India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News June 16, 2024
18న యోగా పోటీలు: అవినాశ్ శెట్టి
పదో అంతర్జాతీయ యోగా దినోత్సవం పురస్కరించుకొని ఈనెల 18న కర్నూలు అవుట్ డోర్ స్టేడియంలోని యోగా హాలులో జిల్లాస్థాయి యోగా పోటీలు నిర్వహిస్తున్నట్లు జిల్లా సంఘం కార్యదర్శి అవినాశ్ శెట్టి తెలిపారు. 8-10 ఏళ్ల వయసు, 10-12, 12-14, 14-16, 16-18 ఏళ్ల వయసు వారికి విభాగాల వారీగా పోటీలు నిర్వహిస్తున్నట్లు పేర్కొన్నారు. వివరాలకు 9247400100 ఫోన్ నంబర్‌కు సంప్రదించవచ్చు అన్నారు.
News June 16, 2024
కర్నూలు ప్రభుత్వ ఆస్పత్రిలో క్షుద్ర పూజలు?
కర్నూలు ప్రభుత్వ ఆసుపత్రిలో క్షుద్ర పూజలు కలకలం రేపాయి. గ్యాస్ట్రో ఎంట్రాలజీ వార్డు సమీపాన నిమ్మకాయలు, రంగు దారాలు, పసుపు, కుంకుమ చల్లి క్షుద్ర పూజలు నిర్వహించారు. విషయం తెలిసి ఆసుపత్రి సిబ్బంది భయాందోళనకు గురవుతున్నారు. రోగులకు నయం కావాలని పూజలు చేశారా?, వ్యాధి నయమై ఇంటికెళ్లే సమయంలో చేశారా? లేక నిజంగానే క్షుద్ర పూజలు చేశారా? అనేది తెలియాల్సి ఉంది.
News June 16, 2024
కర్నూలు పెద్దాసుపత్రిలో మురుగు.. రోగుల అవస్థలు
కర్నూలు ప్రభుత్వ సర్వజన ఆసుపత్రిలోని మాతాశిశు విభాగం ఎదుట మురుగు చేరడంతో రోగులు తీవ్ర ఇబ్బందులు ఎదుర్కొంటున్నారు. నెలల తరబడి మురుగు తిష్ట వేయడంతో దోమలు బెడదతో అల్లాడిపోతున్నట్లు రోగులు వాపోతున్నారు. దీని పక్కనే రోగులకు ఆహారం అందిస్తున్నా మురుగును అరికట్టడం లేదని ఆవేదన వ్యక్తం చేస్తున్నారు.
News June 16, 2024
కర్నూలు: హాకీ ఎంపిక పోటీలు
ఈ నెల 23న ఉమ్మడి జిల్లాల హాకీ ఎంపిక పోటీలు నంద్యాల ఎస్పీజీ ఉన్నత పాఠశాల మైదానంలో నిర్వహిస్తున్నట్లు సంఘం కార్యదర్శి దాసరి సుధీర్ శనివారం తెలిపారు. 1.1.1995 తర్వాత జన్మించినవారు అర్హులన్నారు. జిల్లా జట్టుకు ఎంపికైన వారు ఈ నెల 27 నుంచి 30వ తేదీ వరకు ధర్మవరంలో జరిగే 14వ సీనియర్ పురుషుల హాకీ చాంపియన్‌షిప్ పోటీల్లో జిల్లా తరపున ప్రాతినిధ్యం వహిస్తారన్నారు.
News June 16, 2024
కర్నూలు: రోడ్డు ప్రమాదం మృతుల వివరాలు (UPDATE)
ఎమ్మిగనూరులో శనివారం సాయంత్రం NH167 హైవేపై జరిగిన రోడ్డు ప్రమాదంలో ఇద్దరు మృతిచెందిన సంగతి తెలిసిందే. వారిలో ఒకరు ఎమ్మిగనూరు మండలం గుడికల్‌కి చెందిన శివ, మరొకరు నందవరం మండలం హాలహర్వికి చెందిన గురుస్వామిగా గుర్తించారు. శివ చదువుకుంటూ ఉండగా, గురుస్వామి ఓ బేకరీ షాప్‌లో పనిచేస్తున్నట్టు కుటుంబసభ్యులు తెలిపారు. ప్రమాదంలో యువకుల మృతదేహాలు చెల్లాచెదురుగా ఉండటంతో కుటుంబ సభ్యులు శోకసంద్రంలో మునిగిపోయారు.
News June 16, 2024
ఈ నెల 19న కర్నూలు జిల్లాకు కేంద్ర కరవు బృందం రాక
ఈనెల 19, 20వ తేదీల్లో కేంద్ర కరువు బృందం కర్నూలు జిల్లాలో పర్యటించనున్నట్లు జిల్లా రెవెన్యూ అధికారి మధుసూదన్ రావు తెలిపారు. అధికారులందరూ కరవు బృందానికి కరవు తీవ్రత విషయాలను వివరంగా తెలియజేయాలని సూచించారు . ఈ సందర్భంగా ఆయన అధికారులతో సమీక్షించారు. క్షేత్రస్థాయిలో పర్యటించే కరువు బృందానికి తీవ్రత తెలియజేసే ఫోటోలు, పవర్ పాయింట్ ప్రజెంటేషన్లు అధికారులు ఏర్పాటు చేసుకోవాలన్నారు.
News June 15, 2024
శ్రీశైలం జలాశయానికి స్వల్పంగా చేరుతున్న వరద నీరు
శ్రీశైలం జలాశయానికి ఎగువ ప్రాంతాలైన కర్ణాటక, మహారాష్ట్రలో కురుస్తున్న వర్షాలకు స్వల్పంగా నీరు వచ్చి చేరుతోంది. శనివారం తుంగభద్ర నుంచి శ్రీశైలం జలాశయానికి 15,131 క్యూసెక్కులు చేరాయి. అదే సమయానికి జలాశయ నీటిమట్టం 810.90 అడుగులుగా ఉంది. ప్రస్తుత నీటి నిలువ సామర్థ్యం 34.8332 టీఎంసీలుగా ఉంది. ఎగువ రాష్ట్రాల్లో భారీగా వర్షాలు కురిస్తే అనుకున్న మేరకు నీటి ప్రవాహం వచ్చే అవకాశం ఉంది.
News June 15, 2024
కర్నూలు: గుండెపోటుతో ఎంఈఓ మృతి
చిప్పగిరి మండలంలో ఎంఈఓ-2 బాలనాయుడు శనివారం ఉదయం గుండెపోటుతో మృతి చెందారు. బాలనాయుడు బళ్లారి పట్టణంలో నివాసం ఉంటూ చిప్పగిరిలో ఎంఈఓ-2గా విధులు నిర్వహిస్తున్నారు. శనివారం ఉదయం రోజు మాదిరిగానే చిప్పగిరికి ఇంటి దగ్గర నుంచి వస్తుండగా గుండె నొప్పితో మరణించినట్లు కుటుంబీకులు తెలిపారు. ఆయన స్వస్థలం ఆళ్లగడ్డ కావడంతో మృతదేహాన్ని ఆళ్లగడ్డకు తరలించినట్లు కుటుంబ సభ్యులు తెలిపారు.
News June 15, 2024
నంద్యాల: చిరుత పులి మృతి
ఆంధ్ర, తెలంగాణ సరిహద్దు ప్రాంతంలోని శ్రీశైలం డ్యాం సమీపంలో శనివారం చిరుత పులి మృతిచెందింది. దోమలపెంట రేంజర్ గురుప్రసాద్ తెలిపిన వివరాల మేరకు.. నల్లమల అటవీ ప్రాంతంలో అడవి జంతువుల దాడిలో ఓ మగ చిరుత పులి మృతిచెందినట్లు వెల్లడించారు. పోస్టుమార్టం నిర్వహించి ఖననం చేసినట్లు పేర్కొన్నారు.
News June 15, 2024
కర్నూలు: వాము క్వింటా గరిష్ఠ ధర రూ.20,160
కర్నూలు వ్యవసాయ మార్కెట్‌లో శుక్రవారం పంట ఉత్పత్తుల ధరల వివరాలు ఇలా ఉన్నాయి. మార్కెట్‌కు 104 క్వింటాళ్ల వేరుశనక్కాయల దిగుబడులు రాగా.. క్వింటా కనిష్ఠ ధర రూ.4,929, మధ్యస్థ ధర రూ.6,371, గరిష్ఠ ధర రూ.7,200 పలికింది. 318 క్వింటాళ్ల వాము దిగుబడులు రాగా.. క్వింటా కనిష్ఠ ధర రూ.711, మధ్యస్థ ధర రూ.17,501, గరిష్ఠ ధర రూ.20,160 పలికినట్లు మార్కెట్ అధికారులు వెల్లడించారు.
Featured News
Sorry, no posts matched your criteria.