India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News December 26, 2024
నేడే ఉమ్మడి కృష్ణాజిల్లా ఫెన్సింగ్ జట్ల ఎంపిక
పొన్నవరం గ్రామంలోని ఏకత్వా పాఠశాలలో గురువారం సాయంత్రం మూడు గంటలకు ఉమ్మడి కృష్ణాజిల్లా ఫెన్సింగ్ జట్ల ఎంపికలు నిర్వహిస్తున్నట్లు జిల్లా ఫెన్సింగ్ సంఘ కార్యదర్శి నాగం సతీష్ తెలిపారు. ఈ పోటీలకు 2008 జనవరి నుంచి 2011 డిసెంబరు మధ్య జన్మించిన బాలబాలికలు అర్హులన్నారు. ఇక్కడ ఎంపికైన క్రీడాకారులు తూర్పుగోదావరి జిల్లాలో ఈ నెల 28 నుంచి నిర్వహించనున్న రాష్ట్ర స్థాయి పోటీల్లో పాల్గొంటారని తెలిపారు.
News December 25, 2024
గుడ్లవల్లేరులో క్రికెట్ ఆడేందుకు వెళ్లి యువకుడి మృతి
గుడ్లవల్లేరు మండలం అంగళూరులో గుండెపోటుతో యువకుడు మృతి చెందిన ఘటన బుధవారం చోటు చేసుకుంది. మృతుడి స్నేహితుల వివరాల మేరకు.. అంగళూరు గ్రామానికి చెందిన కొమ్మలపాటి సాయి (26) కౌతవరం గ్రామానికి క్రికెట్ ఆడేందుకు వెళ్లాడు. సాయి బౌలింగ్ చేస్తూ హఠాత్తుగా కింద పడిపోయాడు. అప్రమత్తమైన స్నేహితులు గుడివాడ ప్రైవేట్ ఆస్పత్రికి తరలించారు. వైద్య పరీక్షలు నిర్వహించి అప్పటికే మృతి చెందినట్లు వైద్యులు నిర్ధారించారు.
News December 25, 2024
కోడూరు: విద్యుత్ షాక్‌తో పంచాయతీ స్వీపర్ మృతి
కోడూరు మండలం పిట్టల్లంకలో విద్యుత్ షాక్‌తో పంచాయతీ స్వీపర్ రంగారావు (54) మృతి చెందారు. ఎస్సై చాణిక్య వివరాల మేరకు.. పంచాయతీలో స్వీపర్‌గా పని చేస్తున్న రంగారావు బుధవారం వాటర్ ట్యాంక్ నిండడంతో స్విచ్ ఆపేందుకు వెళ్లి విద్యుదాఘాతానికి గురయ్యాడు. గమనించిన స్థానికులు అవనిగడ్డ ప్రభుత్వ వైద్యశాలకు తరలిస్తుండగా మార్గం మధ్యలో మృతి చెందాడు. కేసు నమోదు చేసి దర్యాప్తు చేస్తున్నట్లు ఎస్సై వివరించారు.
News December 25, 2024
RGVకి 15 రోజులు టైం ఇచ్చాం: జీవీ రెడ్డి
ఏపీ ఫైబర్‌ నెట్‌ను ప్రక్షాళన చేస్తున్నామని ఛైర్మన్‌ జీవీ రెడ్డి తెలిపారు. మంగళవారం ఆయన విజయవాడలో మీడియాతో మాట్లాడారు. ‘గత ప్రభుత్వ హాయంలో ఫైబర్‌ నెట్‌ నుంచి ఆర్జీవీకి అక్రమంగా డబ్బు చెల్లించారు. డబ్బు తిరిగి చెల్లించేందుకు ఆయనకు 15 రోజుల సమయం ఇచ్చాం. గడువులోగా డబ్బు చెల్లించకుంటే ఆర్జీవీపై పోలీసులకు ఫిర్యాదు చేస్తాం. గత ప్రభుత్వం నియమించిన 410 మందిని తొలగిస్తాం’ అని తెలిపారు.
News December 25, 2024
జాతీయ షూటింగ్ పోటీలకు కృష్ణ జిల్లా క్రీడాకారులు
వెస్ట్ బెంగాల్ రాష్ట్రంలోని హౌరా పట్టణంలో జరగబోయే 43వ జాతీయ షూటింగ్ బాల్ పోటీలకు కృష్ణాజిల్లా బాల బాలికలు ఎంపికైనట్లు జిల్లా షూటింగ్ బాల్ సంఘం అధ్యక్షుడు అట్లూరి రాజశేఖర్ తెలిపారు. ఈ సందర్భంగా మంగళవారం మధ్యాహ్నం వారిని ఆంధ్రప్రదేశ్ షూటింగ్ బాల్ అసోసియేషన్ ప్రధాన కార్యదర్శి కురువ పరశురాముడు అభినందించి శుభాకాంక్షలు తెలిపారు. ఈ పోటీలు డిసెంబర్ 27న తేదీ నుంచి 29 వరకు జరుగుతాయన్నారు.
News December 24, 2024
కృష్ణ: కారు ఢీ కొని.. ప్రభుత్వ టీచర్ దుర్మరణం
మండలంలోని పెడసనగల్లు జడ్పీ ఉన్నత పాఠశాలలో ఉపాధ్యాయుడిగా పనిచేస్తున్న వి.రామకృష్ణను సోమవారం కంకిపాడు టోల్ ప్లాజా వద్ద కారు ఢీ కొట్టింది. గాయాలపాలైన ఆయనను సిటీ న్యూరో సెంటర్‌కు చికిత్స నిమిత్తం తరలించారు. చికిత్స అందుతుండగా ఆయన మంగళవారం మరణించారని మొవ్వ మండల ఏపీ టీచర్స్ ఫెడరేషన్ తాజాగా ఓ ప్రకటన విడుదల చేసింది. పాఠశాలలో విషాదఛాయలు అలుముకున్నాయి.
News December 24, 2024
విజయవాడ: ఈవీఎం గోదాముకు పటిష్ట భద్రతా ఏర్పాట్లు
ఈవీఎంల భద్రతకు పటిష్ట ఏర్పాట్లు చేసినట్లు జిల్లా కలెక్టర్ లక్ష్మీశ తెలిపారు. సాధారణ తనిఖీలలో భాగంగా గొల్లపూడి మార్కెట్ యార్డులో ఈవీఎంలను భద్రపరిచే గోదామును మంగళవారం జిల్లా కలెక్టర్ పరిశీలించారు. అనంతరం కలెక్టర్ మాట్లాడుతూ..ఎన్నికల సంఘం ఆదేశాల మేరకు ఎప్పటికప్పుడు ఈవీఎం, వీవీ ప్యాట్ గోదామును క్షుణ్ణంగా తనిఖీ చేసి సమగ్ర నివేదికను ఎన్నికల సంఘానికి అందిస్తామమన్నారు. పలువురు ప్రజాప్రతినిధులు ఉన్నారు.
News December 24, 2024
పేర్ని నాని పిటిషన్ ని కొట్టివేసిన హైకోర్టు
రేషన్ బియ్యం మాయం కేసులో పోలీసులు తనకు ఇచ్చిన నోటీసులను రద్దు చేయాలని మాజీ మంత్రి పేర్ని నాని హైకోర్టులో వేసిన పిటిషన్ న్యాయమూర్తి కొట్టివేశారు. రాజకీయ కక్ష సాధింపు చర్యల్లో భాగంగా పోలీసులు తనకు నోటీసులు ఇచ్చారని ఆరోపిస్తూ పేర్ని నాని పిటిషన్ వేయగా దీనిపై విచారణ జరిపిన న్యాయమూర్తి పిటిషన్‌ను కొట్టి వేశారు. కాగా ఈ కేసులో 2వ నిందితుడిగా ఉన్న మానస తేజ దాఖలు చేసిన క్వాష్ పిటిషన్ Jan 2కి వాయిదా పడింది.
News December 24, 2024
నేడు పేర్ని నాని క్వాష్ పిటిషన్‌పై విచారణ
పేర్ని నానికి చెందిన గోడౌన్‌లో రేషన్ బియ్యం మాయం కేసులో హైకోర్టులో దాఖలైన క్వాష్ పిటిషన్ నేడు విచారణకు రానుంది. ఈ కేసులో నాని సతీమణి జయసుధ, మేనేజర్ మానస తేజ నిందితులు. శనివారం హైకోర్టులో క్వాష్ పిటిషన్ దాఖలు అవ్వగా సోమవారం ఇన్వెస్టిగేషన్ ఆఫీసర్ కౌంటర్ దాఖలు చేశారు. దీనిపై నేడు వాదోపవాదాలు జరగనున్నాయి. అదేవిధంగా జిల్లా కోర్టులో జయసుధ దాఖలు చేసిన ముందస్తు బెయిల్ పిటిషన్‌పై కూడా వాదనలు జరగనున్నాయి.
News December 24, 2024
విజయవాడలో ‘డాకు మహారాజ్’ ప్రీ రిలీజ్ ఈవెంట్.?
నటసింహం నందమూరి బాలకృష్ణ లేటెస్ట్ మూవీ “డాకు మహారాజ్” 2వ ప్రీ రిలీజ్ ఈవెంట్ విజయవాడలో నిర్వహించనున్నట్లు వార్తొలుస్తున్నాయి. 2025 సంక్రాంతి బరిలో నిలిచిన ఈ సినిమా ట్రైలర్ లాంచ్ హైదరాబాద్‌లో జనవరి 2న, మొదటి ప్రీ రిలీజ్ ఈవెంట్ అమెరికాలో జనవరి 4న, 2వ ప్రీ రిలీజ్ ఈవెంట్ విజయవాడలో జనవరి 8న నిర్వహిస్తారని సోషల్ మీడియాలో వార్తలు హల్‌చల్ చేస్తున్నాయి. “డాకు మహారాజ్” టీం వీటిని ధృవీకరించాల్సి ఉంది.
Featured News
Sorry, no posts matched your criteria.