India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News July 19, 2024
ఎన్టీఆర్: డీసీపీగా గౌతమ్ శాలి బాధ్యతలు
ఎన్టీఆర్ జిల్లా లా అండ్ ఆర్డర్ డీసీపీగా గౌతమ్ శాలి శుక్రవారం బాధ్యతలు స్వీకరించారు. అనంతరం పోలీస్ కమిషనర్ రాజశేఖర్ బాబును మర్యాదపూర్వకంగా కలిసి బొకే అందజేశారు. అనంతరం ఆమె మాట్లాడుతూ.. ప్రజలకు ఏ సమస్య ఎదురైనా నేరుగా వచ్చి తనను సంప్రదించవచ్చన్నారు. గతంలో ఆమె అనంతపురం ఎస్పీగా పని చేసి విజయవాడ డీసీపీగా వచ్చారు.
News July 19, 2024
మంత్రి కొల్లు రవీంద్రను కలిసిన జనసేన మహిళా నేత అరుణ
మంత్రి కొల్లు రవీంద్రను జనసేన మహిళా నేత రాయపాటి అరుణ మర్యాదపూర్వకంగా కలిశారు. విజయవాడలోని మంత్రి క్యాంప్ కార్యాలయంలో ఆయన్ను కలిసి రాష్ట్ర రాజకీయాల గురించి చర్చించారు. తెలుగుదేశం, జనసేన, బీజేపీ కూటమిని చూసి వైసీపీ నేతల వెన్నులో వణుకుపుడుతోందని ఆమె అన్నారు. రాష్ట్ర అభివృద్ధే అజెండాతో ప్రభుత్వ పాలన సాగుతోందని చెప్పారు.
News July 19, 2024
ఉమ్మడి కృష్ణా జిల్లాలోని బోధనా సిబ్బందికి 23న డెమో
ఉమ్మడి కృష్ణా జిల్లాలోని డాక్టర్ బి.ఆర్ అంబేడ్కర్ గురుకుల విద్యాసంస్థల్లో పార్ట్‌టైమ్ గెస్ట్ ఉపాధ్యాయ/అధ్యాపక ఉద్యోగాల భర్తీకి ఈనెల 23న డెమో నిర్వహించనున్నట్లు జిల్లా సమన్వయ అధికారిణి ప్రేమావతి తెలిపారు. విజయవాడలోని ప్రభుత్వ అతిథిగృహంలో ఈ డెమో జరగనున్నట్లు ఆమె చెప్పారు. ఈ ఉద్యోగాలకు బీఈడీ, పీజీ, టెట్ పూర్తిచేసిన వారు అర్హులన్నారు.
News July 19, 2024
విజయవాడ: ఇన్ స్ట్రా గ్రామ్‌లో ప్రేమ.. బాలిక అదృశ్యం
ఇన్‌స్ట్రాలో పరిచయమైన యువకుడి కోసం ఓ బాలిక(16)ఇల్లు వదిలి అదృశ్యమైన ఘటన అజిత్‌సింగ్‌నగర్ PS పరిధిలో జరిగింది. కుంటుంబ సభ్యుల వివరాలు.. బాలిక 10వ తరగతి పూర్తి చేసింది. తరచూ..ఫోన్‌లో మాట్లాడుతుండటంతో తల్లి ప్రశ్నించింది. తిరుపతికి చెందిన జాన్సన్‌ను పెళ్లి చేసుకుంటానని చెప్పడంతో తల్లి మందలించింది. ఆ రాత్రి నుంచి తమ కుమార్తె కనిపించడం లేదని పోలీసులకు ఫిర్యాదు చేశారు. ఘటనపై పోలీసులు కేసు నమోదు చేశారు.
News July 19, 2024
కృష్ణా: ఆక్వాటిక్ క్రీడాకారులకు ముఖ్య గమనిక
విజయవాడలోని VMC సర్ విజ్జి ఈత కొలనులో ఆగస్టు 4న ఎన్టీఆర్ జిల్లా సీనియర్ ఆక్వాటిక్ జట్టు ఎంపిక పోటీలు జరుగనున్నాయి. ఈ మేరకు ఆక్వాటిక్ సంఘ కార్యదర్శి రమేశ్ తాజాగా ఒక ప్రకటన విడుదల చేశారు. పోటీల్లో పాల్గొనే స్విమ్మర్లు(17-25 సంవత్సరాలలోపు వారు మాత్రమే) జులై 30లోపు జాతీయ స్విమ్మింగ్ సమాఖ్య UID సంఖ్యతో ఆక్వాటిక్ సంఘం వద్ద పేర్లు నమోదు చేసుకోవాలని రమేశ్ సూచించారు.
News July 19, 2024
కృష్ణా: బంగారం దోచుకెళ్లిన కేసులో నిందితుడికి జైలు శిక్ష
గుడివాడకు చెందిన బస్సులో ప్రయాణిస్తున్న వృద్ధురాలి వద్ద గోల్డ్ చైన్ దొంగిలించిన కేసులో నిందితుడు వెంకటేశ్వరరావు(37)కు న్యాయస్థానం 3ఏళ్ల జైలు శిక్ష, రూ.1,000 జరిమానా విధించింది. 2022 ఫిబ్రవరిలో ఆమె కోదాడ వెళుతుండగా.. ఆమెతో మాటలు కలిపిన నిందితుడు మత్తుమందు ఇచ్చి బంగారం దోచుకున్నాడు. వృద్ధురాలు కేసు నమోదు చేయగా విజయవాడ పోలీసులు ఛార్జిషీట్ వేయగా, గురువారం కోర్టు తుది తీర్పు ఇచ్చింది.
News July 19, 2024
కృష్ణా: ఈ నెల 21న చెస్ జట్ల ఎంపిక పోటీలు
గుడివాడ త్రివేణి స్కూల్‌లో ఈ నెల 21న కృష్ణా జిల్లా అండర్-11 బాలబాలికల చెస్ జట్ల ఎంపిక పోటీలు జరగనున్నాయి. ఈ మేరకు జిల్లా చెస్ సంఘ కార్యదర్శి NM ఫణికుమార్ ఒక ప్రకటన విడుదల చేశారు. ఆసక్తి గల బాలలు ఈ నెల 20లోపు తమ పేర్లు నమోదు చేసుకోవాలన్నారు. ఈ పోటీల్లో ఎంపికైనవారు ఈ నెల 27, 28 తేదీలలో భీమవరంలో జరిగే రాష్ట్ర స్థాయి పోటీల్లో కృష్ణా జిల్లా తరఫున ఆడతారని ఫణికుమార్ చెప్పారు.
News July 19, 2024
కృష్ణా: పర్యవేక్షక కమిటీల్లో సభ్యుల కోసం దరఖాస్తుల ఆహ్వానం
SC, ST అత్యాచార నిరోధక చట్ట అమలుపై జిల్లా నిఘా, పర్యవేక్షక కమిటీలో నాన్ అఫిషియల్ సభ్యులను నియమించేందుకు అధికారులు అర్హులైన వ్యక్తుల నుంచి దరఖాస్తులు ఆహ్వానిస్తున్నారు. ఈ మేరకు జిల్లా సాంఘిక సంక్షేమ శాఖ డిప్యూటీ డైరెక్టర్ షాహిద్ బాబు ఒక ప్రకటన విడుదల చేశారు. ఆసక్తి కలిగిన అభ్యర్థులు ఈ నెల 22లోపు దరఖాస్తు చేసుకోవాలని, పూర్తి వివరాలకు మచిలీపట్నంలోని సాంఘిక సంక్షేమ శాఖ కార్యాలయంలో సంప్రదించాలన్నారు.
News July 19, 2024
కృష్ణా: ప్రయాణికులకు ఊరటనిచ్చే వార్త చెప్పిన రైల్వే అధికారులు
ట్రాక్ పనుల కారణంగా గుంటూరు-విజయవాడ మధ్య పాక్షికంగా రద్దు చేసిన నరసాపురం- గుంటూరు ఎక్స్‌ప్రెస్ రైళ్లను యధావిధిగా గుంటూరు వరకూ నడుపుతామని రైల్వే అధికారులు తెలిపారు. ఈ మేరకు రైల్వే అధికారులు తాజాగా ఒక ప్రకటన విడుదల చేశారు. నం.17282 నరసాపురం- గుంటూరు రైలును ఈ నెల 21, నం.17281 గుంటూరు- నరసాపురం రైలును ఈ నెల 22 నుంచి యధావిధిగా నడుపుతామన్నారు.
News July 18, 2024
కృష్ణా జిల్లా TODAY TOP NEWS
* CM చంద్రబాబుపై కొడాలి నాని ట్వీట్
* కృష్ణా యూనివర్సిటీ ఇన్‌ఛార్జ్ వీసీగా శ్రీనివాసరావు
* మంత్రి నారా లోకేశ్‌పై వైసీపీ నేత పోతిన మహేశ్ ఫైర్
* కృష్ణా: హత్య కేసులో ట్విస్ట్… హంతకురాలు తల్లే
* గన్నవరం చేరుకున్న మాజీ సీఎం జగన్
* విజయవాడ: CRDA పరిధిలో ఉద్యోగాలు
* గుడివాడ పోలీస్ స్టేషన్‌‌లో రాత్రి ప్రేమోన్మాది బీభత్సం
* విజయసాయిరెడ్డి వెంటనే క్షమాపణ చెప్పాలి: బుద్ధా వెంకన్న
Featured News
Sorry, no posts matched your criteria.