India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News July 18, 2024
కృష్ణా: రైలు ప్రయాణికులకు ముఖ్య గమనిక
కృష్ణా జిల్లా మీదుగా ప్రయాణించే పలు రైళ్లకు ప్రయోగాత్మకంగా కొన్ని స్టేషన్లలో స్టాప్‌లు ఇచ్చామని దక్షిణ మధ్య రైల్వే అధికారులు తెలిపారు. ఈ మేరకు నం.07866 విజయవాడ-మచిలీపట్నం ట్రైన్‌కు ఈ నెల 21 నుంచి ఉప్పులూరులో, నం.17281 గుంటూరు-నరసాపురం ట్రైన్‌కు ఈ నెల 20 నుంచి పుట్లచెరువులో స్టాప్ ఇచ్చామన్నారు. ఈ స్టాప్‌ల కారణంగా ఆయా ట్రైన్లు బయలుదేరే సమయాలలో మార్పులు లేవని రైల్వే అధికారులు చెప్పారు.
News July 18, 2024
కృష్ణా: సీఎం చంద్రబాబును ప్రశ్నిస్తూ.. ట్వీట్ చేసిన కొడాలి నాని
వినుకొండలో రషీద్ అనే వైసీపీ కార్యకర్తను నడిరోడ్డు మీద దారుణంగా నరికి చంపడం అత్యంత హేయమైన చర్య అని మాజీ మంత్రి కొడాలి నాని ట్వీట్ చేశారు. ఇదేనా మీరు ప్రజలకు అందిస్తామన్న సంక్షేమ పాలన అంటూ సీఎం చంద్రబాబును ప్రశ్నించారు. వరుస ఘటనలు జరుగుతున్నా.. పట్టించుకోకుండా పాలనను గాలికి వదిలేసి చోద్యం చూడ్డానికి సిగ్గుగా లేదా అంటూ నాని చంద్రబాబుపై ట్విటర్ వేదికగా ప్రశ్నలు సంధించారు.
News July 18, 2024
కృష్ణా యూనివర్శిటీ ఇన్‌ఛార్జ్ వీసీగా శ్రీనివాసరావు
కృష్ణా యూనివర్సిటీ ఇన్‌ఛార్జ్ వైస్ ఛాన్సలర్‌(వీసీ)గా ప్రొఫెసర్ ఆర్ శ్రీనివాసరావు నియమితులయ్యారు. రాష్ట్ర వ్యాప్తంగా పలు యూనివర్సిటీలకు ఇన్‌ఛార్జ్ వీసీలను నియమిస్తూ.. ఉత్తర్వులు జారీ చేసింది. ఇందులో భాగంగా JNTU కాకినాడలో EEE విభాగంలో ప్రొఫెసర్‌గా పని చేస్తున్న శ్రీనివాసరావును ఇన్‌ఛార్జ్ వీసీగా నియమించారు. త్వరలో ఆయన బాధ్యతలు స్వీకరించనున్నారు.
News July 18, 2024
REWIND: ఒలింపిక్స్‌లో పాల్గొన్న మచిలీపట్నం అమ్మాయి
ఒలింపిక్స్‌లో భారత్ తరఫున పాల్గొన్న తొలి తెలుగు మహిళగా మచిలీపట్నంకు చెందిన మేరీ లైలారావు ఘనత వహించారు. ఆమె తన తండ్రి MK రావు ప్రోత్సాహంతో 100 మీ. పరుగు, 80 మీ. హర్డిల్స్‌లో శిక్షణ తీసుకుని.. 1956లో మెల్‌బోర్న్‌లో జరిగిన విశ్వక్రీడల్లో బరిలోకి దిగారు. ఆ పోటీల్లో ఆమె తొలి రౌండ్‌లోనే వెనుదిరిగినా ఆసియాలో అత్యంత వేగంగా పరిగెత్తే మహిళగా నిలిచారు. 1958లో జరిగిన ఆసియా క్రీడల్లో లీలా కాంస్యం గెలిచారు.
News July 18, 2024
కృష్ణా: జిల్లాలో ప్రారంభమైన ఇంటింటి సర్వే
కుష్టు వ్యాధిగ్రస్తులను ప్రాథమిక దశలోనే గుర్తించేందుకు చేపట్టిన ఇంటింటి సర్వే జిల్లాలో గురువారం ప్రారంభమైంది. నేటి నుంచి ప్రారంభమైన సర్వే ఆగస్ట్ 2వ తేదీ వరకు సాగనుంది. సర్వే నిమిత్తం ఏర్పాటు చేసిన ప్రత్యేక బృందాలు ఇంటింటికి వెళ్లి వ్యాధి లక్షణాలు ఉన్న వారిని గుర్తిస్తున్నాయి. ఇంటింటి సర్వేను జిల్లా వైద్య ఆరోగ్య శాఖ అధికారిణి డాక్టర్ జి. గీతాబాయి పర్యవేక్షిస్తున్నారు.
News July 18, 2024
కృష్ణా: నేటితో ముగియనున్న దరఖాస్తు గడువు
కేంద్ర ప్రభుత్వం ఉపాధ్యాయులకు అందించే “నేషనల్ టీచర్ అవార్డ్స్-2024″కు దరఖాస్తు చేసుకునే గడువు నేటితో ముగియనుంది. ఈ అవార్డులకు దరఖాస్తు చేసుకునే ఉపాధ్యాయులు https://nationalawardstoteachers.education.gov.in/ అధికారిక వెబ్‌సైట్‌లో అప్లై చేసుకోవాల్సి ఉంటుందని కేంద్ర విద్యాశాఖ తెలిపింది. ఎంపిక ప్రక్రియ అనంతరం సెప్టెంబర్ 4, 5 తేదీలలో అవార్డులు అందజేస్తామని పేర్కొంది.
News July 18, 2024
కృష్ణా: ‘పామాయిల్ సాగుతో దీర్ఘకాలిక అధిక ఆదాయం’
పామాయిల్ సాగుతో దీర్ఘకాలం అధిక ఆదాయం పొందవచ్చని, ఆ దిశగా రైతులను ప్రోత్సహించాలని కలెక్టర్ బాలాజీ అధికారులను ఆదేశించారు. కలెక్టరేట్‌లో గురువారం ఆయన జిల్లాలో ఉన్న పతాంజలి, వాహ్యన్ కాఫీ, 3ఎఫ్ పామాయిల్ కంపెనీ ప్రతినిధులు, ఉద్యానవన శాఖ అధికారులతో సమావేశమయ్యారు. పామాయిల్ సాగు విధానం, బిందు సేద్యం, సాగుకు ప్రభుత్వం కల్పిస్తున్న వివిధ రాయితీలు, రైతుల నుంచి కంపెనీలు పంట సేకరించే విధానంపై ఆయన చర్చించారు.
News July 18, 2024
గన్నవరం చేరుకున్న మాజీ సీఎం జగన్
బెంగళూరు పర్యటనను ముగించుకొని మాజీ సీఎం జగన్ గురువారం సాయంత్రం గన్నవరం విమానాశ్రయానికి చేరుకున్నారు. జగన్‌కు విమానాశ్రయంలో వైసీపీ నాయకులు స్వాగతం పలికారు. అక్కడ నుంచి రోడ్డు మార్గంలో ఆయన తాడేపల్లికి బయలుదేరి వెళ్లారు. పల్నాడు జిల్లా వినుకొండలో వైసీపీ కార్యకర్త రషీద్‌ను దారుణంగా హత్య చేసిన నేపథ్యంలో రేపు వినుకొండ వెళ్లి రషీద్ కుటుంబ సభ్యులను జగన్ పరామర్శించనున్నారు.
News July 18, 2024
కృష్ణా: హత్య కేసులో ట్విస్ట్… హంతకురాలు తల్లే
పమిడిముక్కల మండలం తాడంకిలో హత్య కేసును పోలీసులు ఛేదించారు. గురువారం పోలీస్ స్టేషన్‌‌లో సీఐ కిషోర్ బాబు, ఎస్ఐ శ్రీనివాస్ సమావేశం నిర్వహించారు. వారు మాట్లాడుతూ.. తాడంకి గ్రామానికి చెందిన రాంబాబును పచ్చడి బండతో తలపై కొట్టి తల్లి హత్య చేసిందన్నారు. తాగిన మత్తులో పలుమార్లు తల్లిపై అసభ్యంగా ప్రవర్తించిన కుమారుడిని హత్య చేసిన తల్లి పద్మను అరెస్ట్ చేసి కోర్టుకు తరలించామన్నారు.
News July 18, 2024
కృష్ణా: రైలు ప్రయాణికులకు గమనిక
ట్రాఫిక్ నిర్వహణ కారణాల రీత్యా నం.22837 హటియా- ఎర్నాకులం ఎక్స్‌ప్రెస్‌ ప్రయాణించే మార్గాన్ని మార్పు చేసినట్లు రైల్వే అధికారులు తెలిపారు. ఈ ట్రైన్‌ ఈ నెల 29, ఆగస్టు 5, 12, 19, 26వ తేదీలలో విజయవాడ- ఏలూరు మీదుగా కాక.. విజయవాడ- గుడివాడ- భీమవరం మార్గం గుండా నిడదవోలు చేరుకుంటుందన్నారు. ఆయా తేదీలలో ఈ ట్రైన్‌కు ఏలూరులో స్టాప్ లేదని పేర్కొన్నారు.
Featured News
Sorry, no posts matched your criteria.