India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News December 25, 2024
శిల్పా రవిపై సోషల్ మీడియాలో ట్రోలింగ్
నంద్యాల మాజీ ఎమ్మెల్యే శిల్పా రవిచంద్ర కిషోర్ రెడ్డిపై సోషల్ మీడియాలో ట్రోలింగ్ జరుగుతోంది. తన స్నేహితుడు అల్లు అర్జున్ కష్టాల్లో ఉంటే కనీసం కనిపించకపోవడం ఏంటని బన్నీ అభిమానులు ఆగ్రహం వ్యక్తం చేస్తున్నారు. ఐకాన్ స్టార్ అరెస్ట్ అయిన సమయంలోనూ స్పందించలేదని నెట్టింట పోస్టులు పెడుతున్నారు. మరోవైపు వీటికి శిల్ప అనుచరులు కౌంటర్ ఇస్తున్నారు. అందులో వాస్తవం లేదని కామెంట్ చేస్తున్నారు.
News December 25, 2024
హిజ్రాతో కుమారుడి ప్రేమ.. నంద్యాలలో తల్లిదండ్రుల ఆత్మహత్య
హిజ్రాతో కుమారుడి ప్రేమ దంపతుల ప్రాణం తీసింది. నంద్యాల ఎస్‌బీఐ కాలనీకి చెందిన సరస్వతి, సుబ్బరాయుడుల కుమారుడు సునీల్ ఆటో నడుపుతూ ఓ హిజ్రాతో ప్రేమలో పడ్డాడు. విషయం తెలుసుకున్న తల్లిదండ్రులు కుమారుడిని బంధువుల ఇంటికి పంపారు. అప్పటి నుంచి హిజ్రాలు సుబ్బరాయుడు దంపతులను వేధింపులకు గురిచేస్తున్నారు. కుమారుడూ హిజ్రానే పెళ్లి చేసుకుంటానని చెప్పడంతో మనస్తాపం చెందిన వారు ఆత్మహత్యకు పాల్పడి మృతిచెందారు.
News December 25, 2024
నంద్యాల: చనిపోతున్నా అంటూ ఫోన్.. కాపాడిన పోలీసులు
నంద్యాల జిల్లా ఆత్మకూరు మండలంలోని కృష్ణాపురంలో శివకుమార్ అనే వ్యక్తి కుటుంబ సమస్యలతో మంగళవారం ఆత్మహత్యాయత్నానికి పాల్పడ్డాడు. ఈ క్రమంలో కుటుంబ సభ్యులకు ఫోన్ చేసి తాను పురుగు మందు తాగి చనిపోతున్నానంటూ చెప్పడంతో వారు పోలీసులను ఆశ్రయించారు. ఆత్మకూరు డీఎస్పీ రామంజినాయక్ ఆదేశాల మేరకు అతడి ఫోన్ సిగ్నల్ లొకేషన్‌ను గుర్తించి పోలీసులు ఆయన్ని ఆత్మకూరు ఆసుపత్రికి తీసుకువచ్చారు. ప్రస్తుతం ఆయన కోలుకున్నారు.
News December 25, 2024
కోడుమూరులో టీచర్‌పై పోక్సో కేసు
కర్నూలు జిల్లా కోడుమూరులో ప్రైవేట్ టీచర్ భాస్కర్ ఇంటర్ విద్యార్థినిపై లైంగిక వేధింపులకు పాల్పడ్డాడు. ఈ ఘటన సోమవారం జరిగింది. బాధితురాలు మంగళవారం పోలీసులకు ఫిర్యాదు చేయడంతో నిందితుడిపై పోక్సో కేసు నమోదు చేసినట్లు ఎస్సై శ్రీనివాసులు తెలిపారు. ఆయన కోడుమూరులోని ఓ ప్రైవేట్ కాలేజ్‌లో విధులు నిర్వహిస్తున్నారు. ఈ ఘటనపై విద్యార్థి సంఘాల నాయకులు మండిపడ్డారు. కఠిన చర్యలు తీసుకోవాలని డిమాండ్ చేశారు.
News December 25, 2024
ప్రజలకు క్రిస్మస్ శుభాకాంక్షలు తెలిపిన కర్నూలు ఎస్పీ
కర్నూలు జిల్లా ప్రజలకు, పోలీసు అధికారులకు, సిబ్బందికి, వారి కుటుంబ సభ్యులకు కర్నూలు జిల్లా ఎస్పీ జి.బిందు మాధవ్ క్రిస్మస్ పండుగ శుభాకాంక్షలు తెలిపారు. క్రిస్మస్ పండుగ ఏసుక్రీస్తు గొప్ప జీవితాన్ని, ఆయన కరుణ, క్షమాపణ సందేశాన్ని, నిత్య సత్యాన్ని విలువలను నిలబెట్టడానికి ఆయన పడిన కష్టాలను ప్రజలకు గుర్తు చేస్తుందన్నారు. క్రిస్మస్ పండుగ ప్రజలందరికీ ఆనందం, శాంతి, శ్రేయస్సు తీసుకురావాలని ఆకాంక్షించారు.
News December 24, 2024
లింక్ వస్తుంది.. మోసం మొదలవుతుంది: కర్నూలు ఎస్పీ
సైబర్ నేరాలపై ప్రజలు అప్రమత్తంగా ఉండాలని కర్నూలు జిల్లా ఎస్పీ జి.బిందు మాధవ్ సూచించారు. పార్ట్ టైం జాబ్ ఆఫర్ పేరుతో సోషల్ మీడియాలో ప్రకటనల పట్ల జాగ్రత వహించాలని పిలుపునిచ్చారు. ‘లైక్, షేర్ చేస్తే .. రివ్యూలు ఇస్తే డబ్బులు చెల్లిస్తామని మాయమాటలు చెప్పి మోసం చేస్తారు. ఆలోచించండి, మోసపోకండి’ అని ఎస్పీ హెచ్చరించారు. మోసానికి గురైతే వెంటనే పోలీసులకు ఫిర్యాదు చేయాలని సూచించారు.
News December 24, 2024
పారిశ్రామిక హబ్‌గా రాయలసీమ!
ఓర్వకల్లు మెగా ఇండస్ట్రియల్ పార్క్‌లో సెమీకండక్టర్‌ పరిశ్రమ ఏర్పాటుతో రాయలసీమ రూపురేఖలు మారనున్నాయి. జపాన్ సంస్థ ₹14వేల కోట్లతో ఈ పరిశ్రమ ఏర్పాటుకు ముందుకొచ్చిన విషయం తెలిసిందే. దీని ద్వారా ప్రత్యక్షంగా 2వేలు, పరోక్షంగా 10వేల మందికి ఉపాధి లభించే అవకాశముందని చెబుతున్నారు. దీనికి అనుబంధంగా మరిన్ని కంపెనీలు రానున్నాయి. వేలాది మందికి ఉపాధి లభించే ఛాన్స్ ఉండటంతో జిల్లా వాసుల్లో హర్షం వ్యక్తమవుతోంది.
News December 24, 2024
కొత్తపల్లి: పొలంలో గుర్తుతెలియని డెడ్‌బాడీ
నంద్యాల జిల్లా కొత్తపల్లి మండలం ఎర్రమఠం గ్రామ సమీపంలోని పంట పొలాలలో గుర్తు తెలియని వ్యక్తి మృతదేహం కలకలం రేపింది. స్థానికుల వివరాల మేరకు.. ఎర్రమఠం గ్రామానికి చెందిన కొమ్ము శేఖర్ తన పొలానికి వెళ్లగా శవం కనిపించడంతో భయాందోళనకు గురయ్యాడు. వెంటనే పోలీసులకు సమాచారం అందించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఇది హత్యా? ఆత్మహత్యా? అన్నది పోలీసుల విచారణలో తేలనుంది.
News December 24, 2024
కర్నూలులో పతనమైన ఎండు మిర్చి ధర
కర్నూలు మార్కెట్‌లో ఎండు మిర్చి ధరలు భారీగా పడిపోయాయి. సోమవారం క్వింటా గరిష్ఠ ధర రూ.14,913 పలికింది. సరాసరి రూ.11,119, కనిష్ఠ ధర రూ.1,599తో విక్రయాలు సాగాయి. నెల క్రితం క్వింటా రూ.20 వేలు పలకగా ప్రస్తుతం భారీగా పడిపోవడంతో రైతులు ఆవేదన వ్యక్తం చేస్తున్నారు. మరోవైపు మొక్కజొన్న రూ.2,052, కందులు గరిష్ఠ ధర రూ.7,449లు పలికాయి. ఉల్లి క్వింటా గరిష్ఠ ధర రూ.3,200, సజ్జలు గరిష్ఠ ధర రూ.2,403లతో అమ్ముడయ్యాయి.
News December 24, 2024
శ్రీశైలం: 0.692 మిలియన్ యూనిట్ల విద్యుత్ ఉత్పత్తి
శ్రీశైలంలోని ఎడమ విద్యుత్ కేంద్రంలో సోమవారం 0.692 మిలియన్ యూనిట్ల విద్యుత్ ఉత్పత్తి చేపట్టారు. ఇందుకోసం జలాశయం నుంచి 1406 క్యూసెక్కుల నీటిని వినియోగించుకున్నారు. అదే క్రమంలో హెచ్ఎంఎస్ఎస్ కు 1645 క్యూసెక్కులు, మహాత్మా గాంధీ కల్వకుర్తి లిఫ్ట్ ఇరిగేషన్‌కు 2291 క్యూసెక్కులు, కేసీ కెనాల్‌కు 245 క్యూసెక్కులు, పోతిరెడ్డిపాడుకు 1500 క్యూసెక్కుల చొప్పున మొత్తం 7296 క్యూసెక్కుల నీటిని విడుదల చేశారు.
Featured News
Sorry, no posts matched your criteria.