India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News October 18, 2024
అమరావతి డ్రోన్ సమ్మిట్ 2024కు కేంద్ర మంత్రికి ఆహ్వానం
ఈ నెల 22, 23వ తేదీల్లో జరిగే అమరావతి డ్రోన్ సమ్మిట్ 2024కు రావాల్సిందిగా కేంద్ర పౌర విమానయాన శాఖ మంత్రి కింజారపు రామ్మోహన్ నాయుడుకి రాష్ట్ర పెట్టుబడులు మౌలిక సదుపాయాల శాఖ కార్యదర్శి ఎస్. సురేశ్ కుమార్, గురువారం ఆహ్వాన పత్రిక అందజేశారు. ఈ సమ్మిట్‌కు దేశం నలుమూలల నుంచి వందల కంపెనీలు వందలాది మంది డెలిగేట్స్ అమరావతికి రానున్నారు. ఆహ్వానించిన వారిలో ఏపీ డ్రోన్స్ కార్పొరేషన్ MD కె. దినేష్ కుమార్ ఉన్నారు
News October 18, 2024
స్వర్ణకారుల 60ఏళ్ల కలను నెర‌వేర్చ‌డం నాకు సంతోషంగా ఉంది: లోకేశ్
స్వర్ణకారుల 60ఏళ్ల కలను నెర‌వేర్చ‌డం తనకు సంతోషంగా ఉందని మంత్రి నారా లోకేశ్ అన్నారు. స్వర్ణకార కార్పోరేషన్ ఏర్పాటుకు కృషి చేసినందుకు లక్ష్మినరసింహ గోల్డ్ స్మిత్ వెల్ఫేర్ సొసైటీ ప్రతినిధులు తనను కలిసి కృతజ్ఞతలు తెలియజేశారని చెప్పారు. కేట్ కట్ చేయించి తమ ఆనందాన్ని పంచుకున్నారన్నారు. మంగళగిరిని గోల్డ్ హబ్ చేసే ల‌క్ష్యంతో అంతా కలిసి ప‌నిచేద్దామ‌ని పిలుపు ఇచ్చినట్లు ఆయన ట్వీట్ చేశారు.
News October 17, 2024
మాస్టర్ మైండ్స్ విద్యార్థినిని అభినందించిన CM చంద్రబాబు
మాస్టర్ మైండ్స్ విద్యార్థిని కొత్తపేట తేజశ్వినిని సీఎం చంద్రబాబు అభినందించారు. 2024 సీఎంఏ ఫైనల్ ఫలితాల్లో ఆలిండియా ఫస్ట్ ర్యాంక్ సాధించినందుకు గురువారం సచివాలయంలో ఆమెను సత్కరించారు. ఇదే సందర్భంగా విజయవాడ వరద బాధితుల కోసం మాస్టర్ మైండ్స్ విద్యాసంస్థల అడ్మిన్ అడ్వైజర్ మట్టుపల్లి మోహన్ సీఎం సహాయ నిధికి రూ.7లక్షల డీడీని సీఎంకు అందజేశారు.
News October 17, 2024
ANU డిగ్రీ 5, 6 సెమిస్టర్ సప్లిమెంటరీ ఫలితాలు విడుదల
ఆచార్య నాగార్జున విశ్వవిద్యాలయం ఆగస్టులో నిర్వహించిన డిగ్రీ 5వ, 6వ సెమిస్టర్ సప్లిమెంటరీ పరీక్షల ఫలితాలను గురువారం తాత్కాలిక వీసీ ఆచార్య కే. గంగాధరరావు విడుదల చేశారు. 5వ సెమిస్టర్‌లో 5,973 మంది విద్యార్థులకు గానూ 4,095 మంది, 6వ సెమిస్టర్‌లో 300 మందికి 202 మంది ఉత్తీర్ణులయ్యారని చెప్పారు. ఫలితాలను విశ్వవిద్యాలయం వెబ్సైట్ www.anu.ac.inలో ఉంచినట్లు పేర్కొన్నారు. share it.
News October 17, 2024
గుంటూరు: ఆ పరీక్షలు యధాతథంగా జరుగుతాయి
ఆచార్య నాగార్జున యూనివర్సిటీ(డిస్టెన్స్) పరిధిలో ఈ నెల 27 నుంచి జరగాల్సిన UG, PG 2, 4 సెమిస్టర్ పరీక్షలు యధాతథంగా జరగనున్నాయి. ఈ మేరకు వర్సిటీ సమన్వయకర్త డా.రామచంద్రన్ ఒక ప్రకటన విడుదల చేశారు. పలు జిల్లాలలో భారీ వర్షాలు కురుస్తున్నందున నేడు ప్రారంభం కావాల్సిన UG, PG 1,3 సెమిస్టర్ పరీక్షలు వాయిదా వేశామని, 2,4 సెమిస్టర్ పరీక్షలు మాత్రం తొలుత ప్రకటించిన షెడ్యూల్ ప్రకారం నిర్వహిస్తామన్నారు.
News October 17, 2024
ఆ మరణాలు సంభవించకుండా చర్యలు తీసుకోవాలి: కలెక్టర్
గుంటూరు జిల్లాలో మాతృమరణాలు సంభవించకుండా పటిష్ఠ చర్యలు తీసుకోవాలని వైద్యాధికారులను కలెక్టర్ నాగలక్ష్మి ఆదేశించారు. గుంటూరు కలెక్టరేట్లో బుధవారం జిల్లా స్థాయి మాతృ మరణాల సమీక్ష కమిటీ సమావేశం జరిగింది. కలెక్టర్ మాట్లాడుతూ.. హై రిస్క్ గర్భిణులను ముందుగానే గుర్తించి సమీపంలోని జిల్లా ఆసుపత్రికి ట్యాగ్ చేయాలన్నారు. ప్రసవానికి ముందుగానే వారిని ప్రభుత్వ ఆసుపత్రికి తరలించాలని సూచించారు.
News October 17, 2024
నేటి నుంచి సౌత్ జోన్ జూనియర్ అథ్లెటిక్స్ ఛాంపియన్షిప్
ఆచార్య నాగార్జున యూనివర్సిటీ అథ్లెటిక్స్ అసోసియేషన్ ఆధ్వర్యంలో 35వ సౌత్ జోన్ జూనియర్ అథ్లెటిక్స్ ఛాంపియన్షిప్ పోటీలు ఈ నెల 17వ తేదీ నుంచి ప్రారంభం కానున్నాయని ఏపీఏఏ కార్యదర్శి ఎ. గౌతమ్ కిరణ్ తెలిపారు. అండర్-14,16,18,20 బాలుర, బాలికల కేటగిరీలో పలు క్రీడలు ఉంటాయని చెప్పారు. ఒక కేంద్ర పాలిత ప్రాంతం నుంచి జూనియర్ అథ్లెట్లు పాల్గొంటారని చెప్పారు.
News October 17, 2024
గుంటూరు: నవంబరు 16న శబరిమలకు ప్రత్యేక రైలు
శబరిమల వెళ్లే భక్తుల సౌకర్యార్థం నవంబరు 16న సికింద్రాబాద్ నుంచి ఐఆర్సీటీసీ ఏర్పాటు చేసిన ప్రత్యేక రైలు గుంటూరు మీదుగా వెళ్లనుందని అధికారులు తెలిపారు. ఈ రైలు సికింద్రాబాద్లో 8.00 గంటలకు బయలుదేరి గుంటూరు 14.45కి వచ్చి మరుసటిరోజు చెంగనూరు 19.00 గంటలకు చేరనుంది. తిరుగు ప్రయాణంలో ఈ రైలు ఎర్నాకులంలో 12.00 గంటలకు ప్రారంభమై.. మరుసటిరోజు గుంటూరు 14.40, సికింద్రాబాద్ 21.45 గంటలకు చేరనుంది.
News October 17, 2024
‘నాటి ప్రభుత్వంలో వైసీపీ ఎమ్మెల్యే కోసం మా ఇళ్లు కూల్చేశారు’
ప్రభుత్వ స్థలంలో రుణం తీసుకొని ఇళ్లు నిర్మించుకుంటే అప్పటి వైసీపీ కర్నూలు ఎమ్మెల్యే అబ్దుల్ హపీజ్ ఖాన్ ఆదేశాల మేరకు అధికారులు మా ఇంటిని కూల్చేశారని కర్నూలు రాహుల్ గాంధీ నగర్ కు చెందిన టి.కుమారి కన్నీరు పెట్టుకున్నారు. ఎమ్మెల్యేపై చర్యలు తీసుకోవాలని బాధితురాలు జనవాణిలో ఫిర్యాదు చేశారు. మంగళగిరి జనసేన పార్టీ కేంద్ర కార్యాలయంలో యలమంచిలి ఎమ్మెల్యే సుందరపు విజయ్ కుమార్ ప్రజల నుంచి అర్జీలు స్వీకరించారు.
News October 17, 2024
నల్లపాడు పోలీసుల అదుపులో బోరుగడ్డ అనిల్.?
జగన్ అభిమాని అని చెప్పుకుంటూ గత ప్రభుత్వ హయాంలో టీడీపీపై విమర్శలు చేసిన బోరుగడ్డ అనిల్‌ని నల్లపాడు పోలీసులు బుధవారం అదుపులో ఉన్నట్లు సమాచారం. ఆయనపై పలు అంశాల్లో గతంలో కేసులు నమోదయ్యాయి. ఈ నేపథ్యంలో నల్లపాడు పోలీసులు ఆయన్ను అదుపులోకి తీసుకొని రహస్యంగా విచారణ చేస్తున్నట్లు తెలుస్తోంది. నల్లపాడు స్టేషన్ కంటే ముందు పట్టాభిపురం స్టేషన్‌లో అనిల్‌ను విచారించినట్లు సమాచారం.
Featured News
Sorry, no posts matched your criteria.