India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News April 25, 2024
కావలి సమీపంలో ఘోర రోడ్డు ప్రమాదం.. ముగ్గురు మృతి
కావలి ముసునూరు టోల్ ప్లాజా దగ్గర ఘోర రోడ్డు ప్రమాదం చోటు చేసుకుంది. లారీని క్రాస్ చేయబోయి ముందు వెళ్తున్న మరో లారీని కారు ఢీకొంది. ఈ ఘటనలో ముగ్గురు మృతి చెందగా.. మరో ఇద్దరి పరిస్థితి విషమంగా ఉండడంతో మెరుగైన చికిత్స కోసం నెల్లూరుకి తరలించారు. చెన్నై నుంచి కొయ్యలగూడెంకు వెళ్తుండగా ఈప్రమాదం జరిగింది. మృతులు పశ్చిమగోదావరి జిల్లా కొయ్యలగూడెంకు చెందిన జ్యోతి కళ్యాణి, రాజీ, కుమార్‌లుగా గుర్తించారు.
News April 24, 2024
నెల్లూరు: బాలికపై అత్యాచారయత్నం
నెల్లూరు జిల్లా అల్లూరు మండల పరిధిలోని ఓ పాఠశాలలో దారుణం జరిగింది. ఫొటో తీసుకోవాలంటూ ఓ పీఈటీ టీచర్ పదో తరగతి పాసైన బాలికను పాఠశాలకు పిలిపించాడు. ఆ తర్వాత విద్యార్థినిపై అత్యాచారం చేయబోయాడు. ఆమె భయంతో ఇంటికి పరుగులు తీసింది. తల్లిదండ్రులు ఆరా తీయగా అసలు విషయం వెలుగు చూసింది. సదరు టీచర్‌కి స్థానిక యువకులు దేహశుద్ధి చేసి పోలీసులకు అప్పజెప్పారు.
NOTE: బాధితురాలి వివరాలు తెలిసేలా వివరాలు ఇవ్వడం నేరం
News April 24, 2024
విజయసాయిరెడ్డిపై 21 కేసులు
➤ నియోజకవర్గం: నెల్లూరు ఎంపీ
➤ అభ్యర్థి విజయసాయి రెడ్డి(VSR)
➤ VSR ఆస్తి: రూ.66.73 కోట్లు
➤ భార్య ఆస్తి: రూ.13.99 కోట్లు
➤ అప్పులు: రూ.10.34 లక్షలు,
➤ భార్య అప్పులు రూ.22.84 లక్షలు
➤ వాహనాలు: ఒకే కారు
➤ బంగారం: 1456 గ్రాములు
➤ డైమండ్లు: 345.07 క్యారెట్లు
NOTE: తనపై సీబీఐతో పాటు మొత్తం 21 కేసులు ఉన్నట్లు ఎన్నికల అఫిడవిట్‌లో ఆయన పేర్కొన్నారు.
News April 24, 2024
మేకపాటి ఫ్యామిలీ ఆస్తి: రూ.209.92 కోట్లు
➤ఆత్మకూరు: మేకపాటి విక్రమ్ రెడ్డి (YCP)
➤ విక్రమ్ ఆస్తి: రూ.191.33 కోట్లు
➤ భార్య వైష్ణవి ఆస్తి: రూ.17.82 కోట్లు
➤ అప్పులు: రూ.32.64 కోట్లు
➤ విక్రమ్ క్రెడిట్ కార్డ్ బిల్లు: రూ.3 లక్షలు,
➤ భార్య క్రెడిట్ కార్డు రూ.7.50 లక్షలు
➤ వాహనాలు, బంగారం: లేదు
➤ కేసులు: 8
NOTE: నెల్లూరుతో పాటు హైదరాబాద్‌లో కమర్షియల్ స్థలాలు, భవనాలు ఉన్నట్లు ఎన్నికల అఫిడవిట్‌లో పేర్కొన్నారు.
News April 24, 2024
ఆదాలకు కార్లు లేవట..!
➤ నెల్లూరు రూరల్: ఆదాల ప్రభాకర్ రెడ్డి (YCP)
➤ ఆదాల స్థిరాస్తి: రూ.41.11 కోట్లు
➤ భార్య వింధ్యావళి స్థిరాస్తి: రూ.85.46 కోట్లు
➤ ఆదాల చరాస్తి: 136.66 కోట్లు
➤ వింధ్యావళి చరాస్తి: 48.70 కోట్లు
➤ మొత్తం ఆస్తి: రూ.312 కోట్లు
➤ మొత్తం అప్పులు: రూ.15.64 కోట్లు
➤ బంగారం: 9.65 కేజీలు
➤ వాహనాలు: ఏమీ లేవు
NOTE: ఎన్నికల అఫిడవిట్ వివరాలు ఇవి.
News April 24, 2024
నెల్లూరు ఎంపీ అభ్యర్థిగా విజయసాయిరెడ్డి నామినేషన్
నెల్లూరు ఎంపీ వైసీపీ అభ్యర్థిగా వేణుంబాక విజయసాయిరెడ్డి నామినేషన్ దాఖలు చేశారు. కలెక్టరేట్‌లో రిటర్నింగ్ అధికారి హరినారాయణ్‌కు నామినేషన్ అందించారు. విజయసాయిరెడ్డి వెంట రాజ్యసభ సభ్యుడు బీద మస్తాన్ రావు, న్యాయవాది మలిరెడ్డి శ్రీనివాసులు రెడ్డి తదితరులు ఉన్నారు.
News April 24, 2024
విజయబాబుకు సోమిరెడ్డి నివాళి
దివంగత ఎంపీ మాగుంట సుబ్బరామిరెడ్డి, పార్వతమ్మల కుమారుడు మాగుంట విజయబాబు మరణం బాధాకరమని మాజీ మంత్రి సోమిరెడ్డి చంద్రమోహన్ రెడ్డి అన్నారు. నెల్లూరు మాగుంట లేఅవుట్ లోని వారి నివాసంలో విజయబాబు భౌతిక కాయానికి సోమిరెడ్డి నివాళులర్పించారు. ఒంగోలు ఎంపీ శ్రీనివాసులు రెడ్డితో పాటు కుటుంబసభ్యులను సోమిరెడ్డి పరామర్శించారు.
News April 24, 2024
నారా లోకేశ్ సమక్షంలో టీడీపీలో చేరిన చిరంజీవి
నెల్లూరు జిల్లాకు చెందిన ఏపీ రాష్ట్ర పోలీస్ హౌసింగ్ కార్పొరేషన్ ఛైర్మన్ మెట్టుకూరి చిరంజీవి రెడ్డి టీడీపీ తీర్థం పుచ్చుకున్నారు. అమరావతిలో టీడీపీ జాతీయ ప్రధాన కార్యకర్శి నారా లోకేశ్ సమక్షంలో టీడీపీలో చేరి కండువా కప్పుకున్నారు. ఉదయగిరి ఎమ్మెల్యే అభ్యర్థి కాకర్ల సురేశ్ చర్చలు ఫలించినట్లు సమాచారం. కాకర్ల సురేశ్ సోదరుడు సునీల్ ఆధ్వర్యంలో టీడీపీలో చేరారు.
News April 24, 2024
నెల్లూరు: ఆ ఎమ్మెల్యే అభ్యర్థి ఆస్తుల విలువ రూ. 22 లక్షలు
నెల్లూరు నగర నియోజకవర్గ వైసీపీ ఎమ్మెల్యే అభ్యర్థి ఎం.డీ ఖలీల్ అహ్మద్ కుటుంబం ఆస్తుల విలువ రూ. 22.18 లక్షలు ఉన్నట్లు ఆయన తన ఎన్నికల అఫిడవిట్ లో పేర్కొన్నారు. ఖలీల్ పేరుపై రూ.16.25 లక్షలు, ఆయన సతీమణి పేరుపై రూ. 4.26 లక్షలు, కుమారుడి పేరున రూ. 1.67 లక్షల చరాస్తులు ఉన్నట్లు చూపించారు. అప్పులు, కేసులు లేవు.
News April 24, 2024
నెల్లూరు: రాష్ట్ర పోలీస్ హౌసింగ్ కార్పొరేషన్ ఛైర్మన్ రాజీనామా
ఆంధ్రప్రదేశ్ రాష్ట్ర పోలీస్ హౌసింగ్ కార్పొరేషన్ ఛైర్మన్ మెట్టుకూరి చిరంజీవి రెడ్డి తన పదవికి రాజీనామా చేశారు. వ్యక్తిగత కారణాలు దృష్ట్యా రాజీనామా చేస్తున్నట్లు ఆయన రాజీనామా లేఖలో పేర్కొన్నారు. వైసీపీ ప్రాథమిక సభ్యత్వానికి కూడా రాజీనామా చేస్తున్నట్లు తెలిపారు.
Featured News
Sorry, no posts matched your criteria.