India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News January 10, 2025
కృష్ణా: అలర్ట్.. పరీక్షల టైం టేబుల్ విడుదల
ఆచార్య నాగార్జున యూనివర్సిటీ(ANU) పరిధిలోని కళాశాలల్లో బీఈడీ కోర్సు చదివే విద్యార్థులు రాయాల్సిన 3వ సెమిస్టర్ రెగ్యులర్&సప్లిమెంటరీ పరీక్షల టైం టేబుల్ విడుదలైంది. ఫిబ్రవరి 3,4,5,6,7 తేదీలలో ఉదయం 10 నుంచి 11.30 గంటల వరకు ఈ పరీక్షలు జరుగుతాయి. టైం టేబుల్ పూర్తి వివరాలకై https://www.nagarjunauniversity.ac.in/ అధికారిక వెబ్‌సైట్ చూడవచ్చు.
News January 10, 2025
ఉయ్యూరు: G3 థియేటర్‌కు నోటీసులు
రామ్ చరణ్ నటించిన గేమ్ ఛేంజర్ సినిమా రిలీజ్ సందర్భంగా కృష్ణా జిల్లా ఉయ్యూరులో G3 శ్రీనివాస థియేటర్ యాజమాన్యానికి పోలీసులు నోటీసులు ఇచ్చారు. అర్ధరాత్రి 1 గంటకు ఈ థియేటర్ బెనిఫిట్‌ షో వేస్తున్న సందర్భంగా ఎలాంటి అవాంఛనీయ ఘటనలు జరగకుండా జాగ్రత్తలు తీసుకోవాలని థియేటర్ యాజమాన్యానికి ఉయ్యూరు టౌన్ పోలీసులు నోటీస్ ద్వారా తెలిపారు.
News January 10, 2025
పోరంకిలో మహిళ హత్య UPDATE
పోరంకిలో రాణి హత్యకు గురైన ఘటనకు సంబంధించి పోలీసులు పలు విషయాలు వెల్లడించారు. రాణి కూతురు భర్త నరేశ్‌తో విభేదాల కారణంగా తన కూతురిలో తల్లి వద్దే ఉంటోంది. అయితే వారి కూతురి బడికి పంపకుండా మాల్‌లో పనికి పంపేవారు. ఈ విషయంపై అల్లుడు గురువారం అత్త ఇంటికొచ్చి తన కూతురిని చదివించకుండా పనికి పంపుతున్నారంటూ హత్య చేసి పరారయ్యాడు. ఘటనపై పోలీసులు కేసు నమోదు చేసి నిందితుని కోసం గాలిస్తున్నామన్నారు.
News January 10, 2025
ఆ సమాచారం తెలిస్తే ఈ నెంబరుకు ఫోన్ చేయండి: సీపీ
గంజాయి ఇతర మత్తు పదార్థాలు అమ్మే ప్రదేశాలు, వ్యక్తులు, వాహనాల గురించి పోలీసులకు సమాచారం ఇవ్వాలని సీపీ రాజశేఖరబాబు సూచించారు. ఆ సమాచారం ఇచ్చేందుకు 1972 లేదా 112 నెంబరుకు కాల్ చేయాలని ఆయన గురువారం ఓ ప్రకటన విడుదల చేశారు. గంజాయి, మత్తు పదార్థాలకు అలవాటు పడి మీ జీవితాలు నాశనం చేసుకోవద్దని సీపీ రాజశేఖరబాబు ఈ మేరకు యువతకు సూచించారు.
News January 10, 2025
పెనమలూరులో అత్తను చంపిన అల్లుడు
పెనమలూరు మండలంలోని పోరంకిలో గురువారం రాత్రి దారుణం జరిగింది. అత్తను అల్లుడు బండరాయితో తలపై కొట్టడంతో ఆమె అక్కడికక్కడే మృతి చెందింది. స్థానికుల వివరాల మేరకు.. కుటుంబ కలహాల నేపథ్యంలో పోరంకికి చెందిన ఉమ్మడి రాణి(65)ని ఆమె అల్లుడు నారబోయిన నరేశ్ రాయితో కొట్టడంతో మృతి చెందింది. మృతదేహాన్ని పోస్టుమార్టం నిమిత్తం పోలీసులు ఉయ్యూరు తరలించారు. కేసు నమోదు చేసి దర్యాప్తు చేపట్టారు.
News January 9, 2025
కృష్ణా: రేపటి నుంచి సెలవులు
కృష్ణా విశ్వవిద్యాలయం విద్యార్థులకు శుక్రవారం నుంచి సెలవులు రానున్నాయి. పీజీ విద్యార్థుల పరీక్షలు గురువారం ముగియడంతో విద్యార్థులు సెలవుల మూడ్‌లోకి వెళ్లనున్నారు. రెండో శనివారం, ఆదివారం సెలవు దినం కావడంతో ఆ రెండు రోజులు యూనివర్సిటీకి శెలవు ప్రకటించారు. సోమవారం నుంచి శనివారం వరకు సంక్రాంతి సెలవులు ఇచ్చినట్లు వర్సిటీ యాజమాన్యం తెలిపింది. ఈ నెల 20 నుంచి కృష్ణా వర్సిటీ తరగతులు పునఃప్రారంభం కానున్నాయి.
News January 9, 2025
NTR: తల్లిని హత్య చేసిన కూతురు
ఇబ్రహీంపట్నంలో ఈనెల 7న ఎస్తేరు (పాస్టర్) అనే మహిళ హత్యకు గురైన విషయం తెలిసిందే. కొండపల్లికి చెందిన ఎస్తేరుకు ఇద్దరు కుమార్తెలు. చిన్న కుమార్తె జీవమణికి గతంలో పెళ్లి కాగా, భర్త వదిలేసి వెళ్లిపోయాడు. ఈక్రమంలో షేక్ నాగూర్ వలీతో జీవమణికి అక్రమ సంబంధం ఏర్పడింది. దీంతో తల్లి మందలించడంతో కక్ష పెంచుకొని హత్యచేసినట్లు పోలీసులు తెలిపారు. నిందితులను అరెస్టు చేసినట్లు ఏడీసీపీ గుణ్ణం రామకృష్ణ తెలిపారు.
News January 9, 2025
రీస‌ర్వేలో క‌చ్చిత‌త్వానికి ప్రాధాన్య‌మివ్వాలి: కలెక్టర్
రీస‌ర్వేలో క‌చ్చిత‌త్వానికి అత్యంత ప్రాధాన్య‌మివ్వాల‌ని, ఎలాంటి త‌ప్పిదాల‌కు తావులేకుండా రీస‌ర్వే ప్ర‌క్రియ‌ను స‌జావుగా నిర్వ‌హించాల‌ని కలెక్టర్ ల‌క్ష్మీశ క్షేత్ర‌స్థాయి అధికారులు, సిబ్బందిని ఆదేశించారు. బుధవారం క‌లెక్ట‌రేట్ శ్రీ పింగ‌ళి వెంక‌య్య స‌మావేశ మందిరంలో కలెక్టర్ ల‌క్ష్మీశ ఆధ్వ‌ర్యంలో రెవెన్యూ గ్రామాల్లో రీస‌ర్వేపై వ‌ర్క్‌షాప్ నిర్వ‌హించారు.
News January 8, 2025
కూచిపూడి వద్ద రోడ్డు ప్రమాదం.. ఇద్దరు మృతి
మొవ్వ మండలం కూచిపూడి వద్ద బుధవారం రోడ్డు ప్రమాదం జరిగింది. పోలీసులు తెలిపిన వివరాల మేరకు.. అయ్యంకి అడ్డరోడ్డు వద్ద మోటార్ సైకిల్‌ను లారీ ఢీ కొట్టింది. ఈ ఘటనలో మోటార్ సైకిల్‌పై ప్రయాణిస్తున్న అయ్యంకి గ్రామానికి చెందిన నాగరాజు(39), పెద్ద మునేశ్వరరావు (60) అనే ఇద్దరు వ్యక్తులు అక్కడికక్కడే మరణించారు. ఘటనపై పోలీసులు కేసు నమోదు చేసి దర్యాప్తు చేపట్టారు.
News January 8, 2025
కృష్ణా: బీ-ఫార్మసీ పరీక్షల టైం టేబుల్ విడుదల
కృష్ణా యూనివర్సిటీ(KRU) పరిధిలోని కాలేజీలలో బీ-ఫార్మసీ కోర్సు చదివే విద్యార్థులు రాయాల్సిన 3వ సెమిస్టర్ థియరీ పరీక్షల టైం టేబుల్ విడుదలైంది. ఈ నెల 28,30, ఫిబ్రవరి 1,3 తేదీల్లో ఉదయం 10 నుంచి మధ్యాహ్నం ఒంటి గంట వరకు ఈ పరీక్షలు నిర్వహిస్తామని KRU పరీక్షల విభాగం తెలిపింది. సబ్జెక్టు వారీగా టైం టేబుల్ వివరాలకై https://kru.ac.in/ వెబ్‌సైట్ చెక్ చేసుకోవాలని సూచించింది.
Featured News
Sorry, no posts matched your criteria.