India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News December 3, 2024
మల్లన్న సన్నిధిలో నిలుపుదల చేసిన సేవలు ఇవే!
శ్రీశైల మల్లన్న సన్నిధిలో దర్శనాల్లో పలు సేవలను నిలుపుదల చేస్తూ దేవస్థానం ఉత్తర్వులు జారీ చేసింది. శ్రీస్వామివారి గర్భాలయ అభిషేకం (రూ.5000), ఉదయాస్తమాన సేవ (రూ.1,01,116), ప్రాతఃకాల సేవ (రూ.25,116), ప్రదోషకాల సేవ (రూ.25,116), సామూహిక అభిషేకము (రూ.1500), శ్రీస్వామివారి స్పర్శదర్శనం (రూ.500), వీఐపీ బ్రేక్ (రూ.500), అమ్మవారి ముఖమండపంలో కుంకుమ పూజలను నిలుపుదల చేశారు.
News December 3, 2024
శ్రీశైలం మల్లన్న దర్శనాల్లో పలు మార్పులు!
ద్వాదశ జ్యోతిర్లింగ క్షేత్రం, అష్టాదశ శక్తి పీఠాల్లో ఒకటైన <<14776158>>శ్రీశైల<<>> క్షేత్రంలో స్వామి, అమ్మవార్ల దర్శనాల్లో ఆలయ ఈవో చంద్రశేఖర్ ఆజాద్ పలు మార్పులకు శ్రీకారం చుట్టారు. భక్తుల రద్దీ దృష్ట్యా ప్రతి శని, ఆది, సోమవారాలు, ప్రభుత్వ సెలవు రోజులు, దేవస్థాన వైదిక కమిటీ నిర్ధారించిన రోజుల్లో భక్తులందరికీ కేవలం స్వామి వారి అలంకార దర్శనం మాత్రమే కల్పించేందుకు నిర్ణయం తీసుకున్నారు.
News December 3, 2024
డోన్‌లో క్రిప్టో కరెన్సీ మోసం.. నిందితుడి అరెస్ట్
డోన్‌లో క్రిఫ్టో కరెన్సీ పేరుతో మోసానికి పాల్పడుతున్న వ్యక్తిని పోలీసులు అరెస్ట్ చేశారు. డీఎస్పీ శ్రీనివాసులు వివరాల మేరకు.. నిందితుడు రామాంజినేయులు రూ.లక్షకు రూ.10వేలు ఇస్తానని మోసం చేస్తున్నట్లు తెలిపారు. ఫిర్యాదులు రావడంతో అరెస్ట్ చేశామన్నారు. సులభంగా డబ్బు వస్తుందనే మాయలో పడి ప్రజలు మోసకపోకండని ఆయన సూచించారు. ఈ కార్యక్రమంలో సీఐ ఇంతియాజ్ బాషా, ఎస్ఐలు శరత్ కుమార్ రెడ్డి, నరేంద్ర పాల్గొన్నారు.
News December 3, 2024
రాయితీపై సోలార్ రూఫ్ టాప్ నిర్మించుకోండి: నంద్యాల కలెక్టర్
ప్రధానమంత్రి సూర్య ఘర్ యోజన పథకం కింద గృహ వినియోగదారులకు రాయితీపై సోలార్ రూఫ్ టాప్‌లను ఏర్పాటు చేయనున్నామని, ఈ పథకాన్ని సద్వినియోగం చేసుకోవాలని జిల్లా కలెక్టర్ రాజకుమారి తెలిపారు. సోమవారం నంద్యాల పీజిఆర్ఎస్ హాలులో ప్రధానమంత్రి సూర్యఘర్ యోజన పథకం గోడపత్రికలను కలెక్టర్ ఆవిష్కరించారు. ఆసక్తి ఉన్నవారు www. pmsuryaghar.gov.in/ APSPDCL వెబ్సైట్ ద్వారా దరఖాస్తు చేసుకోవచ్చని వారు తెలిపారు.
News December 2, 2024
భూ వివాదాల కేసులు పరిష్కరించడం లేదు: కర్నూలు కలెక్టర్
రెవెన్యూ శాఖకు సంబంధించిన భూ వివాదాల కేసులు పరిష్కరించడం లేదని కలెక్టర్ రంజిత్ బాషా రెవెన్యూ అధికారులపై ఆగ్రహం వ్యక్తం చేశారు. ఆ కేసులను త్వరగా పరిష్కరించాలని ఆదేశించారు. సోమవారం కలెక్టరేట్ సునయన ఆడిటోరియంలో ప్రజల నుంచి వినతులను స్వీకరించారు. రెవెన్యూలో ఎక్కువ శాతం రీఓపెనింగ్ జరుగుతున్నాయని అన్నారు. సబ్ కలెక్టర్, ఆర్డీఓలు, తహసీల్దార్లు ఈ అంశంపై ప్రత్యేక దృష్టి సారించాలన్నారు.
News December 2, 2024
నంద్యాల వద్ద రైలు ఢీకొని విద్యార్థి మృతి
రైలు ఢీకొని విద్యార్థి మృతి చెందిన ఘటన నంద్యాల జిల్లాలో జరిగింది. నంద్యాల ప్రభుత్వ పాలిటెక్నిక్ కళాశాలలో ప్రథమ సంవత్సరం చదువుతున్న సతీశ్ అనే యువకుడు సోమవారం బొమ్మల సత్రం రైల్వే ట్రాక్ సమీపంలో బహిర్భూమికి వెళ్లాడు. తిరిగి వస్తున్న సమయంలో రైలు ఢీకొనడంతో మృతి చెందాడని స్థానికులు తెలిపారు. సమాచారం అందుకున్న రైల్వే పోలీసులు ఘటనా స్థలానికి చేరుకున్నారు. పూర్తి వివరాలు తెలియాల్సి ఉంది.
News December 2, 2024
ప్రేమ పేరుతో మోసం.. ఆదోనిలో ప్రియుడి కుటుంబంపై కేసు
ప్రేమ పేరుతో యువతిని మోసం చేసిన యువకుడిపై ఆదోనిలో కేసు నమోదైంది. సీఐ శ్రీరామ్ వివరాల మేరకు.. ఆదోనికి చెందిన గురుప్రసాద్ బెంగళూరులో జాబ్ చేస్తున్నారు. మైసూరు యువతి చందన పరిచయమైంది. ఇరువురూ ప్రేమించుకుని పెళ్లికి సిద్ధమయ్యారు. కుటుంబ సభ్యులతో చర్చల తర్వాత యువకుడు పెళ్లికి నిరాకరించారు. దీంతో బాధిత యువతి పోలీసులకు ఫిర్యాదు చేశారు. ప్రియుడితోపాటు కుటుంబ సభ్యులపై పోలీసులు జీరో ఎఫ్ఐఆర్ నమోదు చేశారు.
News December 1, 2024
గోనెగండ్ల: చీరకు నిప్పు.. చికిత్స పొందుతూ మహిళ మృతి
గోనెగండ్లకు చెందిన సుంకులమ్మ (81) అనే మహిళ కాలిన గాయాలతో చికిత్స పొందుతూ మృతి చెందిందని సీఐ గంగాధర్ తెలిపారు. సీఐ వివరాల మేరకు.. ఎస్సీ కాలనీలో ఉండే సుంకులమ్మ నవంబర్ 28న వేడి నీళ్ల కోసం పొయ్యి దగ్గరకు వెళ్లగా చీరకు నిప్పు అంటుకొని మంటలు వ్యాపించాయి. ఈ ప్రమాదంలో గాయపడిన ఆమెను ఆసుపత్రికి తరలించగా చికిత్స పొందుతూ ఆదివారం మృతి చెందినట్లు పేర్కొన్నారు. కుమారుడి ఫిర్యాదుతో కేసు నమోదు చేసామన్నారు.
News December 1, 2024
సాగునీటి సంఘాల ఎన్నికలను ప్రశాంతంగా నిర్వహించండి: కలెక్టర్
నంద్యాల జిల్లాలో డిసెంబర్ 8న ప్రశాంత వాతావరణంలో సాగునీటి సంఘాల ఎన్నికలు నిర్వహించాలని కలెక్టర్ రాజకుమారి అధికారులను ఆదేశించారు. శుక్రవారం కలెక్టరేట్లోని పీజీఆర్ఎస్ హాలులో ఎన్నికల నిర్వహణపై నిర్వహించిన ఓరియంటేషన్ కార్యక్రమంలో కలెక్టర్ ముఖ్య అతిథిగా పాల్గొన్నారు. డిసెంబర్ 5న సాగునీటి సంఘాల ఎన్నికలకు ప్రకటన వెలువడుతుందని తెలిపారు.
News December 1, 2024
KNL: ఎల్లుండి క్యాబినెట్ భేటీ.. హాజరుకానున్న జిల్లా మంత్రులు
ఏపీ క్యాబినెట్ భేటీ ఈనెల 3న నిర్వహిస్తున్నట్లు చీఫ్ సెక్రటరీ నీరభ్ కుమార్ ప్రసాద్ ఉత్తర్వులు జారీ చేశారు. మొదట ఈ నెల 4న నిర్వహించాలని భావించగా, దానిని 3వ తేదీకి మారుస్తూ తాజాగా సీఎస్ ఉత్తర్వులిచ్చారు. CM చంద్రబాబు అధ్యక్షతన జరిగే ఈ సమావేశానికి ఉమ్మడి కర్నూలు జిల్లా నుంచి మంత్రులు బీసీ జనార్దన్ రెడ్డి, ఎన్ఎండి ఫరూక్, టీజీ భరత్ హాజరుకానున్నారు.
Featured News
Sorry, no posts matched your criteria.