India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News April 11, 2025
గుంటూరు: అగ్నివీర్ నియామకాల గడువు పొడిగింపు
భారత సైన్యంలో అగ్నిపథ్ ద్వారా అగ్నివీర్ నియామకాల ఆన్‌లైన్ రిజిస్ట్రేషన్ గడువును ఏప్రిల్ 25 వరకు పెంచినట్లు గుంటూరు రిక్రూటింగ్ కార్యాలయం తెలిపింది. జూన్‌లో 13 భాషల్లో జరిగే కామన్ ఎంట్రన్స్ ఎగ్జామ్‌ తెలుగులోనూ నిర్వహించనున్నారు. గుంటూరు, బాపట్ల, పల్నాడు, ప్రకాశం సహా పలు జిల్లాల అభ్యర్థులు అగ్నివీర్ టెక్నికల్, జీడీ, ట్రేడ్స్ మెన్ పోస్టులకు దరఖాస్తు చేసుకోవచ్చన్నారు.
News April 11, 2025
కొల్లిపర: బాలికపై అత్యాచారయత్నం. 20ఏళ్ల జైలు శిక్ష
కొల్లిపురం మండలం దావులూరుకి చెందిన పి. సురేశ్ (53) 4ఏళ్ల బాలికపై 2021లో అత్యాచారయత్నానికి పాల్పడ్డాడు. ఈ ఘటనపై నాగలక్ష్మి పోలీసులకు ఫిర్యాదు చేయగా, అప్పటి కొల్లిపర ఎస్ఐ బలరామిరెడ్డి పోక్సో చట్టం కింద కేసు నమోదు చేశారు. దర్యాప్తు చేసిన దిశా ఎస్ఐ సంజయరాణి ఆధారాలు సమర్పించగా, తెనాలి పోక్సో కోర్టు న్యాయమూర్తి 20ఏళ్ల జైలు శిక్ష, రూ.10వేల జరిమానా విధించారు.
News April 11, 2025
గోరంట్ల మాధవ్‌పై తాడేపల్లిలో కేసు నమోదు
గుంటూరు జిల్లా తాడేపల్లిలోని వైసీపీ కేంద్ర కార్యాలయంలో గురువారం జరిగిన విలేకరుల సమావేశంలో రాష్ట్ర మంత్రి నారా లోకేశ్‌పై అనుచిత వ్యాఖ్యలు చేసిన వైసీపీ అధికార ప్రతినిధి గోరంట్ల మాధవ్‌పై తాడేపల్లి పోలీస్ స్టేషన్‌లో కేసు నమోదయ్యింది. ఈ మేరకు గురువారం తాడేపల్లి సీఐ కళ్యాణ్ రాజు మాట్లాడుతూ.. గోరంట్ల మాధవ్‌పై ఎఫ్ఐఆర్ నమోదు చేసినట్టు తెలిపారు.
News April 10, 2025
జూలకల్లులో వైసీపీ నేతపై దాడి
ఉమ్మడి గుంటూరు జిల్లా గురజాల నియోజకవర్గంలోని జూలకల్లులో వైసీపీ నేత పాశం చిన్న అంజిరెడ్డిపై గురువారం కొందరు మూకుమ్మడిగా దాడి చేశారు. కర్రలు, ఇనుప రాడ్లతో కొట్టడంతో ఆయనకు తీవ్ర గాయాలయ్యాయని స్థానికులు తెలిపారు. కుటుంబసభ్యులు ఆయన్ని పిడుగురాళ్ల ఆస్పత్రికి తరలించారు. గురజాల మాజీ ఎమ్మెల్యే కాసు మహేశ్ రెడ్డి ఫోన్ ద్వారా పరామర్శించారు. ఘటనపై వివరాలు తెలియాల్సి ఉంది.
News April 10, 2025
GNT: సోషల్ మీడియా దుర్వినియోగానికి గట్టి హెచ్చరిక
చేబ్రోలు కిరణ్ చేసిన అసభ్యకర వ్యాఖ్యలను TDP ఆయనను తక్షణమే సస్పెండ్ చేసిన విషయం తెలిసిందే. ఈ చర్య ద్వారా పార్టీ నైతిక ప్రమాణాలను ప్రదర్శించడమే కాకుండా, సోషల్ మీడియాలో ఆచరణా నియమాలను ఉల్లంఘించే వారికి హెచ్చరికగా నిలిచింది. పార్టీ శ్రేణులు ఈ నిర్ణయాన్ని స్వాగతించాయి. CM చంద్రబాబు నేతృత్వంలో ప్రభుత్వం ప్రజల విశ్వాసాన్ని నిలబెట్టుకోవడంలో ఇది మంచి ఉదాహరణగా నిలుస్తుందని పలువురు అంటున్నారు.
News April 10, 2025
డాక్టర్ ప్రభావతి వ్యాఖ్యలపై RRR స్పందన
కస్టోడియల్ టార్చర్ కేసులో విచారణకు హాజరైన డాక్టర్ ప్రభావతి తనకేమీ గుర్తులేదని చెప్పడంపై డిప్యూటీ స్పీకర్ రఘురామకృష్ణరాజు స్పందించారు. బుధవారం ఆయన మీడియాతో మాట్లాడుతూ.. ఎంబీబీఎస్ చదివిన వైద్యురాలు గాయాలపై అవగాహన లేదనడం ఆశ్చర్యకరమని అన్నారు. ఆమెకు గతం గుర్తొచ్చే ఏర్పాట్లు జరుగుతాయని ఆశిస్తున్నానన్నారు. కొన్ని సినిమాల్లోలా, ఆమెకి మళ్లీ జ్ఞాపకశక్తి రావాలని భగవంతుడిని ప్రార్థిస్తున్నానని తెలిపారు.
News April 10, 2025
గుంటూరు: అలర్ట్.. ఏప్రిల్ 30 వరకే గడువు
గుంటూరు జిల్లాలో రేషన్ కార్డు ఉన్నవారు ఈనెల 30లోగా ఈ-కేవైసీ పూర్తి చేసుకోవాలి. రేషన్ డీలర్ లేదా ఎండీయూ వాహనం వద్ద పోస్ మెషిన్‌లో మీ వివరాలు తెలుసుకోవచ్చు. ఎర్ర రంగులో పేరు ఉంటే ఈ-కేవైసీ పెండింగ్‌లో ఉన్నట్లు. వెంటనే వేలిముద్ర వేసి పూర్తిచేయండి. ఐదేళ్లలోపు, 80ఏళ్లు పైబడిన వారికి ఇది వర్తించదు. గడువులోగా పూర్తిచేయాలని అధికారులు సూచిస్తున్నారు. మరింత సమాచారం కోసం epds1 వెబ్‌సైట్‌లో చూడవచ్చన్నారు.
News April 10, 2025
ఇస్రో యువికా ప్రోగ్రామ్‌లో గుంటూరు జిల్లాకు గౌరవం
ఇస్రో నిర్వహిస్తున్న యువికా యంగ్ సైంటిస్ట్ ప్రోగ్రామ్‌లో గుంటూరు జిల్లా నుంచి వట్టిచెరుకూరు (మ) ముట్లూరు జెడ్పీ హైస్కూల్ విద్యార్థి పవన్ దుర్గ, ఓ ప్రవేట్ స్కూల్ విద్యార్థి వి. సోమశేఖర్ ఎంపికయ్యారు. మూడున్నర లక్షల మందికిపైగా పోటీలో పాల్గొనగా ఈ ఇద్దరు ఎంపిక కావడం గర్వకారణమని జిల్లా ఇన్‌ఛార్జ్ కలెక్టర్ భార్గవ్ తేజ బుధవారం అభినందించారు. మే 18 నుంచి 31 వరకూ శ్రీహరికోటలో జరిగే శిక్షణలో వీరు పాల్గొంటారు.
News April 10, 2025
గుంటూరు: మణిపురం బ్రిడ్జి వద్ద మహిళపై దాడి
ఆర్టీసీ బస్టాండ్ పరిసరాల్లో వ్యభిచారానికి పాల్పడుతున్న నెల్లూరు మహిళపై మంగళవారం అర్ధరాత్రి దాడి జరిగింది. బేరం మాట్లాడుకున్న ఓ వ్యక్తి ఆమెను మణిపురం బ్రిడ్జి పక్కన ఉన్న ఖాళీ ప్రదేశానికి తీసుకెళ్లగా, అక్కడ అప్పటికే ముగ్గురు వ్యక్తులు వేచి ఉన్నారు. నలుగురు కలిసి ఆమెపై దాడి చేసి, రూ.1000 నగదు లాక్కొని అక్కడి నుంచి పారిపోయారు. స్థానికుల సమాచారం మేరకు పోలీసులు అక్కడికి చేరుకొని కేసు నమోదు చేశారు.
News April 10, 2025
గుంటూరులో గుర్తుతెలియని మృతదేహం.!
లాలాపేట పోలీస్ స్టేషన్ పరిధిలోని కోడిగుడ్డు సత్రం వద్దనున్న సాంఘిక సంక్షేమ కార్యాలయం వద్ద సుమారు 30ఏళ్ల వయస్సు కలిగిన యువకుడు బుధవారం చనిపోయి పడి ఉన్నాడు. సమాచారం అందుకున్న పోలీసులు మృతుడి వివరాల కోసం పరిసర ప్రాంతాల్లో విచారించినా ఫలితం దక్కలేదు. దీంతో గుర్తుతెలియని మృతదేహంగా నిర్ధారించుకుని గుంటూరు ప్రభుత్వ ఆసుపత్రిలోని మార్చూరీలో భద్రపర్చారు. మృతుడి వివరాలు తెలిస్తే చెప్పాలన్నారు.
Featured News
Sorry, no posts matched your criteria.