India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News August 14, 2024
మాజీ MLA వల్లభనేని వంశీకి ఊరట
గన్నవరం మాజీ ఎమ్మెల్యే, వైసీపీ నేత వల్లభనేని వంశీకి హైకోర్టులో ఊరట దక్కింది. గన్నవరం టీడీపీ కార్యాలయంపై దాడి కేసులో ఆయన ముందస్తు బెయిల్ పిటిషన్ దాఖలు చేశారు. దీనిపై విచారించిన న్యాయస్థానం ఈనెల 20 వరకు ఆయనపై ఎలాంటి తొందరపాటు చర్యలు తీసుకోవద్దని, కౌంటర్ దాఖలు చేయాలని పోలీసులను ఆదేశించింది.
News August 14, 2024
వల్లభనేని వంశీ పిటిషన్‌పై నేడు హైకోర్టులో విచారణ
గన్నవరం మాజీ ఎమ్మెల్యే వల్లభనేని వంశీ మోహన్ టీడీపీ కార్యాలయంపై దాడి కేసులో ముందస్తు బెయిల్ పిటిషన్ దాఖలు చేశారు. పార్టీ కార్యాలయంపై దాడి కేసులో ఇప్పటికే పలువురిని పోలీసులు అరెస్ట్ చేశారు. కాగా వంశీ హైకోర్టులో దాఖలు చేసిన పిటిషన్‌పై నేడు విచారణ జరగనుంది. ఓటమి తర్వాత విదేశాలకు వెళ్లిన వంశీ అమెరికాలో గ్రీన్ కార్డు కోసం అప్లై చేసినట్లు సమాచారం.
News August 14, 2024
కృష్ణా: అన్న క్యాంటీన్లకు రూ.కోటి విరాళం
రాష్ట్రంలో ఈ నెల 15 నుంచి ప్రారంభం కానున్న అన్న క్యాంటీన్లకు శ్రీలక్ష్మీ వెంకటేశ్వర డెవలపర్స్ సంస్థ రూ.1 కోటి విరాళం అందించింది. విజయవాడకు చెందిన ఎస్.ఎల్.వీ డెవలపర్స్ అధినేత పి.శ్రీనివాసరాజు సచివాలయంలో సీఎం చంద్రబాబుని కలిసి రూ.1 కోటి చెక్కును అందించారు. రాబోయే ఐదేళ్ల పాటు అన్న క్యాంటీన్లకు కోటి రూపాయల చొప్పున విరాళం అందిస్తానని శ్రీనివాసరాజు తెలిపారు. అనంతరం చంద్రబాబు వారిని అభినందించారు.
News August 13, 2024
జోగి రమేశ్ చంద్రబాబు ఇంటిపై దాడిచేస్తే అడ్డుకున్నా: బుద్ధా వెంకన్న
మాజీ మంత్రి జోగి రమేశ్ కుమారుడు జోగి రాజీవ్ అరెస్టుపై మాజీ ఎమ్మెల్సీ బుద్ధా వెంకన్న స్పందించారు. మంగళవారం తన కార్యాలయంలో ఆయన మీడియాతో మాట్లాడారు. జోగి రాజీవ్ ఏమీ స్వాతంత్ర్య సమరయోధుడు కాదని అన్నారు. సీఎం చంద్రబాబు నాయుడు ఇంటిపై జోగి రమేశ్ దాడి చేసినప్పుడు తాను ఉండవల్లిలో అడ్డుకున్నానని తెలిపారు. ఈ విషయం రాష్ట్ర ప్రజలందరికీ తెలుసని అన్నారు.
News August 13, 2024
సీఎం గుడివాడ పర్యటన ఖరారు
సీఎం చంద్రబాబు గుడివాడ పర్యటన ఖరారైంది. పంద్రాగస్టు రోజున అన్న క్యాంటీన్లను ఆయన గుడివాడలో ప్రారంభించనున్నారు. ఉదయం 6.30 గంటలకు ప్రారంభిస్తారని సమాచారం. తొలి విడతలో 100 క్యాంటీన్లను ప్రభుత్వం అందుబాటులోకి తీసుకురానుంది. వీటికి ఆహార సరఫరా బాధ్యతలను హరేకృష్ణ ఫౌండేషన్ దక్కించుకుంది.
News August 13, 2024
స్వాతంత్య్ర దినోత్సవ వేడుకలను పరిశీలించిన డీజీపీ
రాష్ట్ర డీజీపీ ద్వారకా తిరుమలరావు విజయవాడలోని ఇందిరాగాంధీ మున్సిపల్ స్టేడియంలో జరుగుతున్న స్వాతంత్య్ర దినోత్సవ వేడుకల సన్నాహాలను మంగళవారం పరిశీలించారు. ఈ మేరకు పోలీస్ అధికారులు నిర్వహించిన ఫుల్ డ్రస్ రిహార్సల్స్ కార్యక్రమాన్ని డీజీపీ నేడు తిలకించారు. కార్యక్రమంలో డీజీపీతో పాటు ప్రభుత్వ ప్రిన్సిపల్ సెక్రటరీ సురేశ్ కుమార్(GAD), జిల్లా కలెక్టర్ సృజన, సీపీ రాజశేఖర్ బాబు పాల్గొన్నారు.
News August 13, 2024
కృష్ణా: APSSDC ఆధ్వర్యంలో సాఫ్ట్‌వేర్ కోర్సులలో ఉచిత శిక్షణ
విజయవాడ SRR & CVR కళాశాలలో జూనియర్ సాఫ్ట్‌వేర్ డెవలపర్ కోర్సులలో 3 నెలల పాటు ఉచిత శిక్షణ ఇవ్వనున్నారు. ఏపీ స్కిల్ డెవలప్మెంట్ కార్పొరేషన్(APSSDC) ఆధ్వర్యంలో ఇచ్చే ఈ శిక్షణకు ఇంటర్, డిగ్రీ పాసైన విద్యార్థులు ఈ నెల 19లోపు SRR కళాశాలలో దరఖాస్తు చేసుకోవాలని కళాశాల ప్రిన్సిపల్ భాగ్యలక్ష్మి చెప్పారు. శిక్షణ పూర్తైన అనంతరం APSSDC సర్టిఫికెట్లు ప్రధానం చేస్తుందని ఆమె స్పష్టం చేశారు.
News August 13, 2024
జోగి రమేశ్ కుమారుడి అరెస్ట్ స్పందన
మాజీ మంత్రి జోగి రమేశ్ కుమారుడు జోగీ రాజీవ్‌ను మంగళవారం ఏసీబీ అధికారులు అరెస్ట్ చేసిన విషయం తెలిసిందే. ఈ సందర్భంగా జోగి రమేశ్ మాట్లాడుతూ.. ఏమీ తెలియని తన కుమారుడిని అరెస్ట్ చేసి జైలులో పెట్టాలనుకుంటున్నారని మండిపడ్డారు. తాను బలహీన వర్గాల నుంచి ఎదిగిన నాయుకుడినని తన కుంటుంబంపై ప్రభుత్వం కక్షసాంధింపు చర్యలకు పాల్పడుతుందని అన్నారు.
News August 13, 2024
కృష్ణా: ఉపాధ్యాయుల కౌన్సెలింగ్‌కు మార్గదర్శకాలు విడుదల
కృష్ణా, ఎన్టీఆర్ జిల్లాల్లోని ప్రభుత్వ పాఠశాలల్లో విద్యార్థుల నిష్పత్తి ప్రకారం ఉపాధ్యాయులను సర్దుబాటు చేసేందుకు కౌన్సిలింగ్‌కు అవసరమైన మార్గదర్శకాలు విడుదలయ్యాయి. ఈ నెల 15 వరకు ఉపాధ్యాయుల నుంచి అభ్యంతరాలు స్వీకరణకు అవకాశం ఉంటుందని సంబంధిత అధికారులు చెప్పారు. ఈ మేరకు మండల స్థాయి కౌన్సెలింగ్‌‌ను ఈ నెల 17కి వాయిదా వేశామని విద్యాశాఖ వర్గాలు తెలిపాయి.
News August 13, 2024
ఎన్టీఆర్: రెవెన్యూ సదస్సులపై కలెక్టర్ కీలక ప్రకటన
ఎన్టీఆర్ జిల్లాలో ఈ నెల 16 నుంచి రెవెన్యూ సదస్సులు నిర్వహిస్తామని కలెక్టర్ సృజన తెలిపారు. మొత్తం 45 రోజుల పాటు ఈ సదస్సులు జరుగుతాయని, ఈ సదస్సులో స్వీకరించిన ప్రతి అర్జీకి రిజిస్టర్ నెంబర్ ఇవ్వాల్సి ఉంటుందని ఆమె సంబంధిత అధికారులకు సూచించారు. ఈ సదస్సులపై ప్రతిరోజూ ఉదయం 7 గంటలకు సంబంధిత అధికారులు సమీక్షలు నిర్వహిస్తారని, నివేదికలతో సిద్ధంగా ఉండాలని కలెక్టర్ అధికారులకు సూచించారు.
Featured News
Sorry, no posts matched your criteria.