India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News April 18, 2024
19న ఆలూరుకు రానున్న చంద్రబాబు
ఎన్నికల ప్రచారంలో భాగంగా ఈనెల 19న టీడీపీ అధినేత చంద్రబాబు ఆలూరుకు రానున్నారు. ఈ నేపథ్యంలో చంద్రబాబు పర్యటనకు సంబంధించి తగిన ఏర్పాట్లు చేసేందుకు బుధవారం ఆలూరులో జిల్లా టీడీపీ నాయకులు, కార్యకర్తలు సమావేశం నిర్వహించారు. అదే రోజు ఏపీ పీసీసీ అధ్యక్షురాలు వైఎస్ షర్మిల ఆలూరులో పర్యటించునున్నారు.
News April 17, 2024
VIDEO: సమస్యలను పరిష్కరించాలని విరుపాక్షిని గ్రామస్థుల నీలదీత
ఆస్పరిలో తాగునీరు, రోడ్లు, డ్రైనేజీ సమస్యలపై వైసీపీ ఆలూరు ఎమ్మెల్యే అభ్యర్థి విరుపాక్షిని గ్రామస్థులు నిలదీశారు. వైసీపీ ప్రభుత్వంలో గ్రామంలో అభివృద్ధి జరగలేదని, సమస్యలను ఎందుకు పరిష్కరించలేదంటూ ఎన్నికల ప్రచారానికి
వచ్చిన విరుపాక్షిని ప్రశ్నించారు. వైసీపీ మళ్లీ అధికారంలోకి వస్తే సమస్యలు పరిష్కరిస్తానంటూ సముదాయించటానికి ప్రయత్నించినప్పటికీ
వినకపోవడంతో విరుపాక్షి అక్కడి నుంచి వెనుదిరిగారు.
News April 17, 2024
18 నుంచి నామినేషన్ ప్రక్రియ మొదలవుతుంది: కలెక్టర్
కర్నూలు కలెక్టరేట్‌లోని జిల్లా సమాచార పౌర సంబంధాల శాఖ కార్యాలయంలో బుధవారం సాధారణ ఎన్నికలకు సంబంధించిన ఎన్నికల మీడియా సెంటర్‌ను కలెక్టర్ డాక్టర్ సృజన ప్రారంభించారు. అనంతరం నామినేషన్ ప్రక్రియ, ఎన్నికల సంసిద్ధతపై మీడియాతో మాట్లాడారు. 18వ తేదీ 11 గంటల నుంచి నామినేషన్ ప్రక్రియ ప్రారంభమవుతుందన్నారు. నామినేషన్‌కు 25వ తేదీ మధ్యాహ్నం 3 గంటల వరకు అవకాశం ఉంటుందన్నారు.
News April 17, 2024
కర్నూలు: ఏ నియోజకవర్గంలో ఎన్ని పోలింగ్ కేంద్రాలు ఉన్నాయంటే..
కర్నూలు జిల్లాలోని 8 నియోజకవర్గాల్లో గతేడాది జనవరి 5వ తేదీ నాటికి 2,186 పోలింగ్ కేంద్రాలు ఉన్నాయి. అదనంగా పాణ్యంలో 17, ఎమ్మిగనూరులో ఒక పోలింగ్ కేంద్రం ఏర్పాటు చేయడంతో మరో 18 కేంద్రాలు పెరిగాయి. దీంతో ప్రస్తుతం వాటి సంఖ్య2,204కు చేరింది. కర్నూలులో 258, పాణ్యంలో 357, పత్తికొండలో 255, కోడుమూరులో 275, ఎమ్మిగనూరులో 272, మంత్రాలయంలో 237, ఆదోనిలో 256, ఆలూరులో 294 పోలింగ్ కేంద్రాలున్నాయి.
News April 17, 2024
కర్నూలు జిల్లాలో పెట్రోల్, డీజిల్ ధరలివే.!
కర్నూలులో బుధవారం లీటర్ పెట్రోల్ ధర రూ.108.91 ఉండగా గత పది రోజులుగా 109.22 ఉంది. అలాగే లీటర్ డీజిల్ ధర నేడు రూ.96.80గా ఉండగా..గత పది రోజులుగా రూ.97.09 ఉంది.అలాగే నంద్యాల జిల్లాలో పెట్రోల్ నేడు రూ.109.89 ఉండగా మంగళవారం రూ.109.76 ఉంది. డీజిల్ రూ.97.69 ఉంది.
News April 17, 2024
కర్నూలు: క్లస్టర్ యూనివర్సిటీలో సెమిస్టర్ పరీక్షలు
కర్నూలులోని క్లస్టర్ యూనివర్సిటీ అనుసంధానంలో ఉన్న కే.వీ.ఆర్ డిగ్రీ కాలేజ్, సిల్వర్ జూబ్లీ డిగ్రీ కాలేజ్, గవర్నమెంట్ డిగ్రీ కాలేజ్ ఫర్ మెన్ కాలేజీలలో సెమిస్టర్ 2, 4వ రెగ్యులర్, సప్లమెంటరీ పరీక్షలు జరగనున్నాయి.రేపటి నుంచి మే 3వ తేదీ వరకు నిర్వహించనున్నట్లు యూనివర్సిటీ వైస్ ఛాన్స్‌లర్ డీవీఆర్ సాయి గోపాల్ తెలిపారు. పరీక్షకు హాజరయ్యే విద్యార్థులకు హాల్ టికెట్, ఐడి కార్డ్, యూనిఫామ్ తప్పనిసరి అన్నారు.
News April 17, 2024
కర్నూలు : ఎవరెవరు ఎక్కడ నామినేషన్ వేస్తారో తెలుసా?
జిల్లాలో 13న అసెంబ్లీ, పార్లమెంట్ ఎన్నికలు జరగనుండగా.. రేపటి నుంచి నామినేషన్లు వేసుకోవచ్చు.
కర్నూలు- కర్నూలు నగర పాలక సంస్థ
పాణ్యం- కలెక్టరేట్‌లోని జేసీ ఛాంబరు
పత్తికొండ- పత్తికొండ ఆర్డీవో ఆఫీస్
కోడుమూరు – కర్నూలు ఆర్డీవో ఆఫీస్
ఎమ్మిగనూరు- ఎమ్మిగనూరు తహశీల్దార్ ఆఫీస్
మంత్రాలయం- మంత్రాలయం తహశీల్దార్ ఆఫీస్
ఆదోని- ఆదోని సబ్ కలెక్టర్ ఆఫీస్
ఆలూరు- ఆలూరు తహశీల్దార్ ఆఫీస్ లో నామినేషన్ వేయవచ్చు.
News April 17, 2024
KNL: క్లిష్టమైన పోలింగ్ కేంద్రాల్లో వెబ్ కాస్టింగ్ ఏర్పాటు
సార్వత్రిక ఎన్నికల నిర్వహణకు పకడ్బందీగా ఏర్పాట్లు చేయాలని కర్నూలు జిల్లా కలెక్టర్
సృజన రిటర్నింగ్, నోడల్ అధికారులను మంగళవారం ఆదేశించారు. క్లిష్టమైన, సమస్యాత్మక పోలింగ్ కేంద్రాల్లో వెబ్ కాస్టింగ్ ఏర్పాటుకు చర్యలు చేపట్టాలని ఆమె సూచించారు. అనంతరం తాగునీరు, ఉపాధి హామీ పనులు, విద్యుత్ సరఫరా అంశాలపై సీఎస్ జవహర్ రెడ్డి నిర్వహించిన వీడియో కాన్ఫరెన్స్‌లో కలెక్టర్ పాల్గొన్నారు.
News April 16, 2024
బాలనాగిరెడ్డి ఇసుకను పక్క రాష్ట్రాలకు అమ్ముతున్నారు: బాలకృష్ణ
మంత్రాలయం ఎమ్మెల్యే బాలనాగిరెడ్డి ఇసుకను పక్క రాష్ట్రాలకు అమ్మి కోట్లు సంపాదించారని బాలకృష్ణ విమర్శించారు. మంగళవారం కోసిగిలో స్వర్ణాంధ్ర సాకార యాత్రలో మాట్లాడారు. తుంగభద్ర నది నుంచి ఇసుక తవ్వి అభివృద్ధిని మరిచారని అన్నారు. అక్రమ మద్యం, కల్తీ సారాయి అమ్మి ప్రజలను మోసం చేస్తున్నారని ఆరోపించారు. నియోజకవర్గ ప్రజలు ఆలోచించి TDP అభ్యర్థి రాఘవేంద్రని గెలిపించాలని కోరారు.
News April 16, 2024
శ్రీశైలంలో ఆగమ పాఠశాలలో ప్రవేశ పరీక్షలు
శ్రీశైలంలోని వీరశైవ ఆగమ పాఠశాలలో మంగళవారం వార్షిక పరీక్షలు నిర్వహించినట్లు ఆలయ ఈవో పెద్దిరాజు తెలిపారు. మంగళవారం శ్రీశైలంలో ఆగమ పాఠశాల విద్యార్థులకు పరీక్షలు నిర్వహించారు. ఈవో మాట్లాడుతూ.. అర్చక ప్రవేశ, వర, ప్రవర కోర్సులకు సంబంధించి ఆగమ పరీక్షలు జరిగాయన్నారు. ఈ పరీక్షలకు మొత్తం 115మంది విద్యార్థులు హాజరైనట్లు చెప్పారు. రేపటితో పరీక్షలు ముగుస్తాయన్నారు.
Featured News
Sorry, no posts matched your criteria.