India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News September 28, 2024
కురసాల, పినిపే, భరత్‌కు YCP కీలక బాధ్యతలు
వైసీపీ అధ్యక్షుడు జగన్ ఆదేశాల మేరకు ఉమ్మడి తూ.గో.జిల్లాలో వివిధ హోదాల్లో పార్టీ నాయకులను నియమిస్తూ పార్టీ తాడేపల్లి కేంద్ర కార్యాలయం శుక్రవారం ఆదేశాలు జారీ చేసింది. కాకినాడ పార్టీ జిల్లా అధ్యక్షుడిగా కురసాల కన్నబాబు, కోనసీమ పార్టీ జిల్లా అధ్యక్షుడిగా పినిపే విశ్వరూప్‌ను నియమించారు. పార్టీ రాష్ట్ర అధికార ప్రతినిధిగా మార్గాని భరత్ రామ్‌ను నియమిస్తూ ఆదేశాలు జారీ చేశారు.
News September 28, 2024
అధికారులకు కర్నూలు కలెక్టర్ కీలక ఆదేశాలు
ఓటర్ల జాబితా సవరణలో ఎన్నికల కమిషన్ గైడ్‌లైన్స్ కచ్చితంగా పాటించాలని కలెక్టర్ రంజిత్ బాషా ఈఆర్ఓలను ఆదేశించారు. శుక్రవారం కలెక్టరేట్ కాన్ఫరెన్స్ హాలులో స్పెషల్ సమ్మరీ రివిజన్‌పై సమావేశం నిర్వహించారు. ఆగస్టు 20 నుంచి అక్టోబర్ 18వ తేది వరకు ప్రీ రివిజన్ కార్యక్రమాలు జరుగుతాయన్నారు. ఈఆర్ఓలు, ఏఈఆర్ఓలు, రాజకీయ పార్టీల ప్రతినిధులు పాల్గొన్నారు.
News September 27, 2024
గుంటూరులో రోడ్డు పక్కన మహిళ మృతదేహం
గుంటూరులో రోడ్డు పక్కన ఓ మహిళ మృతదేహం లభ్యమైంది. కొత్తపేట పోలీసులు తెలిపిన వివరాల ప్రకారం.. రైల్‌పేటకు చెందిన మారెళ్ల రేవతి(52) అనారోగ్యంతో రోడ్డున మృతి చెంది పడి ఉంది. స్థానికులు గమనించి కొత్తపేట పోలీసులకు సమాచారం ఇచ్చారు. వెంటనే ఘటనాస్థలికి చేరుకున్న పోలీసులు సదరు మహిళ మృతదేహాన్ని గుంటూరు GGH మార్చురీకి తరలించారు. ఆమె వివరాలు తెలిసినవారు పోలీస్ స్టేషన్‌లో సంప్రదించాల్సిందిగా పోలీసులు కోరారు.
News September 27, 2024
ప్రమాదాల నివారణకు చర్యలు తీసుకోండి: కలెక్టర్
అనంతపురం జిల్లాలో ప్రమాదాల నివారణకు చర్యలు తీసుకోవాలని కలెక్టర్ వినోద్ కుమార్ అధికారులను ఆదేశించారు. కలెక్టరేట్లోని మినీ మీటింగ్ హాలులో ఎస్పీ జగదీశ్‌తో కలిసి రహదారుల భద్రత కమిటీ సమావేశాన్ని నిర్వహించారు. సమావేశంలో ప్రమాదాల నివారణకు చేపట్టాల్సిన చర్యలు గురించి పలు సూచనలు చేశారు. అదే విధంగా పోలీసుల కూడా అవగాహన సదస్సులు నిర్వహించాలన్నారు.
News September 27, 2024
SVU: M.Tech ఫలితాలు విడుదల
తిరుపతి శ్రీ వేంకటేశ్వర యూనివర్సిటీ పరిధిలో ఈ ఏడాది ఫిబ్రవరి నెలలో M.Tech (CBCS) 3వ సెమిస్టర్ పరీక్షలు జరిగాయి. ఈ ఫలితాలు శుక్రవారం విడుదలైనట్లు యూనివర్సిటీ పరీక్షల విభాగ నియంత్రణ అధికారి దామ్లా నాయక్ పేర్కొన్నారు. ఫలితాలను www.manabadi.co.in వెబ్‌సైట్ ద్వారా తెలుసుకోవచ్చని సూచించారు.
News September 27, 2024
ప.గో: ఉద్యోగినికి వేధింపులు.. ముగ్గురిపై కేసు
ప.గో జిల్లా తణుకు SCIM డిగ్రీ కాలేజ్‌లో ఉద్యోగిపై లైంగిక వేధింపులకు పాల్పడి, కులం పేరిట దూషించిన ప్రిన్సిపల్ పి.అనిల్‌కుమార్‌, సూపరింటెండెంట్‌ రాజేశ్, సీనియర్ అసిస్టెంట్‌ పార్వతిపై ఎస్సీ, ఎస్టీ అట్రాసిటీ కేసు నమోదు చేసినట్లు SI చంద్రశేఖర్‌ తెలిపారు. అటు.. బాధితురాలి కుటుంబీకులు ప్రిన్సిపల్ ఆఫీస్‌కు వచ్చి దౌర్జన్యం చేశారని ఇన్‌ఛార్జి ప్రిన్సిపల్ ఇచ్చిన ఫిర్యాదు మేరకు మరో కేసు నమోదు చేశామన్నారు.
News September 27, 2024
జిల్లాస్థాయి వాలీబాల్ పోటీలకు విద్యార్థుల ఎంపిక
ధర్మవరం నియోజకవర్గ పరిధిలో నిర్వహించిన అండర్-14 స్కూల్ గేమ్స్ పోటీల్లో జిల్లాస్థాయి వాలీబాల్ పోటీలకు బత్తలపల్లి విద్యార్థులు ఏక్నాథ్, అవినాశ్, ఆకాశ్ ఏంపికయ్యారు. విద్యార్థులు మంచి ప్రతిభను కనబరిచి రాష్ట్రస్థాయి పోటీలకు ఎంపిక కావాలని జెడ్పీహెచ్ స్కూల్, ప్రైవేటు స్కూల్ ఉపాధ్యాయులు, పీఈటీలు ఆకాంక్షించారు.
News September 27, 2024
కృష్ణా: సప్లిమెంటరీ పరీక్షల టైం టేబుల్ విడుదల
ఆచార్య నాగార్జున వర్శిటీ పరిధిలోని కాలేజీలలో బీ-ఫార్మసీ కోర్సు చదివే విద్యార్థులు రాయాల్సిన 1, 3, 5వ సెమిస్టర్ థియరీ పరీక్షల(సప్లిమెంటరీ) టైం టేబుల్ విడుదలైంది. అక్టోబర్ 16 నుండి 30 మధ్య నిర్ణీత తేదీలలో మధ్యాహ్నం 2 నుంచి సాయంత్రం 5 గంటల వరకు ఈ పరీక్షలు నిర్వహిస్తామని ANU పరీక్షల విభాగం తెలిపింది. సబ్జెక్టు వారీగా పరీక్షల టైం టేబుల్ వివరాలకై https://www.nagarjunauniversity.ac.in/ చూడవచ్చంది.
News September 27, 2024
జాతీయ ఉత్తమ ఆధ్యాత్మిక పర్యాటక కేంద్రంగా అహోబిలం
జాతీయ ఉత్తమ ఆధ్యాత్మిక పర్యాటక కేంద్రంగా అహోబిలం ఎంపికైంది. ప్రపంచం పర్యాటక దినోత్సవం సందర్బంగా నేడు ఢిల్లీ విజ్ఞాన్ భవన్‌లో జరిగిన కార్యక్రమంలో ఉపరాష్ట్రపతి జగదీప్ ధన్కర్, కేంద్ర పర్యాటక, సాంస్కృతిక శాఖ మంత్రి గజేంద్ర సింగ్ షేకావత్ చేతుల మీదుగా అవార్డును నంద్యాల ఇంటాచ్ చాప్టర్ కన్వీనర్ శివ కుమార్ రెడ్డి, ఏపీ పర్యాటక, సాంస్కృతిక శాఖాధికారి లంజ్వంతి నాయుడు కలిసి అందుకున్నారు.
News September 27, 2024
శ్రీకాకుళం: ఎస్పీని కలిసిన ఎక్సైజ్ డిప్యూటీ కమిషనర్
శ్రీకాకుళం జిల్లా ఎస్పీ శ్రీ కె.వి.మహేశ్వర రెడ్డిని, శుక్రవారం సాయంత్రం జిల్లా పోలీసు కార్యాలయంలో జిల్లా.ప్రోహిబిషన్ అండ్ ఎక్సైజ్ విభాగం డిప్యూటీ కమిషనర్ డి.శ్రీకాంత్ రెడ్డి మర్యాద పూర్వకంగా కలిసి పుష్పగుచ్ఛాన్ని అందజేశారు. ఈ సందర్భంగా కమిషనర్‌ను విధి నిర్వహణలో బాధ్యతగా నిర్వర్తించాలని ఆయన కోరారు. అనంతరం పలు ముఖ్యమైన అంశాలపై ఇరువురు అధికారులు చర్చించారు.
Featured News
Sorry, no posts matched your criteria.