India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News May 28, 2024
నందిగామ ఫలితం 4 గంటల్లోనే..
జూన్ 4న ఓట్ల లెక్కింపు నేపథ్యంలో ఉమ్మడి కృష్ణా జిల్లా ప్రజలు ఆసక్తిగా ఎదురు చూస్తున్నారు. ఈ క్రమంలో ఉదయం 8 గంటలకు పోస్టల్ బ్యాలెట్ ఓట్లతో లెక్కింపు ప్రక్రియ ప్రారంభం కానుంది. ఎన్టీఆర్ జిల్లాలో తొలి ఫలితం నందిగామ నుంచి రావొచ్చని అధికారులు అంచనా వేస్తున్నారు. మొత్తం 4 గంటల్లోనే ఇక్కడ విజేత ఎవరో తేలిపోనుంది. ఎన్టీఆర్ జిల్లాకు సంబంధించి నిమ్రా, నోవా కాలేజీల్లో లెక్కింపు జరగనున్న విషయం తెలిసిందే.
News May 28, 2024
ఎన్టీఆర్ జయంతి సందర్భంగా మాయాబజార్ రీరిలీజ్
ఎన్టీఆర్, ఏఎన్ఆర్, సావిత్రి, SV రంగారావు నటించిన ‘మాయాబజార్'(1957) సినిమా ఈ నెల 28న రీరిలీజ్(కలర్ ప్రింట్) కానుంది. ఈ నెల 28న ఎన్టీఆర్ జయంతి సందర్బంగా విజయవాడలోని ఊర్వశి కాంప్లెక్స్, స్వర్ణ మల్టీఫ్లెక్స్ థియేటర్‌లలో ఈ సినిమా 28, 29వ తేదీలలో రెండు రోజులపాటు ప్రదర్శించనున్నట్లు తాజాగా సమాచారం వెలువడింది.
News May 27, 2024
కృష్ణా: రేపు పాలీసెట్ కౌన్సిలింగ్ జరిగే ర్యాంకుల వివరాలు
ఉమ్మడి కృష్ణా జిల్లాకు సంబంధించి రేపు మంగళవారం పాలీసెట్-2024లో 12,001- 27,000 వరకు ర్యాంక్ పొందినవారికి సర్టిఫికెట్ల పరిశీలన జరగనుంది. పైన తెలిపిన ర్యాంకులు పొందిన విద్యార్థులు విజయవాడలోని 3 హెల్ప్‌లైన్ కేంద్రాలలో సర్టిఫికెట్ల పరిశీలనకు హాజరు కావాల్సి ఉంటుందని సంబంధిత అధికారులు తెలిపారు. సర్టిఫికెట్ల పరిశీలన అనంతరం ర్యాంక్, రిజర్వేషన్ రోస్టర్ ప్రకారం సీట్లు కేటాయిస్తామని అధికారులు స్పష్టం చేశారు.
News May 27, 2024
ఎన్నికల కౌంటింగ్‌కు అన్ని ఏర్పాట్లు పూర్తి: ముకేశ్ కుమార్ మీనా
జూన్ 4న ఎలక్షన్ కమిషన్ ఆదేశాల ప్రకారం ఎన్నికల కౌంటింగ్ ఏర్పాట్లను పకడ్బందీగా నిర్వహిస్తున్నామని రాష్ట్ర ముఖ్య ఎన్నికల అధికారి ముకేశ్ కుమార్ మీనా తెలిపారు. నేడు నిమ్రా కళాశాలలో కలెక్టర్ ఢిల్లీ రావు, సీపీ రామకృష్ణతో కలిసి స్వయంగా స్ట్రాంగ్ రూమ్‌లను ఆయన పరిశీలించారు. అనంతరం మీనా మాట్లాడుతూ.. కీలకమైన కౌంటింగ్ ప్రక్రియ సజావుగా నిర్వహించేందుకు పలు సూచనలు సలహాలు జారీ చేశారు.
News May 27, 2024
కృష్ణా: డిప్లొమా, సర్టిఫికెట్ కోర్సుల పరీక్షా ఫలితాలు విడుదల
ఆచార్య నాగార్జున వర్సిటీ(డిస్టెన్స్) 2024 ఫిబ్రవరి- మార్చిలో నిర్వహించిన వివిధ పరీక్షల ఫలితాలు నేడు సోమవారం విడుదలయ్యాయి. ఈ మేరకు డిప్లొమా కోర్సులు(ఇయర్ ఎండ్), డిప్లొమా/సర్టిఫికెట్ కోర్సుల(సెమిస్టర్ ఎండ్) ఫలితాలు నేడు విడుదల చేశామని వర్సిటీ వర్గాలు తెలిపాయి. ఫలితాలకు http://www.anucde.info/ వెబ్‌సైట్‌లో రిజల్ట్స్ ట్యాబ్ చూడాలని సూచించాయి.
News May 27, 2024
కృష్ణా వర్సిటీలో ఓట్లు లెక్కించేది ఈ రూమ్‌లలోనే
జిల్లాకు సంబంధించి ఏడు అసెంబ్లీ నియోజకవర్గాలకు పోలైన ఓట్లను జూన్ 4న కృష్ణా విశ్వవిద్యాలయంలో లెక్కించనున్నారు. ఓట్ల లెక్కింపునకు అసెంబ్లీ నియోజకవర్గాల వారీగా రూమ్‌లను కేటాయించారు. రూమ్ నం.301Aలో గన్నవరం, రూమ్ నం.101Aలో గుడివాడ, రూమ్ నం.134Aలో పెడన, రూమ్ నం.118Aలో మచిలీపట్నం, రూమ్ నం.322Bలో అవనిగడ్డ, రూమ్ నం.129Aలో పామర్రు, రూమ్ నం.201Aలో పెనమలూరు అసెంబ్లీ నియోజకవర్గ ఓట్లను లెక్కించనున్నారు.
News May 27, 2024
జూన్ 4వ తేదీన ఓట్ల లెక్కింపునకు అన్ని ఏర్పాట్లు పూర్తి: ఢిల్లీరావు
ఎన్నికల కమిషనర్ నిబంధనలు పాటిస్తూ.. జూన్ 4వ తేదీన ఓట్ల లెక్కింపుకు అన్ని ఏర్పాట్లు చేసి సిద్ధంగా ఉన్నామని కలెక్టర్ ఢిల్లీరావు ప్రధాన ఎన్నికల కమీషనర్ రాజీవ్ కుమార్‌కి వివరించారు. ఈ సందర్భంగా ఎన్నికల కమిషనర్ రాజీవ్ కుమార్ వీడియో కాన్ఫరెన్స్ ద్వారా జూన్ 4వ తేదీన ఓట్ల లెక్కింపుకు చేపడుతున్న ఏర్పాట్లను సమీక్షించారు. జిల్లాలోని ఏడు నియోజకవర్గాల ఓట్ల లెక్కింపు అన్ని ఏర్పాట్లు చేశామని తెలిపారు.
News May 27, 2024
లోటుపాట్లు లేకుండా ఓట్ల లెక్కింపు చేపట్టాలి: డీకే బాలాజీ
ఎటువంటి లోటుపాట్లు లేకుండా సమన్వయంతో సజావుగా ఓట్ల లెక్కింపు చేపట్టాలని జిల్లా ఎన్నికల అధికారి, కలెక్టర్ డీకే బాలాజీ అధికారులకు ఆదేశించారు. సోమవారం సాయంత్రం కలెక్టరేట్ మీటింగ్ హాలులో ఓట్ల లెక్కింపుపై సంబంధిత ఎన్నికల అధికారులతో సమన్వయ సమావేశాన్ని నిర్వహించారు. ఈ సందర్భంగా కలెక్టర్ మాట్లాడుతూ.. త్వరలో రాష్ట్ర ప్రధాన ఎన్నికల అధికారి ఓట్ల లెక్కింపు కేంద్రమైన కృష్ణా యూనివర్సిటీని సందర్శించనున్నారన్నారు.
News May 27, 2024
రాష్ట్ర వ్యాప్తంగా 502 ప్రాంతాల్లో కార్డన్ సెర్చ్: డీజీపీ
జూన్ 4న ఎన్నికల కౌంటింగ్ నేపథ్యంలో డీజీపీ హరీశ్ కుమార్ గుప్తా ఆదేశాల మేరకు పోలీసులు రాష్ట్ర వ్యాప్తంగా కార్డన్ సెర్చ్ నిర్వహించారు. ఆయన మాట్లాడుతూ.. ఈ నెల 24 నుంచి రాష్ట్ర వ్యాప్తంగా 502 ప్రాంతాల్లో కార్డన్ సెర్చ్‌లో భాగంగా 2,602 సరైన పత్రాలు లేని వాహనాలు స్వాధీనం, 23 మంది రౌడీ, సస్పెక్ట్ షీటర్లు అరెస్ట్ చేశామని అన్నారు. 307 లీటర్ల అక్రమ మద్యం స్వాధీనం చేసుకొన్నట్లు తెలిపారు.
News May 27, 2024
కృష్ణా: డిగ్రీ, పీజీ పరీక్షల ఫలితాలు విడుదల
ఆచార్య నాగార్జున వర్సిటీ (డిస్టెన్స్) 2024 ఫిబ్రవరి-మార్చిలో నిర్వహించిన పలు పరీక్షల ఫలితాలు సోమవారం విడుదలయ్యాయి. ఈ మేరకు అన్ని పీజీ కోర్సులు (ఇయర్ ఎండ్), బ్యాచిలర్ ఆఫ్ లైబ్రరీ & ఇన్ఫర్మేషన్ సైన్స్ (BLISC) డిగ్రీ కోర్సుల ఫలితాలు నేడు విడుదల చేశామని వర్సిటీ వర్గాలు తెలిపాయి. ఫలితాలకు http://www.anucde.info/ అధికారిక వెబ్‌సైట్ను సందర్శించాలని సూచించారు.
Featured News
Sorry, no posts matched your criteria.