India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News April 25, 2024
ఉదయగిరి ఎమ్మెల్యే అభ్యర్థిగా వృద్ధుడు నామినేషన్
ఉదయగిరి అసెంబ్లీ స్వతంత్ర అభ్యర్థిగా అత్యంత సామాన్యుడు, 73 ఏళ్ల వృద్ధుడు తన నామినేషన్ పత్రాలను ఎన్నికల రిటర్నింగ్ అధికారి రాజా రమేశ్‌ ప్రేమ్ కుమార్‌కు అందజేశారు. ఆయన వింజమూరు మండలం నల్గొండ గ్రామానికి చెందిన వ్యక్తి. నియోజకవర్గంలోని అన్ని మండల ప్రధాన కేంద్రాలు వద్ద రెవిన్యూ సమస్యల గురించి చేతిలో మైకు పట్టుకుని స్వచ్ఛందంగా మాట్లాడుతూ అందరికీ సుపరిచితమైన వ్యక్తిగా గుర్తింపు ఉంది.
News April 25, 2024
వాకర్స్ తో కలిసి విజయసాయి రెడ్డి ప్రచారం
నెల్లూరు నగరంలోని ఆర్ఎస్ఆర్ స్కూలు మైదానం, ఏసీ సుబ్బారెడ్డి పార్కుల్లో గురువారం ఉదయం వైసీపీ ఎంపీ అభ్యర్థి వేణుంబాక విజయసాయి రెడ్డి ఎన్నికల ప్రచారం నిర్వహించారు. ప్రజారోగ్యం, పారిశుధ్యంపై ప్రత్యేక దృష్టి పెట్టి నెల్లూరును క్లీన్ అండ్ గ్రీన్ సిటీగా తీర్చిదిద్దడమే తన లక్ష్యమని తెలిపారు.
News April 25, 2024
నెల్లూరు: భారీగా మద్యం, నగదు స్వాధీనం
ఎన్నికల నేపథ్యంలో పోలీసు, సెబ్ అధికారులు బుధవారం భారీగా మద్యం, నగదు స్వాధీనం చేసుకున్నారు. బాలాజీనగర్ పోలీసు స్టేషన్ పరిధిలో రూ.2 లక్షలు, సంతపేటలో రూ.92వేలు, కోవూరు రూ.2 లక్షలు, కావలి పట్టణం రూ. 5 లక్షలు, సంగం రూ.1.67 లక్షలు స్వాధీనం చేసుకున్నారు. దగదర్తిలో 42 మద్యం సీసాలు, సైదాపురంలో 10, బిట్రగుంటలో 35, కృష్ణపట్నం పోర్టులో 21, జలదంకిలో 8, కలిగిరిలో 11, మద్యం బాటిళ్లను స్వాధీనం చేసుకున్నారు.
News April 25, 2024
నెల్లూరు: వాటర్ కోసం కంట్రోల్ రూమ్ ఏర్పాటు
నెల్లూరు జిల్లాలో తాగు నీటి సమస్యలు పరిష్కరించేందుకు కంట్రోల్ రూమ్ ఏర్పాటు చేసినట్లు కలెక్టర్ హరి నారాయణన్ ఒక ప్రకటనలో తెలిపారు. నెల్లూరులోని జడ్పీ కార్యాలయంలో ఏర్పాటు చేసిన ఫోన్ నంబరు 91001 21702 ను సంప్రదించాలని సూచించారు. జిల్లాలోని మున్సిపాలిటీలు, గ్రామ పంచాయతీలు, గ్రామాల్లోని ప్రజలు సద్వినియోగం చేసుకోవాలని ఆయన కోరారు.
News April 25, 2024
మాజీ మంత్రి సోమిరెడ్డిపై 17 కేసులు
మాజీ మంత్రి సోమిరెడ్డి చంద్రమోహన్ రెడ్డి కుటుంబ ఆస్తుల విలువ రూ.11.03 కోట్లుగా అఫిడవిట్‌లో పేర్కొన్నారు. సోమిరెడ్డి పేరున రూ.62 లక్షలు చర, రూ.9.18 స్థిరాస్తులు ఉన్నట్లు తెలిపారు. ఆయన భార్య జ్యోతి పేరున రూ.1.22 కోట్ల చరాస్తులు ఉన్నాయి. సోమిరెడ్డిపై మొత్తం 17 కేసులు ఉన్నట్లు అఫిడవిట్‌లో పేర్కొన్నారు.
News April 25, 2024
నెల్లూరు: ఆ రోజు వేతనంతో కూడిన సెలవు
ఎన్నికల నేపథ్యంలో మే 13న ప్రభుత్వ ఆదేశాల మేరకు అన్ని వ్యాపార, వాణిజ్య, పారిశ్రామిక సంస్థలు, దుకాణాల్లో పనిచేసే అర్హులైన రోజు వారి, సాధారణ, షిఫ్టుల వారి కార్మికులు ఓటు వినియోగించుకోవడానికి వేతనంతో కూడిన సెలవు మంజూరు చేయనున్నారు. ఈ మేరకు కార్మిక ఉప కమిషనర్ వెంకటేశ్వర రావు ఓ ప్రకటనలో తెలిపారు. ఎవరైనా యజమానులు నిబంధనలు ఉల్లంఘిస్తే జరిమానా, చట్టపరమైన శిక్షలు ఉంటాయని హెచ్చరించారు.
News April 25, 2024
నెల్లూరు: 47 మంది నామినేషన్ల దాఖలు
నెల్లూరు జిల్లాలో సార్వత్రిక ఎన్నికల నామినేషన్ల ప్రక్రియలో ఆరోరోజు బుధవారం పలు రాజకీయ పార్టీల అభ్యర్థులు, ఇండిపెండెంట్ అభ్యర్థులు నామినేషన్ పత్రాలను దాఖలు చేశారు. జిల్లా వ్యాప్తంగా అసెంబ్లీకి 41 మంది అభ్యర్థులు 48 సెట్లు, నెల్లూరు పార్లమెంటు నియోజకవర్గానికి ఆరుగురు అభ్యర్థులు 7 సెట్ల నామినేషన్ పత్రాలను రిటర్నింగ్ అధికారులకు అందజేశారు.
News April 25, 2024
కావలి: సచివాలయ ఉద్యోగి సస్పెండ్
కావలి పట్టణం బుడంగుంటలోని 15వ వార్డు సచివాలయ అడ్మిన్ పెంచల బాబుపై సస్పెన్షన్ వేటు పడింది. ఈ మేరకు మున్సిపల్ కమిషనర్ శ్రావణ్ కుమార్ ఉత్తర్వులు జారీ చేశారు. 4 రోజుల క్రితం బుడంగుంట సచివాలయంలో మద్యం సీసాలు పట్టుబడ్డాయి. సచివాలయ తాళాలు ఉండే సదరు ఉద్యోగిని ఇందుకు బాధ్యుడిగా చేస్తూ సస్పెండ్ చేశారు. విచారణ ముగిసి తదుపరి నిర్ణయం తీసుకునే వరకు ఇది కొనసాగుతుందని కమిషనర్ తెలిపారు.
News April 25, 2024
ఆత్మకూరు: మాజీ ఎంపీ మేకపాటిపై కేసు నమోదు
మాజీ ఎంపీ మేకపాటి రాజమోహన్ రెడ్డిపై ఎన్నికల నియమావళి అతిక్రమణ కేసు నమోదైంది. ఈ కేసును ఈ నెల 22న నమోదు చేయగా… ఆలస్యంగా వెలుగులోకి వచ్చింది. ఈ నెల 17న మర్రిపాడు మండలం అల్లంపాడులో రచ్చబండ జరిగింది. ఈ కార్యక్రమంలో మేకపాటి ఆత్మకూరు ఛైర్ పర్సన్ గోపారం వెంకట రమణమ్మపై ఎన్నికల నియమావళిని అతిక్రమించి.. అనుచిత వ్యాఖ్యలు చేసినట్లుగా కేసు నమోదైంది.
News April 25, 2024
నెల్లూరు: మే 2 నుంచి ఓటరు సమాచార స్లిప్పులు
మే నెల 2 నుంచి 8వ తేదీ వరకు ఓటరు సమాచార స్లిప్పులు పంపిణీ చేయనున్నట్లు కలెక్టర్ హరి నారాయణన్ తెలిపారు. ఇందుకు సంబంధించి నగర పాలక సంస్థలోని కమాండ్ కంట్రోల్ సెంటరులో నోడల్ అధికారులు, ఆర్వోలతో కాన్ఫరెన్స్ ద్వారా సమావేశాన్ని నిర్వహించారు. సమావేశంలో శిక్షణ కలెక్టర్ సంజనా సింహా, డీఆర్వో లవన్న తదితరులు పాల్గొన్నారు.
Featured News
Sorry, no posts matched your criteria.