• Download our app

Krishna

News June 3, 2024

ఓట్ల లెక్కింపుకు ఏర్పాట్లు పూర్తి: కలెక్టర్ డిల్లీ రావ్

image

కీలక ఘట్టమైన ఓట్ల లెక్కింపు ప్రక్రియను ప్రశాంత వాతావరణంలో పూర్తి చేసేందుకు అన్నీ ఏర్పాట్లు చేసినట్లు జిల్లా ఎన్నికల అధికారి, కలెక్టర్ డిల్లీరావు తెలిపారు.ఆదివారం కలెక్టరేట్ పింగళి వెంకయ్య సమావేశ మందిరంలో డిల్లీరావు మాట్లాడుతూ.. ఈవీఎం కౌంటింగ్, పోస్టల్ బ్యాలెట్ కౌంటింగ్కు ప్రత్యేకంగా ఏర్పాట్లు చేశామన్నారు. జాయింట్ కలెక్టర్ సంపత్ తదితరులు పాల్గొన్నారు.

News June 2, 2024

కరకట్టపై రోడ్డు ప్రమాదం.. వ్యక్తికి తీవ్ర గాయాలు

image

చల్లపల్లి మండలం నడకుదురు వద్ద కరకట్టపై ఆదివారం రాత్రి రోడ్డు ప్రమాదం జరిగింది. బాపట్ల జిల్లా రేపల్లె సమీపంలోని గ్రామానికి చెందిన కుంభా నాంచారయ్య అనే వ్యక్తి ఈ ప్రమాదంలో తీవ్రంగా గాయపడ్డాడు. ద్విచక్ర వాహనంపై గ్రామాల్లో తిరుగుతూ.. వ్యాపారం చేసుకుని జీవించే నాంచారయ్య బైక్ అదుపుతప్పి ఈ ప్రమాదం జరిగినట్లు స్థానికులు గుర్తించి 108 అంబులెన్సుకు సమాచారం ఇచ్చి మోపిదేవి అంబులెన్సులో ఆసుపత్రికి తరలించారు.

News June 2, 2024

మచిలీపట్నం: కౌంటింగ్ హాల్లో గందరగోళం సృష్టిస్తే చర్యలు

image

ఈ నెల 4వ తేదీన కృష్ణా విశ్వవిద్యాలయంలో ఓట్ల లెక్కింపు జరుగుతున్న సమయంలో ఎవరైనా సరే, గందరగోళం సృష్టిస్తే తక్షణమే బయటకు పంపించి చట్టపరమైన చర్యలు తీసుకోవాలని కృష్ణా జిల్లా ఎన్నికల అధికారి, కలెక్టర్ డీకే బాలాజీ అధికారులను ఆదేశించారు. ఆదివారం మధ్యాహ్నం జిల్లా ఎస్పీ అద్నాన్ నయీంతో కలిసి కలెక్టరేట్‌లో ఆర్ఓలు, డీఎస్పీలతో ఓట్ల లెక్కింపు, శాంతి భద్రతల పర్యవేక్షణపై సమీక్ష సమావేశం నిర్వహించారు.

News June 2, 2024

యనమలకుదురులో గర్భిణి సూసైడ్

image

విజయవాడ శివారు యనమలకుదురులో ఆదివారం దారుణం చోటు చేసుకుంది. కావ్య అనే వివాహిత ఉరివేసుకొని ఆత్మహత్యకు పాల్పడింది. పోలీసుల వివరాల ప్రకారం.. కావ్య ఐదు నెలల గర్భవతిగా ఉందని ఇటీవల భర్త స్కానింగ్ చేయించాడు. ఆడపిల్లని తేలడంతో భర్త అబార్షన్ చేయించుకోవాలని ఒత్తిడి చేసినట్లు కుటుంబ సభ్యులు తెలిపారు. అది ఇష్టంలేని కావ్య ఆత్మహత్య చేసుకుందన్నారు. ఘటనపై కేసు నమోదు చేసి దర్యాప్తు చేస్తున్నామని పేర్కొన్నారు.

News June 2, 2024

సాహస వీరుల పురస్కారానికి దరఖాస్తులు ఆహ్వానం

image

భారత యువజన సేవలు, క్రీడల మంత్రిత్వ శాఖ ఆధ్వర్యంలో 2023 సంవత్సరానికి టేన్సింగ్ నార్కే జాతీయ సాహస పురస్కారానికి, దరఖాస్తులు ఆహ్వానిస్తున్నట్లు సెట్ వెల్ సీఈవో మెహరాజ్ తెలిపారు. కైకలూరులో ఆయన ఆదివారం మాట్లాడుతూ.. నేలపై, నీటిపై, వాయు విన్యాస సంబంధ సాహసాల్లో విజయం సాధించిన వారు ఈనెల 14వ తేదీ లోపు http://awards.gov.in వెబ్ సైట్ ద్వారా దరఖాస్తు చేసుకోవాలన్నారు. అర్హులకు రూ.15 లక్షల నగదు అందిస్తామన్నారు.

News June 2, 2024

EXIT POLLS: విజయవాడ ఎంపీగా గెలుపెవరిదంటే.?

image

విజయవాడ ఎంపీగా వైసీపీ అభ్యర్థి కేశినేని నాని గెలవనున్నట్లు సీప్యాక్ సర్వే ఎగ్జిట్ పోల్ విడుదల చేసింది. అలాగే మచిలీపట్నం ఎంపీ అభ్యర్థిగా సింహాద్రి చంద్రశేఖర్ విజయం సాధిస్తారని పేర్కొంది. ఉమ్మడి కృష్ణా జిల్లాలోని 2 ఎంపీ స్థానాల్లో రెండూ.. వైసీపీనే సొంతం చేసుకుంటాయన్న ఈ సర్వేపై మీ COMMENT.

News June 2, 2024

Exit Polls: పామర్రులో గెలుపు ఎవరిదంటే..?

image

పామర్రులో వైసీపీ అభ్యర్థి గెలిచే అవకాశం ఉందని పోస్ట్ పోల్ సర్వే అంచనా వేసింది. ఇక్కడ టీడీపీ నుంచి వర్ల కుమార్ రాజా, వైసీపీ నుంచి కైలే అనిల్ కుమార్ బరిలో ఉన్నారు. మరోవైపు, చాణక్య X సర్వే ప్రకారమూ వైసీపీ అభ్యర్థే గెలుస్తారని పేర్కొంది. ఈ సర్వేలపై మీ COMMENT.

News June 2, 2024

EXITPOLLS: ఉమ్మడి కృష్ణాలో టీడీపీకి 10 సీట్లు!

image

ఉమ్మడి కృష్ణా జిల్లాలో ప్రజలు కూటమికే పట్టం కట్టారని ‘చాణక్య X సర్వే ఎగ్జిట్ పోల్’ అంచనా వేసింది. మొత్తం 16 స్థానాల్లో కూటమి 10 సీట్లు గెలుస్తుందని, 2 చోట్ల ఎడ్జ్(TDP) ఉన్నట్లు పేర్కొంది. ఇదే క్రమంలో వైసీపీ 2 సీట్లు గెలుస్తుందని, ఒక చోట ఎడ్జ్ ఉందని చెప్పింది. విజయవాడ వెస్ట్‌లో రెండు పార్టీలకు టఫ్ ఫైట్ ఉంటుందని వివరించింది. ఈ సర్వేపై మీ COMMENT.

News June 2, 2024

ప్రజాతీర్పును అందరు గౌరవించాలి: డీకే బాలాజీ

image

కట్టుదిట్టమైన భద్రత మధ్య 4వ తేదీన కృష్ణా విశ్వవిద్యాలయంలో ఓట్ల లెక్కింపు నిర్వహిస్తామని కలెక్టర్‌ డీకే బాలాజీ, ఎస్పీ అద్నాన్‌ నయీం అస్మీ పేర్కొన్నారు. శనివారం మీడియా సెంటర్‌లో విలేకరులలో వారు మాట్లాడారు. ఉదయం 8 గంటలకు పోస్టల్‌ బ్యాలెట్‌ లెక్కింపుతో కౌంటింగ్‌ ప్రారంభమవుతుందని, ప్రజా తీర్పు అందరూ గౌరవించాలని కలెక్టర్‌ సూచించారు. శాంతి భద్రతలకు భంగం కలిగిస్తే కఠిన చర్యలు తీసుకుంటామన్నారు. 

News June 2, 2024

కృష్ణా: MBA/MCA పరీక్షల ఫలితాలు విడుదల

image

కృష్ణా యూనివర్శిటీ పరిధిలో ఏప్రిల్- 2024లో నిర్వహించిన MBA/MCA నాలుగవ సెమిస్టర్ పరీక్షల ఫలితాలు శనివారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నెంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై వర్శిటీ అధికారిక వెబ్‌సైట్ https://kru.ac.in/ చెక్ చేసుకోవాలని కృష్ణా యూనివర్శిటీ పరీక్షల విభాగం తెలిపింది.

Featured News

Sorry, no posts matched your criteria.

↑