India's largestHyperlocal short
news App
Get daily news updates that are tailored for you based on your preferred language & location.
download Way2News app now
Andhra Pradesh
News June 23, 2024
అద్దంకిలో 33 మందిపై కేసు నమోదు
అద్దంకి మండలంలో శనివారం 33 మందిపై కేసులు నమోదు చేసినట్లు పోలీసులు తెలిపారు. తిమ్మాయపాలెం పొలాల్లో కొందరు శుక్రవారం రాత్రి మద్యం తాగుతుండగా ప్రత్యర్థి వర్గీయులు వారిపై కర్రలు, రాడ్లతో దాడిచేసి గాయపరిచారు. క్షతగాత్రుడు ఎం.శివకృష్ణ ఫిర్యాదు మేరకు 33 మందిపై హత్యాయత్నం కేసు నమోదు చేసినట్లు ఎస్సై వెల్లడించారు. పాతకక్షల నేపథ్యంలోనే ఈ దాడి జరిగినట్లు పోలీసులు భావిస్తున్నారు.
News June 23, 2024
వైసీపీ ఆఫీసు కూల్చివేత దుర్మార్గం: ధర్మాన
తాడేపల్లిలో నిర్మాణంలో ఉన్న వైసీపీ రాష్ట్ర కార్యాలయాన్ని కూల్చడం దుర్మార్గమైన చర్య అని ఆపార్టీ శ్రీకాకుళం జిల్లా అధ్యక్షుడు ధర్మాన కృష్ణదాస్ అన్నారు. ‘ఇది ముమ్మాటికీ కక్షపూరిత చర్య. ఉదయాన్నే భారీ పోలీసు బందోబస్తుతో ఆఫీసు కూల్చడం సరికాదు. ఈ కేసు కోర్టులో ఉన్నప్పటికీ ఇలా చేయడం ఏంటి? చట్టాన్ని అతిక్రమించకండి’ అని సీఆర్డీఏ అధికారులకు ఆయన సూచించారు.
News June 23, 2024
రికార్డు సృష్టించిన కర్నూలు కలెక్టర్ సృజన
ఎన్టీఆర్ జిల్లా క‌లెక్ట‌ర్‌గా బదిలీ అయిన కర్నూలు జిల్లా కలెక్టర్ డా.జీ.సృజన కర్నూలు జిల్లా తొలి మహిళా క‌లెక్ట‌ర్‌గా రికార్డు సృష్టించారు. కర్నూలు జిల్లా ఆవిర్భావం నుంచి ఇక్క‌డ మ‌గ‌వారే క‌లెక్ట‌ర్ల‌గా నియ‌మితుల‌వుతూ వ‌స్తున్నారు. ఇప్పటివరకు 54 మంది కలెక్టర్లుగా పని చేయగా, అందరూ పురుషులే. 2013 ఐఏఎస్‌ బ్యాచ్‌కు చెందిన గుమ్మ‌ళ్ల సృజన తొలి మహిళా క‌లెక్ట‌ర్‌గా సేవలందించారు.
News June 23, 2024
కృష్ణా: డిప్యూటీ స్పీకర్‌గా మండలి బుద్ధప్రసాద్..?
అసెంబ్లీ డిప్యూటీ స్పీకర్‌గా ఎవరిని నియమించాలన్న దానిపై కసరత్తు నడుస్తోంది. అయితే ఈ పదవిని జనసేన తీసుకునే విషయమై చర్చలు సాగుతున్నాయని ఆ పార్టీ అధినేత పవన్ తెలిపారు. అదే జరిగిదే అవనిగడ్డ MLA మండలి బుద్ధప్రసాద్‌కు కేటాయిస్తారని టాక్. రెండు రోజుల్లో ఈ అంశంపై క్లారిటీ రానున్నట్లు సమాచారం.
News June 23, 2024
హైదరాబాద్‌లో నెల్లూరు యువకుడి అరెస్ట్
నెల్లూరుకు చెందిన వెంకట సాయిచరణ్ ఉద్యోగ రీత్యా బెంగళూరులో ఉంటున్నాడు. జల్సాలకు అలవాటుపడి డ్రగ్స్ సరఫరా చేయడం ప్రారంభించాడు. చిన్నచిన్న ప్యాకెట్లు చేసి బస్సుల్లో హైదరాబాద్, నెల్లూరు, విజయవాడ, విశాఖ, రాజమండ్రి తదితర ప్రాంతాలకు పంపేవాడు. ఈ క్రమంలో స్వయంగా హైదరాబాద్ వచ్చి డ్రగ్స్ విక్రయిస్తుండగా మాదాపూర్ పోలీసులు అరెస్ట్ చేశారు.
News June 23, 2024
భార్యాభర్తకు తిరుపతి పోలీసుల వేధింపులు..?
పోలీసులు తమను వేధిస్తున్నారని భార్యాభర్త వాపోయారు. మదనపల్లెకు చెందిన నితిన్, హిమజ గతంలో దొంగతనాలు చేశారు. తెలిసో తెలియక తప్పు చేశామని.. ఇప్పుడు తాము మంచిగా బతుకుతున్నామని చెప్పారు. కానీ చేయని నేరాలని ఒప్పుకోవాలంటూ తిరుపతి, కర్ణాటక పోలీసులు వేధిస్తున్నారని వాపోయారు. సమయం, సందర్భం లేకుండా తమను తీసుకెళ్లి గోళ్లు పీకడం, సిగరెట్లతో కాల్చి చిత్రహింసలకు గురిచేస్తున్నారని ఆరోపించారు.
News June 23, 2024
నేటితో ముగియనున్న ఐటీఐ కౌన్సిలింగ్
శ్రీకాకుళం జిల్లాలోని ప్రభుత్వ, ప్రైవేటు ఐటీఐలో సీట్ల భర్తీకి నిర్వహిస్తున్న కౌన్సిలింగ్ ప్రక్రియ ఆదివారంతో ముగియనుంది. ఐదో రోజు శనివారం 432 మంది విద్యార్థులను పిలవగా 211 మంది హాజరయ్యారు. వారిలో 98 మందికి వివిధ కళాశాలలో సీట్లు లభించింది. ఆఖరి రోజు 2,306 ర్యాంకు నుంచి 2,470 ర్యాంకు వరకు కౌన్సిలింగ్ నిర్వహిస్తున్నామన్నారు.
News June 23, 2024
ప.గో.: డిప్యూటీ స్పీకర్‌గా బొలిశెట్టి శ్రీనివాస్..?
అసెంబ్లీ డిప్యూటీ స్పీకర్‌గా ఎవరిని నియమించాలన్న దానిపై కసరత్తు నడుస్తోంది. అయితే ఈ పదవిని జనసేన తీసుకునే విషయమై చర్చలు సాగుతున్నాయని ఆ పార్టీ అధినేత పవన్ తెలిపారు. అదే జరిగిదే తాడేపల్లిగూడెం MLA బొలిశెట్టి శ్రీనివాస్‌కు కేటాయిస్తారని టాక్. రెండు రోజుల్లో ఈ అంశంపై క్లారిటీ రానున్నట్లు సమాచారం.
News June 23, 2024
డిప్యూటీ స్పీకర్‌గా లోకం నాగ మాధవి?
ఏపీ డిప్యూటీ స్పీకర్‌గా నెల్లిమర్ల నియోజకవర్గ జనసేన పార్టీ ఎమ్మెల్యే లోకం నాగ మాధవి పేరును ఆ పార్టీ అధిష్ఠానం పరిశీలిస్తున్నట్లు తెలుస్తోంది. ఈమెతో పాటు ఆ పార్టీ ఎమ్మెల్యేలు బొలిశెట్టి శ్రీనివాస్, బుద్ధ ప్రసాద్ పేర్లు కూడా పరిశీలనలో ఉన్నాయి. డిప్యూటీ స్పీకర్ పదవి తీసుకునే అంశంపై ఇంకా చర్చలు కొనసాగుతున్నాయని పవన్ ఇప్పటికే ప్రకటించిన సంగతి తెలిసిందే. రెండు రోజుల్లో స్పష్టత రానున్నట్లు సమాచారం.
News June 23, 2024
విశాఖ మన్యంలో మిస్టరీ మరణాలు..!
అల్లూరి జిల్లాలో ఇద్దరి మరణాలు మిస్టరీగా మారాయి. పెదబయలు మండలం చుట్టుమెట్టలో కాఫీతోటలకు వెళ్లిన ఓ మహిళ అపస్మారకస్థితిలోకి చేరుకుంది. దీంతో ఆమె సోదరుడు భూత వైద్యుడు సహదేవ్ వద్దకు తీసుకెళ్లాడు. వైద్యం చేస్తుండుగా.. మహిళ చెయ్యి పట్టుకున్న ఆమె తమ్ముడు త్రినాథ్, భూత వైద్యుడు సహదేవ్ ప్రాణాలు క్షణాల్లో గాలిలో కలిసిపోయాయి. ఆ మహిళ కొంతసేపటికి తేరుకుంది. ఈనెల 19న జరిగిన ఘటన ఆలస్యంగా బయటకు వచ్చింది.
Featured News
Sorry, no posts matched your criteria.