India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News November 7, 2024
ఘంటసాల: ఈ స్వామి భక్తుల పాపాలు హరిస్తాడు
ఘంటసాల మండలం శ్రీకాకుళంలో శ్రీకాకుళేశ్వర ఆలయం ప్రసిద్ధమైంది. శ్రీ మహావిష్ణువు ఇక్కడ స్వయంభూగా వెలిసి, భక్తుల పాపాలను హరిస్తాడని భక్తుల నమ్మకం. క్రీ.పూ. 4వ శతాబ్దంలోనే ఇక్కడ స్వామి ఆలయం ఉందని, ప్రసిద్ధి చెందిన 108 పుణ్యక్షేత్రాలలో 57వ దిగా పిలవబడుతోంది. ఇక్కడ ప్రతి సంవత్సరం వైశాఖంలో బ్రహ్మోత్సవాలు, కార్తీకంలో పూజలు చేస్తారు. సిరికొలనుగా పిలిచే ఈ ప్రాంతం కాలక్రమేణా శ్రీకాకుళంగా రూపాంతరం చెందింది.
News November 7, 2024
కృష్ణా: ఈ ఆలయం నరకాసురుడి సంహారానికి ప్రతీక
చల్లపల్లి మండలం కృష్ణానది తీరానా నడకుదురులోని పృథ్వీశ్వర ఆలయం ప్రసిద్ధమైంది. ఇక్కడే శ్రీకృష్ణుడు సత్యభామ సమేతుడై నరకాసుడిని సంహరించాడని ఇతిహాసం. అందుకే ఈ ప్రాంతం నరకొత్తూరు నుంచి నడకుదురుగా రూపాంతరం చెందింది. ఈ ఆలయంలో పాటలీ వృక్షం ప్రసిద్ధమైనది. ఇక్కడ ప్రతి దీపావళికి నరకసురుడి దిష్టిబొమ్మని దహనం చేస్తారు. కార్తీక మాసంలో భక్తులు ఇక్కడి నదిలో స్నానమాచరించి దీపాలు వెలిగించి మొక్కులు తీర్చుకుంటారు.
News November 7, 2024
విజయవాడ: భవాని దీక్షల షెడ్యూల్ విడుదల
విజయవాడ ఇంద్రకీలాద్రి పై నవంబర్ 11 నుంచి డిసెంబర్ 25వరకు భవాని దీక్షలు మొదలుకానున్నాయి. మండల దీక్షలు 11 నుంచి 15 వరకు.. అర్ధ మండల దీక్షలు డిసెంబర్ 1 నుంచి 5వరకు కొనసాగుతాయని ఆలయ అధికారులు వెల్లడించారు. డిసెంబర్ 14న శివరామ క్షేత్రం నుంచి కలసి జ్యోతుల మహోత్సవం నిర్వహించనున్నారు. శివరామ క్షేత్రం నుంచి దుర్గ గుడికి కలశ జ్యోతులు ఊరేగించనున్నారు.
News November 6, 2024
కృష్ణా జిల్లాకు వర్ష సూచన
కృష్ణా జిల్లాలోని పలు ప్రాంతాలలో గురువారం తేలికపాటి వర్షాలు కురవనున్నట్లు ఆంధ్రప్రదేశ్ విపత్తుల నిర్వహణ సంస్థ బుధవారం తెలిపింది. ఈ మేరకు రైతులు, పశువుల కాపరులు అప్రమత్తంగా ఉండాలని సూచించింది. బహిరంగ ప్రదేశాలలో ఎవరూ తిరగొద్దని పేర్కొంది. చెట్ల కింద నిల్చోవద్దని, ఆరు బయట ధాన్యాన్ని ఉంచవద్దని ఏపీ విపత్తుల శాఖ సూచించింది.
News November 6, 2024
విజయవాడ: పంచ్ ప్రభాకర్‌పై కేసు నమోదు
వైసీపీ సోషల్ మీడియా యాక్టివిస్ట్ పంచ్ ప్రభాకర్‌పై విజయవాడలో కేసు నమోదైంది. ముఖ్యమంత్రి చంద్రబాబు, ఉప ముఖ్యమంత్రి పవన్ కళ్యాణ్‌పై అనుచిత వ్యాఖ్యలు చేశారని మొగల్రాజపురానికి చెందిన డి.రాజు అనే వ్యక్తి సైబర్ క్రైమ్ పోలీసులకు ఫిర్యాదు చేశారు. ఈ మేరకు సైబర్ క్రైం పోలీసులు అతనిపై కేసు నమోదు చేశారు. కాగా చీనేపల్లి ప్రభాకర్ రెడ్డి ‘పంచ్ ప్రభాకర్’ పేరుతో యూట్యూబ్ ఛానల్ నిర్వహిస్తున్నారు.
News November 6, 2024
ఆగిరిపల్లి: శిక్షణ పొందుతున్న హెచ్ఎం గుండెపోటుతో మృతి
ఆగిరిపల్లి మండలం తోటపల్లి గ్రామంలోని హీల్ పారడైజ్ పాఠశాల ఆవరణలో శిక్షణ పొందుతున్న ఉండి మండలం ఇనకుదురు జడ్పీ హైస్కూల్ హెచ్ఎం టీవీ. రత్నకుమార్ గుండెపోటుతో బుధవారం మృతిచెందాడు. 3 రోజులుగా హెచ్ఎంలకు శిక్షణ ఇస్తుండగా, రత్నకుమార్ హఠాత్తుగా కుప్పకూలడంతో ఆసుపత్రికి తరలించగా చికిత్స పొందుతూ.. మరణించినట్లు వైద్యులు తెలిపారు. అనంతరం రత్నకుమార్ మృతిపట్ల పలువురు ఉపాధ్యాయులు సంతాపం ప్రకటించారు.
News November 6, 2024
కోడూరు: బాలిక పట్ల అసభ్యంగా ప్రవర్తించిన టీచర్ సస్పెండ్
కోడూరు శివారు నరసింహపురం ఎంపీపీ పాఠశాలలో పనిచేస్తున్న ఉపాధ్యాయుడు వేణుగోపాలరావును విధుల నుంచి తొలగిస్తున్నట్లు డీఈవో రామారావు ఉత్తర్వులు జారీ చేసినట్లు కోడూరు ఎంఈఓ రామదాసు తెలిపారు. తమ కుమార్తె పట్ల అసభ్యంగా ప్రవర్తించి తొడపై కొరికాడని బాలిక తల్లిదండ్రుల ఫిర్యాదు మేరకు కోడూరు పోలీస్ స్టేషన్‌లో ఎఫ్ఐఆర్ నమోదైంది. ఘటనపై విచారించి ఉపాధ్యాయుడిపై చర్యలు తీసుకున్నట్లు తెలిపారు.
News November 6, 2024
నూజివీడు త్రిపుల్ ఐటీలో 25 అంశాలలో పోటీల నిర్వహణ
నూజివీడు త్రిపుల్ ఐటీలో యువతరం కార్యక్రమం పేరిట సంగీతం, నృత్యం, నాటకం, సాహిత్యం, లలిత కళలు అనే ఐదు విభాగాల నుంచి 25 అంశాల్లో పోటీలు నిర్వహించారు. ఈ పోటీల్లో నూజివీడు ట్రిపుల్ ఐటి 8, శ్రీకాకుళం 6, ఇడుపులపాయ 5, ఒంగోలు త్రిపుల్ ఐటీలు 4 స్థానాల్లో అర్హత సాధించాయి. ఈ పోటీల్లో ఎంపికైన వారు వచ్చే నెల 26 నుంచి 30 వరకు కాంచీపురంలో నిర్వహించే సౌత్ జోన్ పోటీల్లో ఆర్జీయూకేటీ తరఫున పాల్గొననున్నారు.
News November 5, 2024
విజయవాడ: కాదంబరి జెత్వానీ కేసులో కీలక అప్డేట్
ముంబై నటి కాదంబరి జెత్వానీ కేసులో ప్రధాన నిందితుడు కుక్కల విద్యాసాగర్‌ను కస్టడీకి ఇవ్వాలని సీఐడీ పోలీసులు దాఖలు చేసిన పిటిషన్‌పై విచారణను న్యాయస్థానం ఈనెల 7కి వాయిదా వేసింది. విద్యాసాగర్‌ను వారం పాటు కస్టడీకి ఇవ్వాలని సీఐడీ అధికారులు పిటిషన్ దాఖలు చేశారు. దీనిపై కౌంటర్ దాఖలు చేయాలని మూడో అదనపు చీఫ్ జ్యుడిషియల్ మెజిస్ట్రేట్ కోర్టు విద్యాసాగర్ తరఫు న్యాయవాదిని ఆదేశించింది.
News November 5, 2024
విజయవాడ: పదో తరగతి పరీక్ష ఫీజు గడువు పెంపు
పదో తరగతి పబ్లిక్ పరీక్షలకు విద్యార్థులు చెల్లించాల్సిన ఫీజుల గడువును పాఠశాల విద్యాశాఖ పొడిగించింది. గతంలో ప్రకటించిన గడువు ప్రకారం అపరాధ రుసుము లేకుండా అక్టోబరు 28కి ఫీజులు చెల్లించాల్సి ఉంది. అయితే ఆ గడువును ఈ నెల 18 వరకు పెంచుతూ ప్రభుత్వ పరీక్షల విభాగం డైరెక్టర్ దేవానందరెడ్డి ఆదేశాలు జారీచేశారు. రూ.50 అపరాధ రుసుముతో ఈ నెల 25 వరకు రూ.200 అపరాధ రుసుముతో చెల్లించవచ్చు అన్నారు.
Featured News
Sorry, no posts matched your criteria.