• Download our app

Guntur

News January 30, 2025

విద్యార్థుల తల్లిదండ్రులు ఆందోళన చెందుతున్నారు: అంబటి

image

రాష్ట్రంలో ఫీజు రీయింబర్స్‌మెంట్‌ బకాయిల విడుదల కోసం ఫిబ్రవరి 5న తలపెట్టిన ఫీజు పోరు కార్యక్రమానికి సంబంధించిన పోస్టర్‌ను తాడేపల్లి వైసీపీ కేంద్ర కార్యాలయంలో గురువారం మాజీమంత్రి అంబటి రాంబాబు ఆవిష్కరించారు. ఆయన మాట్లాడుతూ.. కూటమి ప్రభుత్వం విద్యార్ధులకు సకాలంలో ఫీజు రీయింబర్స్‌మెంట్‌ చేయకపోవడంతో రాష్ట్ర వ్యాప్తంగా లక్షలాది విద్యార్ధులు, వారి తల్లిదండ్రులు ఆందోళన చెందుతున్నారన్నారు.

News January 30, 2025

GNT: చిన్నారిపై లైంగిక దాడికి యత్నం

image

చిలకలూరిపేటలో దారుణ ఘటన ఆలస్యంగా వెలుగులోకి వచ్చింది. పోలీసులు వివరాల మేరకు.. ఈ నెల 26వ తేదీన చిలకలూరిపేట మండలంలోని ఓ గ్రామంలో ఆరేళ్ల బాలికపై గోవింద్ అనే యువకుడు లైంగిక దాడికి యత్నించాడు. బాలికకు మాయమాటలు చెప్పి ఇంట్లోకి తీసుకెళ్లాడు. తోటి పిల్లలు అది గమనించి చుట్టుపక్కల వారికి చెప్పారు. దీంతో యువకుడిని పట్టుకొని పోలీసులకు అప్పగించారు. పోలీసులు కేసు నమోదు చేసి దర్యాప్తు చేస్తున్నారు.

News January 30, 2025

దుగ్గిరాల: రైలు కిందపడి వ్యక్తి ఆత్మహత్య

image

రైలు కింద పడి గుర్తు తెలియని వ్యక్తి ఆత్మహత్యకు పాల్పడ్డాడు. దుగ్గిరాల, చిలువూరు స్టేషన్ల మధ్య మంచికలపూడి రైల్వే గేటు సమీపంలో సుమారు 30 – 35 ఏళ్ల వయసున్న వ్యక్తి బుధవారం ఆత్మహత్యకు పాల్పడినట్లు రైల్వే పోలీసులకు సమాచారం అందింది. పోలీసులు మృతదేహాన్ని తెనాలి జిల్లా వైద్యశాలకు తరలించారు. కేసు నమోదు చేసి దర్యాప్తు చేస్తున్నామని, ఆచూకీ గుర్తిస్తే సమాచారం ఇవ్వాలని తెనాలి జీఆర్పీ ఎస్ఐ వెంకటాద్రి తెలిపారు.

News January 30, 2025

టీచర్ల తప్పుల సవరణకు అవకాశం: DEO

image

టీచర్ ఇన్ఫర్‌మేషన్ సిస్టమ్ (TIS) పూర్తి వివరాలను www.cse.ap.gov.in వెబ్ సైట్లో ఉపాధ్యాయుల వ్యక్తిగత లాగిన్ ద్వారా పొందుపర్చి ఉన్నట్లు గుంటూరు డీఈవో సి.వి రేణుక ఒక ప్రకటనలో తెలిపారు. పాఠశాల విద్యాశాఖ ఆదేశాల మేరకు ఎడిట్/మార్పులు చేసుకోవడానికి అవకాశం కల్పించామని అన్నారు. తప్పులు సవరణ చేసుకోదలచిన ఉపాధ్యాయులు 30వ తేదీ సాయంత్రం 5గం.ల లోపు చేసుకోవాలని డీఈవో సూచించారు.

News January 29, 2025

ఉండవల్లి: సీఎం చంద్రబాబును కలిసిన నూతన డీజీపీ

image

ప్రస్తుతం విజిలెన్స్ డీజీగా ఉన్న హరీష్ కుమార్ గుప్తా ఆంధ్రప్రదేశ్ నూతన డీజీపీగా నియమితులయ్యారు. ఈ సందర్భంగా రాష్ట్ర ముఖ్యమంత్రి నారా చంద్రబాబు నాయుడును మర్యాద పూర్వకంగా కలిసి హరీష్ కుమార్ గుప్తా పుష్పగుచ్ఛం అందజేశారు. ప్రస్తుతం డీజీపీగా ద్వారకా తిరుమల రావు ఎల్లుండి పదవీవిరమణ చేయనున్న నేపథ్యంలో 1992 ఐపీఎస్ బ్యాచ్‌కి చెందిన గుప్తాను ప్రభుత్వం రాష్ట్ర నూతన డీజీపీగా నియమించింది.

News January 29, 2025

తెనాలి: రోడ్డు ప్రమాదంలో గాయపడిన యువతి మృతి

image

అంగలకుదురు శివారులో సోమవారం రాత్రి జరిగిన రోడ్డు ప్రమాదంలో ఇద్దరు యువతులు తీవ్రంగా గాయపడిన విషయం తెలిసిందే. వీరిలో మల్లెపాడుకు చెందిన చిలుమూరి మాలతి(22)చికిత్స పొందుతూ బుధవారం మృతి చెందింది. నాజరుపేటకు చెందిన రమ్య, మాలతి గుంటూరులో ప్రైవేట్ జాబ్ చేస్తూ 27న రాత్రి స్కూటీపై తెనాలి వస్తున్నారు. గతుకుల రోడ్డులో ఎదురు వేగంగా వచ్చిన బైక్ ఢీకొట్టింది. తీవ్ర గాయాలైన ఇరువురిలో మాలతి మృతి చెందింది.

News January 29, 2025

కుష్టు వ్యాధిగ్రస్తులు సంఖ్య తగ్గుతుంది: DMHO

image

గుంటూరు జిల్లాలో జరుగుతున్న లెప్రసీ కేస్ డిటెక్షన్ క్యాంపెయిన్స్ (LCDC)ని తమిళనాడుకు చెందిన LCDC మానిటరింగ్ టీమ్ అధికారులు రంగనాథ్, అక్షర్ పురోహిత్ మంగళవారం పరిశీలించారు. ఈమని ప్రైమరీ హెల్త్ సెంటర్‌లో సభ్యులు ఈ సందర్భంగా పరిశీలన చేశారు. అనంతరం జిల్లా వైద్య, ఆరోగ్యశాఖ అధికారి విజయలక్ష్మీ తన ఛాంబర్‌లో కార్యక్రమం పై సమీక్ష నిర్వహించారు. జిల్లాలో కుష్టు వ్యాధిగ్రస్తులు సంఖ్య తగ్గుతుందన్నారు.

News January 28, 2025

లింగనిర్థారణ చేస్తే 3 నెలల జైలు: లీలావతి

image

గుంటూరు ప్రభుత్వ నర్సింగ్ కళాశాలలో మంగళవారం న్యాయవిజ్ఞాన సదస్సు జరిగింది. జిల్లా న్యాయసేవాధికార సంస్థ కార్యదర్శి టి.లీలావతి అతిథిగా హాజరై ప్రసంగించారు. లింగ నిర్థారణ చట్టపరంగా నేరమని, సమాజంలో ఆడ, మగపిల్లలను సమానంగా చూడాలని అన్నారు. లింగ నిర్థారణ చేస్తే 3 సంవత్సరాలు రూ.50 వేల జరిమానా విధించడం జరుగుతుందని చెప్పారు. ప్రిన్సిపల్ వైస్ ప్రిన్సిపాల్ పాల్గొన్నారు.

News January 28, 2025

పెదకాకాని: ట్రైన్ కిందపడి పాలిటెక్నిక్ స్టూడెంట్ మృతి

image

పెదకాకాకానిలో పాలిటెక్నిక్ స్టూడెంట్ రైలు కిందపడి మృతి చెందిన ఘటన సోమవారం చోటు చేసుకుంది. పోలీసుల వివరాల మేరకు.. హారిక (17) నారా కోడూరులోని ఓ కాలేజీలో పాలిటెక్నిక్ చదువుతోంది. గత కొద్ది రోజుల హారిక మానసికంగా బాగోలేక కాలేజీకి కూడా సరిగ్గా వెళ్లేది కాదు. సోమవారం గుంటూరు నుంచి విజయవాడ వెళ్లే ట్రైన్ కిందపడి మృతి చెందింది. పోలీసులు ఘటనా స్థలికి చేరుకొని కేసు నమోదు చేసి దర్యాప్తు చేస్తున్నారు.

News January 28, 2025

గుంటూరులో మరో ఫ్లైఓవర్ నిర్మాణం: ఎంపీ పెమ్మసాని

image

గుంటూరు ప్రజలకు కేంద్ర మంత్రి పెమ్మసాని గుడ్ న్యూస్ చెప్పారు. గుంటూరులో ట్రాఫిక్ ఎక్కువగా ఉండటంతో వాహనదారులు, ప్రజలు తీవ్ర ఇబ్బందులు పడేవారు. ఈ ట్రాఫిక్‌ను క్లియర్ చేసేందుకు మూడో ఫ్లై ఓవర్‌ నిర్మాణంకు కేంద్రం గ్రీన్ సిగ్నల్ ఇచ్చిందని అన్నారు. ఈ సందర్భంగా ఆయన ఢిల్లిలో విలేకర్లతో మాట్లాడుతూ.. గుంటూరు-నల్లపాడు మధ్యలో రైల్వే ఫ్లైఓవర్ నిర్మాణంకు ఆమోదం తెలిపిందన్నారు.

Featured News

Sorry, no posts matched your criteria.

↑