India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News January 12, 2025
గ్రీన్‌కో ఎనర్జీ ప్రాజెక్ట్ దేశానికే తలమానికం: మంత్రి టీజీ భరత్
ఓర్వకల్లు మండలం పిన్నాపురం దగ్గర నిర్మించిన గ్రీన్‌కో ఇంటిగ్రేటెడ్ రెన్యూవబుల్ ఎనర్జీ ప్రాజెక్టు దేశానికే తలమానికమని రాష్ట్ర పరిశ్రమలు, వాణిజ్యం, ఫుడ్ ప్రాసెసింగ్ శాఖ మంత్రి టీజీ భరత్ ఆదివారం ఒక ప్రకటన ద్వారా తెలిపారు. ఈ ప్రాజెక్టును 2014లో తమ తెలుగుదేశం ప్రభుత్వం వచ్చిన తర్వాత ముఖ్యమంత్రి చంద్రబాబు ఆయనకున్న ముందు చూపుతో రాష్ట్రానికి తీసుకువచ్చారని తెలిపారు.
News January 12, 2025
కర్నూలు: కిడ్నాప్ కేసులో బాలుడి కథ సుఖాంతం
గత నెల 20న కర్నూలు నాలుగో పట్టణ పోలీస్ స్టేషన్ పరిధిలో కిడ్నాప్‌నకు గురైన బాలుడి కథ సుఖాంతం అయ్యిందని కర్నూలు డీఎస్పీ జే.బాబు ప్రసాద్ తెలిపారు. ఈ మేరకు వివరాలను ఆదివారం వెల్లడించారు. కిడ్నాప్ కేసులో భాగంగా పోలీసులు జిల్లా మొత్తం తనిఖీలు చేపట్టడంతో గత అర్ధరాత్రి నిద్రపోతున్న ఓ జంట వద్ద దుండగులు బాలుడిని వదిలి వెళ్లిపోయారు. వారు పోలీసులకు తెలపడంతో తల్లిదండ్రులను పిలిపించి బాలుడి అప్పజెప్పారు.
News January 12, 2025
మహానందీశ్వరుని సన్నిధిలో కర్నూలు ఎస్పీ
ప్రముఖ పుణ్యక్షేత్రమైన మహానందిలో కర్నూలు జిల్లా ఎస్పీ బిందు మాధవ్ కుటుంబ సమేతంగా పూజలు నిర్వహించారు. ఆదివారం క్షేత్రానికి వచ్చిన వీరికి ఆలయ మర్యాదలతో అధికారులు స్వాగతం పలికారు. అనంతరం వారు శ్రీ కామేశ్వరి దేవి సమేత మహానంది ఈశ్వర స్వామి వారికి అభిషేకార్చన పూజలు నిర్వహించారు. వేద పండితులు వేద ఆశీర్వచనాన్ని అందించగా అధికారులు శేష వస్త్రం, జ్ఞాపికతో సత్కరించారు.
News January 12, 2025
భోగి మంట వేస్తున్నారా?
సంక్రాంతి వేడుకలో మొదటి రోజు భోగి. తెల్లవారుజామున భోగి మంటలు వేయడంతో పండుగ సెలబ్రేషన్స్‌ మొదలవుతాయి. ఇంటింటా ఉత్సాహంగా భోగి మంటలు వేసుకుంటారు. మరి మీరూ రేపు భోగి మంట వేస్తున్నారా? మీసెలబ్రేషన్స్‌‌ను వే2న్యూస్‌లో చూడాలనుకుంటున్నారా? అయితే మీ భోగి మంటను వీడియో తీసి ఈ 97036 22022కు వాట్సాప్ చేయండి. మీ గ్రామం, మండలం పేర్లు తప్పక పంపండి. మేము పబ్లిష్ చేస్తాం.
News January 12, 2025
నంద్యాల: రోడ్డు ప్రమాదంలో మాజీ జడ్పీటీసీ దుర్మరణం
ఆళ్లగడ్డ మండలం కోట కందుకూరుకు చెందిన టీడీపీ మాజీ జడ్పీటీసీ చాంద్ బాషా ఆదివారం రోడ్డు ప్రమాదంలో మృతిచెందారు. కాశిరెడ్డి నాయన ఆశ్రమం సమీపంలోని పిరమిడ్ వద్ద బైక్‌పై వెళ్తూ ఆగి ఉన్న ఆర్టీసీ బస్సును వెనక వైపు నుంచి బలంగా ఢీకొట్టారు. ఈ ఘటనలో ఆయనకు తీవ్ర గాయాలు కావడంతో స్థానికులు ఆళ్లగడ్డ ప్రభుత్వ ఆసుపత్రికి తరలించారు. కోలుకోలేక మృతి చెందినట్లు వైద్యులు తెలిపారు.
News January 12, 2025
చట్ట వ్యతిరేక కార్యక్రమాల్లో పాల్గొంటే ఉపేక్షించేది లేదు: ఎస్పీ
పండగ పేరుతో అసాంఘిక, చట్ట వ్యతిరేక కార్యక్రమాల్లో పాల్గొంటే ఉపేక్షించేది లేదని కర్నూలు ఎస్పీ బిందు మాధవ్ హెచ్చరించారు. ఈ మేరకు ఆదివారం ఓ ప్రకటనలో తెలిపారు. పండగ నిమిత్తం వివిధ ప్రాంతాలకు వెళ్లే ప్రజలు పోలీస్ శాఖ ఇచ్చిన తగు సూచనలతో పాటు జాగ్రత్తలు పాటించాలని కోరారు. సంక్రాంతి పండగను జిల్లా ప్రజలందరూ సంతోషకర వాతావరణంలో జరుపుకోవాలని విజ్ఞప్తి చేశారు.
News January 12, 2025
భోగి మంట వేస్తున్నారా?
సంక్రాంతి వేడుకలో మొదటి రోజు భోగి. తెల్లవారుజామున భోగి మంటలు వేయడంతో పండుగ సెలబ్రేషన్స్‌ మొదలవుతాయి. ఇంటింటా ఉత్సాహంగా భోగి మంటలు వేసుకుంటారు. మరి మీరూ రేపు భోగి మంట వేస్తున్నారా? మీసెలబ్రేషన్స్‌‌ను వే2న్యూస్‌లో చూడాలనుకుంటున్నారా? అయితే మీ భోగి మంటను వీడియో తీసి ఈ 97036 22022కు వాట్సాప్ చేయండి. మీ గ్రామం, మండలం పేర్లు తప్పక పంపండి. మేము పబ్లిష్ చేస్తాం.
News January 12, 2025
గ్రీన్ కో సభ్యులతో పవన్ కళ్యాణ్ సెల్ఫీ
కర్నూలు జిల్లా పిన్నాపురం పర్యటనలో భాగంగా శనివారం డిప్యూటీ సీఎం పవన్ కళ్యాణ్ గ్రీన్ కో ప్రాజెక్టును సందర్శించారు. ఏరియల్ వ్యూ ద్వారా పరిశీలించారు. అనంతరం ప్రాజెక్టు అధికారులు, ఉద్యోగులు, కార్మికులతో సెల్ఫీ దిగారు. ప్రాజెక్టు పరిశీలనలో భాగంగా పవన్ కళ్యాణ్ స్వయంగా కారు డ్రైవ్ చేశారు. ఈ క్రమంలో ప్రాజెక్ట్ చీఫ్ ఆయనకు గ్రీన్ కో కంపెనీ గురించి వివరించారు.
News January 12, 2025
ఓర్వ‌క‌ల్లుకు జపాన్ కంపెనీ
కర్నూలు జిల్లా ఓర్వకల్లు పారిశ్రామిక పార్కులో సెమీ కండక్టర్ రంగంలో రూ.14 వేల కోట్ల పెట్టుబ‌డులు పెట్టేందుకు ఒప్పందం కుదిరిందని రాష్ట్ర మంత్రి టీజీ భరత్ చెప్పారు. ఇండిచిప్ సెమీ కండక్టర్ లిమిటెడ్ కంపెనీ తన భాగస్వామి జపాన్‌కు చెందిన యిటోయే మైక్రో టెక్నాలజీ కార్పొరేషన్ రాష్ట్ర ప్రభుత్వంతో మంత్రి నారా లోకేశ్ సమక్షంలో MOU కుదుర్చుకున్నట్లు మంత్రి టీజీ భరత్ తెలిపారు.
News January 12, 2025
జిల్లాలో రూ. 14 వేల కోట్ల పెట్టుబడులకు ఒప్పందం: మంత్రి టీజీ
కర్నూలు జిల్లా ఓర్వకల్లు పారిశ్రామిక పార్కులో సెమీ కండక్టర్ రంగంలో రూ. 14 వేల కోట్ల పెట్టుబ‌డులు పెట్టేందుకు ఒప్పందం కుదిరిందని రాష్ట్ర మంత్రి టీజీ భరత్ చెప్పారు. ఇండిచిప్ సెమి కండక్టర్ లిమిటెడ్ కంపెనీ తన భాగస్వామి జపాన్‌కు చెందిన యిటోయే మైక్రో టెక్నాలజీ కార్పొరేషన్ రాష్ట్ర ప్రభుత్వంతో హైదరాబాదులో మంత్రి నారా లోకేశ్ సమక్షంలో ఎం.ఓ.యూ కుదుర్చుకున్నట్లు మంత్రి టీజీ భరత్ తెలిపారు.
Featured News
Sorry, no posts matched your criteria.