India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News August 16, 2024
గుంటూరు జిల్లాలో తీవ్ర విషాదం
గుంటూరు జిల్లా పెదకాకానిలో శుక్రవారం తీవ్ర విషాదం చోటు చేసుకుంది. స్థానికుల వివరాల మేరకు.. లోదర్ గిరి కాలనీకి చెందిన ఇద్దరు పిల్లలు ఇంటి ఆవరణలో ఆడుకుంటుండగా వారిపై గోడ పడింది. ఈ ప్రమాదంలో కోలాటపు సాత్విక్ (12), బంగారపు సిద్ధార్థ్ (13) మృతి చెందారు. ఒక పిల్లోడు అక్కడికక్కడే చనిపోగా, మరో పిల్లవాడిని హాస్పిటల్ తీసుకెళ్తున్న క్రమంలో మార్గ మధ్యలో మృతి చెందాడు
News August 16, 2024
టాటా గ్రూప్ ఛైర్మన్‌తో మంత్రి లోకేశ్ భేటీ
టాటా గ్రూప్ ఛైర్మన్ నటరాజన్ చంద్రశేఖరన్‌తో రాష్ట్ర విద్య, ఐటీ, ఎలక్ట్రానిక్స్ శాఖల మంత్రి నారా లోకేశ్ భేటీ అయ్యారు. సచివాలయానికి వచ్చిన చంద్రశేఖర్‌తో లోకేశ్ ప్రత్యేకంగా సమావేశమై రాష్ట్రంలో పెట్టుబడులకు గల అవకాశాలు, ప్రోత్సాహకాలను ఆయనకు వివరించారు. యువతకు 20 లక్షల ఉద్యోగాలు కల్పించాలన్నది తమ ప్రభుత్వ లక్ష్యమన్నారు. ఇందుకు సహకరించే అన్నిరకాల పరిశ్రమలకు తాము మెరుగైన ప్రోత్సాహకాలు అందజేస్తామన్నారు.
News August 16, 2024
అన్న క్యాంటీన్లు సద్వినియోగం చేసుకోండి: కలెక్టర్
అన్నా క్యాంటీన్లని ప్రజలు సద్వినియోగం చేసుకోవాలని కలెక్టర్ నాగలక్ష్మి పిలుపునిచ్చారు. నల్లచెరువులో ఏర్పాటు చేసిన అన్న క్యాంటీన్‌ను శుక్రవారం కలెక్టర్ ప్రారంభించారు. అనంతరం కలెక్టర్ మాట్లాడుతూ.. ప్రభుత్వం ప్రతిష్ఠాత్మకంగా అన్న క్యాంటీన్‌లను నడుపుతుందని, సుదూర ప్రాంతాల నుంచి రాకపోకలు సాగించే వారికి క్యాంటీన్లు ఉపయోగపడతాయని చెప్పారు. కార్యక్రమంలో ఎమ్మెల్యే నసీర్, కమిషనర్ శ్రీనివాసులు పాల్గొన్నారు.
News August 16, 2024
మాచర్ల మున్సిపాలిటీ కైవసం చేసుకునున్న TDP
సార్వత్రిక ఎన్నికల్లో టీడీపీ భారీ విజయం నమోదు చేయడంతో మాచర్ల పురపాలక సంఘ పరిధిలోని కౌన్సిలర్లు YCPని వీడి TDPలో చేరారు. ప్రస్తుత మున్సిపల్ ఛైర్మన్ ఏసోబు, వైస్ ఛైర్మన్ నరసింహారావులు ఎమ్మెల్యే జూలకంటి బ్రహ్మారెడ్డిని కలిశారు. ఇప్పటికే పలువురు వైసీపీ కౌన్సిలర్లు టీడీపీ కండువా కప్పుకున్నారు. మొత్తంగా 31 మంది కౌన్సిలర్లకు గాను 20 మంది కౌన్సిలర్లు టీడీపీలో చేరుతున్నట్లు సమాచారం.
News August 16, 2024
నేడు ఢిల్లీకి సీఎం చంద్రబాబు
సీఎం చంద్రబాబు ఇవాళ ఢిల్లీ వెళ్లనున్నారు. సాయంత్రం 4 గంటలకు విజయవాడ నుంచి బయల్దేరి ఆయన ఢిల్లీ చేరుకుంటారు. రేపు కూడా ఆయన హస్తినలోనే ఉంటారు. ఈ పర్యటనలో చంద్రబాబు పలువురు కేంద్రమంత్రులను కలవనున్నారు. రాష్ట్రానికి రావాల్సిన నిధులు, ప్రాజెక్టులపై వారితో చర్చించనున్నారు. అనంతరం శనివారం రాత్రి ఆయన ఢిల్లీ నుంచి నేరుగా హైదరాబాద్ వెళ్లే అవకాశం ఉన్నట్లు సమాచారం.
News August 15, 2024
TODAY గుంటూరు జిల్లా TOP NEWS
➤ దేశం మొత్తం గర్వించేలా అమరావతి నిర్మాణం: చంద్రబాబు
➤ జాతీయ జెండా ఎగురవేసిన మంత్రి లోకేశ్
➤ గుంటూరు పోలీస్ పరేడ్ గ్రౌండ్లో డ్రోన్ కలకలం
➤ తాడేపల్లి: జెండా ఎగురేసిన వైఎస్ జగన్
➤ బాపట్లలో అంగన్వాడీ టీచర్ మృతి
➤ టీడీపీపై మాజీ ఎమ్మెల్యే బొల్లా ఫైర్
➤ నరసరావుపేట: జాతీయ జెండా రంగుల అలంకారంలో శివయ్య
News August 15, 2024
గుంటూరు పోలీస్ పరేడ్ గ్రౌండ్లో డ్రోన్ కలకలం
గుంటూరు పోలీస్ పరేడ్ గ్రౌండ్లో గురువారం డ్రోన్ కలకలం రేపింది. అనుమతి లేకుండా హై సెక్యూరిటీ జోన్‌లో ఉన్న పోలీస్ పరేడ్ గ్రౌండ్లో డ్రోన్ ఎగరడంతో పలు అనుమానాలు వ్యక్తం అవుతున్నాయి. అయితే పోలీస్ పరేడ్ గ్రౌండ్లో నిర్వహించిన స్వాతంత్ర దినోత్సవ వేడుకలకు మంత్రి నారా లోకేశ్ ముఖ్యఅతిథిగా హాజరయ్యారు. డ్రోన్ ఎగరేసిన ఆపరేటర్లను పోలీసులు అదుపులోకి తీసుకొని డ్రోన్ సీజ్ చేసి విచారణ చేపట్టారు.
News August 15, 2024
16, 17 తేదీల్లో ఢిల్లీలో సీఎం చంద్రబాబు పర్యటన
CM చంద్రబాబు నాయుడు ఈనెల 16, 17 తేదీల్లో ఢిల్లీలో పర్యటించనున్నారు. ఇందులో భాగంగా ప్రధాని నరేంద్ర మోదీ, అమిత్ షా, ఆర్థిక మంత్రి నిర్మల సీతారామన్, తదితరులను కలిసే అవకాశం ఉంది. రాష్ట్రానికి కేంద్ర సాయం, పెండింగ్ ప్రాజెక్టులు, APకి సంబంధించి ఇటీవల కేంద్ర బడ్జెట్లో ప్రస్తావించిన వివిధ అంశాలు అమలు కార్యాచరణపై వారితో చర్చించనున్నారు. 16న TDP కార్యాలయంలో CM అందుబాటులో ఉండరని అశోక్ బాబు తెలిపారు.
News August 15, 2024
బాలికల కిడ్నాప్ కేసులో ఇద్దరికి రిమాండ్
గుంటూరు పట్టాభిపురం పోలీసులు కిడ్నాప్ కేసులో ఇద్దరు నిందితులను అదుపులోకి తీసుకున్నారు. పోలీసుల వివరాలు.. జూట్ మిల్లు సమీపంలోని సాంఘిక సంక్షేమ కళాశాల బాలికల వసతి గృహంలో టీజేపీఎస్ కళాశాలలో ఇంటర్ చదువుతున్న ఇద్దరు బాలికలు ఉంటున్నారు. బాలికను, ఆమె స్నేహితురాలిని తీసుకెళ్లిన కేసులో నిందితులుగా ఉన్న గోపి, మణికంఠలను పట్టాభిపురం సీఐ కిరణ్ అరెస్టు చేసి న్యాయమూర్తి ఎదుట హాజరుపర్చగా రిమాండ్ విధించారు.
News August 15, 2024
17న ఉపాధ్యాయుల సర్టిఫికెట్ల వెరిఫికేషన్: డీఈవో
గుంటూరు కార్పొరేషన్ పాఠశాలలలో పనిచేస్తున్న సెకండరీ గ్రేడ్ ఉపాధ్యాయులు స్కూల్ అసిస్టెంట్ పదోన్నతులకు సంబందించి సర్టిఫికెట్స్ వెరిఫికేషన్ కోసం ఈనెల 17వ తేదీన హాజరు కావాలని డీఈవో శైలజ తెలిపారు. ఒరిజినల్ సర్టిఫికెట్స్, సర్వీసు పుస్తకంతో ఉదయం 11 గంటలకు జిల్లా విద్యాశాఖాధికారి వారి కార్యాలయం నందు హాజరు రావాలని సూచించారు. అర్హత కలిగిన ఉపాధ్యాయులకు పదోన్నతులు కల్పించడం జరుగుతుందన్నారు.
Featured News
Sorry, no posts matched your criteria.