India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News November 28, 2024
Dy.CM పవన్ ఇచ్చిన విందుకు హాజరైన ఎంపీ వేమిరెడ్డి
రాష్ట్ర డిప్యూటీ సీఎం పవన్ కళ్యాణ్ ఏర్పాటు చేసిన విందులో నెల్లూరు MP వేమిరెడ్డి ప్రభాకర్ రెడ్డి పాల్గొన్నారు. తెలుగు రాష్ట్రాల ఎంపీలకు పవన్ బుధవారం రాత్రి ఢిల్లీలో ప్రత్యేక డిన్నర్ ఏర్పాటు చేశారు. ఈ విందులో పవన్ ఆహ్వానం మేరకు ఎంపీ పాల్గొన్నారు.
News November 27, 2024
పెళ్లకూరు: కరెంట్ షాక్‌తో పొలంలోనే ప్రాణాలు విడిచిన రైతు
భూమాతను నమ్ముకున్న ఓ కర్షకుడు పొలంలోనే ప్రాణాలను విడిచిన ఘటన పెళ్లకూరు మండలంలో ఇవాళ జరిగింది. పిన్నెపల్లెకు చెందిన రమణయ్య (58) పొలం దుక్కుతున్న సమయంలో కరెంటు వైర్లు ట్రాక్టర్ సైలెన్సర్‌కు తగిలాయి. దీంతో ఆ రైతు అక్కడికక్కడే మరణించాడు. కేసు నమోదు చేసుకున్న SI నాగరాజు మృతదేహాన్ని నాయుడుపేట ప్రభుత్వాసుపత్రికి తరలించారు. విద్యుత్ శాఖ నిర్లక్ష్యానికి రైతు మృతి చెందాడని బంధువులు ఆరోపిస్తున్నారు.
News November 27, 2024
అలర్ట్.. కృష్ణపట్నం పోర్టుకు ఒకటో నంబర్ ప్రమాద హెచ్చరిక
బంగాళాఖాతంలో ఏర్పడిన తీవ్ర వాయుగుండం ఇవాళ తుఫానుగా రూపాంతరం చెందుతుందని వాతావరణ శాఖ తెలిపింది. దీని ప్రభావంతో నెల్లూరు జిల్లాలో భారీ నుంచి అతి భారీ వర్షాలు పడే సూచనలున్నాయని పేర్కొంది. గరిష్ఠంగా గంటకు 75KM వేగంతో గాలులు వీస్తాయని హెచ్చరించింది. కృష్ణపట్నం పోర్టుకు ఒకటో నంబర్ ప్రమాద హెచ్చరిక జారీ చేసింది. మత్స్యకారులు వేటకు వెళ్లవద్దని సూచించింది.
News November 27, 2024
నెల్లూరు: తుఫాను ఎఫెక్ట్.. కలెక్టర్ కీలక సూచన
బంగాళాఖాతంలో ఏర్పడిన అల్పపీడన ప్రభావంతో తిరుపతి కలెక్టర్ వెంకటేశ్వర్ అధికారులకు కీలక సూచన చేశారు. అధికారులు ఎప్పటికప్పుడు ఆయా ప్రాంతాల్లోని సమచారాన్ని RDO కార్యాలయాల్లోని కంట్రోల్ రూంకు లేదా కలెక్టరేట్‌‌కు తెలియజేయాలన్నారు. కంట్రోల్ రూం నంబర్లు తిరుపతి కలెక్టరేట్ 0877-2236007 గూడూరు RDO ఆఫీసు 08624-252807, సూళ్లూరుపేట RDO ఆఫీసు 08623-295345ను సంప్రదించాలన్నారు.
News November 27, 2024
నెల్లూరు: హిజ్రాల లీడర్ దారుణ హత్య
నెల్లూరు జిల్లా కొడవలూరు మండలం టపాతోపులో దారుణం జరిగింది. నెల్లూరు హిజ్రాల లీడర్ హాసిని పార్లపల్లిలోని గుడిలో నిన్న రాత్రి పూజలు చేశారు. తిరిగి వస్తుండగా గుర్తు తెలియని వ్యక్తులు రెండు కారుల్లో వచ్చి కత్తులతో పొడిచి పరారయ్యారు. 108లో అపోలో ఆస్పత్రికి తరలించగా అప్పటికే మరణించారని వైద్యులు తెలిపారు. పోలీసులు కేసు నమోదు చేసి దర్యాప్తు చేస్తున్నారు.
News November 27, 2024
నెల్లూరు మెడికల్ కాలేజీకి కొత్తగా 9 పీజీ మెడికల్ సీట్లు
నెల్లూరులోని ఏసీ సుబ్బారెడ్డి ప్రభుత్వ మెడికల్ కాలేజీకి 9 పీజీ సీట్లను కేంద్ర వైద్యారోగ్య శాఖ కేటాయించింది. 2024- 25 సంవత్సరానికి గాను ఆర్థోపెడిక్, జనరల్ సర్జన్ విభాగాల్లో ఈ సీట్లను పెంచుతూ ఉత్తర్వులు జారీ చేసింది. ఈ మేరకు నెల్లూరు మెడికల్ కళాశాలకు సమాచారం అందించింది. ఎంపీ వేమిరెడ్డి ప్రభాకర్ రెడ్డి కృషి వల్లే ఇది సాధ్యమైనందని టీడీపీ నేతలు హర్షం వ్యక్తం చేస్తున్నారు.
News November 26, 2024
గోల్డెన్ అవర్‌ను మిస్ చేసుకోకండి: నెల్లూరు SP
సైబర్ మోసానికి గురైతే గోల్డెన్ అవర్‌ను మిస్ చేసుకోవద్దని ఎస్పీ కృష్ణకాంత్ మంగళవారం ఒక ప్రకటనలో సూచించారు. ఒక వ్యక్తి అకౌంట్ నుంచి డబ్బు మాయమైన గంటలోపు ఉండే సమయాన్ని గోల్డెన్ అవర్ అంటారన్నారు. ఆ సమయంలో ఫిర్యాదు చేస్తే డబ్బులు ఫ్రీజ్ చేసేందుకు అవకాశం ఉంటుందన్నారు. దీంతో బాధితుడికి డబ్బులు తిరిగి రావడానికి ఎక్కువ ఆస్కారం ఉంటుందని తెలిపారు. సైబర్ మోసానికి గురైతే వెంటనే 1930 నంబరుకు ఫోన్ చేయాలన్నారు.
News November 26, 2024
రాజ్యాంగంతోనే భారతదేశానికి ఖ్యాతి: జాయింట్ కలెక్టర్
నెల్లూరు కలెక్టరేట్‌లోని ఎస్.ఆర్ శంకరన్ హాల్లో ఇవాళ నిర్వహించిన రాజ్యంగ దినోత్సవం కార్యక్రమంలో జాయింట్ కలెక్టర్ కార్తీక్ పాల్గొన్నారు. ఆయన మాట్లాడుతూ.. ప్రపంచంలో అతిపెద్ద ప్రజాస్వామ్య దేశంగా భారతదేశం నిలబడిందంటే దానికి కారణం భారత రాజ్యాంగమేనని అన్నారు. ప్రతిఒక్కరూ కూడా రాజ్యాంగ స్ఫూర్తితో దేశ అభివృద్ధికి తమ వంతు కృషి చేయాలని జాయింట్ కలెక్టర్ కార్తీక్ పిలుపునిచ్చారు.
News November 26, 2024
నెల్లూరు: పోలీసులను ఆశ్రయించిన ప్రేమ జంట
ప్రేమ వివాహం చేసుకుని రక్షణ కల్పించాలని నూతన వధూవరులు ఆదివారం ఉదయగిరి సర్కిల్ ఇన్స్పెక్టర్‌ను ఆశ్రయించారు. దుత్తలూరు మండలం నాయుడుపల్లి పంచాయతీలోని ఎస్సీ కాలనీకి చెందిన నల్లి పోగు షాలినీ(19), అదే ఎస్సీ కాలనీకి చెందిన మున్నంగి జాషువా (26) ఈ ఇద్దరు నాలుగు సంవత్సరాలుగా ప్రేమించుకున్నారు. ఇద్దరి కులాలు ఒకటే కావడంతో పెద్దలు అంగీకరించరని తెలిసి వివాహం చేసుకున్నారు. పోలీసులు దర్యాప్తు చేస్తున్నారు.
News November 26, 2024
శ్రీహరికోట: రెండు రాకెట్ ప్రయోగాలకు ఇస్రో సిద్ధం
భారత అంతరిక్ష పరిశోధన సంస్థ ఇస్రో వరుస విజయాలతో దూసుకుపోతున్న సంగతి తెలిసిందే. వచ్చే నెల ఇస్రో రెండు రాకెట్ ప్రయోగాలను చేపట్టనుంది. డిసెంబర్ 4న పీఎస్ఎల్వీ సీ59, డిసెంబర్ 24న పీఎస్ఎల్వీ సీ60 రాకెట్లను ప్రయోగించడానికి సిద్ధమవుతోంది. శ్రీహరికోట షార్ లోని ప్రయోగ వేదికకు సంబంధించిన మొబైల్ సర్వీస్ టవర్, ఇంటిగ్రేషన్ బిల్డింగ్‌లో రాకెట్ అనుసంధానం పనులు జరుగుతున్నాయి.
Featured News
Sorry, no posts matched your criteria.