India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News December 31, 2024
2024లో ఎన్ని కేసులు నమోదయ్యాయంటే..!
కృష్ణా జిల్లాలో 2024 లో 9,719 కేసులు నమోదయ్యాయని SP ఆర్.గంగాధర్ అన్నారు. మంగళవారం ఆయన మచిలీపట్నంలో 2024 సంవత్సర నేరగణాంకాల నివేదికను విడుదల చేశారు. ఈ సందర్భంగా ఆయన మాట్లాడారు. 2023లో 9,813 కేసులు నమోదవ్వగా 2024లో ఆ సంఖ్య తగ్గిందన్నారు. పోలీసు శాఖ చేపట్టిన ముందస్తు చర్యలు, కమ్యూనిటి పోలీసింగ్ కారణంగా నేరాల సంఖ్య తగ్గిందని పేర్కొన్నారు.
News December 31, 2024
కృష్ణా: డిగ్రీ పరీక్షల టైం టేబుల్ విడుదల
కృష్ణా యూనివర్సిటీ పరిధిలో డిగ్రీ వన్ టైం ఆపర్చ్యూనిటీ(ఇయర్ ఎండ్) థియరీ పరీక్షల టైం టేబుల్ మంగళవారం విడుదలయింది. ఈ పరీక్షలు 2025 జనవరి 6 నుంచి 25 మధ్య నిర్ణీత తేదీలలో నిర్వహిస్తామని యూనివర్సిటీ తెలిపింది. ఈ మేరకు డిగ్రీ 1, 2, 3వ ఏడాది పరీక్షలు రాసే విద్యార్థులు సబ్జెక్టులవారీగా టైం టేబుల్ పూర్తి వివరాలకు https://kru.ac.in/ అధికారిక వెబ్‌సైట్ చెక్ చేసుకోవాలని సూచించింది.
News December 31, 2024
పెన్షన్ పంపిణీ చేసిన కలెక్టర్ లక్ష్మిశ
పేదలకు సామాజిక భద్రత కల్పించి ఆర్థికంగా చేయూత ఇచ్చేందుకు ప్రభుత్వం ఎన్టీఆర్ భరోసా పెన్షన్ ప‌థ‌కాన్ని అమ‌లు చేస్తోందని కలెక్టర్ లక్ష్మీశ తెలిపారు. క్షేత్ర‌స్థాయిలో అధికారుల నిరంత‌ర ప‌ర్య‌వేక్ష‌ణ‌లో కొత్త సంవ‌త్స‌రం నేప‌థ్యంలో ఒక‌రోజు ముందుగానే పెన్ష‌న్ల పంపిణీ చేస్తున్న‌ట్లు పేర్కొన్నారు. కలెక్టర్ మాట్లాడుతూ.. పేదలకు జ‌వాబు దారీత‌నంతో పెన్ష‌న్ల పంపిణీ కార్య‌క్ర‌మం జరుగుతుందన్నారు.
News December 31, 2024
కృష్ణా: న్యూఇయర్ వేడుకలకు సర్వం సిద్ధం
ఉమ్మడి కృష్ణాజిల్లాలో న్యూఇయర్ వేడుకలకు యువత సిద్ధమైంది. గతంతో పోలిస్తే ఈ వేడుకల్లో ఎంతో తేడా కనిపిస్తుంది. 10ఏళ్ల కిందట వరకు గ్రీటింగ్ కార్డ్స్ పంచుకుంటూ శుభాకంక్షలు తెలిపేవారు. హైటెక్ యుగంలో వాట్సాప్ ద్వారా విషెస్ తెలుపుకుంటున్నారు. రంగురంగుల లైట్లతో నగరం, పల్లెలు మెరిసిపోతుండగా ఇళ్ల ముందు ముగ్గులతో పల్లెలుకళకళలాడుతున్నాయి. మరి మీరు ఎలా సెలబ్రేట్ చేసుకుంటున్నారో కామెంట్ చేయండి.
News December 31, 2024
ఎన్టీఆర్, కృష్ణా జిల్లాలో నేడు 4,67,553 మందికి పింఛన్లు
ఎన్టీఆర్, కృష్ణా జిల్లాలో మొత్తంగా నేడు 4,67,553 మంది ఎన్టీఆర్ భరోసా పథకం కింద పింఛన్లు అందుకోనున్నారు. అధికారిక గణాంకాల ప్రకారం ఎన్టీఆర్ జిల్లాలో 2,30,619 మందికి రూ.98,186,95,00, కృష్ణా జిల్లాలో 2,36,934 మందికి రూ.1,01,33,81,000 జనవరి నెల పింఛన్ల కింద రాష్ట్ర ప్రభుత్వం ఒక రోజు ముందుగానే అందించనుంది. ఈ మేరకు లబ్ధిదారుల ఇళ్ల వద్ద పింఛన్ నగదును పంపిణీ చేసేందుకు అధికారులు ఏర్పాట్లు చేశారు.
News December 30, 2024
కృష్ణా: పీజీ పరీక్షల ఫలితాలు విడుదల
కృష్ణా యూనివర్శిటీ పరిధిలో ఇటీవల నిర్వహించిన పోస్ట్ గ్రాడ్యుయేషన్(పీజీ) 2వ సెమిస్టర్ పరీక్షల ఫలితాలు సోమవారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నంబర్ ద్వారా రిజల్ట్స్ తెలుసుకోవచ్చు. ఫలితాలకై అధికారిక వెబ్‌సైట్ https://kru.ac.in/pg-2-semester-results/ చెక్ చేసుకోవాలని కృష్ణా యూనివర్సిటీ పరీక్షల విభాగం సూచించింది.
News December 30, 2024
విజయవాడలో మౌలిక వసతులపై ప్రత్యేక దృష్టి: కలెక్టర్
విజయవాడ న‌గ‌ర అవ‌సరాల‌కు త‌గ్గ‌ట్లు రాష్ట్ర ప్రభుత్వం అభివృద్ధి ప‌నుల‌పై దృష్టి పెట్టింద‌ని ఎంపీ కేశినేని శివ‌నాథ్, కలెక్టర్ లక్ష్మీశ, విజయవాడ తూర్పు ఎమ్మెల్యే రామ్మోహ‌న్ పేర్కొన్నారు. ఈ నేప‌థ్యంలో స‌మ‌ష్టి కృషితో ర‌హ‌దారుల‌తో పాటు మౌలిక వ‌స‌తుల క‌ల్ప‌న‌కు కృషిచేస్తున్న‌ట్లు సోమవారం న‌గ‌రంలో ప‌లు ప్రాంతాల్లో వారు ప‌ర్య‌టించారు. అనంతరం ఆయా కాలనీలకు అవసరమైన మౌలిక సదుపాయాలపై చర్చించారు.
News December 30, 2024
పేర్ని జయసుధకు మరోసారి నోటీసులు
పేర్ని నానికి చెందిన సివిల్ సప్లయిస్ బఫర్ గోడౌన్‌లో మాయమైన రేషన్ బియ్యాన్ని లెక్కతేల్చిన అధికారులు అదనంగా షార్టేజీని గుర్తించారు. ఆ బియ్యానికి ఫైన్ చెల్లించాలంటూ జాయింట్ కలెక్టర్ గోడౌన్ యజమానురాలు జయసుధకు సోమవారం నోటీసులు జారీ చేశారు. 378 టన్నుల షార్టేజీని గుర్తించి రూ.3.37 కోట్లు ఫైన్ విధించారు. ముందుగా చెల్లించిన రూ.1.70 కోట్లు మినహాయించి రూ.1.68కోట్లు చెల్లించాలని నోటీసుల్లో పేర్కొన్నారు.
News December 30, 2024
విజయవాడ: పవన్ కళ్యాణ్‌ను కలిసిన దిల్‌రాజు
విజయవాడలో గేమ్ ఛేంజర్‌ ప్రీ రిలీజ్‌ ఈవెంట్‌ నిర్వహించనున్నారు. ఈ మేరకు అమరావతిలో డిప్యూటీ సీఎం పవన్‌తో నిర్మాత దిల్‌రాజు సోమవారం సమావేశమయ్యారు. ఈ సందర్భంగా ఆయన గేమ్ ఛేంజర్‌ ప్రీ రిలీజ్‌ ఈవెంట్‌కు పవన్‌ను ఆహ్వానించారు. సినిమా టికెట్‌ రేట్లు, సినీ పరిశ్రమకు సంబంధించిన సమస్యలు, ప్రీ రిలీజ్‌ ఈవెంట్‌ ఏర్పాట్లపై చర్చించారు. కాగా పవన్ ప్రీరిలీజ్‌కు హాజరవుతారని అభిమానులు ఆసక్తిగా ఎదురుచూస్తున్నారు.
News December 30, 2024
2024: ఉమ్మడి కృష్ణా పొలిటికల్ పిక్చర్ ఛేంజ్
ఉమ్మడి కృష్ణా జిల్లా రాజకీయ ముఖచిత్రాన్ని 2024 ఎన్నికలు మార్చేశాయి. 2019 ఎన్నికల్లో మొత్తం 16 నియోజకవర్గాల్లో 14 వైసీపీ, టీడీపీ 2 సీట్లలో గెలిచింది. ఈసారి 16 నియోజకవర్గాల్లోనూ కూటమి అభ్యర్థులు విజయ దుందుభి మోగించారు. 2 ఎంపీ సీట్లతో పాటు 13 స్థానాల్లో టీడీపీ, ఒకటి జనసేన, 2 స్థానాల్లో బీజేపీ నెగ్గాయి. మంత్రులుగా కొల్లు రవీంద్ర, పార్థసారథి కొనసాగుతున్నారు. మాజీ మంత్రి కొడాలి నాని ఓడిపోవడం గమన్హారం.
Featured News
Sorry, no posts matched your criteria.