India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News July 9, 2024
వెంకటాచలంలో పర్యటించిన కలెక్టర్
నెల్లూరు జిల్లా వెంకటాచలం మండలం వడ్డిపాలెం అంగన్వాడీ కేంద్రాన్ని మంగళవారం కలెక్టర్ ఓ ఆనంద్ పరిశీలించారు. అంగన్వాడీ కేంద్రాల్లో పిల్లలకు అందిస్తున్న ఆహారాన్ని స్వయంగా రుచి చూసి పరిశీలించారు. విద్యార్థుల హాజరు, రిజిస్టర్లు, ఇతర వివరాలను పరిశీలించారు. అంగన్వాడీ కేంద్రం పని తీరుపై సంతృప్తి వ్యక్తం చేశారు.
News July 9, 2024
రేపు ఆత్మకూరులో వైసీపీ ఆత్మీయ సమావేశం
ఆత్మకూరులోని శ్రీధర్ గార్డెన్స్ లో బుధవారం ఉదయం 10.30 గంటలకు వైసీపీ కార్యకర్తల ఆత్మీయ సమావేశం నిర్వహించనున్నారు. ఈ కార్యక్రమంలో మాజీ మంత్రి కాకాణి గోవర్ధన్ రెడ్డి, జిల్లా వైసీపీ అధ్యక్షుడు, ఎమ్మెల్సీ పర్వత రెడ్డి చంద్రశేఖర్ రెడ్డితో పాటు పలువురు మాజీ ఎమ్మెల్యేలు, వైసీపీ ముఖ్య నేతలు హాజరుకానున్నారు. అన్ని మండలాల నాయకులు, కార్యకర్తలు పాల్గొనాలని మేకపాటి కార్యాలయ ప్రతినిధులు కోరారు.
News July 9, 2024
నెల్లూరు మీదుగా వెళ్లే పది రైళ్లు రద్దు
నెల్లూరుజిల్లా మీదుగా వెళ్లే 10 రైళ్లను ఈ నెల 15-30 తేదీల మధ్య రద్దు చేస్తున్నట్లు దక్షిణమధ్య రైల్వే విజయవాడ పీఆర్‌ఓ మడృప్కర్ తెలిపారు. విజయవాడ- GDR మధ్య మూడో రైల్వేలైన ఇంటర్ లాకింగ్ పనులు జరుగుతున్న నేపథ్యంలో ఈ నిర్ణయం తీసుకున్నామన్నారు. GDR- విజయవాడ మధ్య నడిచే రైళ్లు రద్దు కాగా.. ఎర్నాకులం-హౌరా, సత్రగంచి-తాంబరం, హౌరా-బెంగళూరు, మధురై- నినిజాముద్దీన్ రైళ్లను దారి మళ్లించినట్లు పేర్కొన్నారు.
News July 9, 2024
విషయ పరిజ్ఞానం లేని వ్యక్తి సోమిరెడ్డి: కాకాణి
వ్యక్తిగత దూషణలు తప్ప, విషయ పరిజ్ఞానం లేని వ్యక్తి సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి అని మాజీ మంత్రి కాకాని గోవర్ధన్ రెడ్డి విమర్శించారు. నెల్లూరు నగరంలో డైకస్ రోడ్డు లోని తన క్యాంపు కార్యాలయంలో సోమవారం ఆయన మాట్లాడుతూ.. ఇది రాష్ట్రాల ముఖ్యమంత్రుల భేటీపై మీడియాలో, వార్తల్లో అనేక కథనాలు వస్తున్నాయి. వాటిపై మంత్రులు ప్రజలకు స్పష్టత ఇస్తే, బాగుంటుందని కోరామన్నారు.
News July 9, 2024
నెల్లూరు: వ్యక్తి ప్రాణాలు కాపాడిన హెల్మెట్
హెల్మెట్ వ్యక్తి ప్రాణాలు కాపాడిన ఘటన నెల్లూరులో జరిగింది. పోలీసుల కథనం మేరకు.. వెంకటాచలం(M) నిడిగుంటపాలెంకు చెందిన సుబమ్మ(58), భర్త ప్రసాద్ సోమవారం విడవలూరు(M) వావిళ్ల నుంచి బైక్‌పై వెంకటాచలం బయలుదేరారు. నెల్లూరు సమీపంలోని ప్రశాంత్ నగర్ కూడలి హైవే వద్దకు రాగానే వెనుక నుంచి టిప్పర్ బైక్‌ను ఢీకొంది. ఈ ఘటనలో సుబ్బమ్మ అక్కడికక్కడే మృతి చెందగా, భర్త హెల్మెట్ ధరించడంతో స్పల్పగాయాలతో బయటపడ్డారు.
News July 9, 2024
నెల్లూరు: బస్సు డ్రైవర్‌కి మూర్ఛ.. ఐదు కార్లను ఢీకొన్న స్కూల్ బస్సు
నెల్లూరులో రోడ్డు ప్రమాదం జరిగింది. నెల్లూరు నగరంలోని అయ్యప్పగుడి నుంచి మినీ బైపాస్‌కు ఫ్లైఓవర్ మీదుగా ఓ పాఠశాల బస్సు వెళ్తోంది. ఫ్లైఓవర్ దిగగానే బస్సు డ్రైవరుకు మూర్ఛ వచ్చింది. ఈక్రమంలో అదుపుతప్పి రోడ్డు పక్కన పార్కింగ్ చేసిన ఐదు కార్లను వెనువెంటనే ఢీకొంది. బస్సులో ఉన్న ఓ మహిళ కిందపడిపోయారు. స్థానికులు డ్రైవరును ఆసుపత్రికి తరలించారు. దెబ్బతిన్న కార్లలోనూ ఎవరూ లేకపోవడంతో పెద్ద ప్రమాదమే తప్పింది.
News July 9, 2024
రొట్టెల పండుగకు ఏర్పాట్లు చేయండి: నెల్లూరు కలెక్టర్
బారా షాహిద్ దర్గా రొట్టెల పండుగకు అన్ని ఏర్పాట్లు పూర్తి చేయాలని సంబంధిత శాఖల అధికారులను జిల్లా కలెక్టర్ ఆనంద్ ఆదేశించారు. సోమవారం కలెక్టరేట్‌లోని తిక్కన ప్రాంగణంలో రొట్టెల పండుగ ఏర్పాట్లపై సమీక్ష నిర్వహించారు. ఈ కార్యక్రమంలో నెల్లూరు మున్సిపల్ కమీషనర్ వికాస్ మర్మత్‌తో పాటు వివిధ శాఖల అధికారుల పాల్గొన్నారు.
News July 8, 2024
ప్రజా సమస్యలపై నిర్లక్ష్యం వద్దు: నెల్లూరు కలెక్టర్
నెల్లూరు కలెక్టరేట్‌లోని తిక్కన ప్రాంగణంలో సోమవారం ప్రజా సమస్యల పరిష్కార వేదికను నిర్వహించారు. కలెక్టర్ ఆనంద్ ఈ కార్యక్రమంలో పాల్గొని ప్రజల నుంచి వినతులను స్వీకరించారు. ఆయన మాట్లాడుతూ.. ప్రజలకు అవసరమైన సేవలు అందించేందుకు చర్యలు తీసుకోవాలని అధికారులను ఆదేశించారు. ప్రజా సమస్యల పట్ల నిర్లక్ష్యం వద్దని సూచించారు. ఈ కార్యక్రమంలో ఆయా శాఖల అధికారులు పాల్గొన్నారు.
News July 8, 2024
నారా లోకేశ్‌తో నెల్లూరు రూరల్ ఎమ్మెల్యే కోటంరెడ్డి భేటీ
టీడీపీ జాతీయ ప్రధాన కార్యదర్శి, ఐటి శాఖ మంత్రి నారా లోకేశ్‌తో నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి సోమవారం అమరావతిలో మర్యాదపూర్వకంగా భేటీ అయ్యారు. కోటంరెడ్డిని నారా లోకేశ్ ఆప్యాయంగా పలకరించారు. నెల్లూరు రూరల్ నియోజకవర్గం అభివృద్ధి పనులకు సంబంధించి పలు అంశాలను కోటంరెడ్డి ఆయన దృష్టికి తీసుకువెళ్లారు.
News July 8, 2024
వైఎస్ఆర్‌తో ఉన్న జ్ఞాపకాలను గుర్తు చేసుకున్న కాటంరెడ్డి
దివంగత ముఖ్యమంత్రి వైఎస్ రాజశేఖర్ రెడ్డి 75వ జయంతి సందర్భంగా మాజీ ఎమ్మెల్యే కాటంరెడ్డి విష్ణువర్ధన్ రెడ్డి ఆయనతో ఉన్న జ్ఞాపకాలను సోషల్ మీడియా వేదికగా పంచుకున్నారు. వైఎస్సార్‌తో కలిసి ఉన్న ఓ ఫోటోను షేర్ చేస్తూ మహానేత వైఎస్ రాజశేఖర్ రెడ్డికి ఇవే మా ఘన నివాళులంటూ ఆయన పేర్కొన్నారు.
Featured News
Sorry, no posts matched your criteria.