India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News September 15, 2024
మళ్లీ వరదనే పుకార్లు నమ్మవద్దు: NTR కలెక్టర్
బుడమేరుకు మళ్లీ వరద పుకార్లు నమ్మవద్దని NTR జిల్లా కలెక్టర్ డా. జి.సృజన ఓ ప్రకటనలో తెలిపారు. బుడమేరుకు ఎలాంటి ముంపు ప్రమాదం లేదన్నారు. ప్రజలు ఎలాంటి భయందోళన చెందవద్దన్నారు. తప్పుడు ప్రచారం చేసే వారిపై చర్యలు తీసుకుంటామని హెచ్చరించారు. ప్రజలు సురక్షితంగా ఎవరి ఇంట్లో వాళ్లు నివసించవచ్చని ఆమె సూచించారు.
News September 14, 2024
గొల్లపూడి వరకు HYD-VJA జాతీయ రహదారి విస్తరణ
HYD- VJA జాతీయ రహదారిని గొల్లపూడి వరకు విస్తరించనున్నట్లు సంబంధిత మంత్రిత్వ శాఖ తాజాగా ఒక ప్రకటన విడుదల చేసింది. తొలుత దండుమల్కాపూర్(TG) నుంచి జగ్గయ్యపేట మండలం అనుమంచిపల్లి వరకు విస్తరించాలని భావించినా, గొల్లపూడి వరకు 6 వరుసల రహదారి విస్తరించాలని కేంద్రం నిర్ణయించి ఈ పనులకు టెండర్లను ఆహ్వానించింది. 6 వరుసల రహదారి అందుబాటులోకి వస్తే ఎన్టీఆర్ జిల్లాలో ట్రాఫిక్ కష్టాలు తొలగిపోనున్నాయి.
News September 14, 2024
కృష్ణా: బీఈడీ పరీక్షల షెడ్యూల్ విడుదల
ఆచార్య నాగార్జున యూనివర్సిటీ పరిధిలోని కళాశాలల్లో బీఈడీ 2వ సెమిస్టర్(రెగ్యులర్ & సప్లిమెంటరీ) విద్యార్థులు రాయాల్సిన థియరీ పరీక్షలను అక్టోబర్ 21 నుంచి నిర్వహిస్తామని వర్సిటీ వర్గాలు తెలిపాయి. ఈ పరీక్షకు హాజరయ్యే విద్యార్థులు సెప్టెంబర్ 25 లోపు అపరాధ రుసుము లేకుండా ఫీజు చెల్లించాలని, పూర్తి వివరాలకు https://www.nagarjunauniversity.ac.in/ అధికారిక వెబ్‌సైట్ చెక్ చేసుకోవాలని పరీక్షల విభాగం తెలిపింది.
News September 14, 2024
రైలు ప్రయాణికులకు గుడ్ న్యూస్
ప్రయాణికుల రద్దీ మేరకు విజయవాడ మీదుగా చెన్నై ఎగ్మోర్(MS), సత్రాగచ్చి(SRC) మధ్య స్పెషల్ ట్రైన్స్ నడపనున్నట్లు రైల్వే అధికారులు తెలిపారు. ఈ నెల 21 నుంచి నవంబర్ 31 వరకు ప్రతి శనివారం MS- SRC(నం.06077), ఈ నెల 23 నుంచి డిసెంబర్ 2 వరకు ప్రతి సోమవారం SRC- MS(నం.06078) ట్రైన్లు నడుపుతున్నామన్నారు. కాగా ఈ రైళ్లు ఏపీలో విజయవాడతో పాటు ఏపీలో పలు ప్రధాన స్టేషన్లలో ఆగుతాయన్నారు.
News September 14, 2024
ఈ నెల 18న రాష్ట్ర మంత్రివర్గ సమావేశం
ఈ నెల 18వ తేదీన ముఖ్యమంత్రి చంద్రబాబు అధ్యక్షతన అమరావతి సచివాలయంలో రాష్ట్ర మంత్రివర్గ సమావేశం జరగనుంది. ఈ నెల 15వ తేదీ సాయంత్రం 4 గంటల్లోగా ప్రతిపాదనలు పంపించాలని ప్రభుత్వ ప్రధాన కార్యదర్శి నీరభ్ కుమార్ ప్రసాద్, ప్రభుత్వ శాఖలకు ఈ మేరకు శుక్రవారం ఆదేశాలు జారీ చేశారు.
News September 14, 2024
విజయవాడ: ధనుష్ సినిమా మళ్లీ థియేటర్లలోకి వస్తోంది
ధనుష్, శృతిహాసన్ జంటగా నటించిన ‘3’ (2012) సినిమా సెప్టెంబర్ 14న రీరిలీజ్ కానుంది. సెప్టెంబర్ 14 నుంచి 16 వరకు విజయవాడలోని నాలుగు థియేటర్‌లలో ఈ సినిమా ప్రదర్శించనున్నారు. కాగా ఈ చిత్రంలోని “వై దిస్ కొలవెరి”తో పాటు ఇతర పాటలు ప్రేక్షకులను బాగా ఆకట్టుకున్నాయి. దీంతో విజయవాడలో ఈ సినిమా టికెట్లు ఆన్‌లైన్‌లో వేగంగా అమ్ముడవుతున్నాయి.
News September 14, 2024
కృష్ణా జిల్లా TODAY TOP NEWS
* విజయవాడలో బాడీ మసాజ్ సెంటర్‌పై పోలీసుల దాడి
* విజయవాడ రైల్వేస్టేషన్‌‌కు స్పెషల్ గుర్తింపు
* కృష్ణా జిల్లాలో కలకలం.. ఒకే ఇంట్లో 100పాములు
* ఇబ్రహీంపట్నంలో రోడ్డు ప్రమాదం(వీడియో)
* జోగి రమేశ్, అవినాశ్‌కు సుప్రీంలో ఊరట
* మంత్రి కొల్లు రవీంద్రకు HIGH COURTలో ఊరట
* ఇబ్రహీంపట్నం పోలీస్ స్టేషన్‌కు చేరుకున్న ముంబై సినీ నటి
News September 13, 2024
కృష్ణా: దెబ్బతిన్న రోడ్ల మరమ్మతులకు రూ.186 కోట్లు
రోడ్లు భవనాల శాఖపై సచివాలయంలో సీఎం చంద్రబాబు శుక్రవారం సమీక్ష నిర్వహించారు. ఈ సమీక్షలో మంత్రి బీసీ జనార్థన్ రెడ్డితో పాటు ఆ శాఖ అధికారులు పాల్గొన్నారు. భారీ వర్షాలు, వరదలతో దెబ్బతిన్న రోడ్ల మరమ్మతులకు రూ.186 కోట్లు విడుదల చేస్తున్నట్లు సీఎం ప్రకటించారు. కాగా రోడ్లపై గుంతలు పూడ్చేందుకు మరో రూ.290 కోట్లు మంజూరు చేస్తున్నట్లు చంద్రబాబు తెలిపారు.
News September 13, 2024
ప్రజలు అవకాశాన్ని సద్వినియోగం చేసుకోవాలి: కలెక్టర్
బీమా క్లెయిమ్‌ల ఫెసిలిటేష‌న్ కేంద్రం సెలవు దినములో కూడా పనిచేస్తోందని కలెక్టర్ డా. జి. సృజన శుక్రవారం తెలిపారు. ఆమె మాట్లాడుతూ.. వరద ప్ర‌భావిత ప్రాంతాల ప్ర‌జ‌ల ఆస్తి న‌ష్టాల‌కు సంబంధించి బీమా క్లెయిమ్‌ల స‌త్వ‌ర ప‌రిష్కారానికి ప్రజలు ఇబ్బందులు పడకుండా ఉండేందుకు విజయవాడ స‌బ్‌క‌లెక్ట‌ర్ కార్యాల‌య ప్రాంగ‌ణంలో శని, అదివారం, కూడా పని చేస్తుందని చెప్పారు.
News September 13, 2024
పారదర్శకంగా బదిలీలు నిర్వహించాం: ఎస్పీ
ప్రభుత్వం నిర్దేశించిన నిబంధనల మేరకు కృష్ణా జిల్లాలో గ్రామ, వార్డు సచివాలయాల్లోని మహిళా పోలీసుల బదిలీలు నిర్వహించామని ఎస్పీ ఆర్. గంగాధర్ తెలిపారు. శుక్రవారం 135 మంది మహిళా పోలీసుల బదిలీల ప్రక్రియను తన కార్యాలయంలో నిర్వహించామని ఆయన ఈ మేరకు ఒక ప్రకటన విడుదల చేశారు. కౌన్సిలింగ్ ప్రక్రియ ద్వారా వారు కోరుకున్న చోటుకే బదిలీలు చేశామని ఆయన స్పష్టం చేశారు.
Featured News
Sorry, no posts matched your criteria.