India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News August 12, 2024
విజయవాడ: డ్రగ్స్ కేసులో నిందితుడి అరెస్ట్
గుంటూరుకు చెందిన రావి మస్తాన్ సాయి అనే యువకుడిని డ్రగ్స్ కేసులో విజయవాడ సెబ్ పోలీసులు అరెస్టు చేసినట్లు సమాచారం. నిందితుడు డిల్లీ నుంచి డ్రగ్స్ తెప్పించి రెండు తెలుగు రాష్ట్రాల్లో సరఫరా చేస్తున్నట్లు పోలీసులు గుర్తించారు. ఈ ఘటనపై కేసు నమోదు చేసిన విజయవాడ పశ్చిమ సెబ్ పోలీసులు గుంటూరు వచ్చినట్లు తెలియటంతో సెబ్ పోలీసులు అరెస్టు చేసి విచారిస్తున్నారు.
News August 12, 2024
కృష్ణా: ప్రయాణికుల రద్దీ మేరకు ప్రత్యేక రైళ్లు
ప్రయాణికుల రద్దీ మేరకు ఈ నెల 14,15న విజయవాడ మీదుగా నాందేడ్(NED), శ్రీకాకుళం(CHE) మధ్య ప్రత్యేక రైళ్లను నడపనున్నట్లు రైల్వే అధికారులు తెలిపారు. ఈ మేరకు నం.07487 ఆగస్టు 14న NED-CHE, 15న CHE- NED మధ్య ఈ రైళ్లు నడుపుతామన్నారు. ఏపీలో ఈ రైళ్లు విజయవాడతో పాటు విజయనగరం, దువ్వాడ, అనకాపల్లి, రాజమండ్రి, ఏలూరు, గుంటూరు తదితర స్టేషన్లలో ఆగుతాయన్నారు.
News August 12, 2024
మాజీ MLA పిన్నెల్లి బెయిల్ పిటిషన్ వాయిదా
మాచర్ల మాజీ ఎమ్మెల్యే పిన్నెల్లి రామకృష్ణారెడ్డి బెయిల్ పిటిషన్ పై విచారణ మరోసారి వాయిదా పడింది. గతంలో ముందస్తు బెయిల్ పిటిషన్‌ను విచారించిన న్యాయమూర్తి వద్దకే ఈ పిటిషన్ వెళ్లాలని హైకోర్టుకు పోలీసుల తరఫు లాయర్ అశ్వినీకుమార్ సూచించారు. ఇరుపక్షాల వాదనలను విన్న న్యాయమూర్తి నిశితంగా పరిశీలించి తగు నిర్ణయం తీసుకుంటామని న్యాయమూర్తి వెల్లడించారు. అనంతరం కేసు తదుపరి విచారణను ఈనెల 14కు వాయిదా వేసింది.
News August 12, 2024
YCP క్రీడలను విస్మరించింది: విజయవాడలో మంత్రి
వచ్చే ఐదేళ్లలో రాష్ట్రాన్ని స్పోర్ట్స్ హబ్‌గా తయారు చేస్తామని రవాణా శాఖ మంత్రి రాంప్రసాద్ రెడ్డి తెలిపారు. సోమవారం విజయవాడ ఇందిరాగాంధీ స్టేడియంలో శాప్ కార్యాలయంలో ఆయన మీడియాతో మాట్లాడారు. హబ్‌గా చేసేందుకు అవసరమైన అన్ని ప్రణాళికలు సిద్ధం చేస్తున్నామన్నారు. క్రీడాకారుల జీవితాల్లో వెలుగులు నింపడమే లక్ష్యంగా ముందుకు సాగుతామని అన్నారు. గత ప్రభుత్వం క్రీడలను పూర్తిగా విస్మరించదని ఆరోపించారు.
News August 12, 2024
అవగాహనతోనే ఎయిడ్స్ నివారణ: కలెక్టర్ సృజన
ఎయిడ్స్ వ్యాధి పట్ల పూర్తి అవగాహన కల్పించి వ్యాధిని నివారించేందుకు అవగాహన కార్యక్రమాలను నిర్వహిస్తున్నామని జిల్లా కలెక్టర్ సృజన తెలిపారు. మొగల్రాజపురం సిద్ధార్థ కళాశాలలో సోమవారం జరిగిన కార్యక్రమంలో ఆమె మాట్లాడుతూ.. క్రమశిక్షణా జీవితమే ఎయిడ్స్ వ్యాధి రక్షణకు ఏకైక మార్గమన్నారు. వ్యాధి బారిన పడిన వారి పట్ల వివక్షత చూపకుండా మనోధైర్యాన్ని నింపేందుకు ప్రతి ఒక్కరూ కృషి చేయాలన్నారు.
News August 12, 2024
ఆగస్టు 15న ఉయ్యూరు రానున్న సీఎం చంద్రబాబు
సీఎం చంద్రబాబు ఆగస్టు 15న ఉయ్యూరులో పర్యటించనున్నారు. 15వ తేదీన సాయంత్రం 6.30 గంటలకు సీఎం చంద్రబాబు ఉయ్యూరులో అన్న క్యాంటీన్‌ను ప్రారంభించనున్నట్లు తాజాగా సమాచారం వెలువడింది. కాగా రాష్ట్ర ప్రభుత్వం తొలి విడతలో ఆగస్టు 15న 100 అన్న క్యాంటీన్లను రాష్ట్రంలోని వివిధ ప్రాంతాల్లో ప్రారంభించేందుకు సన్నాహాలు చేస్తోంది.
News August 12, 2024
NTR: కీలక పదవి రేసులో MLA సుజనా చౌదరి
ఢిల్లీలో రాష్ట్ర ప్రభుత్వ ప్రతినిధి పదవిని భర్తీ చేసేందుకు టీడీపీ కూటమి ప్రభుత్వం సిద్ధమైంది. కాగా ఈ పదవికి విజయవాడ పశ్చిమ MLA సుజనా చౌదరి పేరు సైతం వినిపిస్తోంది. గతంలో రాజ్యసభ సభ్యుడిగా పనిచేయడంతో సుజనా ఈ పదవిని ఆశిస్తున్నట్లు తెలుస్తోంది. క్యాబినెట్ ర్యాంక్‌తో కూడిన కీలకమైన ఈ పదవిలో CM చంద్రబాబు ఎవరిని నియమిస్తారో త్వరలో తెలియనుంది.
News August 12, 2024
నేడు విజయవాడ రానున్న హీరో విక్రమ్
తంగలాన్ చిత్ర ప్రమోషన్లలో భాగంగా హీరో విక్రమ్ సోమవారం విజయవాడ రానున్నారు. ఉదయం 11 గంటలకు విక్రమ్‌తో పాటు చిత్రబృందం ప్రెస్‌మీట్ నిర్వహిస్తారని ఈ మేరకు తాజాగా సమాచారం వెలువడింది. అనంతరం 12 గంటలకు పరిటాలలో MVR కళాశాలకు, మధ్యాహ్నం 3 గంటలకు గుంటూరు VVIT కళాశాలకు తంగలాన్ బృందం వెళ్లనున్నారు.
News August 12, 2024
తమిళనాడులో ఘోర ప్రమాదం.. విజయవాడ విద్యార్థి మృతి
తమిళనాడులోని తిరువళ్లూర్‌ జిల్లా తిరుత్తణి సమీపంలో ఆదివారం ఘోర రోడ్డు ప్రమాదం జరిగింది. ఈ ప్రమాదంలో APలోని పలు జిల్లాలకు చెందిన ఐదుగురు మృతి చెందగా మరో ఇద్దరికి గాయాలయ్యాయి. మృతి చెందినవారిలో విజయవాడకు చెందిన బన్ను నితిశ్(22) మృతిచెందాడు. మరో నలుగురు ప్రొద్దుటూరుకు చెందిన నితిశ్(21), తిరుపతికి చెందిన యుగేశ్(23), చేతన్(22), కర్నూలుకు చెందిన రామ్మోహన్(21)లకు గాయాలయ్యాయి.
News August 12, 2024
కృష్ణా: చార్మినార్ ఎక్స్‌ప్రెస్‌కు అదనపు జనరల్ కోచ్లు
విజయవాడ మీదుగా ప్రయాణించే హైదరాబాద్-చెన్నై చార్మినార్ ఎక్స్‌ప్రెస్‌లకు అదనంగా 2 జనరల్ కోచ్లు జత చేస్తున్నట్లు రైల్వే అధికారులు తెలిపారు. ఈ మేరకు నం.12759/12760 రైళ్లు ప్రస్తుతం 2 జనరల్ కోచ్‌లతో నడుస్తుండగా 2 బోగీలు జతచేసి మొత్తంగా 4 జనరల్ కోచ్లు ఏర్పాటు చేస్తున్నామన్నారు. 12760 ట్రైన్‌ను నవంబర్ 11 నుంచి, 12759 ట్రైన్‌ను నవంబర్ 12 నుంచి 2 అదనపు జనరల్ కోచ్‌లతో నడుపుతామన్నారు.
Featured News
Sorry, no posts matched your criteria.