 2024
ఆరేళ్ల బాలికపై అత్యాచారం.. నిందితుడి అరెస్ట్
రంపచోడవరం నియోజకవర్గం అడ్డతీగల మండలంలోని ఓ గ్రామానికి చెందిన బాలిక(6)పై ఈ నెల 11న అత్యాచారానికి పాల్పడిన చెక్కా బాలురెడ్డి(45)ని అరెస్ట్ చేసినట్లు SI అప్పలరాజు తెలిపారు. ఆరేళ్ల పాపకు పనస పండ్లు ఇస్తానని తీసుకెళ్లి అత్యాచారానికి పాల్పడ్డాడన్నారు. అదే సమయంలో బాలిక తల్లిదండ్రులు రావడంతో పరారయ్యాడని, RTC కాంప్లెక్స్‌లో పట్టుబడిన బాలురెడ్డిని శనివారం అరెస్ట్ చేసి రాజమండ్రి జైలుకు పంపినట్లు తెలిపారు.
News June 16, 2024
రేపు పోలవరం ప్రాజెక్ట్ పరిశీలనకు CM చంద్రబాబు
సీఎం చంద్రబాబు సోమవారం పోలవరం ప్రాజెక్ట్‌ను పరిశీలించనున్నట్లు MLA చిర్రి బాలరాజు తెలిపారు. ప్రమాణ స్వీకారం తర్వాత CMగా ఆయన సందర్శించే తొలి ప్రాజెక్ట్ ఇదే కావడంతో ప్రాధాన్యం సంతరించుకుంది. ఉదయం 9.30 గంటలకే ఆయన పోలవరం చేరుకొని అంతా తిరిగి ప్రతి నిర్మాణాన్ని పరిశీలించనున్నారు. తర్వాత అక్కడే ప్రాజెక్ట్, జలవనరుల శాఖ అధికారులతో సమీక్ష నిర్వహిస్తారు. దీంతో అధికారులు తగిన ఏర్పాట్లు చేస్తున్నారు.
News June 16, 2024
కోనసీమ: అంబేడ్కర్ విగ్రహానికి చెప్పుల దండ.. నిందితులు అరెస్ట్
కె.గంగవరం మండలం యర్రపోతవరంలో అంబేడ్కర్ విగ్రహంపై దుశ్చర్యకు పాల్పడిన ఇద్దరు నిందితులను అరెస్టు చేసినట్లు SI జానీబాషా తెలిపారు. గ్రామానికి చెందిన పిల్లి రాంబాబు, కోరుకొండ స్వామినాయుడు ఇరిగేషన్ లాకుల వద్ద ఉన్న అంబేడ్కర్ విగ్రహం ఎడమ చేతికి చెప్పుల దండ వేసి వర్గాల మధ్య విభేదాలు సృష్టించే విధంగా బోర్డు వేలాడదీశారన్నారు . విప్పర్తి సత్యనారాయణ అనే వ్యక్తి ఫిర్యాదుతో కేసు నమోదు చేశామన్నారు.
News June 15, 2024
కాకినాడ: హోప్ ఐలాండ్‌పై ఆశలు
కాకినాడ జిల్లా తాళ్లరేపు మండలం కోరింగ పంచాయతీ పరిధిలో ఉండే హోప్ ఐలాండ్‌ను పర్యాటకంగా అభివృద్ధి చేయాలని స్థానికులు కోరుతున్నారు. ఈ ప్రాంతాన్ని 1998లో వన్యప్రాణుల సంరక్షణ కేంద్రం పరిధిలోకి తెచ్చారు. అయితే ఈ సుందర ప్రదేశానికి ఒకప్పుడు పర్యాటకులు పోటెత్తేవారు. కానీ ఇప్పుడు ఆ పరిస్థితి లేదు. మరి పర్యాటక శాఖ మన నిడదవోలు MLAకే కట్టబెట్టడంతో కచ్చితంగా అందుబాటులోకి వస్తుందని ఆశాభావం వ్యక్తమవుతోంది.
News June 15, 2024
కాకినాడ: ఏడాకుల చెట్లు తొలగించాలని మంత్రికి లేఖ
రాష్ట్రంలో పర్యావరణానికి హానికరంగా ఉన్న కోనోకార్పస్, ఏడాకుల చెట్లను తొలగించి వేప మొక్కలు నాటించాలని పర్యావరణ శాఖ మంత్రి పవన్ కళ్యాణ్‌కు పౌర సంక్షేమ సంఘం శనివారం రిజిస్టర్డ్ లేఖ పంపింది. రోగ నిరోధక శక్తి తగ్గిన వారికి ఏడాకుల చెట్ల వలన తీవ్ర అనారోగ్యం కలిగే అవకాశం ఉందని అందులో పేర్కొంది. కాకినాడ నగరంలో 35 వేల కోనోకార్పస్ వృక్షాలు, 150 ఏడాకుల చెట్లు ఉన్నాయన్నారు.
News June 15, 2024
రాజమండ్రిలో ఫ్లైఓవర్ కింద 2 మృతదేహాలు
రాజమండ్రి సిటీలో ఇద్దరు అనుమానాస్పద స్థితిలో మృతి చెందారు. శంభూనగర్ ఫ్లై ఓవర్ కింద శనివారం ఉదయం ఇద్దరు వ్యక్తులు మృతి చెంది ఉండటంతో స్థానికులు గమనించి పోలీసులకు సమాచారం అందించారు. రెండో పట్టణ పోలీసులు వెంటనే సంఘటనా స్థలానికి చేరుకుని పరిశీలించి కేసు నమోదు చేశారు. వీరిద్దరూ సోదరులని సమాచారం. ఈ ఘటనకు సంబంధించిన మరింత సమాచారం తెలియాల్సి ఉంది.
Featured News
Sorry, no posts matched your criteria.