India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News June 1, 2024
కృష్ణా: MBA/MCA పరీక్షల ఫలితాలు విడుదల
కృష్ణా యూనివర్శిటీ పరిధిలో ఏప్రిల్- 2024లో నిర్వహించిన MBA/MCA నాలుగవ సెమిస్టర్ పరీక్షల ఫలితాలు శనివారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నెంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై వర్శిటీ అధికారిక వెబ్‌సైట్ https://kru.ac.in/ చెక్ చేసుకోవాలని కృష్ణా యూనివర్శిటీ పరీక్షల విభాగం తెలిపింది.
News June 1, 2024
పోస్ట్ పోల్ సర్వే.. ఉమ్మడి కృష్ణా జిల్లాలో 2 ఎంపీ స్థానాలు కూటమివే
ఉమ్మడి కృష్ణా జిల్లాలోని 16 అసెంబ్లీ స్థానాల్లో కూటమి 13నుంచి 14 స్థానాల్లో, వైసీపీ 2-3 స్థానాల్లో విజయం సాధిస్తుందని పోస్ట్‌పోల్ సర్వే తెలిపింది. మరోవైపు జిల్లాలోని మచిలీ పట్నం పార్లమెంట్ స్థానంలో జనసేన, విజయవాడ నుంచి టీడీపీ గెలవనున్నట్లు చాణక్య ఎక్స్ PR సర్వే పేర్కొంది.
News June 1, 2024
ఉమ్మడి కృష్ణా జిల్లాలో టీడీపీకి 13 సీట్లు: చాణక్య స్ట్రాటజీస్ సర్వే
ఆంధ్రప్రదేశ్ అసెంబ్లీ ఎన్నికల్లో ఉమ్మడి కృష్ణా జిల్లాకు సంబంధించి చాణక్య స్ట్రాటజీస్ సర్వే ఫలితాలు వెల్లడించింది. ఉమ్మడి కృష్ణా జిల్లాలో 16 స్థానాలకు గానూ కూటమికి 13, వైసీపీ 2 చోట్ల విజయం సాధించనుండగా.. ఒక చోట టఫ్ ఫైట్ ఉండనుందని పేర్కొంది. కాగా జూన్ 4వ తేదీన ఎన్నికల ఫలితాలు వెల్లడికానున్నాయి. ఈ సర్వేపై మీ COMMENT.
News June 1, 2024
ఉమ్మడి కృష్ణా జిల్లాలో ఏ పార్టీకి ఎన్ని సీట్లంటే.?: కేకే సర్వే
ఉమ్మడి కృష్ణా జిల్లాలోని 16 సీట్లలో వైసీపీ ఖాతా తెరిచే అవకాశం లేదని కేకే సర్వే పేర్కొంది. టీడీపీకి 13 సీట్లు, జనసేనకి 1సీటు, బీజేపీకి 2 సీట్లు వస్తాయని చెప్పింది. విజయవాడ వెస్ట్ నుంచి సుజనా చౌదరి, కైకలూరు నుంచి కామినేని, అవనిగడ్డ నుంచి మండలి బుద్ధ ప్రసాద్ గెలవబోతున్నట్లు సర్వే అంచనా వేస్తోంది. ఈ ఎగ్జిట్ పోల్‌పై మీ COMMENT.
News June 1, 2024
విజయవాడ పశ్చిమలో సుజనాదే గెలుపు: ఆరా
విజయవాడ పశ్చిమ కూటమి అభ్యర్థి సుజనా చౌదరి గెలిచే అవకాశం ఉందని ఆరా మస్తాన్ సర్వే పేర్కొంది. ఇక్కడ ఆయన మంచి మెజార్టీతో గెలుస్తారని తెలిపింది. గన్నవరంలో వల్లభనేని వంశీ గెలిచే అవకాశం ఉందని చెప్పింది. మరోవైపు, పెనమలూరు నుంచి పోటీ చేసిన జోగి రమేశ్ గట్టి పోటీ ఎదుర్కొంటారని వివరించింది. కైకలూరులో కామినేని శ్రీనివాస్ గెలుస్తారని సర్వే చెప్పింది.
News June 1, 2024
ఉయ్యూరులో మహిళ ఆత్మహత్య
పట్టణంలో గుంజా లక్ష్మీ (33)అనే మహిళ శనివారం హిట్ స్ప్రే తాగి ఆత్మహత్యకు పాల్పడింది. పోలీసుల వివరాల ప్రకారం.. మృతురాలి పర్సులో సూసైడ్ నోట్ లభించిందన్నారు. ఆమె ఒక ప్రైవేట్ కళాశాలలో అడ్మినిస్ట్రేషన్ విభాగంలో పనిచేస్తుందని అదే కాలేజీలో ఆమె భర్త చైతన్య ఎలక్ట్రిషన్‌గా పనిచేస్తున్నాడన్నారు. సూసైడ్ లేఖ ఆధారంగా కేసు నమోదు చేసి దర్యాప్తు చేస్తున్నట్లు తెలిపారు.
News June 1, 2024
విజయవాడలో డయేరియా మరణాలు ఆందోళనకరం: చంద్రబాబు
విజయవాడలో డయేరియా మరణాలు ఆందోళనకరంగా ఉన్నాయని టీడీపీ అధినేత చంద్రబాబు అన్నారు. కలుషిత నీటితో ప్రజల ప్రాణాలు పోయే పరిస్థితి వచ్చిందని ఆవేదన వ్యక్తం చేశారు. కలుషిత నీటిపై ప్రజల నుంచి వస్తున్న ఫిర్యాదులపై అధికారులు స్పందించాలని కోరారు. ఇతర కారణాల వల్ల ప్రజల చనిపోతున్నారని అధికారులు అనడం సరికాదని హితవు పలికారు.
News June 1, 2024
పెనుగంచిప్రోలు: అనుమానాస్పదంగా ఇద్దరి మృతి
పెనుగంచిప్రోలు మండల పరిధిలో నవాబు పేట వద్ద బొగ్గులోడు లారీలో అనుమానాస్పద స్థితిలో ఇద్దరు మృతి చెందారు. అనకాపల్లి నుంచి జగ్గయ్యపేటకు లారీ బొగ్గు లోడుతో బయలుదేరగా, లారీ డ్రైవర్ అప్పారావు (50) మిత్రులు ఇద్దరు ఆయనతోపాటు జగ్గయ్యపేటకు లారీలో వచ్చినట్లు సమాచారం. జగ్గయ్యపేటలో ఈ ఇద్దరు మద్యం తాగినట్లు స్థానికులు తెలిపారు. ఈ ఘటనపై పోలీసులు అనుమానాస్పద మృతి కింద కేసు నమోదు చేశారు.
News June 1, 2024
నేడు కృష్ణా జిల్లాలో వర్షాలు
కృష్ణా జిల్లాలో రాగల 3 గంటల్లో వర్షాలు పడే అవకాశం ఉందని ఏపీ విపత్తు నిర్వహణ సంస్థ (APSDMA) వెల్లడించింది. జిల్లాలో అక్కడక్కడా పిడుగులతో కూడిన తేలికపాటి నుంచి మోస్తరు వర్షాలు పడే అవకాశం ఉందని తెలిపింది. ఈ నేపథ్యంలో టవర్స్, ఐరన్ పోల్స్, చెట్ల కింద ఉండకూడదని సూచించింది. అటు పొరుగున ఉన్న ఏలూరు, పశ్చిమగోదావరి జిల్లాల్లో సైతం తేలికపాటి వర్షాలు పడతాయని స్పష్టం చేసింది.
News June 1, 2024
నేడే ఎగ్జిట్ పోల్స్.. కృష్ణా జిల్లాలో గెలుపెవరిది.?
ఎన్నికల ఫలితాల కోసం కృష్ణా జిల్లా ప్రజలు ఉత్కంఠగా ఎదురు చూస్తున్నారు. ఈ క్రమంలో నేటి సాయంత్రం 6.30 గంటలకు ఎగ్జిట్ పోల్స్ విడుదల కానున్నాయి. ఉమ్మడి కృష్ణా జిల్లాలో 16 అసెంబ్లీ, 2 పార్లమెంట్ స్థానాలు ఉన్నాయి. ఆయా చోట్ల ఎవరికి గెలుపు అవకాశాలున్నాయో ఎగ్జిట్ పోల్స్ అంచనా వేయనున్నాయి. ఈ నేపథ్యంలో మీ MLA, MPగా ఎవరు గెలుస్తారని అనుకుంటున్నారో COMMENT చేయండి.
Featured News
Sorry, no posts matched your criteria.