India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News April 2, 2024
వాలంటీర్లకు పల్నాడు కలెక్టర్ కీలక ఆదేశాలు
మొబైల్‌లు, బయోమెట్రిక్‌ డివైజ్‌లు పోగొట్టుకుంటే వాలంటీర్లు కొత్త IRIS, బయోమెట్రిక్‌ డివైజ్‌ను కొనుగోలు చేసి సంబంధిత సెక్రటరీకి అప్పగించాలని పల్నాడు జిల్లా కలెక్టర్ శివశంకర్ ఆదేశించారు. ఏదైనా నష్టం, మొబైల్‌కు డ్యామేజ్ జరిగితే వాలంటీర్లు రూ.8 వేలు చెల్లిస్తే కొత్త మొబైల్‌ అందజేస్తామన్నారు. ప్రతి ఒక్కరూ సూచనలను పాటించాలని ఆదేశించారు.
News April 2, 2024
ఉమ్మడి గుంటూరు జిల్లా కాంగ్రెస్ MLA అభ్యర్థులు వీళ్లే..
ఉమ్మడి గుంటూరు జిల్లాలో పలువురు MLA అభ్యర్థులను కాంగ్రెస్ ప్రకటించింది. * పెదకూరపాడు: పామిడి నాగేశ్వరరావు * తాడికొండ: చిలకా విజయ్ కుమార్ * పొన్నూరు: జక్కా రవీంద్రనాథ్ * వేమూరు: బురగ సుబ్బారావు * ప్రత్తిపాడు: వినయ కుమార్ * గుంటూరు ఈస్ట్: షేక్ మస్తాన్ వలి * చిలకలూరిపేట: మద్దుల రాధా కృష్ణ * నరసరావుపేట: షేక్ మహబూబ్ బాషా * వినుకొండ: చెన్న శ్రీనివాసరావు * గురజాల: యలమంద రెడ్డి * మాచర్ల: రామచంద్రా రెడ్డి
News April 2, 2024
బాపట్ల: పాము కాటుతో చిన్నారి మృతి
పిట్టలవానిపాలెం మండలంలో మంగళవారం విషాద ఘటన చోటుచేసుకుంది. మండల పరిధిలోని ఖాజీపాలెం గ్రామ పంచాయతీ ఎస్టీ కాలనీలో పాము కాటుకు గురై 12 ఏళ్ల బాలిక మృతి చెందింది. ఈ నేపథ్యంలో గ్రామంలో విషాదఛాయలు అలుముకున్నాయి. బాలిక తల్లిదండ్రులు శోకసంద్రంలో మునిగిపోయారు. ఘటనకు సంబంధించి పూర్తి వివరాలు తెలియాల్సి ఉంది.
News April 2, 2024
పెదకూరపాడులో 30 మంది వాలంటీర్లు రాజీనామా
మండల వ్యాప్తంగా సుమారు 30 మంది వాలంటీర్లు తమ వాలంటరీ పోస్టులకు రాజీనామా చేసినట్లు ఎంపీడీవో మల్లేశ్వరి తెలిపారు. మండల వ్యాప్తంగా సోమవారం పొడపాడు, హుస్సేనగరం, ముసాపురం, పెదకూరపాడు పరిసర ప్రాంతాల్లోని వాలంటీర్లు స్వచ్ఛందంగా తమ వాలంటరీ పోస్ట్‌లకు రాజీనామా తెలిపినట్లు తెలిపారు. రాష్ట్ర ప్రభుత్వం తమపై ఉంచిన నమ్మకాన్ని ఎలక్షన్ల సమయంలో అవ్వ తాతలకు అందించలేకపోయామనే బాధతో రాజీనామా చేస్తున్నామని తెలిపారు.
News April 2, 2024
గుంటూరు రైల్వే డివిజన్ చరిత్రలో ఇదే ప్రథమం
గుంటూరు రైల్వే డివిజన్‌కు 2024 మార్చి నెలలో రూ.47.9 కోట్లు ఆదాయం వచ్చినట్లు రైల్వే అధికారులు తెలిపారు. గుంటూరు రైల్వే డివిజన్ ఏర్పడినప్పటి నుంచి ఇప్పటివరకు ఇదే అధికమన్నారు. 3.364 మిలియన్ టన్నుల సరుకు రవాణా జరిగిందని పేర్కొన్నారు. గతంతో పోలిస్తే ఎన్నడూ లేని విధంగా సరుకు రవాణాలో 21.6% వృద్ధి చెందిందన్నారు. దశాబ్దాల చరిత్ర తిరగరాసిందని తెలిపారు.
News April 2, 2024
తాడికొండలో అత్యధిక మెజారిటీ ఇదే..
1967లో ఏర్పడ్డ తాడికొండ నియోజకవర్గంలో ఇప్పటి వరకు 12 సార్లు ఎన్నికలు జరిగాయి. అయితే 1983లో టీడీపీ తరఫున దివంగత జే.ఆర్. పుష్పరాజ్ 26486 ఓట్ల మెజారిటీతో గెలిచారు. ఇప్పటివరకు ఇదే అత్యధిక మెజారిటీ. తాజాగా తెనాలి శ్రావణ్ కుమార్ టీడీపీ నుంచి బరిలో ఉండగా.. వైసీపీ మేకతోటి సుచరితకు టికెట్ ఇచ్చింది. రాబోయే ఎన్నికల్లో జే.ఆర్. పుష్పరాజ్ రికార్డు బ్రేక్ అయ్యేనా.. మీ అభిప్రాయం కామెంట్ చేయండి.
News April 2, 2024
గుంటూరు: భార్యకు తెలియకుండా కానిస్టేబుల్ రెండో పెళ్లి
కానిస్టేబుల్‌గా పనిచేస్తున్న తన భర్త మరో యువతిని పెళ్లి చేసుకొని మోసగించాడని భార్య సోమవారం పోలీసు కార్యాలయంలో, గుంటూరు జిల్లా ఎస్పీ తుషార్‌కి ఫిర్యాదు చేశారు. ఆమె మాట్లాడుతూ.. గుంటూరులో కానిస్టేబుల్ పనిచేస్తున్న జనార్దనరావుతో పదహారేళ్ల కిందట వివాహమైందన్నారు. భర్త మరో యువతిని వివాహం చేసుకున్నాడని, నాకు విడాకులు ఇవ్వకుండా వేరే అమ్మాయిని పెళ్లి చేసుకొని మోసగించిన అతనిపై చర్యలు తీసుకొవాలని కోరారు.
News April 2, 2024
గురజాల: ఒకప్పటి శత్రువులు ఇప్పుడు మిత్రులవుతున్నారు
గురజాలలో ఒకప్పుడు ఒకరిపై ఒకరు శాసనసభ్యులుగా పోటీ చేసిన ఎరపతినేని శ్రీనివాసరావు, జంగా కృష్ణమూర్తులు ఇప్పుడు మిత్రులు కాబోతున్నారు. వైసీపీ ఎమ్మెల్సీ జంగా ఎట్టకేలకు చంద్రబాబును కలిశారు. గురజాలలో జరిగే ప్రజాగళం బహిరంగ సభలో జంగాతో పాటు గురజాల నియోజకవర్గంలో ఆయన అనుచరులు వేలాదిమంది టీడీపీలో చేరనున్నారు. గురజాల వైసీపీ టికెట్ కోసం జంగా ప్రయత్నించగా.. కాసుకు జగన్ టికెట్ కేటాయించిన విషయం తెలిసిందే.
News April 2, 2024
బాపట్ల: ట్రాన్స్ జెండర్ గొంతు కోసిన ఆగంతుకుడు
చెరుకుపల్లి మండలం గూడవల్లికి చెందిన ట్రాన్స్ జెండర్ కొల్లూరులోని ఓ దుకాణం వద్ద చందా తీసుకుంటుంది. ఈ క్రమంలో మద్యం మత్తులో ఉన్న ఆగంతుకుడు ఆమె వెనుకగా వచ్చి అసభ్యంగా ప్రవర్తించాడు. ఆమె బయపడి అతని చెంపపై కొట్టింది. దీంతో అతడు పదునైన ఆయుధంతో గొంతుపై గాయం చేసి పరారయ్యాడు. పోలీసులు ఘటనా స్థలికి చేరుకుని క్షతగాత్రురాలిని స్థానిక ప్రభుత్వ వైద్యశాలకు తరలించారు. మరింత సమాచారం తెలియాల్సి ఉంది.
News April 2, 2024
సచివాలయాల ద్వారా పెన్షన్ పంపిణీ: గుంటూరు కలెక్టర్
ఎన్నికల నిబంధనల మేరకు ప్రజలకు సచివాలయాల ద్వారా పెన్షన్ పంపిణీ చేస్తామని గుంటూరు జిల్లా కలెక్టర్ వేణుగోపాల్ రెడ్డి చెప్పారు. సోమవారం ఆయన మాట్లాడుతూ.. పెన్షన్ పంపిణీపై ఎన్నికల సంఘం కచ్చితమైన ఆదేశాలు ఇచ్చిందన్నారు. సచివాలయాలలో పెన్షన్ పంపిణీకి చర్యలు తీసుకుంటున్నామని ఇప్పటికే సచివాలయ సిబ్బందికి లాగిన్లు ఇచ్చామన్నారు. ప్రజలు ఎలాంటి ఆందోళన చెందవద్దన్నారు.
Featured News
Sorry, no posts matched your criteria.