India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News September 30, 2024
కృష్ణా జిల్లాలో కొండెక్కిన కూరగాయల ధరలు
ఉమ్మడి కృష్ణా జిల్లాలో టమాటా ధర ఠారెత్తిస్తోంది. గతవారం కేజీ రూ.40 పలికిన టమాటా ఆదివారం రూ.80కి పెరిగింది. మిగిలిన కూరగాయల ధరలు కూడా ఆకాశాన్ని అంటుతున్నాయని స్థానికులు అంటున్నారు. ఉల్లిపాయలు కేజి రూ.50, బీరకాయలు రూ.60, వంకాయలు రూ.80, దొండ కాయలు రూ.40కి అమ్ముతున్నారు. బెండకాయలు కేజి ధర రూ.50, బంగాళాదుంప రూ.40, క్యారెట్‌ రూ.50, పచ్చిమిర్చి రూ.50, అల్లం రూ.140, కాకరకాయ కేజీ ధర రూ.50గా ఉన్నాయి.
News September 30, 2024
మచిలీపట్నంలో నేడు ప్రజా సమస్యల పరిష్కార వేదిక
మచిలీపట్నం కలెక్టరేట్ సమావేశ మందిరంలో సోమవారం ఉదయం 10:30 గంటల నుంచి ప్రజా సమస్యల పరిష్కార వేదిక కార్యక్రమం నిర్వహించి ప్రజల నుంచి అర్జీలు స్వీకరించనున్నట్లు కలెక్టర్ డీకే బాలాజీ ఆదివారం ఒక ప్రకటనలో తెలిపారు. ఆయన మాట్లాడుతూ.. అన్ని డివిజన్, మండల కేంద్రాల్లో, మునిసిపల్ కార్యాలయాల్లో కూడా ఈ ప్రజా సమస్యల పరిష్కార వేదిక కార్యక్రమం జరుగుతుందన్నారు.
News September 30, 2024
రోడ్డు భద్రతా నియమాలపై అవగాహన కల్పించిన పోలీసులు
కృష్ణా జిల్లా పోలీసులు రోడ్డు ప్రమాదాలను నివారించడానికి వాహనదారులు పాటించాల్సిన నియమాలపై అవగాహన కల్పించారని జిల్లా పోలీస్ యంత్రాంగం ఆదివారం తమ అధికారిక ట్విటర్(X) ఖాతాలో పోస్ట్ చేసింది. జిల్లాలోని పలు ప్రాంతాలలో తనిఖీలు చేస్తున్న సమయంలో హెల్మెట్ ధరించకుండా, నిబంధనలు పాటించకుండా వాహనం నడుపుతున్నవారికి పోలీసులు కౌన్సిలింగ్ ఇచ్చి, రోడ్డు భద్రతా నియమాలపై అవగాహన కల్పించారని తెలిపింది.
News September 30, 2024
కృష్ణా జిల్లా TODAY TOP NEWS
⁍ విజయవాడలో విషాదం.. పిల్లలతో కాలువలోకి దూకిన తల్లి
⁍ కృష్ణా: TDP MLC అభ్యర్థి ఖరారు?
⁍ చంద్రబాబుది నీచ రాజకీయం: వెల్లంపల్లి
⁍ తప్పు చేసుంటే అరెస్ట్ చేసుకోండి: పేర్ని నాని
⁍ రేపు విజయవాడకు రానున్న సినీ హీరో
⁍ కృష్ణా జిల్లాలో ఘోర రోడ్డు ప్రమాదం.. ఇద్దరు స్పాట్ డెడ్
News September 29, 2024
రేపు ప్రజావేదికలో ఫిర్యాదులు స్వీకరించనున్న మంత్రి అనిత
టీడీపీ కేంద్ర కార్యాలయంలో ప్రజల వద్ద నుంచి ఫిర్యాదులు స్వీకరించేందుకు ఏర్పాటు చేసిన ప్రజావేదిక కార్యక్రమాన్ని సోమవారం నిర్వహిస్తామని ఆ పార్టీ అధ్యక్షుడు పల్లా శ్రీనివాస్ తెలిపారు. రేపు ప్రజావేదికలో మంత్రి అనిత వంగలపూడి, టీడీపీ సీనియర్ నేత BT నాయుడు పార్టీ కార్యాలయంలో ప్రజల నుంచి వినతిపత్రాలు స్వీకరిస్తారని పల్లా శ్రీనివాస్ తన అధికారిక ట్విటర్(X) ఖాతాలో పోస్ట్ చేశారు.
News September 29, 2024
పేకాట స్థావరాలపై దాడులు చేస్తున్నాం: కృష్ణా జిల్లా పోలీసులు
కృష్ణా జిల్లా పరిధిలోని పలు ప్రాంతాలలో ఆదివారం విస్తృత తనిఖీలు నిర్వహించి పేకాట స్థావరాలపై దాడులు చేశామని జిల్లా పోలీస్ యంత్రాంగం తమ అధికారిక ట్విటర్(X) ఖాతాలో పోస్ట్ చేసింది. జిల్లాలో అసాంఘిక కార్యక్రమాలకు తావు లేకుండా పటిష్ఠ చర్యలు చేపడుతూ.. పేకాట స్థావరాలపై దాడులు నిర్వహించి నగదు స్వాధీనం చేసుకుని పట్టుబడ్డవారిపై కేసులు నమోదు చేస్తున్నామని తెలిపింది.
News September 29, 2024
పులిగడ్డ-పెనుముడి వారధిపై రోడ్డు ప్రమాదం.. ఇద్దరు మృతి
అవనిగడ్డ నియోజకవర్గం పులిగడ్డ-పెనుమూడి వారిధిపై ఆదివారం రాత్రి ఘోర రోడ్డు ప్రమాదం జరిగింది. స్థానికుల వివరాలు ప్రకారం.. రేపల్లె నుంచి వస్తున్న ఆర్టీసీ బస్సు, ఎదురుగా వస్తున్న బొలెరో వ్యాన్‌ను ఢీకొనడంతో సంఘటనా స్థలంలోనే ఇద్దరు మృతిచెందారు. ఆరుగురికి తీవ్ర గాయాలు కాగా క్షతగాత్రులను ఆస్పత్రికి తరలించారు. ఘటనపై పూర్తి వివరాలు తెలియాల్సి ఉంది.
News September 29, 2024
రేపు విజయవాడకు రానున్న సినీ హీరో కార్తీ
విజయవాడ నగరానికి సినీ హీరో కార్తీ సోమవారం రానున్నారు. ఇటీవల సత్యం సుందరం సినిమా విడుదలై విజయవంతం కావడంతో సినీ హీరో విజయవాడకు రానున్నట్లు సమాచారం. ఉదయం 10గంటలకు దుర్గగుడిలో అమ్మవారిని దర్శించుకుంటారు. 12 గంటలకు ప్రైవేట్ హోటల్లో విలేకరుల సమావేశం నిర్వహిస్తారు. సాయంత్రం 5గంటలకు క్యాపిటల్ సినిమా ఆవరణంలో నగర ప్రజలతో కలిసి సందడి చేస్తారని సినీ యూనిట్ సభ్యులు తెలిపారు.
News September 29, 2024
పబ్లిక్ గ్రీవెన్స్ డే ద్వారా వినతుల స్వీకరణ: కలెక్టర్
కలెక్టరేట్‌లోని పింగళి వెంకయ్య సమావేశం మందిరంలో సోమవారం ప్రజా సమస్యల పరిష్కార వేదిక కార్యక్రమం నిర్వహించునున్నట్లు కలెక్టర్ జి.సృజన ఆదివారం తెలిపారు. ప్రభుత్వ ఆదేశాల మేరకు ప్రజల నుంచి వినతులను స్వీకరించడం జరుగుతుందన్నారు. డివిజన్, మండల కేంద్రాలు, మునిసిపల్ కార్యాలయాల్లో కూడా ప్రజా ఫిర్యాదుల పరిష్కార వేదిక కార్యక్రమం ఉంటుందని సూచించారు.
News September 29, 2024
’30 ESI ఆసుపత్రులు కేటాయించినందుకు ధన్యవాదాలు’
రాష్ట్రానికి 30 ESI ఆసుపత్రులు కేటాయించినందుకు కేంద్ర ప్రభుత్వానికి విజయవాడ పశ్చిమ MLA సుజనా ధన్యవాదాలు తెలుపుతూ ఆదివారం ట్వీట్ చేశారు. అమరావతిలో రూ.250కోట్లతో 400 పడకల ESI ఆసుపత్రిని కేంద్రం మంజూరు చేసిందని సుజనా తెలిపారు. రాష్ట్ర ప్రజల సంక్షేమం కోసం ఈ నిర్ణయం తీసుకున్న ప్రధాని మోదీకి ధన్యవాదాలు చెబుతున్నానని సుజనా ఈ మేరకు Xలో పోస్ట్ చేశారు.
Featured News
Sorry, no posts matched your criteria.