India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News December 24, 2024
పేర్ని నానికి సహకరిస్తే కఠిన చర్యలు: మంత్రి వార్నింగ్
రేషన్ బియ్యం మాయం కేసులో మాజీ మంత్రి పేర్ని నానికి కొంత మంది పోలీసులు సహకరిస్తున్నారన్న ప్రచారం నేపథ్యంలో మంత్రి కొల్లు రవీంద్ర స్పందించారు. కేసు విచారణ నిష్పక్షపాతంగా జరుగుతోందన్నారు. అధికారులు పేర్ని నానికి సహకరిస్తున్నారని తేలితే వారిపై కూడా చట్టపరమైన చర్యలు ఉంటాయని హెచ్చరించారు. పూర్తి స్థాయి దర్యాప్తు చేసి దోషులను చట్టం ముందు నిలబెడతామన్నారు. అవసరమైతే ఈ కేసును సిట్ కు అప్పగిస్తామన్నారు.
News December 24, 2024
కృష్ణా: విద్యార్థులకు అలర్ట్.. పరీక్షల షెడ్యూల్ విడుదల
ఆచార్య నాగార్జున యూనివర్సిటీ (ANU) పరిధిలోని కళాశాలల్లో డీపీఈడీ, బీపీఈడీ, ఎంపీఈడీ 1వ సెమిస్టర్(2024- 25 విద్యాసంవత్సరం) విద్యార్థులు రాయాల్సిన థియరీ పరీక్షలను 2025 JAN 28 నుంచి నిర్వహిస్తామని వర్సిటీ సిబ్బంది తెలిపారు. ఈ పరీక్షకు హాజరయ్యే విద్యార్థులు JAN 8లోపు అపరాధరుసుము లేకుండా ఫీజు చెల్లించాలని, పూర్తి వివరాలకు https://www.nagarjunauniversity.ac.in/ అధికారిక వెబ్‌సైట్ చూడాలన్నారు.
News December 24, 2024
27న విజయవాడలో రాష్ట్ర వాలీబాల్ జట్ల ఎంపిక
ఆంధ్రప్రదేశ్ క్రీడా ప్రాధికార సంస్థ మేనేజింగ్ డైరెక్టర్ గిరీషా ఆదేశాల మేరకు ఇందిరాగాంధీ స్టేడియంలో రాష్ట్ర పురుషుల మహిళల వాలీబాల్ జట్ల ఎంపికలు నిర్వహిస్తున్నట్లు జిల్లా క్రీడల అభివృద్ధి అధికారి అజీజ్ తెలిపారు. జిల్లాలో ఆసక్తిగల క్రీడాకారులు 27వ తేదీన ఉదయం ఇందిరా గాంధీ స్టేడియంలో గల వాలీబాల్ క్రీడా మైదానం ఆధార్ కార్డ్, నేటివిటీ సర్టిఫికెట్, పాస్పోర్ట్ సైజ్ ఫొటోలతో హాజరు కావాలన్నారు.
News December 23, 2024
క్రీడాకారుల భ‌విష్య‌త్తే ప్రభుత్వానికి ముఖ్యం: శాప్ ఛైర్మన్
క్రీడాకారుల భ‌విష్య‌త్తే ధ్యేయంగా రాష్ట్ర ప్రభుత్వం ప‌నిచేస్తుంద‌ని, దానికి అనుగుణంగా క్రీడా సంఘాలు, శాప్ అధికార యంత్రాంగం స‌మ‌న్వ‌యం చేసుకుని క్రీడాకారుల‌కు అన్ని విధాలుగా తోడ్పాటు నందించాల‌ని శాప్ ఛైర్మన్ అనిమిని ర‌వినాయుడు ఆకాంక్షించారు. విజయవాడలోని శాప్ కార్యాల‌యంలో శాప్ అధికారుల‌కు, కోచ్‌ల‌కు క్రీడారంగంలో అమ‌లు చేయాల్సిన అంశాల‌పై సోమ‌వారం ఆయన దిశానిర్ధేశం చేశారు.
News December 23, 2024
కాంట్రాక్టు సంస్థలపై ఏపీ సీఆర్డీఏ కీలక ప్రకటన
అమరావతి నిర్మాణంలో రూ.100కోట్లకు పైబడి పనులను ప్యాకేజీల వారీగా కాంట్రాక్టు సంస్థలకు అప్పగించేందుకు సీఆర్డీఏ సిద్ధమైంది. ఈ పనులలో కాంట్రాక్టు సంస్థలు భాగస్వామ్యం అయ్యేందుకు సులభతర విధానాన్ని రూపొందించామని కమిషనర్ కె.భాస్కర్ తాజాగా విజయవాడలోని తన కార్యాలయం నుంచి ఓ ప్రకటన విడుదల చేశారు. స్పెషల్ క్లాస్ కాంట్రాక్టర్‌గా నమోదయ్యేందుకు రిజిస్ట్రేషన్‌కై https://crda.ap.gov.in/ వెబ్‌సైట్ చూడాలన్నారు.
News December 23, 2024
కృష్ణా: రేషన్ బియ్యం కేసు.. అజ్ఞాతంలోకి ఆ ముగ్గురు
రేషన్ బియ్యం కేసుకు సంబంధించి ముగ్గురు వ్యక్తులు అజ్ఞాతంలో ఉన్నట్లు తాజాగా సమాచారం వెలువడింది. మాజీ మంత్రి పేర్ని నాని భార్య జయసుధ, కుమారుడు కిట్టుతో పాటు గోడౌన్ మేనేజర్ మానసతేజ అజ్ఞాతంలో ఉన్నట్లు తెలుస్తోంది. కేసు దర్యాప్తులో భాగంగా నోటీసులు ఇచ్చేందుకు పేర్ని నాని నివాసానికి శనివారం పోలీసులు వెళ్లగా.. ఆయన లేకపోవడంతో ఆ ఇంటికి నోటీసులు అంటించామని పోలీసులు పేర్కొంటున్నారు.
News December 23, 2024
నేటి సాయంత్రం విజయవాడలో సీఎం పర్యటన
విజయవాడలోని ఏ ప్లస్ కన్వెన్షన్‌ సెంటర్‌లో నేడు ప్రభుత్వం తరఫున సెమీ క్రిస్మస్ వేడుకలు జరగనున్నాయి. ఈ మేరకు అధికారులు ఏర్పాట్లు చేస్తున్నారు. సాయంత్రం ప్రారంభమయ్యే ఈ వేడుకల్లో సీఎం చంద్రబాబుతో పాటు కూటమి మంత్రులు, నాయకులు పాల్గొననున్నారు.
News December 23, 2024
హత్య ఘటనలో నిందితుడిని పట్టించిన బంపర్
NTR జిల్లా రెడ్డిగూడెంకు చెందిన మురళి రెడ్డి.. తన భార్య, కుమార్తెతో హైదరాబాద్‌లో నివసిస్తున్నాడు. అతని కుమార్తె(14)ను కుమార్ అనే ఆటో డ్రైవర్ కిడ్నాప్ చేసి లైంగిక దాడికి యత్నించాడు. దీంతో ఏడాది కిందట కుమార్‌ను మురళి రెడ్డి హత్య చేశాడు. ఆ తర్వాత నంబర్ మార్చి ఆ ఆటోను మురళి రెడ్డే వాడుతున్నాడు. తాజాగా ఆ ఆటోను కుమార్ బావమరిది యోహాన్ గుర్తించి పోలీసులకు చెప్పాడు. దీంతో మురళి రెడ్డిని అరెస్ట్ చేశారు.
News December 23, 2024
నేడు కంకిపాడుకు డిప్యూటీ సీఎం.. షెడ్యూల్ ఇదే.!
డిప్యూటీ సీఎం పవన్ కళ్యాణ్ నేడు కృష్ణాజిల్లా కంకిపాడులో పర్యటించనున్నారు. ఈ మేరకు ఆయన షెడ్యూల్‌ను విడుదల చేశారు. ఉదయం 10 గంటలకు మంగళగిరి క్యాంప్ ఆఫీస్ నుంచి కంకిపాడు మండలంలోని గొడవర్రు గ్రామం 10.40గంటలకు చేరుకుంటారు. అక్కడి నుంచి తిరిగి 11:15 నుంచి 12గంటల వరకు గుడివాడలోని మల్లయ్యపాలెం గ్రామం వెళ్లనున్నారు. అక్కడి నుంచి తిరిగి 1:30కు మంగళగిరి క్యాంప్ ఆఫీస్‌కి చేరుకుంటారు.
News December 22, 2024
విజయవాడ: కనకదుర్గమ్మని దర్శించుకున్న మంత్రి అనిత
విజయవాడలోని శ్రీ కనకదుర్గమ్మవారిని మంత్రి వంగలపూడి అనిత ఆదివారం దర్శించుకున్నారు. ఈ సందర్భంగా ఆమె అమ్మవారికి ప్రత్యేక పూజలు చేశారు. అనంతరం వేద పండితులు వేద ఆశీర్వచనం చేయగా ఆలయ ఈవో కేఎస్ రామారావు అమ్మవారి చిత్రపటం, ప్రసాదాలను మంత్రికి అందజేశారు. అనంతరం మంత్రి దీక్షల విరమణకు విచ్చేసిన భవానీలతో మాట్లాడారు. అమ్మవారి ఆలయంలో చేసిన ఏర్పాట్లపై సంతృప్తి వ్యక్తం చేశారు.
Featured News
Sorry, no posts matched your criteria.