India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News June 28, 2024
వైసీపీకి డాక్టర్ టీవీ రావు రాజీనామా
వ్యాపారవేత్త, దాక్షిణ్య సంస్థ వ్యవస్థాపకుడు, వైసీపీ నేత డాక్టర్ టీవీ రావు శుక్రవారం ఆ పార్టీకి రాజీనామా చేస్తున్నట్లు ప్రకటించారు. తన వ్యక్తిగత కారణాల వల్ల రాజీనామా చేస్తున్నట్లు ఆయన మీడియాకు వివరించారు. ఏపీ స్టేట్ గ్రూప్ వన్ అధికారిగా పని చేసిన ఆయన స్వచ్ఛంద పదవి విరమణ చేసి తెలుగుదేశం పార్టీ తరఫున 2004 గుంటూరు పశ్చిమ అభ్యర్థిగా పోటీ చేశారు. ఆపై వైసీపీలో చేరి, తాజాగా ఆ పార్టీకి రాజీనామా చేశారు.
News June 28, 2024
ఉమ్మడి గుంటూరు జిల్లాకు పొంచి ఉన్న తుపాను ముప్పు
ఉమ్మడి గుంటూరు జిల్లాకు తుపాను ముప్పు పొంచి ఉందని వాతావరణ శాఖ శుక్రవారం తెలిపింది. బంగాళాఖాతంలో ఉపరితల ఆవర్తనం క్రమంగా అల్పపీడనంగా మారి 72 గంటల్లో ఏపీ వైపు కదులుతుంది. దీని ప్రభావంతో ఈ నెల 28 నుంచి 3 రోజుల పాటు రాష్ట్ర వ్యాప్తంగా వర్షాలు పడే అవకాశం ఉంది. గుంటూరు, బాపట్ల, పల్నాడు జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంటుందని వాతావరణ శాఖ తెలియజేసింది.
News June 28, 2024
పిన్నెల్లి అరెస్ట్.. సోదరుడి జాడపై చర్చ
మాచర్ల మాజీ ఎమ్మెల్యే పిన్నెల్లి రామకృష్ణారెడ్డి అరెస్ట్ అయి నెల్లూరు జైలులో ఉన్న విషయం తెలిసిందే. కాగా, అతని తమ్ముడు పిన్నెల్లి వెంకట్రామిరెడ్డి ఎక్కడనే అంశంపై పల్నాడులో చర్చ జరుగుతోంది. మాచర్ల రాజకీయాల్లో కీలకంగా వ్యవహరించిన వెంకట్రామిరెడ్డి మే 22 నుంచి పరారీలో ఉన్నట్లు సమాచారం. అతడితో పాటు పిన్నెల్లి అనుచరుడు కిశోర్ జాడ కూడా కొద్ది రోజులుగా తెలియలేదని టీడీపీ శ్రేణులు చెబుతున్నాయి.
News June 28, 2024
ప్రత్తిపాడు: సమాచార హక్కు కార్యకర్తపై కత్తులతో దాడి
ఇళ్ల కూల్చివేత విషయంలో సమాచార హక్కు కార్యకర్త, టీడీపీకి చెందిన కమ్మ శివప్రసాద్‌పై ఇద్దరు కలిసి కత్తులతో దాడి చేసిన ఘటన ప్రత్తిపాడులో గురువారం చోటుచేసుకుంది. తాగునీటి చెరువు ఆక్రమణకు గురైందంటూ పదేళ్ల క్రితం శివప్రసాద్ గొట్టిపాడుకు చెందిన ఓ వ్యక్తిపై లోకయుక్తలో ఫిర్యాదు చేశారు. ఆ స్థలంలోని ఇళ్ల కూల్చివేతకు ఆదేశాలు రావడంతో దీనికి కారణం శివప్రసాద్ అంటూ కత్తులతో దాడి చేశారు. పోలీసులు కేసు నమోదు చేశారు.
News June 28, 2024
ఆత్మహత్యకు ప్రేరేపించిన కేసులో ఇద్దరికి జైలు శిక్ష
మహిళ ఆత్మహత్యకు ప్రేరేపించిన కేసులో ఇద్దరికి జైలు శిక్ష విధిస్తూ న్యాయస్థానం తీర్పు వెలువరించిందని ఎస్పీ వకుల్ జిందాల్ చెప్పారు. గురువారం ఆయన మాట్లాడుతూ.. బాపట్ల జిల్లా వేటపాలెం పోలీస్ స్టేషన్లో నమోదైన కేసులో అప్పు విషయంలో మహిళతో దుర్భాషలాడి ఆమె ఆత్మహత్య చేసుకునేలా ప్రేరేపించిన శివ నాగమణి, శ్రీనివాసరెడ్డిలకు కోర్టు 5 సంవత్సరాల జైలు శిక్ష, రూ.8వేల జరిమానా విధించిందని తెలిపారు.
News June 28, 2024
పింఛన్ దారులు ఇంటి వద్ద అందుబాటులో ఉండండి: కీర్తి చేకూరి
జులై 1వ తేదీన నగరంలో ఇంటి వద్దకే ఎన్టీఆర్ భరోసా పింఛన్లు అందించనున్నట్లు జీఎంసీ కమిషనర్ కీర్తి చేకూరి గురువారం తెలిపారు. జులై ఒకటో తేదీ ఉదయం ఆరు గంటల నుంచి వార్డు సచివాలయాల వారిగా పింఛన్లు పంపిణీ జరుగుతుందన్నారు. పింఛనుదారులు తమ ఇంటి వద్దకు పింఛను అందించడానికి వచ్చే సచివాలయ కార్యదర్శులకు అందుబాటులో ఉండి సహకరించాలని కమిషనర్ కోరారు.
News June 28, 2024
జులై 1న పెన్షన్‌ల పంపిణీకి ఏర్పాట్లు పూర్తి: కలెక్టర్ నాగలక్ష్మి
జులై 1న పెన్షనర్ల ఇంటి వద్దే సచివాలయ ఉద్యోగుల ద్వారా పింఛన్లు పంపిణీ చేయాలని ప్రభుత్వ ప్రధాన కార్యదర్శి నీరభ్ కుమార్ తెలిపారు. గురువారం వెలగపూడి రాష్ట్ర సచివాలయం నుంచి పింఛన్ల పంపిణీపై కలెక్టర్లతో వీడియో కాన్ఫరెన్స్ నిర్వహించారు. పెంచిన పెన్షన్, 3 నెలల ఎరియర్స్‌తో కలిపి పంపిణీ చేయాలని చెప్పారు. జిల్లాలో పెన్షన్‌ల పంపిణీకి ఏర్పాట్లు పూర్తి చేశామని కలెక్టర్ నాగలక్ష్మి వెల్లడించారు.
News June 27, 2024
గుంటూరులో గుర్తు తెలియని వ్యక్తి మృతదేహం లభ్యం
నగరంలో లాలాపేట పోలీసులు గుర్తు తెలియని వ్యక్తి మృతి చెందిన ఘటనపై గురువారం కేసు నమోదు చేసి దర్యాప్తు చేపట్టారు. ఈనెల 16న పల్నాడు బస్టాండ్ కెనరా బ్యాంక్ పక్కన సుమారు (40) సంవత్సరాల వయసు కలిగిన మగ వ్యక్తి పడిపోయి ఉండగా 108లో గుంటూరు జీజీహెచ్‌లో చేర్పించగా చికిత్స పొందుతూ.. మృతి చెందాడు. మృతుని వివరాలు తెలిసినవారు స్టేషన్లో సంప్రదించాలని పేర్కొన్నారు.
News June 27, 2024
లావు నేతృత్వంలో టీడీపీ పార్లమెంటరీ కమిటీ
నరసరావుపేట ఎంపీ లావు శ్రీకృష్ణ దేవరాయలు టీడీపీ పార్లమెంటరీ నాయకుడిగా ఆ పార్టీ అధినేత చంద్రబాబు గురువారం ప్రకటించారు. పార్లమెంటరీ పార్టీ ఉప నాయకులుగా దగ్గుపాటి ప్రసాదరావు, బైరెడ్డి శబరి, కార్యదర్శిగా బికె. పార్థసారథి, కోశాధికారిగా వేమిరెడ్డి ప్రభాకర్ రెడ్డి, కార్యాలయ కార్యదర్శిగా నూపద సత్యనారాయణను ఎంపిక చేస్తూ ..చంద్రబాబు ఉత్తర్వులు జారీ చేశారు.
News June 27, 2024
ప్రభాస్ ‘కల్కి’ మూవీ టీంకు మంత్రి లోకేశ్ కంగ్రాట్స్
రెబల్ స్టార్ ప్రభాస్ నటించిన ‘కల్కి’ చిత్రంపై మంత్రి నారా లోకేశ్ స్పందించారు. సినిమాకు మంచి రివ్యూలు రావడం సంతోషంగా ఉందని, చిత్ర బృందానికి ఆయన కంగ్రాట్స్ తెలిపారు. ప్రభాస్, అమితాబ్ బచ్చన్, కమల్ హాసన్, దీపికా పదుకొణె, తదితర నటులు, డైరెక్టర్ నాగ్ అశ్విన్.. నిర్మాత అశ్వినీదత్ తదితరులు తెలుగు సినిమాను గ్లోబల్ స్థాయికి తీసుకెళ్లారని ప్రశంసించారు.
Featured News
Sorry, no posts matched your criteria.