India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News January 6, 2025
గ్రీవెన్స్‌కు వచ్చే సమస్యలను త్వరితగతిన పరిష్కరించండి: జేసీ
గ్రీవెన్స్‌కు వచ్చే ప్రజా సమస్యలను త్వరితగతిన పరిష్కరించాలని ఆదోని సబ్ కలెక్టర్ మౌర్య భరద్వాజ్ ఆదేశించారు. సోమవారం ఆదోనిలోని సబ్ కలెక్టరేట్లో వివిధ శాఖల అధికారులు సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ.. గ్రీవెన్స్‌కు వచ్చే సమస్యలపై నిర్లక్ష్యం చేయకూడదని అన్నారు. ఆయా శాఖల పరిధిలో ఉన్న సమస్యలపై అధికారులు ప్రత్యేక దృష్టి పెట్టాలని కోరారు.
News January 6, 2025
గడివేముల: రూ. లక్షలు డిపాజిట్ అయ్యాయ్.. వేరే వారికి పంపే వీలు లేదు
రూ. 3.24 లక్షలు ఖాతాలోకి జమచేసి బ్యాంకు అకౌంట్ హ్యాక్ చేసే యత్నం గడివేములలో ఆదివారం జరిగింది. పరమేశ్ బ్యాంకు ఖాతాలోకి రూ. 3.24 లక్షలు వచ్చినట్లు మెసేజ్ వచ్చింది, ఖాతాలోనూ చూపించింది. కానీ వేరే వారి ఖాతాకు పంపేందుకు చూస్తే కుదురలేదు. మరొకసారి బ్యాంకు ఖాతా చెక్ చేయగా.. డిపాజిట్ అయిన నగదుతో పాటు తన డబ్బులు రూ. 1.600 కూడా కట్ అయ్యాయి. బాధితుడు మోసాన్ని గుర్తించి అప్రమత్తమయ్యాడు.
News January 6, 2025
మా ఊరిని టాప్ వన్‌గా మారుస్తా: కర్నూలు MP
తన సొంత గ్రామం పంచలింగాలను అన్ని విధాలా అభివృద్ధి చేసి రాష్ట్రంలోనే టాప్ వన్ విలేజ్‌గా తీర్చిదిద్దుతానని కర్నూలు MP బస్తిపాటి నాగరాజు హామీ ఇచ్చారు. ఆదివారం కర్నూలు పరిధిలోని పంచలింగాల ఎస్సీ కాలనీలో రూ.14 లక్షలతో సీసీ రోడ్డు నిర్మాణానికి ఆయన భూమిపూజ చేశారు. త్వరలోనే పంచలింగాల రూపు రేఖలు మారబోతున్నాయని ఎంపీ అన్నారు.
News January 6, 2025
ఆస్పరి: ఆడుకుంటూ నిప్పు అంటించుకున్న చిన్నారులు
ఆస్పరి మండలం బిల్లేకల్లు గ్రామానికి చెందిన ఇద్దరు చిన్నారులు ఆడుకుంటూ ప్రమాదవశాత్తు ఒకరిపై ఒకరు పెట్రోల్ పోసుకొని నిప్పు అంటించుకున్న ఘటన ఆదివారం జరిగింది. స్థానికుల వివరాల మేరకు.. సాయంత్రం సమయంలో గ్రామానికి చెందిన ఇద్దరు చిన్నారులు బైక్‌లో పెట్రోల్‌ను బాటిల్లోకి తీసుకొని, ఒకరిపై ఒకరు చల్లుకొని నిప్పు అంటించుకున్నారు. ప్రమాదంలో ఇద్దరు చిన్నారులకు తీవ్ర గాయాలయ్యాయి.
News January 6, 2025
కర్నూలు: ‘నేడు ఎస్పీ కార్యాలయంలో గ్రివెన్స్ డే రద్దు’
పోలీసు కానిస్టేబుల్ దేహదారుఢ్య సామర్ధ్య పరీక్షల బందోబస్తు విధులలో పోలీసు అధికారులు ఉన్న కారణంగా సోమవారం జరగాల్సిన ప్రజా సమస్యల పరిష్కార వేదిక కార్యక్రమంను రద్దు చేసినట్లు కర్నూలు జిల్లా ఎస్పీ జి.బిందు మాధవ్ తెలిపారు. ఈ విషయాన్ని గమనించి ఎవరూ వ్యయ, ప్రయాసలతో ఎస్పీ క్యాంప్ కార్యాలయంలో జరిగే ప్రజా సమస్యల పరిష్కార వేదికకు ఫిర్యాదిదారులు రావద్దని ఎస్పీ విజ్ఞప్తి చేశారు.
News January 5, 2025
ఆళ్లగడ్డ: యువకుడి ఆత్మహత్య
ఆళ్లగడ్డ మండలం ఓబులంపల్లి గ్రామానికి చెందిన శివపుల్లయ్య కుమారుడు మల్లికార్జున(25) అనే యువకుడు ఆర్థిక ఇబ్బందుల కారణంగా గత నెల10న ఇంటిలో గడ్డి మందు తాగి ఆత్మహత్యకు పాల్పడ్డాడు. కర్నూలు ప్రభుత్వాసుపత్రికి చికిత్సకై తరలించగా కోలుకోలేక ఆదివారం మృతి చెందాడు. వ్యవసాయంలో నష్టాలు రావడం, చదువుకున్నా నిరుద్యోగిగా మిగిలిపోవడంతో మనస్తాపంతో బలవన్మరణానికి పాల్పడినట్లు కుటుంబ సభ్యులు తెలిపారు.
News January 5, 2025
రేషన్ డీలర్ల పరీక్షలకు 625 మంది అభ్యర్థుల హాజరు
కర్నూలు రెవెన్యూ డివిజన్ పరిధిలో నూతనంగా ఏర్పడిన చౌకధరల దుకాణాలకు, వివిధ రకాల కారణాలతో ఖాళీలు ఏర్పడిన 74 చౌకధరల దుకాణాలకు ఆదివారం ఐజీఎంఎం పాఠశాలలో పరీక్షను నిర్వహించారు. జిల్లా పౌర సరఫరాల అధికారి రాజా రఘువీర్, కర్నూలు రెవెన్యూ డివిజనల్ అధికారి సందీప్ కుమార్ పరీక్షా కేంద్రాన్ని తనిఖీ చేశారు. పరీక్షకు 625 మంది అభ్యర్థులు హాజరైనట్లు వారు తెలిపారు.
News January 5, 2025
15 నిమిషాల ఆలస్యం.. పరీక్షకు అనుమతించని అధికారులు
ఆదోని ఆర్ట్స్&సైన్స్ కళాశాలలో ఆదివారం జరిగిన రేషన్ డీలర్ల పరీక్షకు 15 నిమిషాల ఆలస్యం కారణంగా పెద్దతుంబలం గ్రామానికి చెందిన తలారి నాగేంద్రమ్మను అధికారులు అనుమతించలేదు. ఆమె తన మావయ్య చనిపోయాడని, అందువల్లే ఆలస్యమైందని అధికారులను వేడుకున్నా.. ఏమాత్రం కనికరం చూపలేదు. దీంతో ఏడాది చంటి పిల్లాడిని ఎత్తుకు నిరాశతో అక్కడి నుంచి వెళ్లిపోయారు. అధికారులు తన పరిస్థితిని అర్థం చేసుకోలేదని ఆవేదన వ్యక్తం చేశారు.
News January 5, 2025
నందికొట్కూరులో వైరల్ అవుతున్న నో పార్కింగ్ బోర్డు
నందికొట్కూరులోని ఓ మందుల దుకాణం ముందు ఏర్పాటు చేసిన ‘నో పార్కింగ్ బోర్డు’ వైరల్‌గా మారింది. ‘దుకాణాల ముందు వాహనాలు నిలుపరాదు’ అంటూ నో పార్కింగ్ బోర్డులు ఏర్పాటు చేయడం చూశాం. అయితే ఓ దుకాణం యజమాని చెప్పు గుర్తుతో బోర్డు ఏర్పాటు చేశాడు. ‘వాహనాలు నిలిపితే చెప్పుతో కొడతా’ అని అర్థం వచ్చేలా ఆ బోర్డు ఉంది.
News January 5, 2025
అర్హులైన ప్రతి ఒక్కరికీ సంక్షేమ పథకాల లబ్ధి: కలెక్టర్
రాష్ట్ర ప్రభుత్వం విభిన్న ప్రతిభావంతుల సంక్షేమానికి అధిక ప్రాధాన్యతనిస్తోందని, అర్హత గల ప్రతి ఒక్కరికీ సంక్షేమ లబ్ధి చేకూర్చడమే ప్రభుత్వ లక్ష్యమని జిల్లా కలెక్టర్ జీ.రాజకుమారి అన్నారు. శనివారం నంద్యాల కలెక్టరేట్లో లూయిస్ బ్రెయిలీ 217వ జయంతి సందర్భంగా అంతర్జాతీయ ప్రతిభావంతుల దినోత్సవ వేడుకలు ఘనంగా జరిగాయి. తొలుత లూయిస్ బ్రెయిలీ చిత్రపటానికి కలెక్టర్ పూలమాల వేసి జ్యోతి వెలిగించి ప్రారంభించారు.
Featured News
Sorry, no posts matched your criteria.