India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News October 21, 2024
‘కబ్జా చేసిన డాక్టర్ రవి కిరణ్‌పై క్రిమినల్ కేసు నమోదు చేయాలి’
ఆదోని: కబ్జా చేసిన డాక్టర్ రవి కిరణ్‌పై క్రిమినల్ కేసు నమోదు చేయాలని సీపీఐ పట్టణ సమితి నాయకులు డిమాండ్ చేశారు. ఆక్రమణకు గురైన ఎస్కేడీ కాలనీ సర్వే నంబర్ 379బీ 380ఏ ప్లాట్ నంబర్ 33ను సీపీఐ పట్టణ సమితి నాయకుల ఆధ్వర్యంలో సోమవారం పరిశీలించారు. వారు మాట్లాడుతూ.. కర్నూలులో నివాసముంటున్న కురువ హనుమంతమ్మ, లింగారెడ్డి దంపతులకు చెందిన 6 సెంట్ల స్థలాన్ని డాక్టర్ రవి కిరణ్ ఆక్రమించారని ఆరోపించారు.
News October 21, 2024
‘వాలంటీర్ వ్యవస్థను కొనసాగించాలి’
వాలంటీర్ వ్యవస్థను కొనసాగించాలని, పెండింగ్లో ఉన్న వారి జీతాలు వెంటనే చెల్లించాలని ఏపీ వాలంటీర్ అసోసియేషన్ ఆధ్వర్యంలో వందలాది మంది వాలంటీర్లు కర్నూలు అంబేడ్కర్ భవన్ నుంచి కలెక్టరేట్ వరకు ర్యాలీ నిర్వహించారు. అనంతరం కలెక్టరేట్ ముందు ధర్నా చేశారు. నాయకులు కుమార్, ఏఐవైఎఫ్ జిల్లా అధ్యక్షుడు శ్రీనివాసులు మాట్లాడుతూ.. ఎన్నికల సమయంలో వాలంటీర్లకు ఇచ్చిన హామీలను నెరవేర్చాలని డిమాండ్ చేశారు.
News October 21, 2024
ప్రజల సమస్యలు పునరావృతం కాకూడదు: కలెక్టర్
ప్రజల సమస్యలు పునరావృతం కాకుండా అధికారులు చొరవ చూపాలని కలెక్టర్ పీ.రంజిత్ బాషా సంబంధిత అధికారులను ఆదేశించారు. సోమవారం కలెక్టరేట్ లోని సునయన ఆడిటోరియంలో ప్రజా సమస్యల పరిష్కార వేదిక కార్యక్రమం ద్వారా ప్రజల నుంచి వినతులను జాయింట్ కలెక్టర్ డా.బి.నవ్యతో కలిసి కలెక్టర్ స్వీకరించారు. కార్యక్రమంలో జిల్లా అధికారులు పాల్గొన్నారు.
News October 21, 2024
KNL: తల్లి మృతి.. అనాథలైన ముగ్గురు పిల్లలు
పత్తికొండ మండలం చందోలి గ్రామంలో విషాద ఘటన జరిగింది. గ్రామానికి చెందిన లక్ష్మి (33) కూలీగా జీవనం సాగిస్తున్నారు. ఆమెకు ముగ్గురు సంతానం. భర్త అంజయ్య రెండేళ్ల క్రితం మృతి చెందాడు. తల్లి అన్నీ తానై పిల్లలను పోషిస్తుండగా ఆ కుటుంబాన్ని విధి వక్రీకరించింది. ఆదివారం లక్ష్మి గుండెపోటుతో మరణించింది. తల్లి మృతితో ముగ్గురు పిల్లలు అనాథలుగా మారారు. ప్రభుత్వం చిన్నారులను ఆదుకోవాలని గ్రామస్థులు కోరుతున్నారు.
News October 21, 2024
నేటి PGRS రద్దు: నంద్యాల ఎస్పీ
నంద్యాల జిల్లా పోలీసు కార్యాలయంలో ప్రతి సోమవారం నిర్వహించే ప్రజా సమస్యల పరిష్కార వేదిక(PGRS) కార్యక్రమం సోమవారం తాత్కాలికంగా రద్దు చేసినట్లు ఎస్పీ అధిరాజ్ సింగ్ రాణా తెలిపారు. పోలీస్ అమరవీరుల సంస్మరణ దినోత్సవం సందర్భంగా తాత్కలికంగా రద్దు చేసినట్లు ఎస్పీ ఓ ప్రకటనలో పేర్కొన్నారు. జిల్లా ప్రజలు ఈ విషయాన్ని గమనించి, నంద్యాలకు రావద్దని ఈ సందర్భంగా ఎస్పీ అధిరాజ్ సింగ్ రాణా సూచించారు.
News October 20, 2024
శ్రీశైలం డ్యామ్ ఆరు గేట్లు ఎత్తివేత
నంద్యాల జిల్లా శ్రీశైల జలాశయానికి ఎగువ ప్రాంతాల నుంచి వరద నీటి ప్రవాహం క్రమక్రమంగా పెరుగుతోంది. ఆదివారం ఉదయం 4 గేట్ల ద్వారా నీటిని విడుదల చేస్తున్న అధికారులు మరో రెండు గేట్లను తెరిచి ఆరు గేట్ల ద్వారా నాగార్జునసాగర్‌కు నీటి విడుదల కొనసాగిస్తున్నారు. జలాశయం పూర్తిస్థాయి నీటిమట్టం 885 అడుగులకు చేరుకుంది. కుడి, ఎడమ గట్టు జల విద్యుత్ కేంద్రాలలో ముమ్మరంగా విద్యుదుత్పత్తి చేపడుతున్నారు.
News October 20, 2024
23 నుంచి క్లస్టర్ యూనివర్సిటీ సెమిస్టర్ పరీక్షలు
కర్నూలు క్లస్టర్ యూనివర్సిటీ అనుసంధానంగా ఉన్న సిల్వర్ జూబ్లీ డిగ్రీ కళాశాల, కేవీఆర్ ఉమెన్స్ డిగ్రీ కాలేజ్, గవర్నమెంట్ డిగ్రీ కళాశాల (ఫర్మిన్) కళాశాలలో ఈనెల 23 నుంచి నవంబర్ 8వ తేదీ వరకు 3, 5వ సెమిస్టర్ పరీక్షలు జరగనున్నాయి. ఈ మేరకు ఏర్పాట్లు చేస్తున్నామని వీసీ టీవీఎస్ సాయి గోపాల్ ఓ ప్రకటనలో తెలిపారు. విద్యార్థులు హాల్ టికెట్, ఐడీ కార్డు తప్పనిసరిగా తీసుకు రావాలని సూచించారు.
News October 20, 2024
కర్నూలు: నకిలీ అధికారుల అరెస్టు
కేంద్ర విజిలెన్స్ శాఖ అధికారులమంటూ కర్నూలు జిల్లాలో వసూళ్లకు పాల్పడుతున్న వారిని పోలీసులు అరెస్ట్ చేశారు. ‘ఓర్వకల్లులోని ఓ వ్యాపారి ఇంటికి ఐదుగురు వెళ్లి రూ.5 లక్షలు డిమాండ్ చేశారు. ఇవ్వకపోవడంతో కర్నూలు DSP బాబుప్రసాద్‌కి ఫోన్ చేశారు. నకిలీ బియ్యం రవాణా చేస్తుంటే మీరు(DSP) ఏం చేస్తున్నారని ప్రశ్నించారు. డీఎస్పీకి అనుమానం వచ్చి విచారించి రూరల్ CI చంద్రబాబు నాయుడు సాయంతో వారిని అరెస్ట్ చేశారు.
News October 20, 2024
మంత్రి పేరుతో వేధింపులు..?
మంత్రి పేరుతో వేధింపులకు దిగడం కర్నూలులో కలకలం రేపింది. ట్రాఫిక్ పోలీస్ లైన్ మసీదుకు సంబంధించి కొన్ని దుకాణాలు ఉన్నాయి. ఇందులో వ్యాపారం చేస్తున్న పలువురిని మంత్రి TGభరత్ పేరు చెప్పి ఎక్కువ అద్దె ఇవ్వాలని వేధిస్తున్నారు. బాధితులు CMకు లేఖ రాయగా.. విచారణ చేపట్టాలని కర్నూలు కార్పొరేషన్ కమిషనర్‌‌కు ఆదేశాలు వచ్చాయి. తన పేరు వాడుకుని దందాలు చేస్తే చర్యలు తప్పవని భరత్ హెచ్చరించిన విషయం తెలిసిందే.
News October 20, 2024
శ్రీశైల జలాశయానికి భారీగా వరద నీరు
కృష్ణానది పరివాహక ప్రాంతాల నుంచి శ్రీశైలం జలాశయానికి భారీగా వరద వస్తోంది. ఆదివారం ఉదయం 6 గంటలకు డ్యామ్ పూర్తిస్థాయి నీటిమట్టడానికి చేరింది. జూరాల, సుంకేసుల, హంద్రీ నుంచి 2,22,285 క్యూసెక్కుల నీరొచ్చి చేరింది. డ్యాం నాలుగు గేట్లు, రెండు జల విద్యుత్ కేంద్రాల్లో విద్యుత్ ఉత్పత్తి ద్వారా 1,79,682 క్యూసెక్కుల నీటిని నాగార్జునసాగర్‌కు విడుదల చేస్తున్నారు.
Featured News
Sorry, no posts matched your criteria.