India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News July 13, 2024
కృష్ణా: రైల్వే ప్రయాణికులకు శుభవార్త
విజయవాడ మీదుగా ప్రయాణించే ఫలక్‌నుమా ఎక్స్‌ప్రెస్‌కు అదనంగా 2 జనరల్ కోచ్‌లు జత చేయనున్నట్లు రైల్వే అధికారులు తెలిపారు. ఈ మేరకు నం.12704/12703 సికింద్రాబాద్- హౌరా ఫలక్‌నుమా ఎక్స్‌ప్రెస్‌లకు మొత్తంగా 4 జనరల్ కోచ్‌లు ఏర్పాటు చేస్తున్నామన్నారు. 12704 ట్రైన్‌ను నవంబర్ 10 నుంచి, 12703 ట్రైన్‌ను నవంబర్ 12 నుంచి 2 అదనపు జనరల్ కోచ్‌లతో నడుపుతామన్నారు.
News July 12, 2024
విజయవాడ: TODAY HEADLINES
*YS జగన్‌పై కేసు నమోదు.!
*వల్లభనేని వంశీకి అరెస్ట్ గండం?
*గన్నవరం విమానాశ్రయాన్ని నం.1 చేస్తాం: ఎంపీ చిన్నీ
*ఉండవల్లిలో కాన్వాయ్ ఆపి వినతులు స్వీకరించిన చంద్రబాబు
*జాతీయ రహదారి నిర్మాణానికి కృషి చేస్తా: MP బాలశౌరి
* నందిగామ వద్ద రోడ్డు ప్రమాదం.. VRO మృతి
*చంద్రబాబు తన మార్క్ చూపించారు: దేవినేని ఉమా
News July 12, 2024
కృష్ణా: డిగ్రీ 7వ సెమిస్టర్ పరీక్షల టైం టేబుల్ విడుదల
ఆచార్య నాగార్జున యూనివర్సిటీ పరిధిలోని కళాశాలలలో బీఎస్సీ కెమిస్ట్రీ కోర్స్ చదువుతున్న విద్యార్థులు, రాయాల్సిన 7వ సెమిస్టర్ (Y20 బ్యాచ్) థియరీ పరీక్షల టైం టేబుల్ విడుదలైంది. ఆగస్టు 1, 2, 3, 5, 6 తేదీల్లో ఉదయం 9 గంటల నుంచి మధ్యాహ్నం 12 గంటల వరకు ఈ పరీక్షలు జరగనున్నాయి. సబ్జెక్టువారీగా షెడ్యూల్ వివరాలకై విద్యార్థులు https://www.nagarjunauniversity.ac.in/ అధికారిక వెబ్‌సైట్ చెక్ చేసుకోవచ్చు.
News July 12, 2024
జగన్, సునీల్ కుమార్‌లపై కేసు నమోదు.. సెక్షన్లు ఇవే
మాజీ సీఎం <<13613892>>జగన్<<>>, సీఐడీ మాజీ డీజీ సునీల్ కుమార్‌తో పాటు మరొక ముగ్గురిపై పలు సెక్షన్ల కింద పోలీసులు కేసు నమోదు చేశారు. IPC సెక్షన్ 120B, 166, 167, 197, 307, 326, 465, 506(34) ప్రకారం టీడీపీ ఎమ్మెల్యే రఘురామకృష్ణ రాజు ఫిర్యాదుతో గుంటూరు నగరంపాలెం పీఎస్‍‌లో కేసు నమోదైంది. ఈ మేరకు అధికారులు విచారణ చేపట్టారు.
News July 12, 2024
విజయవాడ-బెంగుళూరు మధ్య మరో విమాన సర్వీస్
విజయవాడ, బెంగుళూరు మధ్య సెప్టెంబర్ 1 నుంచి నూతనంగా విమాన సర్వీస్ నడపనున్నట్లు ఎయిర్ ఇండియా సంస్థ తెలిపింది. బెంగుళూరులో సాయంత్రం 4.05 గంటలకు బయలుదేరి 5.40 గంటలకు విజయవాడ చేరుకుంటుందని, విజయవాడలో సాయంత్రం 6.10 గంటలకు బయలుదేరి రాత్రి 7.50 గంటలకు బెంగుళూరు చేరుకుంటుందని ఓ ప్రకటనలో పేర్కొంది.
News July 12, 2024
బూదవాడ ప్రమాద ఘటన.. మరొకరు మృతి
జగ్గయ్యపేట మండలం బూదవాడలోని అల్ట్రాటెక్ కర్మాగారం ప్రమాదంలో గాయపడిన క్షతగాత్రులలో ఇప్పటికే ఇద్దరు మృతి చెందగా గురువారం అర్ధరాత్రి మరొకరు ప్రాణాలు వదిలారు. మణిపాల్ ఆసుపత్రిలో చికిత్స పొందుతూ బూదవాడకు చెందిన అర్జున్ తుది శ్వాస విడిచారు. ఆయన ఈ ఫ్యాక్టరీలో కొన్నేళ్ల నుంచి పని చేస్తున్నారు. నాలుగు రోజులుగా మృత్యువుతో పోరాడుతూ గురువారం తుదిశ్వాస విడిచారు. ఈ ఘటనలో మృతుల సంఖ్య మూడుకు చేరింది.
News July 12, 2024
విజయవాడలో వ్యభిచారం నిర్వహిస్తున్న మహిళ అరెస్ట్
గుట్టుచప్పుడు కాకుండా వ్యభిచారం నిర్వహిస్తున్న మహిళను పెనమలూరు పోలీసులు అరెస్ట్ చేశారు. యనమలకుదురుకు చెందిన మస్తాన్ బీ (44) పున్నమ్మ తోటలో ఒక నివాసాన్ని అద్దెకు తీసుకుని ఇతర ప్రాంతాల నుంచి మహిళలను రప్పించి వ్యభిచార కార్యకలాపాలను నిర్వహిస్తోంది. పోలీసులకు వచ్చిన సమాచారంతో బుధవారం రాత్రి దాడి చేసి మస్తాన్ బీని మరో యువకుడిని అరెస్టు చేశారు. మరో యువతిని హోంకు తరలించారు.
News July 12, 2024
వల్లభనేని వంశీని అరెస్ట్ చేస్తారా?
గన్నవరం మాజీ ఎమ్మెల్యే వల్లభనేని వంశీని అరెస్ట్ చేస్తారనే ఊహాగానాలు జోరుగా సాగుతున్నాయి. గన్నవరంలోని టీడీపీ కార్యాలయంపై దాడి కేసు దర్యాప్తులో పోలీసులు వేగం పెంచడం, ఇప్పటికే పలువురు అరెస్ట్ కావడంతో చర్చ జరుగుతోంది. ఈ కేసులో వంశీని 71వ నిందితుడిగా పోలీసులు పేర్కొన్నారు. మరోవైపు ఎన్నికల తర్వాత వంశీ నియోజకవర్గానికి రాలేదు. అప్పటి నుంచి ఎక్కడున్నారనే సమాచారం లేదు.
News July 12, 2024
కృష్ణా: భగవద్గీతపై MA కోర్సు ఆఫర్ చేస్తున్న ఇగ్నో
ఇందిరాగాంధీ నేషనల్ ఓపెన్ యూనివర్సిటీ (ఇగ్నో) రెండేళ్ల కాలవ్యవధితో హిందీ మాధ్యమంలో ఓపెన్/డిస్టెన్స్ విధానంలో భగవద్గీతపై MA కోర్సు అందిస్తోంది. డిగ్రీ పూర్తి చేసినవారు ఈ కోర్స్ చేసేందుకు అర్హులు కాగా.. రెండేళ్లకు ఫీజు రూ.12,600. కోర్స్ అడ్మిషన్, పూర్తి వివరాలకు విజయవాడలోని ఇగ్నో స్టడీ సెంటర్‌లో సంప్రదించవచ్చు లేదా https://ignouadmission.samarth.edu.in/ అధికారిక వెబ్‌సైట్ చూడవచ్చు.
News July 12, 2024
కృష్ణా: ‘100 పాఠశాలల్లో కిచెన్ గార్డెన్‌లు’
కృష్ణా జిల్లాలో ఎంపిక చేసిన 100 పాఠశాలల్లో ప్రయోగాత్మకంగా పోషకాహార పెరటి తోటలను (కిచెన్ గార్డెన్స్) పెంచాలని కలెక్టర్ డీకే బాలాజీ విద్యాధికారులను ఆదేశించారు. కిచెన్ గార్డెన్స్ ఏర్పాటుపై మచిలీపట్నంలోని సన్‌స్టార్ హైస్కూల్‌లో, కలెక్టర్ అధ్యక్షతన గురువారం ప్రధానోపాధ్యాయుల సమావేశం జరిగింది. కలెక్టర్ మాట్లాడుతూ.. ప్రకృతి వ్యవసాయం ద్వారా పోషకాహార పెరటి తోటల పెంపక కార్యక్రమానికి శ్రీకారం చుట్టారు.
Featured News
Sorry, no posts matched your criteria.