India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News September 27, 2024
నేడు తిరుమలకు YS జగన్.. షెడ్యూల్ ఇదే..
వైసీపీ అధినేత YS జగన్ శుక్రవారం మధ్యాహ్నం 3.20 గంటలకు తాడేపల్లి నుంచి గన్నవరం చేరుకుంటారు. అక్కడి నుంచి 4.50 గంటలకు రేణిగుంటకు విమానంలో చేరుకుంటారని ఆయన కార్యాలయం తాజాగా ఒక ప్రకటన విడుదల చేసింది. సాయంత్రం 5 గంటలకు తిరుమల చేరుకొని, 28వ తేదీన స్వామివారి దర్శనం అనంతరం మధ్యాహ్నం బెంగుళూరు సమీపంలోని యలహంకకు జగన్ చేరుకుంటారని సమాచారం వెలువడింది.
News September 27, 2024
విజయవాడ నుంచి బెంగుళూరుకు APSRTC ఏసీ బస్సు
ప్రయాణికుల సౌకర్యార్ధం విజయవాడ నుంచి బెంగుళూరు(ఎలక్ట్రానిక్ సిటీ)కు అమరావతి వోల్వో AC బస్సును నడుపుతున్నామని ఆర్టీసీ అధికారులు తెలిపారు. సాయంత్రం 6 గంటలకు విజయవాడలో బయలుదేరే ఈ బస్సు తర్వాతి రోజు ఉదయం 5.46 గంటలకు బెంగుళూరు చేరుకుంటుందన్నారు. తిరుగు ప్రయాణంలో ఈ బస్సు రాత్రి 7.30 గంటలకు బెంగుళూరులో బయలుదేరి ఉదయం 7.40 గంటలకు విజయవాడ చేరుతుందని, ప్రయాణికులు ఈ సర్వీసును ఆదరించాలని RTC విజ్ఞప్తి చేసింది.
News September 27, 2024
వరద బాధితులకు శరవేగంగా పరిహారం అందించాం: మంత్రి లోకేశ్
విజయవాడ వరద బాధితులకు శరవేగంగా 15 రోజులలో రూ.602కోట్ల నష్టపరిహారం అందించామని మంత్రి లోకేశ్ గురువారం ట్వీట్ చేశారు. సాంకేతిక పరిజ్ఞానం ఉపయోగించి 4 లక్షల మంది బ్యాంకు ఖాతాల్లో ఈ డబ్బు జమచేశామని లోకేశ్ పేర్కొన్నారు. గత వైసీపీ ప్రభుత్వం మిచాంగ్ తుఫాన్ బాధితులకు పరిహారం ఇచ్చేందుకు 5 నెలలపైనే సమయం తీసుకుందని లోకేశ్ ఈ సందర్భంగా ఎద్దేవా చేశారు.
News September 26, 2024
కృష్ణా: రోడ్డు భద్రతా నియమాలపై అవగాహన
కృష్ణా జిల్లా పోలీసులు రోడ్డు ప్రమాదాలను నివారించడానికి వాహనదారులు పాటించాల్సిన నియమాలపై గురువారం అవగాహన కల్పించారు. జిల్లాలోని పలు ప్రాంతాలలో తనిఖీలు చేస్తున్న సమయంలో హెల్మెట్ ధరించకుండా, నిబంధనలు పాటించకుండా వాహనం నడుపుతున్నవారికి పోలీసులు కౌన్సిలింగ్ ఇచ్చారు. ట్రాఫిక్ నియమాలు, నిబంధనలను ఉల్లంఘిస్తే జరిమానా విధిస్తామని వారు వాహనదారులను హెచ్చరించారు.
News September 26, 2024
కృష్ణా: ‘అసాంఘిక కార్యక్రమాలకు తావు లేకుండా పటిష్ఠ చర్యలు’
కృష్ణా జిల్లాలో అసాంఘిక కార్యక్రమాలకు తావు లేకుండా పటిష్ఠ చర్యలు చేపడుతున్నామని జిల్లా పోలీస్ యంత్రాంగం తమ అధికారిక ఖాతాలో ట్వీట్ చేసింది. జిల్లాలోని పలు ప్రాంతాలలో గురువారం బహిరంగ ప్రదేశాలలో మద్యం సేవిస్తున్న వారిపై చర్యలు తీసుకున్నామని తెలిపింది. మద్యం సేవించి ప్రజలకు అసౌకర్యం కలిగిస్తున్నవారిని అదుపులోకి తీసుకుని వారిపై కేసులు నమోదు చేస్తున్నామని ఈ మేరకు Xలో పోస్ట్ చేసింది.
News September 26, 2024
జిల్లాలో స‌మ‌ర్థ‌వంతంగా ఇసుక నిర్వ‌హ‌ణ వ్య‌వ‌స్థ: కలెక్టర్
ప్రజలకు ఎలాంటి ఇబ్బందీ లేకుండా బుకింగ్ చేసుకున్న వెంట‌నే స‌రైన ర‌వాణాతో ఇసుక సరఫరా జరిగేలా అధికారులు చర్యలు తీసుకోవాల‌ని కలెక్టర్ జి.సృజ‌న ఆదేశించారు. ఇసుక ర‌వాణా వాహ‌నదారులతో పటిష్ఠ స‌మ‌న్వ‌యంతో వ్య‌వ‌హ‌రించాల‌న్నారు. నగరంలోని కలెక్టరేట్ సమావేశ మందిరంలో ఉచిత ఇసుక విధానం అమలుపై గురువారం సమావేశం నిర్వహించారు. కలెక్టర్ మాట్లాడుతూ.. ఉచిత ఇసుక విధానాన్ని సమర్థంగా నిర్వహించాలన్నారు.
News September 26, 2024
విజయవాడ: దసరా ఉత్సవాలకు 964 ప్రత్యేక బస్సులు
దసరా ఉత్సవాలకు విజయవాడకు వచ్చేవారి కోసం 964 ప్రత్యేక బస్సులు నడుపుతామని APSRTC తెలిపింది. ఈ బస్సులను అక్టోబర్ 3- 15 వరకు 13 రోజులపాటు నడుపుతామంది. అదే సమయాల్లో విద్యాసంస్థలకు సెలవులు ఇస్తున్నందున HYD నుంచి విజయవాడకు బస్సులలో 353 సర్వీసులు నడుపుతామని తెలిపింది. రాజమండ్రి రూట్లో 241, విశాఖపట్నం, చెన్నై, బెంగుళూరు తదితర ప్రాంతాల నుంచి విజయవాడ వచ్చేందుకు మిగతా బస్సులు నడుపుతామని RTC తెలిపింది.
News September 26, 2024
కృష్ణా: నేటి ముగియనున్న ఆన్‌లైన్ దరఖాస్తు గడువు
2024-25, 2025-26 విద్యా సంవత్సరాలకు సంబంధించి జిల్లాలోని ప్రభుత్వ, ప్రైవేట్ ITI కళాశాలల్లో ఖాళీగా ఉన్న సీట్లలో అడ్మిషన్ పొందేందుకు అర్హులైన అభ్యర్థులు దరఖాస్తు చేసుకోవాలని గుడివాడ ITI కాలేజీ ప్రిన్సిపల్ ఎల్.గౌరీమణి తెలిపారు. https://www.iti.ap.gov.in/ వెబ్‌సైట్‌లో అడ్మిషన్లకు ఈ నెల 26లోపు దరఖాస్తు చేసుకోవాలని, ఈ నెల 28న ప్రభుత్వ, 30న ప్రైవేట్ ITI కళాశాలల్లో అడ్మిషన్లకు కౌన్సిలింగ్ ఉంటుందన్నారు.
News September 26, 2024
టీడీపీ నేత వంగవీటి రాధాకృష్ణకు అస్వస్థత
టీడీపీ నేత వంగవీటి రాధాకృష్ణ స్వల్ప గుండెపోటుకు గురయ్యారని సమాచారం. గురువారం తెల్లవారుజామున రాధాకు ఛాతిలో నొప్పి రావడంతో కుటుంబ సభ్యులు ఆసుపత్రికి తరలించారు. ప్రస్తుతం వంగవీటి రాధా డాక్టర్ల అబ్జర్వేషనలో ఉన్నారు. రాధా విషయంలో ఎలాంటి ఆందోళన చెందాల్సిన అవసరం లేదని వైద్యులు ప్రకటించారు. 48 గంటలు వైద్యుల పర్యవేక్షణలో ఉండాలని సూచించారు.
News September 26, 2024
విజయవాడలో హర్షసాయి ?
హైదరాబాద్‌లో రేప్ కేసు నమోదైన నేపథ్యంలో ప్రముఖ యూట్యూబర్ హర్షసాయి కోసం పోలీసులు గాలింపు చర్యలు ముమ్మరం చేశారు. కాగా హర్షసాయి విజయవాడలో ఉన్నట్లు తాజాగా అనుమానాలు వ్యక్తమవుతున్నాయి. హర్షసాయి కేసులో అతడి లాయర్ విజయవాడకు చెందిన టీ.చిరంజీవి సహకారంతో విజయవాడలో తలదాచుకున్నట్లు తాజాగా కథనాలు వెలువడ్డాయి.
Featured News
Sorry, no posts matched your criteria.