India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News November 18, 2024
‘మెగా డీఎస్సీని వెంటనే విడుదల చేయాలి’
మెగా డీఎస్సీ-2024 నోటిఫికేషన్‌ను వెంటనే విడుదల చేయాలని కర్నూలు డీసీసీ మాజీ ప్రధాన కార్యదర్శి సత్యనారాయణ గుప్తా డిమాండ్ చేశారు. సోమవారం కర్నూలు కలెక్టరేట్లో మీడియాతో ఆయన మాట్లాడారు. ఎన్నికల ముందు హామీ ఇచ్చి అధికారంలో వచ్చాక జాప్యం చేయడం సరికాదన్నారు. వెంటనే నోటిఫికేషన్ విడుదల చేయాలని, లేనిపక్షంలో కూటమి ప్రభుత్వం మూల్యం చెల్లించక తప్పదని అన్నారు.
News November 18, 2024
కర్నూలులో సందడి చేసిన హాస్యనటుడు బ్రహ్మానందం
కర్నూలులో సోమవారం హాస్య నటుడు డాక్టర్ బ్రహ్మానందం సందడి చేశారు. మాజీ ఎంపీ టీజీ వెంకటేశ్‌తో కలిసి ఆయన ఓ టీ ప్రొడక్ట్ ఫ్రాంచైజీని ప్రారంభించారు. కర్నూలు ప్రజలు మంచివారని, మంచి సినిమాలను ఆదరించి విజయాన్ని అందిస్తారని బ్రహ్మానందం అన్నారు. ఆయనను చూడ్డానికి అభిమానులు పెద్ద సంఖ్యలో హాజరయ్యారు. అనంతరం టీజీ వెంకటేశ్ నివాసానికి వెళ్లారు.
News November 18, 2024
నేటితో మన జాతీయ జంతువు 52 వసంతాల పూర్తి
నల్లమలకే వన్నె తెచ్చిన పెద్దపులిని భారత జాతీయ జంతువుగా గుర్తించి 52 ఏళ్లు పూర్తయింది. ప్రపంచవ్యాప్తంగా పెద్దపులికి ప్రాముఖ్యత ఉండడంతో పలు దేశాలు పెద్దపులిని తమ దేశ జాతీయ జంతువుగా ప్రకటించుకున్నాయి. ఈ నేపథ్యంలోనే 1972 ఈనెల 18న సైబీరియన్ జాతిలోని ఫాన్తేరా టైగ్రిస్ కుటుంబానికి చెందిన పెద్దపులిని జాతీయ జంతువుగా స్వీకరించడం జరిగింది. నేటితో మన జాతీయ జంతువుకు 52 వసంతాలు పూర్తయ్యాయి.
News November 18, 2024
హిజ్రాల ఆగడాలకు బెంబేలెత్తుతున్న ప్రయాణికులు
మహానంది పుణ్యక్షేత్రానికి వచ్చే ప్రయాణికుల నుంచి హిజ్రాలు ముక్కుపిండి మరీ డబ్బులు వసూలు చేస్తుండటంతో బెంబేలెత్తుతున్నారు. కార్తీక సోమవారాన్ని పురస్కరించుకుని క్షేత్రానికి తరలివస్తున్న భక్తుల వాహనాలను ఆపి, 4 చక్రాల వాహనదారుల నుంచి రూ.500, బైకు చోదకుల నుంచి రూ.100 డిమాండ్ చేస్తున్నారు. ఇవ్వకపోతే అసభ్యకరంగా ప్రవర్తిస్తున్నారని భక్తులు వాపోతున్నారు.
News November 18, 2024
కర్నూలు: కూరలో మాత్రలు కలిపిన విద్యార్థులు.. 9 మంది ఆస్పత్రి పాలు
కర్నూలు సీ.క్యాంపులోని ప్రభుత్వ బాలుర వికలాంగుల హాస్టల్‌లో ఇద్దరు అకతాయిలు చేసిన పనికి 9మంది అస్వస్థతకు గురయ్యారు. కూరలో గుర్తుతెలియని మాత్రలు కలపడంతో అది తిన్న వారు తీవ్ర అస్వస్థతతకు గురయ్యారని జిల్లా వికలాంగుల శాఖ సహాయ సంచాలకులు రయీస్ ఫాతిమా తెలిపారు. పీజీ విద్యార్థి ఓ 8వ తరగతి విద్యార్థితో కలిసి శనివారం రాత్రి సొరకాయ కూరలో మాత్రలు కలిపారన్నారు. బాధితులను కర్నూలు ఆస్పత్రికి తరలించామన్నారు.
News November 18, 2024
విద్యుత్ శాఖ సిబ్బందిపై చర్యలకు రంగం సిద్ధం
మహానంది మండలం తిమ్మాపురం సమీపంలోని కృష్ణనంది వెళ్లే మార్గంలో విద్యుత్ షాక్‌తో నాగూర్ బాషా, డ్రైవర్ రాఘవేంద్ర నిన్న మృతిచెందిన విషయం తెలిసిందే. ఈ ఘటనపై విద్యుత్ శాఖ ఉన్నతాధికారులు మండల అసిస్టెంట్ ఇంజినీర్ ప్రభాకర్ రెడ్డి, లైన్‌మెన్ రామ పుల్లయ్యపై చర్యలకు రంగం సిద్ధం చేశారు. ఇద్దరిపై సస్పెన్షన్ వేటు పడనున్నట్లు సమాచారం.
News November 18, 2024
కూటమి ప్రభుత్వం నటిస్తోంది: మాజీ మంత్రి బుగ్గన
HYDలోని ప్రెస్ క్లబ్‌లో ఆదివారం మాజీ మంత్రి బుగ్గన రాజేంద్రనాథ్ రెడ్డి ప్రెస్ మీట్ నిర్వహించారు. గత YCP ప్రభుత్వంలో సంక్షేమ పథకాలన్నీ DBT ద్వారానే ఇచ్చామని తెలిపారు. తమ ప్రభుత్వం ఎంత ఖర్చు చేసిందో అకౌంట్లో ఉంది. ఎవరికి ఇచ్చామో బ్యాంక్ రికార్డ్స్‌లో ఉంది అని స్పష్టం చేశారు. ఇక ఇందులో స్కామ్‌కు అవకాశమే లేదని, అప్పుల లెక్కల విషయంలో కూటమి ప్రభుత్వం బాగా నటిస్తోంది అని బుగ్గన ఫైరయ్యారు.
News November 17, 2024
ఈనెల 18న అభ్యర్థులకు కౌన్సెలింగ్
కస్తూరిబా గాంధీ బాలికల విద్యాలయాల్లో వార్డెన్లు, పార్ట్ టైం లెక్చరర్ పోస్టులకు ఎంపికైన అభ్యర్థులకు ఈనెల 18న కర్నూలులోని డీఈవో కార్యాలయంలో కౌన్సెలింగ్ ఉంటుందని జిల్లా విద్యాశాఖ అధికారి శామ్యూల్ పాల్ శనివారం ఓ ప్రకటనలో తెలిపారు. ఎంపికైన అభ్యర్థులు ఒరిజినల్ సర్టిఫికెట్లతో కౌన్సెలింగ్‌కు హాజరు కావాలని ఆయన సూచించారు.
News November 17, 2024
నల్లమల అడవుల్లో పెరిగిన పులుల సంతతి
నంద్యాల జిల్లాలోని నల్లమల అడవుల్లో పులుల సంతతి పెరిగినట్లు అటవీశాఖ అధికారులు తెలిపారు. పదేళ్ల క్రితం 34 పెద్ద పులులు ఉండగా.. ప్రస్తుతం వాటి సంఖ్య 87 చేరినట్లు వెల్లడించారు. పులుల సంరక్షణ కోసం ప్రత్యేక చర్యలు చేపట్టినట్లు పేర్కొన్నారు. అడవుల్లోకి ఎవరినీ రానివ్వకుండా చేయడంతో పాటు పలు నిబంధనలు పెట్టి, చట్టాలపై అవగాహన కల్పిస్తున్నామని తెలిపారు.
News November 17, 2024
అపార్ నమోదులో నిర్లక్ష్యంగా వ్యవహరిస్తే కఠిన చర్యలు: డీఈఓ
ప్రభుత్వం ప్రతిష్ఠాత్మకంగా చేపట్టిన అపార్ నమోదులో నిర్లక్ష్యంగా వ్యవహరిస్తే కఠిన చర్యలను తీసుకుంటామని కర్నూలు డీఈవో శ్యామ్యూల్ పాల్ అన్నారు. శనివారం ఆయన కార్యాలయంలో మీడియాతో మాట్లాడారు. నిర్దేశించిన గడువులోగా జిల్లాలో అపార్ నమోదు 85%కి చేరుకునేలా సంబంధిత డిప్యూటీ డీఓలు, ఎంఈఓలు, ప్రధానోపాధ్యాయులు వెంటనే చర్యలు తీసుకోవాలని ఆదేశించారు.
Featured News
Sorry, no posts matched your criteria.