India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News October 13, 2024
ఉపాధి ద్వారా రూ.83 కోట్లతో పనులు: కలెక్టర్
పల్లె పండుగ వారోత్సవాలు రేపటి నుంచి వారం రోజుల పాటు జిల్లావ్యాప్తంగా అన్ని గ్రామ పంచాయతీల్లో ప్రారంభమవుతున్నాయని కలెక్టర్ రంజిత్ బాషా ఆదివారం పేర్కొన్నారు. గ్రామాల్లో సీసీ రోడ్లు, గోకులం, పౌల్ట్రీ షెడ్ల నిర్మాణాలకు ఉపాధి హామీ పథకం నిధుల ద్వారా 1,533 పనులకు రూ.83 కోట్లతో శంకుస్థాపనలు చేపడుతున్నామన్నారు. ప్రభుత్వం ఈ కార్యక్రమాన్ని ప్రతిష్ఠాత్మకంగా చేపడుతోందన్నారు.
News October 13, 2024
మూడుకు చేరిన మృతుల సంఖ్య
దేవరగట్టు మాలమల్లేశ్వరస్వామి బన్నీ ఉత్సవానికి వెళ్తూ శనివారం రాత్రి అరికెర, కరిడిగుడ్డం గ్రామాల మధ్యలో బైక్ అదుపు తప్పి ముగ్గురు మృతి చెందారు. బళ్ళారి జిల్లా తగ్గిన బూదహల్ గ్రామానికి హరీశ్(22), మల్లికార్జున(26) అక్కడికక్కడే మృతి చెందగా.. రవి కుమార్(27) బళ్లారి ప్రభుత్వ ఆసుపత్రిలో చికిత్స పొందుతూ మృతి చెందాడు. స్నేహితులు మృతి చెందడంతో తల్లితండ్రులు, బంధువులు కన్నీరు మున్నీరయ్యారు.
News October 13, 2024
జిల్లా ప్రజలు అప్రమత్తంగా ఉండాలి: కలెక్టర్
నేటి నుంచి 16వ తేది వరకు జిల్లాలో భారీ వర్షాలు పడే అవకాశాలు ఉన్నాయని వాతావరణ శాఖ హెచ్చరికలు జారీ చేసిన నేపథ్యంలో ప్రజలంతా అప్రమత్తంగా ఉండాలని కలెక్టర్ రంజిత్ బాషా ప్రజలకు విజ్ఞప్తి చేశారు. ఆదివారం భారీ వర్షాల సూచన నేపథ్యంలో కలెక్టర్ సబ్ కలెక్టర్, ఆర్డీవోలు, తహసీల్దార్లు, మండల స్పెషల్ ఆఫీసర్లతో టెలీ కాన్ఫరెన్స్ నిర్వహించారు. అధికారులు అప్రమత్తంగా ఉండాలని ఆదేశించారు.
News October 13, 2024
దేవరగట్టు బన్నీ ఉత్సవాల్లో ఉద్రిక్తత.. 70 మందికిపైగా గాయాలు?
కర్నూలు జిల్లా దేవరగట్టు బన్నీ ఉత్సవాల్లో ఉద్రిక్తత నెలకొంది. కర్రల సమరంలో హింస చెలరేగింది. దేవతామూర్తులు మాళమ్మ, మల్లేశ్వరస్వామి విగ్రహాలను దక్కించుకునేందుకు భక్తులు రెండు వర్గాలుగా విడిపోయి కర్రలతో కొట్లాడారు. దీంతో సుమారు 70 మందికిపైగా గాయాలైనట్లు తెలుస్తోంది. ముగ్గురి పరిస్థితి విషమంగా ఉన్నట్లు సమాచారం. గాయపడిన వారిని ఆస్పత్రికి తరలించి చికిత్స అందిస్తున్నట్లు తెలుస్తోంది.
News October 12, 2024
కర్రల సమరానికి సిద్ధమైన ‘దేవరగట్టు’
హోళగుంద మండల పరిధిలోని దేవరగట్టు కర్రల సమరానికి సిద్ధమైంది. ఏపీ, తెలంగాణ, కర్ణాటక రాష్ట్రాల నుంచి కర్రల సమరం వీక్షించేందుకు పల్లెజనం ఇప్పటికే భారీగా దేవరగట్టు చేరుకున్నారు. కాగా, ఎలాంటి అవాంఛనీయ ఘటనలు తలెత్తకుండా బన్నీ ఉత్సవాలకు ఎస్పీ బిందు మాధవ్ 800 మంది పోలీసులతో కట్టుదిట్టమైన బందోబస్తు ఏర్పాటు చేశారు. 100 నైట్‌ విజన్‌ సీసీ కెమెరాలు, 5 డ్రోన్‌ కెమెరాలతో నిఘా ఉంచారు.
News October 12, 2024
కర్నూలు జిల్లాలో కిలో టమాటా @రూ.20
కర్నూలు జిల్లాలో ఇటీవల రూ.100 పలికిన టమాటా ధరలు ఒక్కసారిగా పడిపోయాయి. పత్తికొండ మార్కెట్‌లో శనివారం కిలో టమాటా ధర రూ.20కి పడిపోయింది. కాగా ఇటీవల టమాట ధరలు పెరగడంతో ప్రభుత్వం సబ్సిడి కేంద్రాల్లో తక్కవ ధరలకే టమాటాలను విక్రయించిన విషయం తెలిసిందే. ఒక్కసారిగా ధరలు పడిపోవడంతో రైతులు ఆవేదన వ్యక్తం చేస్తున్నారు.
News October 12, 2024
కర్నూలు జిల్లాలో మద్యం షాపులకు 5,128 దరఖాస్తులు
కర్నూలు జిల్లా వ్యాప్తంగా మద్యం షాపులకు దరఖాస్తు గడువు శుక్రవారం రాత్రి 7 గంటలకు ముగిసింది. ఉమ్మడి జిల్లా వ్యాప్తంగా మొత్తం 5,128 దరఖాస్తులు వచ్చినట్లు అధికారులు వెల్లడించారు. కర్నూలు జిల్లాలో 99 దుకాణాలకు 3,013 దరఖాస్తులు రాగా, నంద్యాల జిల్లాలో 105 దుకాణాలకు 2,115 దరఖాస్తులు వచ్చాయి. ఈ నెల 14న కర్నూలు జడ్పీ సమావేశ హాల్‌లో లక్కీ డిప్ తీయనున్నారు.
News October 12, 2024
హొళగుంద: దేవరగట్టులో నేడు కర్రల సమరం
ఇరు రాష్ట్రాల్లో ప్రసిద్ధి చెందిన దేవరగట్టు కర్రల సమరం దసర సందర్భంగా శనివారం జరగనుంది. మాల మల్లేశ్వర స్వామి కళ్యాణోత్సవం అనంతరం జరిగే బన్ని ఉత్సవానికి ఎంతో ప్రాముఖ్యత ఉందని స్థానికులు తెలిపారు. బన్ని ఉత్సవాల్లో మూడు గ్రామాలు ఒక వైపు మరో ఏడు గ్రామాలు ఒకవైపు నుంచి తలపడుతాయి. కాగా కార్యక్రమానికి అధికారులు అన్ని ఏర్పాట్లు చేశారు.
News October 11, 2024
వర్షాల నేపథ్యంలో అప్రమత్తంగా ఉండండి: కలెక్టర్
బంగాళాఖాతంలో ఏర్పడిన అల్పపీడనం కారణంగా ఈ నెల 13 నుంచి జిల్లాలో భారీ వర్షాలు కురిసే అవకాశం ఉందని కలెక్టర్ రాజకుమారి పేర్కొన్నారు. ఎలాంటి అవాంఛనీయ సంఘటనలు జరగకుండా అన్ని రకాల జాగ్రత్త చర్యలు తీసుకోవాలని అధికారులను ఆదేశించారు. లోతట్టు ప్రాంతాలలో నివసించే ప్రజలను అప్రమత్తం చేయాలని సూచించారు. ప్రజలంతా జాగ్రత్తగా ఉండాలని పేర్కొన్నారు.
News October 11, 2024
ప్రజలకు విజయదశమి శుభాకాంక్షలు: నంద్యాల ఎస్పీ
నంద్యాల జిల్లా ప్రజలు, పోలీస్ అధికారులు, సిబ్బందికి ఎస్పీ అధిరాజ్ సింగ్ రాణా విజయదశమి శుభాకాంక్షలు తెలిపారు. దుర్గామాత ఆశీస్సులతో ప్రజలు, పోలీసులు సంతోషంగా జీవించాలని ఎస్పీ పేర్కొన్నారు. పోలీసులు ప్రజలతో మమేకమై పోలీస్ శాఖ ప్రతిష్ట పెంపొందేలా విధులు నిర్వర్తించాలని ఈ సందర్భంగా ఎస్పీ అధిరాజ్ సింగ్ రాణా ఆకాంక్షించారు.
Featured News
Sorry, no posts matched your criteria.