India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News June 16, 2024
మూడు వారాల్లో అన్న క్యాంటీన్లను పునరుద్ధరిస్తాం: మంత్రి నారాయణ
అన్న క్యాంటీన్లను మూడు వారాల్లో పునరుద్ధరిస్తామని రాష్ట్ర పురపాలక పట్టణాభివృద్ది శాఖ మంత్రి నారాయణ పేర్కొన్నారు. వెగలపూడి రాష్ట్ర సచివాలయంలో ఆదివారం ఆయన మీడియాతో మాట్లాడారు. కేవలం రూ.5లకే ఉదయం టిఫిన్, మధ్యాహ్నం, రాత్రికి భోజనం అందజేసే విధంగా చర్యలు తీసుకుంటున్నట్లు చెప్పారు.
News June 16, 2024
వినుకొండలో రోడ్డు ప్రమాదం.. టిప్పర్ డ్రైవర్ మృతి
మండలంలోని శివాపురం సమీపంలో మామిడితోట ఆదివారం రోడ్డు ప్రమాదం జరిగింది. ఈ ప్రమాదంలో ఓ టిప్పర్ ప్రమాదవశాత్తు చెట్టును ఢీకొట్టింది. ఈ ఘటనలో డ్రైవర్ అక్కడికక్కడే మృతిచెందాడు. పోలీసుల వివరాల ప్రకారం.. ప్రకాశం జిల్లా, త్రిపురాంతకం మండలం ఎండ్లూరివారిపాలెం చెందిన లక్ష్మయ్య(45) గ్రామ సమీపంలోని ఇటుకల మట్టిని టిప్పర్ సాయంతో వినుకొండలో అన్లోడ్ చేసి తిరిగి వెళుతుండగా రోడ్డు ప్రమాదం జరిగిందని చెప్పారు.
News June 16, 2024
గుంటూరులో వ్యభిచార గృహాలపై దాడి
వ్యభిచారం నిర్వహిస్తున్న ఓ మహిళపై శనివారం నగరంపాలెం పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. గుంటూరు మల్లారెడ్డి నగర్‌లో ఓ మహిళ తన ఇంట్లో వ్యభిచారం నిర్వహిస్తుందని వచ్చిన సమాచారంతో, శనివారం నగరంపాలెం సీఐ మధుసూదనరావు సిబ్బందితో తనిఖీలు చేశారు. తనిఖీల్లో అయిదుగురు మహిళలను అదుపులోకి తీసుకొని పునరావాస కేంద్రానికి తరలించారు.
News June 15, 2024
బాధ్యతలను త్రికరణ శుద్ధిగా అమలు చేస్తా: ప్రత్తిపాటి
నియోజకవర్గ ప్రజలు నిండు మనసుతో ఆశీర్వదించి తనకు అప్పగించిన బాధ్యతలను త్రికరణ శుద్ధిగా అమలు చేసేందుకు కృషి చేస్తానని ఎమ్మెల్యే ప్రత్తిపాటి పుల్లారావు చెప్పారు. శనివారం ఎమ్మెల్యేను నియోజకవర్గంలోని పలువురు టీడీపీ శ్రేణులు కలిసి అభినందనలు తెలిపారు. ప్రజల ఆకాంక్షల మేరకు పరిపాలన కొనసాగిస్తానని, సంక్షేమ అభివృద్ధి ఫలాలు అన్ని వర్గాల ప్రజలకు అందేలా కృషి చేస్తానని తెలిపారు.
News June 15, 2024
తెనాలికి 4 దశాబ్దాల తర్వాత పౌరసరఫరాల శాఖ
తెనాలి శాసనసభ్యుడిగా ఎన్నికైన వారిలో సుమారు నాలుగు దశాబ్దాల క్రితం అన్నాబత్తుని సత్యనారాయణ కొంతకాలం పౌరసరఫరాల మంత్రిగా పని చేశారు. తిరిగి ఇప్పుడు నాదెండ్ల మనోహర్‌కు కూడా అదే పౌర సరఫరాల శాఖను సీఎం చంద్రబాబు కేటాయించారు. తెనాలి నుంచి గెలిచి మంత్రిగా ప్రమాణస్వీకారం చేసిన నాదెండ్లను పలువురు పట్టణ ప్రముఖులు కలిసి అభినందనలు తెలుపుతున్నారు.
News June 15, 2024
ANU: నేడు ఇంజినీరింగ్ కళాశాల ప్రవేశ పరీక్ష
ఆచార్య నాగార్జున విశ్వవిద్యాలయం ఇంజినీరింగ్ కళాశాలలో ప్రవేశాల కోసం నేడు అర్హత పరీక్ష నిర్వహించనున్నారు. ఉదయం 11 నుంచి 12.30 గంటల వరకు పరీక్ష నిర్వహిస్తున్నామని ప్రవేశాల విభాగం సంచాలకులు డాక్టర్ అనిత తెలిపారు. ఆసక్తి ఉన్న విద్యార్థులు ఆధార్ కార్డు, ఇంటర్ మెమో మార్కుల జాబితా తీసుకొని నేరుగా పరీక్షా కేంద్రానికి వెళ్లి అధికారి అనుమతితో రూ. 1200 చెల్లించి పరీక్ష రాయవచ్చని చెప్పారు.
News June 15, 2024
గుంటూరు మిర్చి యార్డుకు 3 రోజులు సెలవులు
బక్రీద్ పండుగ సందర్భంగా గుంటూరు మిర్చి మార్కెట్ యార్డుకు వరుసగా మూడు రోజులు సెలవులు వచ్చాయి. శని, ఆదివారాలు సాధారణ సెలవులతో పాటు సోమవారం బక్రీద్ పండుగ సందర్భంగా రాష్ట్ర ప్రభుత్వం సెలవు ప్రకటించిందని మిర్చి యార్డు ఉన్నత శ్రేణి కార్యదర్శి ఐ వెంకటేశ్వరరెడ్డి శుక్రవారం తెలిపారు. యార్డులో 18 నుంచి యథావిధిగా క్రయ విక్రయాలు కొనసాగుతాయని ఆయన తెలిపారు.
News June 15, 2024
జిల్లాలో మాతృ మరణాల నివారణకు చర్యలు తీసుకోవాలి: కలెక్టర్
హైరిస్క్ కేసుల్ని ముందుగానే గుర్తించి పైస్థాయి ఆసుపత్రులకు చెకప్, కాన్పుకు పంపేందుకు ఆరోగ్య కార్యకర్తలు, డాక్టర్లు చర్యలు తీసుకోవాలని కలెక్టర్ వేణుగోపాల్ రెడ్డి ఆదేశించారు. డెలివరీ అయిన స్త్రీని కనీసం 5 రోజులు తప్పనిసరిగా ఆసుపత్రిలోనే ఉంచాలన్నారు. హైరిస్క్ గర్భిణీలకు ఈసీజీ, 2డీ ఎకో పరీక్షలు 8 నుంచి 9 నెలల మధ్యలో చేయాలని చెప్పారు. మాతృ మరణాల నివారణపై శుక్రవారం కలెక్టర్ సమీక్షించారు.
News June 14, 2024
రాష్ట్రపతి ద్రౌపది ముర్ముని కలిసిన పెమ్మసాని
రాష్ట్రపతి ద్రౌపది ముర్ముని కేంద్ర సహాయ మంత్రి పెమ్మసాని చంద్రశేఖర్ శుక్రవారం మర్యాదపూర్వకంగా కలిశారు. రాష్ట్రపతిని కలవడం తాను గౌరవంగా భావిస్తున్నట్లు ఆయన ‘X’ వేదికగా చెప్పారు. పెమ్మసానితో పాటు కేంద్ర సమాచార, ప్రసారాల శాఖ మంత్రి జ్యోతిరాదిత్య సింధియా కూడా రాష్ట్రపతిని కలిశారు.
News June 14, 2024
గత అనుభవంతో సమర్థవంతంగా పని చేస్తా: నారా లోకేశ్
గత అనుభవం నేర్పిన పాఠాలతో ఇప్పుడు మరింత సమర్థవంతంగా పని చేస్తానని నారా లోకేశ్ తెలిపారు. హెచ్‌ఆర్‌డి, ఐటీ, ఎలక్ట్రానిక్స్ అండ్ కమ్యూనికేషన్స్, ఆర్టీజి శాఖల మంత్రిగా ప్రజలకు మెరుగైన సేవలు అందించే అవకాశం కల్పించిన సీఎం చంద్రబాబుకి ధన్యవాదాలు తెలుపుతూ శుక్రవారం ఒక ప్రకటన విడుదల చేశారు. రాష్ట్రానికి పెద్ద ఎత్తున కంపెనీలు తీసుకొచ్చి ఉద్యోగాల కల్పనే లక్ష్యంగా పనిచేస్తానని పేర్కొన్నారు.
Featured News
Sorry, no posts matched your criteria.