India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News July 19, 2024
కృష్ణా: బంగారం దోచుకెళ్లిన కేసులో నిందితుడికి జైలు శిక్ష
గుడివాడకు చెందిన బస్సులో ప్రయాణిస్తున్న వృద్ధురాలి వద్ద గోల్డ్ చైన్ దొంగిలించిన కేసులో నిందితుడు వెంకటేశ్వరరావు(37)కు న్యాయస్థానం 3ఏళ్ల జైలు శిక్ష, రూ.1,000 జరిమానా విధించింది. 2022 ఫిబ్రవరిలో ఆమె కోదాడ వెళుతుండగా.. ఆమెతో మాటలు కలిపిన నిందితుడు మత్తుమందు ఇచ్చి బంగారం దోచుకున్నాడు. వృద్ధురాలు కేసు నమోదు చేయగా విజయవాడ పోలీసులు ఛార్జిషీట్ వేయగా, గురువారం కోర్టు తుది తీర్పు ఇచ్చింది.
News July 19, 2024
కృష్ణా: ఈ నెల 21న చెస్ జట్ల ఎంపిక పోటీలు
గుడివాడ త్రివేణి స్కూల్‌లో ఈ నెల 21న కృష్ణా జిల్లా అండర్-11 బాలబాలికల చెస్ జట్ల ఎంపిక పోటీలు జరగనున్నాయి. ఈ మేరకు జిల్లా చెస్ సంఘ కార్యదర్శి NM ఫణికుమార్ ఒక ప్రకటన విడుదల చేశారు. ఆసక్తి గల బాలలు ఈ నెల 20లోపు తమ పేర్లు నమోదు చేసుకోవాలన్నారు. ఈ పోటీల్లో ఎంపికైనవారు ఈ నెల 27, 28 తేదీలలో భీమవరంలో జరిగే రాష్ట్ర స్థాయి పోటీల్లో కృష్ణా జిల్లా తరఫున ఆడతారని ఫణికుమార్ చెప్పారు.
News July 19, 2024
కృష్ణా: పర్యవేక్షక కమిటీల్లో సభ్యుల కోసం దరఖాస్తుల ఆహ్వానం
SC, ST అత్యాచార నిరోధక చట్ట అమలుపై జిల్లా నిఘా, పర్యవేక్షక కమిటీలో నాన్ అఫిషియల్ సభ్యులను నియమించేందుకు అధికారులు అర్హులైన వ్యక్తుల నుంచి దరఖాస్తులు ఆహ్వానిస్తున్నారు. ఈ మేరకు జిల్లా సాంఘిక సంక్షేమ శాఖ డిప్యూటీ డైరెక్టర్ షాహిద్ బాబు ఒక ప్రకటన విడుదల చేశారు. ఆసక్తి కలిగిన అభ్యర్థులు ఈ నెల 22లోపు దరఖాస్తు చేసుకోవాలని, పూర్తి వివరాలకు మచిలీపట్నంలోని సాంఘిక సంక్షేమ శాఖ కార్యాలయంలో సంప్రదించాలన్నారు.
News July 19, 2024
కృష్ణా: ప్రయాణికులకు ఊరటనిచ్చే వార్త చెప్పిన రైల్వే అధికారులు
ట్రాక్ పనుల కారణంగా గుంటూరు-విజయవాడ మధ్య పాక్షికంగా రద్దు చేసిన నరసాపురం- గుంటూరు ఎక్స్‌ప్రెస్ రైళ్లను యధావిధిగా గుంటూరు వరకూ నడుపుతామని రైల్వే అధికారులు తెలిపారు. ఈ మేరకు రైల్వే అధికారులు తాజాగా ఒక ప్రకటన విడుదల చేశారు. నం.17282 నరసాపురం- గుంటూరు రైలును ఈ నెల 21, నం.17281 గుంటూరు- నరసాపురం రైలును ఈ నెల 22 నుంచి యధావిధిగా నడుపుతామన్నారు.
News July 18, 2024
కృష్ణా జిల్లా TODAY TOP NEWS
* CM చంద్రబాబుపై కొడాలి నాని ట్వీట్
* కృష్ణా యూనివర్సిటీ ఇన్‌ఛార్జ్ వీసీగా శ్రీనివాసరావు
* మంత్రి నారా లోకేశ్‌పై వైసీపీ నేత పోతిన మహేశ్ ఫైర్
* కృష్ణా: హత్య కేసులో ట్విస్ట్… హంతకురాలు తల్లే
* గన్నవరం చేరుకున్న మాజీ సీఎం జగన్
* విజయవాడ: CRDA పరిధిలో ఉద్యోగాలు
* గుడివాడ పోలీస్ స్టేషన్‌‌లో రాత్రి ప్రేమోన్మాది బీభత్సం
* విజయసాయిరెడ్డి వెంటనే క్షమాపణ చెప్పాలి: బుద్ధా వెంకన్న
News July 18, 2024
కృష్ణా: రైలు ప్రయాణికులకు ముఖ్య గమనిక
కృష్ణా జిల్లా మీదుగా ప్రయాణించే పలు రైళ్లకు ప్రయోగాత్మకంగా కొన్ని స్టేషన్లలో స్టాప్‌లు ఇచ్చామని దక్షిణ మధ్య రైల్వే అధికారులు తెలిపారు. ఈ మేరకు నం.07866 విజయవాడ-మచిలీపట్నం ట్రైన్‌కు ఈ నెల 21 నుంచి ఉప్పులూరులో, నం.17281 గుంటూరు-నరసాపురం ట్రైన్‌కు ఈ నెల 20 నుంచి పుట్లచెరువులో స్టాప్ ఇచ్చామన్నారు. ఈ స్టాప్‌ల కారణంగా ఆయా ట్రైన్లు బయలుదేరే సమయాలలో మార్పులు లేవని రైల్వే అధికారులు చెప్పారు.
News July 18, 2024
కృష్ణా: సీఎం చంద్రబాబును ప్రశ్నిస్తూ.. ట్వీట్ చేసిన కొడాలి నాని
వినుకొండలో రషీద్‌ అనే వైసీపీ కార్యకర్తను నడిరోడ్డు మీద దారుణంగా నరికి చంపడం అత్యంత హేయమైన చర్య అని మాజీ మంత్రి కొడాలి నాని ట్వీట్ చేశారు. ఇదేనా మీరు ప్రజలకు అందిస్తామన్న సంక్షేమ పాలన అంటూ సీఎం చంద్రబాబును ప్రశ్నించారు. వరుస ఘటనలు జరుగుతున్నా.. పట్టించుకోకుండా పాలనను గాలికి వదిలేసి చోద్యం చూడ్డానికి సిగ్గుగా లేదా అంటూ నాని చంద్రబాబుపై ట్విటర్ వేదికగా ప్రశ్నలు సంధించారు.
News July 18, 2024
కృష్ణా యూనివర్శిటీ ఇన్‌ఛార్జ్ వీసీగా శ్రీనివాసరావు
కృష్ణా యూనివర్సిటీ ఇన్‌ఛార్జ్ వైస్ ఛాన్సలర్‌(వీసీ)గా ప్రొఫెసర్ ఆర్ శ్రీనివాసరావు నియమితులయ్యారు. రాష్ట్ర వ్యాప్తంగా పలు యూనివర్సిటీలకు ఇన్‌ఛార్జ్ వీసీలను నియమిస్తూ.. ఉత్తర్వులు జారీ చేసింది. ఇందులో భాగంగా JNTU కాకినాడలో EEE విభాగంలో ప్రొఫెసర్‌గా పని చేస్తున్న శ్రీనివాసరావును ఇన్‌ఛార్జ్ వీసీగా నియమించారు. త్వరలో ఆయన బాధ్యతలు స్వీకరించనున్నారు.
News July 18, 2024
REWIND: ఒలింపిక్స్‌లో పాల్గొన్న మచిలీపట్నం అమ్మాయి
ఒలింపిక్స్‌లో భారత్ తరఫున పాల్గొన్న తొలి తెలుగు మహిళగా మచిలీపట్నంకు చెందిన మేరీ లైలారావు ఘనత వహించారు. ఆమె తన తండ్రి MK రావు ప్రోత్సాహంతో 100 మీ. పరుగు, 80 మీ. హర్డిల్స్‌లో శిక్షణ తీసుకుని.. 1956లో మెల్‌బోర్న్‌లో జరిగిన విశ్వక్రీడల్లో బరిలోకి దిగారు. ఆ పోటీల్లో ఆమె తొలి రౌండ్‌లోనే వెనుదిరిగినా ఆసియాలో అత్యంత వేగంగా పరిగెత్తే మహిళగా నిలిచారు. 1958లో జరిగిన ఆసియా క్రీడల్లో లీలా కాంస్యం గెలిచారు.
News July 18, 2024
కృష్ణా: జిల్లాలో ప్రారంభమైన ఇంటింటి సర్వే
కుష్టు వ్యాధిగ్రస్తులను ప్రాథమిక దశలోనే గుర్తించేందుకు చేపట్టిన ఇంటింటి సర్వే జిల్లాలో గురువారం ప్రారంభమైంది. నేటి నుంచి ప్రారంభమైన సర్వే ఆగస్ట్ 2వ తేదీ వరకు సాగనుంది. సర్వే నిమిత్తం ఏర్పాటు చేసిన ప్రత్యేక బృందాలు ఇంటింటికి వెళ్లి వ్యాధి లక్షణాలు ఉన్న వారిని గుర్తిస్తున్నాయి. ఇంటింటి సర్వేను జిల్లా వైద్య ఆరోగ్య శాఖ అధికారిణి డాక్టర్ జి. గీతాబాయి పర్యవేక్షిస్తున్నారు.
Featured News
Sorry, no posts matched your criteria.