India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News June 6, 2024
వేమిరెడ్డి ప్రభాకర్ రెడ్డికి కేంద్ర మంత్రి పదవి.?
నెల్లూరు TDP ఎంపీగా భారీ మెజార్టీ (2,45,902)తో గెలిచిన వేమిరెడ్డి ప్రభాకర్ రెడ్డికి కేంద్ర కేబినెట్‌లో చోటు దక్కించుకునే అవకాశం ఉంది. ప్రముఖ వ్యాపారవేత్తగా ఉన్న వేమిరెడ్డి కేంద్ర మంత్రి అయితే, రాష్ట్రానికి కంపెనీలు తీసుకుని వస్తారని ఆ పార్టీ నేతలు అంటున్నారు. నెల్లూరు జిల్లాలో టీడీపీ అన్నీ స్థానాలు గెలవడానికి కూడా ఆయన కృషి ఉంది.
News June 6, 2024
నెల్లూరు: రికార్డు తిరగరాసిన ఎమ్మెల్యే
సూళ్లూరుపేట ఎమ్మెల్యేగా గెలిచిన నెలవల విజయశ్రీ రికార్డు సృష్టించారు. సూళ్లూరుపేట నియోజకవర్గంలో ఇప్పటి వరకు ఓ మహిళ ఎమ్మెల్యేగా గెలిచింది లేదు. ఈ ఎన్నికల్లో కిలివేటి సంజీవయ్యపై 29115 ఓట్ల మెజారిటీతో గెలిచి ఆ రికార్డును నెలవల విజయశ్రీ తిరగరాశారు. అయితే సూళ్లూరుపేటలో 1962 నుంచి 2024 వరకు ఎన్నికలు జరిగగా..1983లో మైలరీ లక్ష్మీకాంతమ్మ, 2009లో విన్నమాల సరస్వతి కాంగ్రెస్ తరఫున పోటీ చేసి ఓడి పోయారు.
News June 6, 2024
నెల్లూరు: మంత్రి పదవి ఎవరికి.. జోరుగా ప్రచారం
నెల్లూరు జిల్లాలో టీడీపీ పదికి పది స్థానాలు దక్కించుకుంది. అయితే మంత్రి పదవి ఎవరిని వరిస్తుందో అని ప్రజలు చర్చించుకుంటున్నారు. సోషల్ మీడియాలో పలువురి పేర్లు చక్కర్లు కొడుతున్నాయి. విద్యాశాఖ మంత్రిగా నారాయణ, ఇరిగేషన్ మంత్రిగా ఆనం, వ్యవసాయ మంత్రిగా సోమిరెడ్డి పేర్లు జోరుగా ప్రచారం జరుగుతున్నాయి. అయితే మంత్రి పదవి ఎవరిని వరిస్తుందో కొద్ది రోజులు వేచి చూడాల్సిందే..!
News June 6, 2024
చంద్రబాబుతో ఎంపీ వేమిరెడ్డి భేటీ
రాష్ట్రవ్యాప్తంగా ఎన్నికల్లో విజయం సాధించిన ఎంపీలతో టీడీపీ అధినేత నారా చంద్రబాబు నాయుడు ప్రత్యేకంగా సమావేశం అయ్యారు. ఈ సమావేశంలో నెల్లూరు ఎంపీగా ఘన విజయం సాధించిన వేమిరెడ్డి ప్రభాకర్‌రెడ్డి పాల్గొన్నారు. వివిధ అంశాలపై చంద్రబాబుతో ప్రత్యేకంగా చర్చించారు. ఎన్నికల్లో గెలుపొందిన వారికి బాబు ప్రత్యేక అభినందనలు తెలియజేశారు. ఈ భేటీలో టీడీపీ రాష్ట్ర అధ్యక్షుడు కింజారపు అచ్చెన్నాయుడు తదితరులు పాల్గొన్నారు.
News June 6, 2024
సర్వేపల్లిలో 40 ఏళ్ల చరిత్ర తిరగరాశారు..!
40 ఏళ్లుగా టీడీపీకి అందని సర్వేపల్లి నియోజకవర్గంలో ఎట్టకేలకు టీడీపీ జెండా ఎగిరింది. నాలుగు సార్లు ఓడిపోయినప్పటికీ..అలుపెరుగకుండా శ్రమించి సోమిరెడ్డి విజయకేతనం ఎగరవేశారు. 2004,2009,2014,2019లో పోటీ చేసినా సొంత మండలం తోటపల్లిగూడూరులో కూడా ఆధిక్యం చాటలేకపోయాడు. అయితే తాజాగా వెలువడిన 2024ఎన్నికల ఫలితాలలో 16,228 ఓట్ల మెజార్టీతో వైసీపీ అభ్యర్థి కాకాణి గోవర్ధన్ రెడ్డిపై విజయం సాధించారు.
News June 6, 2024
నెల్లూరు రాజకీయాల్లో ఆనం సరికొత్త రికార్డ్
నెల్లూరు జిల్లా రాజకీయ చరిత్రలో ఆనం రామనారాయణ రెడ్డి రికార్డు సృష్టించారు.1983 నుంచి ఇప్పటివరకు 10సార్లు MLAగా పోటి చేసినా ఒకే నియోజకవర్గం నుంచి చేయలేదు. 4 నియోజకవర్గాల నుంచి పోటీ చేసి పలుమార్లు విజయం సాధించారు. 2019లో వైసీపీ నుంచి పోటీ చేసి వెంగటగిరి MLAగా గెలిచి టీడీపీలో చేరారు. తాజాగా ఆయన ఆత్మకూరు నుంచి పోటీచేసి వైసీపీ అభ్యర్థి మేకపాటి విక్రమ్ రెడ్డిపై 7576 ఓట్ల మెజార్టీతో విజయం సాధించారు.
News June 6, 2024
నెల్లూరు: 30 ఏళ్ల తర్వాత ఇక్కడ TDP గెలిచింది..!
రాష్ట్ర చరిత్రలోనే రికార్డు విజయం సాధించిన టీడీపీ, కందుకూరు నియోజకవర్గంలోని గుడ్లూరు మండలంలో కూడా వైసీపీ కంచుకోటను బద్దలుకొట్టింది. 30ఏళ్లుగా వైసీపీ హవా ఇక్కడ కొనసాగినప్పటికీ తాజాగా జరిగిన ఎన్నికలలో టీడీపీ జెండా ఎగరవేసింది. ఇక్కడ వైసీపీ అభ్యర్థి మధుసూదన్ రావుపై టీడీపీ అభ్యర్థి ఇంటూరి నాగేశ్వర రావు 18,558 ఓట్ల ఆధిక్యంతో గెలుపొందారు.
News June 6, 2024
నెల్లూరు: 30,948 మెజార్టీ వచ్చింది.. అనే మొక్కలు నాటుతా: కావ్య
కావలి అభివృద్ధికి కట్టుబడి ఉన్నానని, అభివృద్ధి చేసి చూపుతానని కావలి ఎమ్మెల్యే కావ్య కృష్ణారెడ్డి తెలిపారు. బుధవారం కావలి పట్టణం ముసునూరులోని టీడీపీ కార్యాలయంలో సమావేశం నిర్వహించారు. లోకల్ మ్యానిఫెస్టోలో పొందుపరిచిన ప్రతి హామీని నెరవేరుస్తానని తెలిపారు. నాకు వచ్చిన మెజారిటీ 30,948 కాబట్టి అన్ని మొక్కలు నాటుతానని తెలిపారు.
News June 5, 2024
నుడా ఛైర్మన్ పదవికి ముక్కాల రాజీనామా
నెల్లూరు అర్బన్ డెవలప్మెంట్ అథారిటీ ఛైర్మన్ పదవికి ముక్కాల ద్వారకనాథ్ రాజీనామా చేస్తున్నట్లు ప్రకటించారు. ఆ రాజీనామా లేఖను శాఖ స్పెషల్ సెక్రటరీకి పంపించారు. రాష్ట్రంలో తెలుగుదేశం పార్టీ గెలిచిన తర్వాత త్వరలో ప్రభుత్వాన్ని ఏర్పాటు చేస్తుండడంతో వైసీపీ తరఫున నామినేటెడ్ పోస్టులో కొనసాగుతున్న అందరూ ఒక్కొక్కరుగా రాజీనామా చేస్తూ ఆయా లేఖలను ఆయా శాఖ అధికారులకు పంపిస్తున్నారు.
News June 5, 2024
నారా లోకేశ్‌ను కలిసిన పనబాక దంపతులు
టీడీపీ విజయం సాధించిన సందర్భంగా మంగళగిరిలోని టీడీపీ జాతీయ కార్యాలయంలో టీడీపీ జాతీయ ప్రధాన కార్యదర్శి నారా లోకేశ్‌ను కేంద్ర మాజీ మంత్రి, టీడీపీ జాతీయ ప్రధాన కార్యదర్శి పనబాక లక్ష్మి, పనబాక కృష్ణయ్య దంపతులు మర్యాద పూర్వకంగా కలిశారు. లోకేశ్‌ను శాలువా కప్పి పుష్ప గుచ్చం అందజేసి శుభాకాంక్షలు తెలియజేశారు. అనంతరం పలు విషయాలు లోకేశ్‌తో చర్చించారు.
Featured News
Sorry, no posts matched your criteria.