India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News July 3, 2024
కావలిలో హోటల్ సీజ్ చేసిన అధికారులు
కావలి పట్టణంలోని ఓ డాబా హోటల్ లో బుధవారం అధికారులు తనిఖీలు నిర్వహించారు. ఈ తనిఖీల్లో హోటల్‌లో అపరిశుభ్ర వాతావరణం, తదితర తప్పిదాలను అధికారులు గుర్తించారు. రోజుల తరబడి మాంసం నిల్వ ఉండటంతో వెంటనే హోటల్‌ను సీజ్ చేసి గేట్లకు సీల్ వేశారు. వారు మాట్లాడుతూ.. హోటల్స్‌లో నాణ్యమైన ఆహారం, పరిశుభ్రత పాటించాలని లేకపోతే చర్యలు తప్పవని హెచ్చరించారు.
News July 3, 2024
మాజీ సీఎం పర్యటనలో స్వల్ప మార్పు
మాజీ సీఎం జగన్ మోహన్ రెడ్డి గురువారం నెల్లూరు సెంట్రల్ జైలును సందర్శించనున్నారు. ముందుగా నెల్లూరు పోలీసు పరేడ్ గ్రౌండ్‌లో హెలిప్యాడ్ లాండ్ అవ్వనుండగా దానికి బదులు కనుపర్తి పాడు జడ్పీ ఉన్నత పాఠశాలలో గ్రౌండ్‌లో లాండ్ అవుతున్నట్లు అధికారులు తెలిపారు. తాడేపల్లి నుంచి ఉదయం 11 గంటలకు బయలుదేరి నెల్లూరు చేరుకోనున్నారు.
News July 3, 2024
నెల్లూరు కలెక్టర్ నేపథ్యం ఇదే..!
నెల్లూరు నూతన కలెక్టర్‌గా ఓ.ఆనంద్ నియమితులయ్యారు. తిరువనంతపురంలో ఆయన ఇంజినీరింగ్ పూర్తి చేశారు. 2016లో IASకు ఎంపికయ్యారు. తూ.గో జిల్లాలో ట్రైనీ కలెక్టర్‌గా పనిచేశారు. 2018లో గూడూరు సబ్ కలెక్టర్‌గా బాధ్యతలు చేపట్టారు. ఆ సమయంలోనే ఆయనకు వివాహమైంది. తర్వాత పోలవరం ప్రాజెక్ట్ స్పెషల్ ఆఫీసర్‌గా, ITDO పీవోగా, మన్యం జిల్లా జేసీగా పని చేశారు. ఆయన భార్య ప్రభుత్వ ఆసుపత్రిలోనే ప్రసవించడం విశేషం.
News July 3, 2024
12 వరకు నేను బడికి పోతా కార్యక్రమం
నెల్లూరు జిల్లాలో బడి బయట పిల్లలను గుర్తించేందుకు గతనెల 13వ తేదీన ‘నేను బడికి పోతా’ కార్యక్రమాన్ని ప్రారంభించారు. దీనిని ఈనెల 12వ తేదీ వరకు నిర్వహిస్తామని సమగ్ర శిక్ష ఏపీసీ ఉషారాణి తెలిపారు. ఆమె మాట్లాడుతూ.. విద్య ప్రాముఖ్యతను తల్లిదండ్రులకు తెలియజేసి వారి పిల్లలను బడిలో చేర్పించేలా చర్యలు తీసుకుంటున్నామన్నారు.
News July 3, 2024
నెల్లూరులో డాక్టర్ మృతికి కారణం ఇదే..!
నెల్లూరు మెడికల్ కాలేజీలో డాక్టర్ జ్యోతి(38) <<13549146>>ఆత్మహత్య <<>>కేసులో కొత్త విషయాలు వెలుగు చూస్తున్నాయి. సీఐ ఆల్తాఫ్ హుస్సేన్ వివరాల మేరకు.. నల్గొండకు చెందిన ఆమెకు నెల్లూరుకు చెందిన రవితో 2014లో వివాహమైంది. 2018 నుంచి ఆమె మరొకరితో సన్నిహితంగా ఉంటోంది. 3 నెలల నుంచి అతను జ్యోతిని దూరం పెట్టాడు. మానసిక ఒత్తిడిలో ఉన్న ఆమె.. సోమవారం మధ్యాహ్నం అతడి కాల్ వచ్చిన తర్వాతే బిల్డింగ్ పైనుంచి దూకి సూసైడ్ చేసుకుంది.
News July 3, 2024
జగన్ నెల్లూరు పర్యటన షెడ్యూల్ ఇదే..!
నెల్లూరు సెంట్రల్ జైలులో ఉన్న మాచర్ల మాజీ MLA పిన్నెల్లిని పరామర్శించడానికి జగన్ రానున్న విషయం తెలిసిందే. ఆయన పర్యటన షెడ్యూల్‌ను మాజీ మంత్రి కాకాణి వెల్లడించారు. ఉదయం 9.40 గంటలకు జగన్ తాడేపల్లి నుంచి హెలికాప్టర్‌లో బయల్దేరుతారు. 10.30 గంటలకు నెల్లూరు పోలీసు పరేడ్ మైదానానికి చేరుకుంటారు. రోడ్డు మార్గాన జైలుకు వెళ్లి.. తిరిగి 12 గంటలకు పోలీసు పరేడ్ మైదానానికి చేరుకుని తాడేపల్లికి వెళ్తారు.
News July 3, 2024
నెల్లూరు: బస్సులో రూ.80 లక్షల చోరీ
బస్సులోనే మత్తు పెట్టి భారీగా నగదు చోరీ చేసిన ఘటన నెల్లూరు జిల్లాలో జరిగింది. విజయవాడ నుంచి ఇద్దరు వ్యాపారులు రూ.80 లక్షలతో బెంగళూరుకు బయల్దేరారు. కావలి సమీపంలోని మద్దూరుపాడు దాబా వద్ద భోజనానికి ఆపారు. ఇందులో ఒకరు దాబాలో తిని మరొకరికి పార్శిల్ తీసుకు రావడానికి వెళ్లారు. బస్సులో ఉన్న దొంగలు అతడికి మత్తు పెట్టి అతని వద్ద ఉన్న రూ.80 లక్షల డబ్బు సంచి తీసుకుని రోడ్డు దాటుకుని మరొక వాహనంలో పరారయ్యారు.
News July 3, 2024
APSPDCL యాప్, వెబ్సైట్ ద్వారా విద్యుత్ బిల్లులు చెల్లించండి
నెల్లూరు జిల్లాలోని విద్యుత్ వినియోగదారులు ఏపీఎస్పీడీసీఎల్ యాప్ లేదా వెబ్సైట్ ద్వారానే ఆన్లైన్లో విద్యుత్ బిల్లులు చెల్లించాలని ఎస్‌ఈ వి విజయన్ తెలిపారు. రిజర్వ్ బ్యాంక్ ఆఫ్ ఇండియా మార్గదర్శకాల మేరకు ఇకపై వినియోగదారులు వివిధ రకాల యూపీఐ పేమెంట్లు ద్వారా నేరుగా బిల్లులు చెల్లించకూడదన్నారు. యాప్ లేదా వెబ్సైట్ ఓపెన్ చేసి తద్వారా లింక్ చేయబడిన యూపీఐ ద్వారానే బిల్లులు చెల్లించాలన్నారు.
News July 2, 2024
నాడు గూడూరు సబ్ కలెక్టర్.. నేడు నెల్లూరు కలెక్టర్
ఇవాళ నెల్లూరు కలెక్టర్ గా నియమితులైన ఓ.ఆనంద్ గతంలో ఉమ్మడి నెల్లూరు జిల్లా గూడూరు సబ్ కలెక్టర్ గా పనిచేశారు. 2018 వ సంవత్సరం నుంచి సుమారు ఒకటిన్నర సంవత్సరం గూడూరు సబ్ కలెక్టర్ గా పనిచేశారు. ఈయన పనిచేసిన కాలంలో గూడూరు రెవెన్యూ డివిజన్ పరిధిలో ఎన్నో భూ సమస్యలకు పరిష్కారం చూపినట్లు గూడూరు ప్రజలు గుర్తు చేసుకున్నారు. గూడూరు సబ్ కలెక్టర్.. నెల్లూరు కలెక్టర్ గా రావడం సంతోషంగా ఉందని ప్రజలు అంటున్నారు.
News July 2, 2024
నెల్లూరు: R&B అధికారులకు మంత్రి ఆదేశాలు
ఆత్మకూరులో R&B అతిథి భవనాలను రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణరెడ్డి మంగళవారం సందర్శించారు. భవనాలు అసంపూర్తిగా ఉండడంతో అవసరమైన వసతులను పూర్తిస్థాయిలో ఏర్పాటు చేయాలని అధికారులకు ఆదేశాలు ఇచ్చారు. మంత్రి వెంట మాజీ ఎమ్మెల్యే కొమ్మి లక్ష్మయ్య నాయుడు, టీడీపీ నాయకులు గిరునాయుడు తదితరులు ఉన్నారు.
Featured News
Sorry, no posts matched your criteria.