India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News November 12, 2024
రహదారి నిర్మాణ పనులు త్వరగా పూర్తి చేయాలి: కలెక్టర్ రాజకుమారి
నంద్యాల: పల్లె పండుగ – పంచాయతీ వారోత్సవాలలో శంకుస్థాపన చేసిన రోడ్ల నిర్మాణ పనులు శరవేగంగా పూర్తి చేసేందుకు ప్రత్యేక శ్రద్ధ తీసుకోవాలని కలెక్టర్ జి.రాజకుమారి అధికారులను ఆదేశించారు. పంచాయతీరాజ్ ఇంజనీర్లు, ఇంజనీరింగ్ అసిస్టెంట్లతో కలెక్టరేట్‌లో ఆమె సమీక్షా సమావేశం నిర్వహించారు. దాదాపు రూ.86 కోట్లతో జిల్లాలో 1023 సీసీ రోడ్లు, 3 బీటీ రోడ్ల నిర్మాణాలు చేపడుతున్నట్లు పేర్కొన్నారు.
News November 12, 2024
KC కెనాల్ గురించి తెలుసా?
KC కెనాల్ (కర్నూలు-కడప కాలువ) రాయలసీమలోని ఒక ప్రధాన పంట కాలువ. 1950లో నిర్మితమైంది. ఇది పెన్నా, తుంగభద్ర నదులను అనుసంధానిస్తుంది. ఈ కాలువ కర్నూలు సమీపంలోని తుంగభద్ర నదిపై ఉన్న సుంకేసుల బ్యారేజీ నుంచి ప్రారంభమవుతుంది. ఈ కెనాల్ పొడవు 305.60 కి.మీ కాగా దీని కింద 2,65,628 ఎకరాల ఆయకట్టు భూమి ఉంది. ఇది కర్నూలు, కడప జిల్లాల రైతులకు ప్రాణప్రదమైన కాలువ.
News November 12, 2024
కేశవ్ పద్దు.. కేసీ కెనాల్‌కు అధిక నిధులు
➤ ఉమ్మడి కర్నూల్ జిల్లా ప్రాజెక్టులకు రూ.445.81కోట్లు
➤ అధికంగా కేసీ కెనాల్‌కు ₹253.10కోట్లు
☞ ఎల్లెల్సీకి ₹13కోట్లు, గాజులదిన్నెకు ₹11.80కోట్లు
☞ గుండ్రేవుల జలాశయానికి నిధులు నిల్
➤ జిల్లాలో గుంతలు పూడ్చేందుకు ₹15.73కోట్లు
➤ RUకి రూ.10.45కోట్లు, ఉర్దూ వర్సిటీకి రూ.1.5కోట్లు
➤ అన్నదాత సుఖీభవ పథకానికి ₹346.15 కోట్లు
➤ తల్లికి వందనం పథకానికి రూ.6వేల కోట్లు
☞ జిల్లాలో సుమారు 4 లక్షల మంది లబ్ధిదారులు
News November 12, 2024
జగన్.. పులివెందుల పౌరుషం ఉంటే అసెంబ్లీకి రా: మంత్రి బీసీ
మాజీ సీఎం జగన్‌కు మాట్లాడేందుకు మైక్ ఇస్తాం.. పులివెందుల పౌరుషం ఉంటే అసెంబ్లీకి రావాలంటూ మంత్రి బీసీ జనార్దన్ రెడ్డి సవాల్ విసిరారు. ‘అసెంబ్లీలో ఏ అంశంపైన అయినా చర్చకు సిద్ధం. తప్పులు చేసినందుకే జగన్ అసెంబ్లీకి రావడం లేదు. తీరు మార్చుకోకపోతే వచ్చే ఎన్నికల్లో ఒక్క సీటు కూడా రాదు. సోషల్ మీడియాలో తప్పుడు ప్రచారం, అనుచిత పోస్టులు పెడితే ఊరుకోం. చట్ట ప్రకారం కచ్చితంగా శిక్షిస్తాం’ అని స్పష్టం చేశారు.
News November 12, 2024
భూసేకరణను త్వరగా పూర్తి చేయండి: నంద్యాల కలెక్టర్
జాతీయ రహదారులు, రైల్వే నిర్మాణాలకు సంబంధించి పెండింగ్లో ఉన్న భూసేకరణను త్వరితగతిన పూర్తి చేయాలని జిల్లా కలెక్టర్ జి.రాజకుమారి రెవెన్యూ అధికారులను ఆదేశించారు. సోమవారం కలెక్టరేట్‌లోని పీజిఆర్ఎస్ హాలులో ప్రజా ఫిర్యాదుల పరిష్కార వేదికలో భాగంగా జిల్లా అధికారులతో ప్రగతి అంశాలపై కలెక్టర్ సమీక్ష నిర్వహించారు. పెండింగ్లో ఉన్న భూసేకరణను పూర్తి చేసేందుకు ఆర్డీవోలు, తహశీల్దార్లు చొరవ తీసుకోవాలన్నారు.
News November 12, 2024
జగన్.. పులివెందుల పౌరుషం ఉంటే రా: మంత్రి బీసీ
మాజీ సీఎం జగన్‌కు మాట్లాడేందుకు మైక్ ఇస్తాం.. పులివెందుల పౌరుషం ఉంటే అసెంబ్లీకి రావాలంటూ మంత్రి బీసీ జనార్దన్ రెడ్డి సవాల్ విసిరారు. ‘అసెంబ్లీలో ఏ అంశంపైన అయినా చర్చకు సిద్ధం. తప్పులు చేసినందుకే జగన్ అసెంబ్లీకి రావడం లేదు. తీరు మార్చుకోకపోతే వచ్చే ఎన్నికల్లో ఒక్క సీటు కూడా రాదు. సోషల్ మీడియాలో తప్పుడు ప్రచారం, అనుచిత పోస్టులు పెడితే ఊరుకోం. చట్ట ప్రకారం కచ్చితంగా శిక్షిస్తాం’ అని స్పష్టం చేశారు.
News November 12, 2024
సీఎం చేతుల మీదుగా ఉత్తమ ఉపాధ్యాయ అవార్డు అందుకున్న సత్యప్రకాశ్
బనగానపల్లె MPPS కస్బా పాఠశాల ఉపాధ్యాయుడు కే.సత్య ప్రకాశ్ జాతీయ విద్య దినోత్సవం పురస్కరించుకొని విజయవాడ ఏ-కన్వెన్షన్ సెంటర్ లబ్బిపేటలో నిర్వహించిన కార్యక్రమంలో సీఎం చంద్రబాబు, మంత్రి నారా లోకేశ్ చేతుల మీదుగా సోమవారం రాష్ట్రస్థాయి ఉత్తమ ఉపాధ్యాయ అవార్డును అందుకున్నారు. ఈ సందర్భంగా సీఎం చంద్రబాబు, మంత్రి లోకేశ్ ఆయనకు శాలువా కప్పి, ప్రశంసా పత్రం, జ్ఞాపికను అందజేసి ప్రత్యేకంగా అభినందించారు.
News November 11, 2024
చంద్రశేఖరన్‌తో మంత్రి టీజీ భరత్ సెల్ఫీ
టాటా సన్స్ గ్రూప్స్ ఛైర్మన్‌ నటరాజన్ చంద్రశేఖరన్‌ను మంత్రి టీజీ భరత్ కలిశారు. కారులో ఆయనతో సెల్ఫీ తీసుకున్నారు. విలువైన వ్యక్తిని కలవడం స్ఫూర్తిదాయకంగా భావిస్తున్నట్లు మంత్రి పేర్కొన్నారు. ఆయన పంచుకునే జ్ఞానం తనను నిరంతరం ఆకట్టుకుంటోందని కొనియాడారు. వ్యక్తిగత, వృత్తిపరమైన ఎదుగుదలకు కట్టుబడి ఉన్న వ్యక్తిని కలుసుకోవడం సంతోషంగా ఉందంటూ ఆయన ట్వీట్ చేశారు.
News November 11, 2024
ప్రజా సమస్యలను గడువులోగా పరిష్కరించాలి: నంద్యాల ఎస్పీ
నంద్యాల జిల్లా పోలీస్ కార్యాలయంలో సోమవారం నిర్వహించిన ప్రజా సమస్యల పరిష్కార వేదికలో 85 ఫిర్యాదులను స్వీకరించినట్లు ఎస్పీ అధిరాజ్ సింగ్ రాణా తెలిపారు. ప్రజల ఇచ్చిన ఫిర్యాదులపై పూర్తిస్థాయి విచారణ జరిపి పరిష్కరించే విధంగా చర్యలు తీసుకుంటామన్నారు. చట్ట పరిధిలో సమస్యలకు తక్షణమే పరిష్కారం చూపాలని, ఫిర్యాదులు పునరావృతం కాకుండా చూడాలని ఎస్పీ అధికారులకు సూచించారు.
News November 11, 2024
విషాదం.. మహానంది కోనేటి వద్ద మూర్చకు గురైన బాలుడి మృతి
మహానంది క్షేత్రంలోని కోనేరు వద్ద స్నానమాచరిస్తూ మూర్చకు గురైన బాలుడు మృతి చెందినట్లు 108 సిబ్బంది తెలిపారు. సోమవారం తాడిపత్రికి చెందిన భక్తులు స్నానమాచరిస్తుండగా మూర్చకు గురికావడంతో 108 వాహనంలో నంద్యాలకు తరలించారు. మార్గమధ్యంలో తాడిపత్రి మండలం సేనగల గూడూరుకు చెందిన 9 ఏళ్ల చంద్రశేఖర్ రెడ్డి మృతి చెందాడని తెలిపారు. ఈ ఘటనతో తల్లిదండ్రులు శోకసముద్రంలో మునిగారు.
Featured News
Sorry, no posts matched your criteria.